الإتحاد يتنزع أغلى البطولات السعودية ويجرع الهلال المر أمام جماهيره

[عدنان السقاف]

http://kooora.tv/i.aspx?i=news_3%2fkoo_hamaz.jpg

قائد الإتحاد حمزة ادريس يتسلم كاس البطولة من ولي العهد



نيابة عن خادم الحرمين الشريفين الملك عبدالله بن عبدالعزيز آل سعود توج ولي العهد السعودي الأمير سلطان بن عبدالعزيز آل سعود نادي الإتحاد من جد ه بطلاً لكاس دوري خادم الحرمين الشريفين للعام 2006-2007 بعد فوزه على الهلال بهدفين مقابل هدف على استاد الملك فهد الدولي بالرياض في ليلة تاريخية وملحمة كروية حملت طابع المباريات النهائية الأكثر إثارة وسط كرنفال في غاية الروعة والجمال بقيادة حكم الساحة الهولندي جان جي ويجيريف . سجل للإتحاد مدافعيه اسامه المولد د(75) وحمد المنتشري (94) كما سجل للهلال عمر الغامدي د (25) .

بدا مدرب الإتحاد البلجيكي ديمتري بخطته المعتادة 4/5/1 وتشكيل مكون من تيسير آل نتيف ( حارس ) حمد المنتشري (دفاع) أسامة المولد ( دفاع ) رضا تكر ( دفاع ) صالح الصقري ( دفاع ) سعود كريري ( وسط ) إبراهيم السويد ( وسط ) سلطان النمري (وسط) محمد نور (وسط) البرازيلي فاجنر ( وسط) الغيني الحسن كيتا ( هجوم ) .

فيما دخل مدرب الهلال البرازيلي باكيتا بخطة 4/4/2 وتشكيل مكون من محمد الدعيع ( حارس ) البرازيلي تفاريس ( دفاع ) فهد المفرج ( دفاع ) خالد العنقري ( دفاع ) عبدالعزيز الخثران ( دفاع ) عمر الغامدي ( وسط ) خالد عزيز ( وسط ) طارق التائب ( وسط ) عبداللطيف الغنام ( وسط ) البرازيلي ريدريقاو الفين ( هجوم ) ياسر القحطاني ( هجوم ) .

بداية الشوط الأول جاءت حذره من الفريقين وتحفظ واضح على ملامح المدربين حتى جاءت الدقيقة (25) لتحمل بطياتها الفرح والسعادة للجمهور الهلالي الذي ملأ الملعب بعد قذيفة أرسلها لاعب الوسط الهلالي عمر الغامدي لا تصد ولا ترد عانقت شباك الحارس الاتحادي تيسير آل نتيف بعدها تحرك الاتحاديين كثيرا بغية إدراك التعادل وسنحت لهم أهم فرصتين الأولى طوح بها قائد الفريق محمد نور فوق العارضة الهلالية والأخرى مرت من أمام مهاجم الفريق الحسن كيتا في الدقيقة الأخيرة من الشوط الأول حتى أطلق حكم اللقاء صافرة نهاية الحصة الأولى بإحتسبابه وقت بدل ضائع دقيقتين لينتهي الشوط الأول بتقدم الهلال بهدف الغامدي .

بين الشوطين أجرى مدرب الإتحاد تغييره الأول بإخراج اللاعب الشاب سلطان النمري وأدخل المخضرم المهاجم حمزة أدريس حتى يشكل ضغط هجومي افضل من الشوط الأول وامتلك الإتحاد زمام مجريات الشوط الثاني .. في المقابل أجرى مدرب الهلال باكيتا تغييره الأول بإخراجه للبرازيلي ريدريقاو الفين ودخول فهد المبارك بدلاً منه .. حتى جاءت الدقيقة (73) بمثابة الصاعقة على راس باكيتا لإصابة مهاجمه الفريق ياسر القحطاني مما اضطر باكيتا لإستبداله بالمهاجم الشاب محمد العنبر .. لكن فشل الهلاليون في السيطرة على الملعب جعل الإتحاد يكثف ضغطه ومع الدقيقة (75) جاء الفرج الإتحادي بأقدام مدافعه المتألق اسامة المولد بعدما تهيأت له الكرة خلف مدافعي الهلال سددها ارضية زاحفة سكنت شباك الدعيع معلنة هدف التعادل لتعود المباراة لنقطة البداية .. بعد هدف المولد اهتز الأداء الهلالي كثيرا وسنحت للهجوم الإتحادي أكثر من فرصة كان قائد الفريق محمد نور خلف كل الكرات الإتحادية الخطرة .. ومع الدقيقة الأخيرة من زمن الوقت بدل الضائع شهدت إطلاق رصاصة الرحمة من قبل مدافع الإتحاد حمد المنتشري بعدما ارتقى براسة لكرة عرضية هزت شباك الدعيع في زمن قاتل ... بعدها بلحظات اعلن الحكم نهاية اللقاء .

ويسدل الستار على اغلى البطولات السعودية بتتويج نادي الإتحاد بطلاً لكاس خادم الحرمين الشريفين ( الدوري السعودي ) في آخر نسخة له من المربع الذهبي بعد قرار الغائه اعتباراً من الموسم القادم ...


http://kooora.tv/i.aspx?i=news_3%2fkoo_itt2_2007.jpg
نجم الفريق الإتحادي محمد نور يحتفل بالكاس مع الجماهير


http://kooora.tv/i.aspx?i=news_3%2fkoo_osama2007.jpg
الهدف الإتحادي الأول يعانق شباك الدعيع بتوقيع اسامه المولد


http://kooora.tv/i.aspx?i=news_3%2fkoo_itt2007.jpg
لاعبي الإتحاد يحتفلوا مع الجماهير



ألف ألف ألف مبروك لعشاق العميد وهاردلك للهلال

المصدر
http://www.kooora.com/default.aspx?showarticle=22439&obj=0

[أبو جوري]

اهلين


ألف ألف مبروك للعميد,,
المباراه فاز بها الأجدر..
الاتحاد قدم كل شي..
والهلال يلعب بخطه (( تعال هاجمني))
خسر الهلال بسبب باكيتا..
وفاز الاتحاد بجدارة بمستوى لاعبيه وبمساعدة باكيتا..


ألف مبروك لجماهير الاتي

[8 zauri]

مبروك للاتحاد و الهلال شرف السلام على سمو ولي العهد

[Laziale Prince]

مشكور ياغالي بس ياريت لو مانقلت الموضوع لو كتبت كلمتين عن المبارة كان يكفي

مبرووووك للعميد الي قدم مبارة رائعة وسيطر على المبارة
هدف اسامة المولد رووووعة

احلى وداع لحمزة ويستاهل الكاس

اسوأ وداع لسامي

[ALEX 10]

مشكور على الموضوع

والاتحاد ما فاز بسبب قوة لاعبيه .. بل فاز بسبب غباء باكيتا وهبوط مستوى الهلال

وغير كده معذبكم الشلهوب ما لعب

وبعدين هدف ماركو فان باستن حقكم هذا اسامة المولد .. ما افهم كورة اذا ما كان "مدمّبش"

وربي مدّمبش الفريق كلو وخاصة اسامة المولد هذا .. اللي لو كان فيه خير كان ما اتوقف من حقارته وسوء سلوكه وقلة ادبه .. وغير كده كان لعب مع منتخبه ولو حتى في تصفيات

الموضوع مفبرك ومدمّبش والله لو انو مالك معاذ والا ياسر القحطاني اللي شات الكورة ما كان جابها بهذي الطريقة

لا وازيد الطينة بله كمان .. اولا فهد المفرج يجلي ويفوت الكورة بشكل غير طبيعي وحمزه ادريس يجلي ويفوت الكورة و عبدالعزيز الخثران يجلي ويفوت الكورة وهو لوحده حاااااااجة غريبة لا ومحمد الدعيع العارضة تسانده هو كمان جلّأ ودخلت كوبري ؟.؟. ايش تسميه هذا ؟؟؟؟؟؟؟؟؟؟؟ احتراف ؟؟؟

وغير كده الاتحاد من بداية الشوط الاول مفروض يلعب بـ 10 لاعبين .. ومفروض بلنتيين للهلال
واحد كان لمسة يد متعمدة من رضا تكر لمن عرف انو وراه تفاريس وكان يستحق الطرد لسوء سلوكه

وثانيا هجمة ياسر القحطاني والبلنتي واضح .. لكن لو كانت للإتحاد وعلى الهلال كانو فضحو الدنيا

لكن مساكين عمرهم ما فازو علينا من زمان نفسهم يفوزو مافي مانع نخليهم يفوزو المساكين

وبعدين ايش الحكمة انو يلعب اسامة المولد "المدمّبش" في مركز ما اتعود عليه ؟؟؟؟؟؟؟؟؟؟؟؟
الموضوع وراااااااااااااااااااااااااااه شئ .... وغير كده اسامة المولد ولا كأنو لعب 90 دقيقة شغال يجري في الملعب كأنو لاعب دخل الشوط الثاني وكل مباراة يلعبها المولد والاتحاد يفوز فيها لااااااازم الاهداف تيجي في الدقايق الاخيرة

يا ناس خلاص تعبنا .. والله الاتحادية مع احترامي لهم شوّهو و خرّبو وأهانو الكرة السعودية !!

فين نودي وجهنا من قضية المولد لمن رفس "ضرب" المصور ؟؟؟ واتوقف عليها وجالو العفو !!
وفين نودي وجهنا في قضية التزوير الشهيرة حق محمد نور ؟؟؟؟
وفين نودي كلام رئيس نادي الهلال مع احترامي له لرئيس نادي الوحدة ؟؟
وفين نودي سفاهة كلام محمد نور وامثاله من فريقه الا من رحم الله وخاصة الشاب المهذب محمد امين .. !!!
وفين نودي وجهنا من قضية حسن خليفة لمن ضرب حسين عبدالغني ؟؟؟
بالله تسموهم فريق هذا .. الاتحاد اسوء فريق شفته .. رافعين نفسهم السما ومسويين يعرفو يلعبو وانهم هم الافضل والاحسن

وكلها من هالفلوس اللي بياخذوها .. كبرت راسهم وصارت السفاهة لازمة ف ألسنتهم ..

والله لو الاتحاد يمحى من الدوري السعودي .. الدوري السعودي حيشرف الدول العربية بأخلاقهم و بروحهم و بلعبهم واحترامهم

لكن خلاص ايش نسوي .. لكن ربنا يمهل ولا يهمل وان شاء الله تظهر الحقيقة

تحياتي للجميع وآسف على بعض الكلمات ويا ريت لحد يعدل المشاركة لأني ابغى اعبر عن رأي وعن رأي الكثير وعن الرأي العام في الشارع السعودي تجاه نادي الاتحاد

واسف على الإطالة

[الجنرال فيرون]

الف مبروك للاتي

[LA210]

الف الف الف الف الف الف مبرووووووووووووووووووووووووك ..
والثااااالثه ثابته , ومن الظلم خروج الاتحاد هذا الموسم بدون بطوله .. !
فعلاً نادي ( الوطن ) يثبت انه الافضل في هذا الوطن ..
ولا زعيم بحضرة العميد ..
هاردلك للهـلال .. ولكن (( الاتي لا لعب جاااب لخصمه ربببشه )) ..

والاخ الي فوق هذا الي مسوي زحمه ,, خخخخخ ما لقيت اي عذر تقولي دمبوشي ؟؟ ههههههههه .. لو كان عندنا دمبوشي كان سويناه قدام الاهلي ..

المهم يلا هاردلك .. العميد بطل الســعوديه والوصافه للهلاليه ..

[MUZZI]

^
^
كلام الاخ ALEX 10 صحيح وما عليه غبار ابدا

وغير كده اتوقع ايش شئ من الاتحادية .. وغير كده نفسكم تفوز على الهلال ايش فيها لو فزتو مره نفسكم عشان لا تبكو علينا

وبعدين يا حبيبي روح اسأل رئيس الوحدة اللي خرج من مباراة الاتحاد - الوحدة اللي كانت في منتصف الدوري وليست في المربع الذهبي

لمن الاتحاد فاز بهدف اسامة المولد .. ذلك الهدف اللذي اثار الجدل
لسببين .. انتهاء الوقت بدل الضائع
وثانيا الطريقة الغريبة اللي اتى منها الهدف

تخيلو ضربة زاوية واسامة المولد واقف في منتصف الملعب عن الدائرة ..
وقبل ما تتلعب ضربة الزاوية .. جري جري اسامة المولد وضرب الكورة
براسو ودخلها هدف

الجماهير كلها سكتت ومافي احد فرح الا بعد ما انصدمو من هذا الهدف حتى الاتحاديين

مدرب الوحدة بعد المباراة .. قال المباراة فيها شئ غريب واعيد واقول فيها شئ غريب واتمنى ينظر في الموضوع <<< هذا كلام رئيس الوحدة بعد المباراة ..

ايش تسميه هذا ؟؟؟ قلي بس ..
وغير كده ضربتي جزااااااء صحيحة لم تحسب للهلال وطرد لرضا تكر لم يخرجه الحكم الله لا يوفقه يا رب

يا سيدي السنة الجاية راح يكون النظام الجديد وقابلوني لو اخذتو المركز العاشر ..


آخر الأخبار
استقالة رئيسا ناديي الهلال والاتحاد
محمد بن فيصل و منصور البلوي

والبلوي قال مدام انا خارج وراح استقيل .. خلينا اخربها ودق الحكام بكم مليون كده
والكلام هذا صحيح وصدق ولا تصدق المهم اني عارف ومقتنع

ومع السلامو عليكم

[LA210]

8
8

تعبت من الكلام في هذا الموضوع مع اشكال .. تتدعي انها تفهم في كورة القدم !
عموماً لن اتعب نفسي في مناقشة ناس تفكر يهذا الاسـلوب وبهذه العقليه .. يعني الى متى ؟؟ ! يعني عشان الاتحاد فاز بالبطوله صار دمبوشي ؟ .. طيب يلا ليش مو هدف ياسر في الطائي في اخر دقيقه دمبوشي ؟؟ و و و و و الخ .. لو قعدنا نفكر بهذا التفكير راح نتعب ..
اعتقد ان الحكام الأجانب اظهروا هذا النادي الذي يدعي الزعامه المفقوده على حقيقته ..
راح ابو زندة وراحت معه نشوة الفوز على عميد النوادي في النهائيات ..
واذا بدأنا باتهام الحكام والرشوات فتاريخ ناديك الجميل نااااااصع .. وما يحتاج اني اذكرك فأبو زنده ابلغ واقرب مثال ..

وموضوع محمد بنت فيصل
اتمنى انك تحترم شخص يعد فرد من افراد العائله المالكه .. ومن سوء الادب ان تقول ( بنت فيصل ) لرجل وما ادراك من هو هذا الرجل ..
اتمنى فعلاً ان تعدل كلامك والا ذهبت ضحيييية لحرف واحد لم تلقي له بال ..
اعتقد انك فهمت معنى كلامي جيداً ..

[متيم لازيو]

الف الف مبروك للعميد

إشبهم الهلالية ماهم مصدقين ان فريق الحكام حقهم خسر !!

ياخي مدربكم غبي ولاعبينكم اشباه لاعبين وش ذنب الاتحاد !!

بصراحة اللي يقولي دمبوشي مادمبوشي:aa_walen: يستريح في بيتهم احسن له !! :11xing:

لو بيسوي الاتحاد سواها مع الاهلي نهائيين والاتحاد كان افضل في المباراة بدون منازع !!

خلي عندك روح رياضة وبارك زي بوبدر ما شاء الله عليه اعترف والاعتراف بالحق فضيلة المبشر

قصدي فضيله الحمدلله التحكيم الاجنبي أظهر زعامة المزعومين ولا زعيم في حضرة العميد !!:11istling:

والهلالي يبكي من ضرب الإتاوي !!:e_2:

[سلاس_11]

مبرووووووووووك للاتي ويستاهل البطوله ولا عزاء للزعيق

[Lazio Lover]

الف مبروك الفوز المستحق للعميد، وهاردلك للزعيم.....

للاسف يوجد في الوسط الرياضي السعودي مشجعين، الكوره يمين وهم شمال.........

يصنعون اشياء من الوهم، ويضعونها كشماعه لفشللهم ............

بدل من الاعتراف بافضليه الفريق المقابل...............

[عدنان السقاف]

الأعضاء ALEX 10 & MUZZi خرجوا عن روحهم الرياضية

يا أخواني هذا أسمه العميد ( لا زعيم في حضرت العميد )


خلوا روحكم رياضية وبلاشي تعصب

يا تاخذوا بطوة بالغش يا تجيبوا أعذار وسب وشتم على الأندية

واللي يشوفكم يقولوا مساكين

استحوا على نفسكم شوي تراكم مفضوحين في الوطن العربي والعالم كله

ياخي قول مبروك للفريق الفائز وهاردلك للمهزوم وبس




واشكركم أخواني على مشاركاتكم ووجهة نظركم

وبالتوفيق للكرة السعودية والخليجية والعربية وإلى التقدم

[Laziale Prince]

والاتحاد ما فاز بسبب قوة لاعبيه .. بل فاز بسبب غباء باكيتا وهبوط مستوى الهلال

وغير كده معذبكم الشلهوب ما لعب


الاتحاد سيطر تماما على المبارة وخصوصا الشوط الثاني ولو زي ماتقول مهو عذر انه يهبط مستواه في نهائي

وبعدين هدف ماركو فان باستن حقكم هذا اسامة المولد .. ما افهم كورة اذا ما كان "مدمّبش"


الكلمة الي بالاحمر انت قلتها بنفسك بعدين تشبيه فان اسامة بفان باتسن اكبر دليل على ان الهدف طبيعي يجيبه

وربي مدّمبش الفريق كلو وخاصة اسامة المولد هذا .. اللي لو كان فيه خير كان ما اتوقف من حقارته وسوء سلوكه وقلة ادبه .. وغير كده كان لعب مع منتخبه ولو حتى في تصفيات


لك الحق تقول رأيك لكن من غير تجريح او سب بعدين اسامة المباريات الي ما لعبها مع المنتخب بسبب الاصابة
وبعدين كلامك اعتراف باحقية الانضمام للمنتخب


لا وازيد الطينة بله كمان .. اولا فهد المفرج يجلي ويفوت الكورة بشكل غير طبيعي وحمزه ادريس يجلي ويفوت الكورة و عبدالعزيز الخثران يجلي ويفوت الكورة وهو لوحده حاااااااجة غريبة لا ومحمد الدعيع العارضة تسانده هو كمان جلّأ ودخلت كوبري ؟.؟. ايش تسميه هذا ؟؟؟؟؟؟؟؟؟؟؟ احتراف ؟؟؟

حاجة طبيعية في كرة القدم مهي اول مرة تصير ياما عدت من مدافعين اكبر
بعدين دخلت كبري من الدعيع هدا فن وحرفنه

لكن مساكين عمرهم ما فازو علينا من زمان نفسهم يفوزو مافي مانع نخليهم يفوزو المساكين
الاتحاد فاز في نهائين على الهلال الهلال مرة فاز في مبارة ابو زندة الشهيرة

وبعدين ايش الحكمة انو يلعب اسامة المولد "المدمّبش" في مركز ما اتعود عليه ؟؟؟؟؟؟؟؟؟؟؟؟
الموضوع وراااااااااااااااااااااااااااه شئ .... وغير كده اسامة المولد ولا كأنو لعب 90 دقيقة شغال يجري في الملعب كأنو لاعب دخل الشوط الثاني وكل مباراة يلعبها المولد والاتحاد يفوز فيها لااااااازم الاهداف تيجي في الدقايق الاخيرة

الحكمة انه مافي لاعب يلعب في ده المركز الدوخي مصاب واسامة باعترافك يستاهل يكون اساسي


لمن الاتحاد فاز بهدف اسامة المولد .. ذلك الهدف اللذي اثار الجدل
لسببين .. انتهاء الوقت بدل الضائع
وثانيا الطريقة الغريبة اللي اتى منها الهدف
تخيلو ضربة زاوية واسامة المولد واقف في منتصف الملعب عن الدائرة ..
وقبل ما تتلعب ضربة الزاوية .. جري جري اسامة المولد وضرب الكورة
براسو ودخلها هدف

الجماهير كلها سكتت ومافي احد فرح الا بعد ما انصدمو من هذا الهدف حتى الاتحاديين

مدرب الوحدة بعد المباراة .. قال المباراة فيها شئ غريب واعيد واقول فيها شئ غريب واتمنى ينظر في الموضوع <<< هذا كلام رئيس الوحدة بعد المباراة ..



ههههههههههههههههههههههههه فكرتني بكابتن ماجد



الاتحاد بكل جدارة استهال الفوز
في الاخير لازم نوصل مرحلة اكبر من الدمبشة والكلام الفاضي هدا
الاتحاد انهزم في نهائيين من الاهلي ليه مادبشو فيها

ليه مايسوي دمبشة مع المنتخب وناخد كاس العالم
وله الدمبشة ماتجي غير في الهلال

[saif]

مبروك للاتحاد الفوز بدوري خادم الحرمين الشريفين

اريد ان اقول كلمه لاعضاء منتدانا الاعزاء...

الكوره غالب و مغلوب و كلنا نعلم ذلك

فاذا فاز فريق و خسر الاخر يجب ان تكون روحنا الرياضيه عاليه

في النهايه كلنا اخوان ....

[MUZZI]

تعبت من الكلام في هذا الموضوع مع اشكال .. تتدعي انها تفهم في كورة القدم !
عموماً لن اتعب نفسي في مناقشة ناس تفكر يهذا الاسـلوب وبهذه العقليه .. يعني الى متى ؟؟ ! يعني عشان الاتحاد فاز بالبطوله صار دمبوشي ؟ .. طيب يلا ليش مو هدف ياسر في الطائي في اخر دقيقه دمبوشي ؟؟ و و و و و الخ .. لو قعدنا نفكر بهذا التفكير راح نتعب ..
اعتقد ان الحكام الأجانب اظهروا هذا النادي الذي يدعي الزعامه المفقوده على حقيقته ..
راح ابو زندة وراحت معه نشوة الفوز على عميد النوادي في النهائيات ..
واذا بدأنا باتهام الحكام والرشوات فتاريخ ناديك الجميل نااااااصع .. وما يحتاج اني اذكرك فأبو زنده ابلغ واقرب مثال ..

وموضوع
إقتباس:
محمد بنت فيصل


اتمنى انك تحترم شخص يعد فرد من افراد العائله المالكه .. ومن سوء الادب ان تقول ( بنت فيصل ) لرجل وما ادراك من هو هذا الرجل ..
اتمنى فعلاً ان تعدل كلامك والا ذهبت ضحيييية لحرف واحد لم تلقي له بال ..
اعتقد انك فهمت معنى كلامي جيداً ..

لا حول ولا قوة الا بالله ..************

انا ما ألومك لكن انا بخلي الادارة تتفاهم معاك انت والا تشوف لك صرفه ..

وبعدين يا بابا الامير محمد بن فيصل رئيس الهلال ولا تتوقع مني اني استهزئ فيه او اشتمه ..

من قبل ما تقلي اصلا .. وبعدين على حكاية الحرف حق (( بنـ "ــت" )) لا تفكرني كتبتها عمد او قاصدها .. الله لا يوفقني يا شيخ اني ما شفتها الا من بعد ما انت قلت ..

هذا اذا مافي احد عدل المشاركة او شئ زي كده لكن ما اعتقد .. لكن والله ثم والله ثم والله اني ما كتبتها عمد ..

ومني منتظر منك تصدق او ما تصدق .. وانا بخلي الادارة تتفاهم معاك يا سيد



والمشكلة اكثركم ما قال كلمة وااااحدة عن التحكيم والكابتن محمد فودة قال بنفسو :(حكام اليوم لا يتميزو أداءً عن الحكام المحليين) << ايش يعني الكلام هذا

ومافي احد اتكلم ان رضا تكر مفروض ينطرد وتحسب ضربة جزاء

وبعدين انتو يالاتحادية اول واخر ناس تتكلمو عن التحكيم ..

فزنا عليكم من فترة قبل سنتين في الدور الثاني اعتقد .. وقلتو تحكيم وغش ومني عارف ايش
وفي العام فزنا عليكم وقلتو غش ومني عارف ايش وبعدين جبنالكم حكام اجانب وفزنا عليكم اكثر من مباراة وتقلو غش الين ما صار اللي صار في النهااااااااائي الشهير الذي لن يفارق عقلي

.. بعدين عمري ما شفت المدرب والادارة تصّر على لعب اسامة المولد ولو حتى في مركز غير مركزو .. يا شيخ بالله خليني ساكت احسن

وبعدين أوجه كلام للأخ سلاس_11
مبرووووووووووك للاتي ويستاهل البطوله ولا عزاء للزعيق

لا تعليق من رأي ... *******

ابغى اوجه كلام لـ لازيالي برنس نيابة عن اخويا ALEX 10

إقتباس:
وبعدين هدف ماركو فان باستن حقكم هذا اسامة المولد .. ما افهم كورة اذا ما كان "مدمّبش"



الكلمة الي بالاحمر انت قلتها بنفسك بعدين تشبيه فان اسامة بفان باتسن اكبر دليل على ان الهدف طبيعي يجيبه

تقصد ما افهم كورة ؟؟؟؟ اولا ما طلبت رأيك .. وابغى اقلك شئ الكورة مالها طعم ومستقبل بالفكر اللي انت تفكرها بيه ..

متخيل نفسك فاهم ومني عارف ايش ... ترى في نظري ونظر الكل ما تسوى .. واللي يقرا كلامك الاول واقتباسك الاول راح يأكد الشئ هذا ..

ولازم تكون على هيأة المشرف والعضو المحايد بما انك مشرف .. وتحاول تهدي الموضوع بكل لباقة واحترام وهدوء .. مو تقول ايوة انت ما تفهم كوورة ومني عارف ايش.. اصلا ما ابغى تبدي رأيك فيا ومالك صلاح في الشئ هذا .. وتبغى تتعلم الكورة تعالي اعلمك هيا

لكن لا تتفوه بكلام تندم عليه في النهاية وتتحسر


واللي زعلانين اني ما قلت مبروك .

الف الف الف مبروك للإتحاد الفوز على الهلال
وهاردلك للزعيم .. والسنة الجاية مع النظام الجديد ان شاء الله


لك الحق برايك من غير تجريح وخصوصا في الاعضاء
تم التعديل

[Laziale Prince]

تقصد ما افهم كورة ؟؟؟؟ اولا ما طلبت رأيك .. وابغى اقلك شئ الكورة مالها طعم ومستقبل بالفكر اللي انت تفكرها بيه ..


اول حاجة انا ماقلت هو الي قال
تفكيري انا ؟؟؟ يعني الدمبوشي هو التفكير الصح ؟؟؟

متخيل نفسك فاهم ومني عارف ايش ... ترى في نظري ونظر الكل ما تسوى .. واللي يقرا كلامك الاول واقتباسك الاول راح يأكد الشئ هذا

ان مني اريكسون انا عضو زي اي غيري ولي الحق اقول رايي ومن ابسط حقوقك لاتقراه

ولازم تكون على هيأة المشرف والعضو المحايد بما انك مشرف .. وتحاول تهدي الموضوع بكل لباقة واحترام وهدوء .. مو تقول ايوة انت ما تفهم كوورة ومني عارف ايش..

محايد اقول الاتحاد فاز بدمبوشي ؟؟؟ لاحول ولاقوة الا بالله
من حقي اتناقش مع اي عضو وانا ماغلطت على احد والموضوع مهو مضاربة عشان اهديه

اصلا ما ابغى تبدي رأيك فيا ومالك صلاح في الشئ هذا .. وتبغى تتعلم الكورة تعالي اعلمك هيا
هههههههههههههههههههه برضوا انا اكبر من اني ارد على هدا الكلام وخلي تعليمك ليك

لكن لا تتفوه بكلام تندم عليه في النهاية وتتحسر

راجع كلامك قبل ماتهدد
وزي ماقلت انا اكبر مني اني ارد عليك


مرة تانية مبروووك للاتي وحمزة

[MUZZI]

^
^
أجل النقاش معايا للوقت هذا وخلينا نتقاش بعيد عن الاعضاء
اذا كنت تبغى تتفاهم

ولاهو تهديد ولا شئ وانا بالعكس احترمك اكثر من اللازم يا باشا .. ويشهد عليا واحد اني احترمك كثير ولك معزة عندي لكن اعتقد انت اللي تبغى تخربها

وأجل النقاش لوقت ثاني اول بطريقة تواصل اخرى ..

تحياتي

[LA210]

اقول اخوي لازيالي برنس .. لا تتعب نفسك مع واحد زي ذا .. يـاخي طفشنا ..
يبو اقولك رح انقل موضوع احسلك وتشحد العالم .. تذكر ايام اول يـ مو زي ؟؟ كيف بالماسنجر كنت تسألني كيف اصير مشرف .. خخخخخخخخ والله ماضيك 100%
اقول سوي بحث فمواضيع ذا الاخ وشوف كم موضوع منقووول والتهديد اول ما جا المنتدى اظن 3 انذارات و مدري كم موضوع اتقفل ..

لا يـ شيخ بتلكم الاداره تتفاهم معي ؟؟؟ مسكيييين انت ..