المساعد الشخصي الرقمي

مشاهدة النسخة كاملة : لاتسيو يخسر من فيورينتينا بهدف وحيد [ تعليقاتكم ]

The Game
03-22-2008, 07:05 PM
تغلب نادي الفيولا على نادي لاتسيو بهدف وحيد لـ بديل كريستيان فييري اللاعب الشاب باتزيني
عندما احرز الهدف بالدقيقة 77

ولعب لاتسيو منذ الدقيقة 38 من الشوط الاول بـ عشرة لاعبين
اثر طرد موتاريللي الذي تحصل على الكرت الاصفر الثاني له

هاردلك
Laz!o
03-22-2008, 07:10 PM
هاردلك شباب

رغم فوز لاتسيو رايح جاي في الكأس على الفيولا
الا ان هذا الفريق البنفسجي صاير فرعون علينا بالدوري
اليوم مع اني ما شفت المباراة الا اني متأكد ان لاتسيو لولا الطرد
كان هو الطرف الفايز في المباراة

مرة أخرى هاردلك شباب
سلاس_11
03-22-2008, 07:25 PM
هاردلك على الهزيمه
ابي اعرف وش سالفه موتاريللي وكثره حصوله على الكروت ؟
Ole
03-22-2008, 07:34 PM
طريقة لعب 4-3-1-2 فاشل فيها الفريق هذا الموسم

انا تأكدت بعد ما نزل ماوري بدل بيانكي في الديربي

الفريق يفقد خطورته وتكون مراقبة اللاعبين سهلة للخصم

هاردلك شباب والعوض في كاس ايطاليا
Citta-Celeste
03-22-2008, 07:34 PM
انا فى نضرى الطرد اتر كتيرا على مستوى لاتسيو فى المبارة والتعويض انشالله فى مبارة بارما اللى بعد القادمة
dmc
03-22-2008, 07:43 PM
ماقدر اقول غير ديلو روسي باي باي اخر الموسم :biker:
امــيــر الــذوقــ
03-22-2008, 08:02 PM
بصراحة انا ما كانت تهمني نتيجة المباراة
والمهم عندي فزنا بالدربي وطوينا صفحة الدوري
يعني بالمنطق لابنوصل كاس الاتحاد ولا بنهبط
وشخصيا توقعتها تعادل وفي اسوء الاحوال خسارة

وبعد ما عرفت ان موتاريللي الغبي طرد من الدقيقة 37
عرفت ان نقاط المباراة راحت منا حتى التعادل ما توقعته

والغريب ان الفريق صمد الى آخر ربع ساعة

اما الهدف يتحمله سيفيليا 100%
الكورة ما كانت هجمة اصلا لفيورنتينا بس خويكم مو عارف يشتت كورة
قام جلاها وصار الي صار

هارد لكم وانشاء الله نعوض امام الانتر وبارما
amante de lazio
03-22-2008, 08:23 PM
موتارللي تربطه علاقة حب قويه مع الكروت.. اتمنى الفريق يتحسن في المباراة القادمه..
هاردلكم..
أحمد التتان
03-22-2008, 08:48 PM
السلام عليكم


ماراح اعقب .. لأني شفت اللقاء كامل تقريبا وشفت شكثر غبي روسي !
قبل لا ينطرد موتريللي فريقنا ما كان ماسك الكرة اصلا !
ما مسكنا الكرة الأ يوم مغني لعب بدل البنت العذراء ماوري ...

الي يتكلم ويقول تكتيك في الديربي خل اشوف رده ويقول لي شنو التكتيك ووينه اليوم ؟!
روسي يوم عن يوم يثبت ان اغبى مدرب في الكالتشيو مو بعيده يسوون جائزه على شرفه !

كل لقاء يلعبه بــ بانديف على اساس صانع اللعاب نفوز يقوم يلعب ماوري ليش ؟؟؟؟
اموت وأعرف ويش سالفة ماوري معاك !!!!!

والله العظيم هذا المدرب والي يقول ان مدرب مايفهمون في الكورة !
جوسيبي سينيوري
03-22-2008, 09:17 PM
إرضـــاء الـنــــاس غــايـــة لا تـُـــــدرك !!!!!!
انزاجي التونسي
03-22-2008, 09:19 PM
كل الــي صايــر في الفريق من انتصارات و مردود جيـد مثل الذي صار في الديربي او في مباريات الكوبا كان نتيــجة اجتهادات فردية للاعبين او المساندة الجماهرية. و في المرتبة الاخيــرة من كل هذا تأتي مساهمة '' المدرب '' ديليو روسي و الرجاء التركيــز علـي المزدوجتيــن '' '' و الفاهم يفهم .

و الله يا روسي رفعت ضغطي اليوم ! ارجع درب ليتشي و نبادلك بالتالي مع زيــمان !
Shomi
03-22-2008, 10:22 PM
إرضـــاء الـنــــاس غــايـــة لا تـُـــــدرك !!!!!!

اي والله صدقت عاد هالمثل ينطبق بس على واحد
المحنك
03-22-2008, 11:39 PM
هاردلك شباب واعتقد ان الغيابات تتحمل الجزء الاكبر من هزيمتنا
بو سلمان
03-22-2008, 11:55 PM
هارلد لكم يا شباب ..

خشاره جديده من الفيولا ..

تكتيك عقيم .. ولا اعرف الى متى ماوري اللي كان يسمونه هنى في المنتدى ( الفنان) سوف يبقى بهدا المستوى العقيم ؟؟؟؟


الله يصبرنا
انزاجي التونسي
03-23-2008, 12:00 AM
^
^
^

اخوي لا اتذكر ان احدا قــال ها الكلام : علـي الاقل كلمة فنان ... ممكـن قالوا جيــد في الفترة التي سجل فيها ثنائتين متتاليتين الموسم الفارط امام اوديــنيزي و ميـــسيـنا و ممكـن قال فيـــه عيـسي الحربيـن هو و بانديف و روكي " الاصدقاء الثلاثة "

لكن كلمـــة فنان ما سمعتها ... و ان حصل و سمعتها يوما ... ممكن اقول انه وقع خلط مه لاعب باليرمو " امــاوري " الذي يرغب فيه روما
متيم لازيو
03-23-2008, 12:15 AM
^^
بشار أنا قلت فنان !!

وماوري كان فنان للأسف واليوم أنا أطالب برحيله !!

لا أعلم مالذي حصل له اصبح أبطئ من السابق وبالكاد تخرج الكرة من رجله !!

للأسف اليوم هزيمتنا سببها شئ رئيسي هذه السنة وهي العودة لخطة 4-3-1-2 !!
أحمد التتان
03-23-2008, 12:41 AM
إرضـــاء الـنــــاس غــايـــة لا تـُـــــدرك !!!!!!



مشكلتك الكبيرة انك وصلت إلى مرحلة ما تقدر تعقب فيها وتشرح سبب فشل المدرب وإنتهت كل اعذار الدنيا علشان جدي صارت هذي ردودك !
أحمد خلك شجاع إعترف !
يوم روكي سجل ورجع مستواه قلنا لك سواها روكي !
لكن مع الأسف انت تشوف مباريات الأرسنال وتقول هذا روسي المدرب ! الله يعينك ...

ما غلطت يوم قلت ان ارضاء الناس غاية لا تدرك .. لكن مع إحترامي الشديد كلش ما لها معنى في الي قاعد يصير :e_2:

،الغريب انك الوحيد الي راضي !!!!:g:
جوسيبي سينيوري
03-23-2008, 01:36 AM
والله لو تبونا نشرح

لازم الكل يعترف أن هذا الموسم شبه منتهي وهدفنا هو المركز الخامس أو السادس

وبصراحة شئ طبيعي انة الفريق يقدم مباراة سلبية بعد ما قدم مباراة الموسم مع روما ... يعني خلوكم منطقيين وقنوعين

هذا شئ نفسي يصيب معظم الفرق وليس لاتسيو وبس

مدربنا ماشي على الطريق الصح وكون شخصية وروح للفريق ... وتجربة ماوري بوقتها بعد اجهاد الفريق بالديربي والدليل مشاركة ماوري ومغني وروزنهال

لو الفريق بكامل جاهزيته وعافيته أعتقد فزنا عليهم بالراحة

ولا تنسوا ان الطرد مؤثر كما لاتنسون أن هدفهم بالدقيقة 77 ومن خطأ لسيفيليا

ما أعتقد أن لوم المدرب بعد الديربي شئ عقلاني

ومن الحين أقولها

لا أستبعد خسارتنا أمام الإنتر لأن لاتسيو لن يضع لقب الدوري لقمة سائغة لروما فلا تقولون مدرب ومدرب

توقعوا غير المتوقع لأنها مباراة راح يكون مشكوك فيها من اللآن
متيم لازيو
03-23-2008, 02:00 AM
بو حميد صل على محمد

انت مقتنع بروسي ومستحيل تغير رأيك !!

واحنا غير مقتنعين بتاتاً التغيير لابد منه !!

روسي على عيني وراسي مدرب بس خلاص !!

لمتى نجلس عليه لو فيه ذرة شجاعه ماغير الخطة ونزل ماوري وسحبه !!

لو انه لاعب بخطة الديربي ومنهزم ما قلنا شئ قلنا سوى اللي عليه بس ليه غير وخاف !!

علشان الفيولا يلعب 3 مهاجمين بإختصار مدرب خوااااااااااااااف !!
The Game
03-23-2008, 08:08 AM
انا ماني متكلم عن المباراة اللا لين اشوفها

لكن خلال ما شاهـدتـه من الملخـص .. روزينهال ابعـد هدف محقق 100 %
وتمركز دفاعي ممتـاز منـه ويدل على انـه لاعب خبره

الهدف جاء من سيفيليا هو وتشتيـتـه اللي مدري شلون صاير
يا اخي طلعـهـا أوت من جهـة اليسار .. اللا يعني تشتتها الى الهجوم
هذا التشتيت وما يسوي .. قطعها ليفراني وهيأها الى باتزيني وبالجول

فرصـة وحيـدة بس لـ لاتسيو عن طريق بانديـف !!

والفيولا حسب الاحصائيات متسيـّد اللقاء


نقطـة حول روسي والتدريـب !

انا ما تكلمت عن الشيء هذا بالديربي
لأني كنت فرحان بالفوز .. والفرحـة خلنتني اتغاضى عن انتقاداتي للتبديلات اللي سواها روسي
وحتى بالنقل المباشر ذكرت هالشيء بس ما تعمقت فيه

روسي لعـّب موتاريللي اللي غايب شهور عن الملاعب بالديربي
وموتاريللي كان تائهـه بالملعب بصراحـة

لعب مودينغاي واعتقد تبديل طبيعي وتعودناه خروج دابو ودخول مودي

وطلع بيانكي ولعب ماوري !!
مع ان مغني كان مقدم ارقى المستويات ضد اودونيزي !!

الى الآن روسي مدوّج بالتبديلات

انا عجبني تكتيك اللعب ضد رومـا
وقلت اخيراً روسي لقى التشكيلة المثالية والتكتيك المناسب

لكن الشكوى لله !

ضد الفيولا رجع ولعب 4 \ 3 \ 1 \ 2
ولعـب بـ منو !

موتاريللي الغائب عن الملاعب .. ولعب ماوري اللي غائب عن مستواه ومخلي مغني على الدكـة !

صحيح فرصنا ضعيفه ومعدومه تقريباً للوصول الى دوري الابطال
لكـن مو ضعيفه اننا نوصل للمركز السادس !

وعلى كلام الغالي احمـد ( سينيوري )

بالعكـس الفريق اذا ما كانت عليه ضغوطات انه خلاص فقد الامل يلعب على بطوله
اتوقع بـ يقدم مستويات طيبه لأنه ما عليه ضغوط

لكـن الفريق عنده امل للوصول الى المركز السادس

بعديـن بصراحـة استغرب
منتدانا ومنتديات لاتسيو الاجنبيـة
ومنتديات لاتسيو الايطاليـه

الكل متفق على تغيير روسي وتخبطـه !
انت الوحيـد اللي تدعمـه :) :) :) !!!!!

غريب هالشيء

روسي يثبت انـه افلـس
ما ادري يحفظ التكتيك الجيد لـ اللعب ضد روما فقط !

صاير حاله من حال ابنه المدلل ليديسما !!!

ليديسما ما يبدع اللا ضد روما
والمدرب ما يفكر عدل اللا ضد روما

مع ان تبديلاته لازالت غريبه عجيبه !

لي عودة بعد رؤية المباراة
واشوف مستوى لاعبيننا

دمتم
sas
03-23-2008, 09:44 AM
انا معااااااك ياعواد في كل شيء الا نقطة لديسما لانه لايوجد بالفريق من يلعب بداله ولا تقولي بارونيو
STEFANO
03-23-2008, 11:20 AM
http://images-srv.leonardo.it/progettiweb/stefanocarina/blog/rossi2.jpg

:(
انزاجي التونسي
03-23-2008, 01:40 PM
^^
بشار أنا قلت فنان !!

وماوري كان فنان للأسف واليوم أنا أطالب برحيله !!

لا أعلم مالذي حصل له اصبح أبطئ من السابق وبالكاد تخرج الكرة من رجله !!

للأسف اليوم هزيمتنا سببها شئ رئيسي هذه السنة وهي العودة لخطة 4-3-1-2 !!

صباح الخيــر >>>> تونـي قائم من النوم

اخوي احترم وجهة نظرك ... لكن انا لم اقتنع يوما ان ماوري فنان ... رغم اني شاهدت كل اهدافه في مرحلة الذهاب و كانت كلها اهداف جيدة ... ارتمائة رأسية ضد الاودينيزي ( صعبة عليك يا ديسانتيس ) و هدفه الثالث ( احسن هدف في الجولة ) ... مخالفة مباشرة ضد ميسينا ... هدفين ذهاب و إياب علي توريـنو ... هدف ضد اليودينيزي في الاياب ... هدف ضد مرسيليا في دورة دبي ... هدف ضد اتليتيكو في دورة ال جي ... هدف ضد شتوتجارت في كافــنبرج :

الــي يشوف يقول هذا من مشجعي ماوري او ما ادري ايش : لكن و لا مرة شجعتــه و فضلتــه علـي غيره في الفريـق ... لأنه اللاعب الذي يتألق عند فوز لاتسيو ... و يكبــو عند تعثــر لاتسيــو ... طبعا لا ننــكر دور الاصابات في تراجع مستواه : و لكـن هو من اصله لاعب اقصي ما يمكن قوله انه فوق المتوسط و بما انه تراجع : فإن مردوده ماذا سيصبح : طبعا دون المتوسط و غيــر المرضي
لكن كلمة ممتاز او فنان صعبة شوي اخوي
غيــر هذا و كله أنه لم يسجـل الا 3 اهداف في حيـن سجل الموسم الفارط 8 اهداف علـي ما اظن : بالطبع المردود التهديفي لا يعكس قيمة اللاعب علـي الميدان .... و لكن يكفي ان نشيــر الي انه لا يقوم علي اكمل وجه بالخطة الموكلة اليـــه ( صنع اللعب و مساندة ثنائي الهجوم )

بقــاء ماوري في لاتسيو امر سلبي لكلـى الطرفيــن : للاتسيو و لماوري

الله يخليــك :)
امــيــر الــذوقــ
03-23-2008, 04:25 PM
شباب لا تقعدوا تحطوا الهزيمة فراس روسي
الطرد دائما يبعثر اوراق المدربين
ومن الشوط الاول وخارج ارضك امام فيورنتينا العنيد يعني كملت
اضافة الى ان الفريق اصلا مرهق من الديربي

ويش ذنب روسي اذا كان موتاريللي ارعن وسيفيليا ارعن منه
الاول داخل حلبة مصارعة والثاني ما يعرف يشتت كورة مثل الاطفال

يعني مو ناقص الا يدخل روسي يشتت الكورة عنه والا يدخل يهدي موتاريللي
علشان ترضوا عنه

واتوقع حتى لو الانتر واجه نفس الظروف الي واجهناها في فلورنسا هم بينهزم
ومثل ما قال اخوي(جوسيبي سينيوري )
موسم لاتسيو انتهى خلاص
ما كان باقي فيه غير الديربي والحمد لله فزنا فيه
ليش انتوا مكبرين الموضوع وكأنا خسرانيين مباراة نهائية !!
أحمد التتان
03-23-2008, 04:39 PM
شباب لا تقعدوا تحطوا الهزيمة فراس روسي
الطرد دائما يبعثر اوراق المدربين
ومن الشوط الاول وخارج ارضك امام فيورنتينا العنيد يعني كملت
اضافة الى ان الفريق اصلا مرهق من الديربي

ويش ذنب روسي اذا كان موتاريللي ارعن وسيفيليا ارعن منه
الاول داخل حلبة مصارعة والثاني ما يعرف يشتت كورة مثل الاطفال

يعني مو ناقص الا يدخل روسي يشتت الكورة عنه والا يدخل يهدي موتاريللي
علشان ترضوا عنه

واتوقع حتى لو الانتر واجه نفس الظروف الي واجهناها في فلورنسا هم بينهزم
ومثل ما قال اخوي(جوسيبي سينيوري )
موسم لاتسيو انتهى خلاص
ما كان باقي فيه غير الديربي والحمد لله فزنا فيه
ليش انتوا مكبرين الموضوع وكأنا خسرانيين مباراة نهائية !!



السلام عليكم

اخوي انت شفت المباراة ؟
شفت روزينهال ؟
ليش ماكان اساسي من بدايه السنه بعد الإنتدابات الشتويه ؟
طيب وينه كريباري ؟ رادو مكان سيفليا !
انت تقول عطه عذره طيب خل يعطينا سبب اختياره إلى ماوري وسيفليا في التشكيلة الأساسية ؟؟؟
يعني هذول كلهم موجودين قبل الطرد !

كم لقاء تم بالثلاثي المرعب وفزنا فيه ! لشي يرجع يغير !
التعب كان كله على خط الوسط المدافع والتغيير ماتم فيه !

يعني الي بيتعب بيكون بين دابو و ليدسيما الأول مايكمل لقاء والثاني حرام لمسه !
وبعدين بانديف اكثر لاعب تحرك موجود ولا تم تغييره !
ماكو عذر لو نلف الدنيا كلها ما في عذر !


ولا تنسى ان الفريق اصلا قبل الطرد ماكان مغطي ولا قاعد يلعب !

:)
امــيــر الــذوقــ
03-23-2008, 05:30 PM
السلام عليكم

اخوي انت شفت المباراة ؟
شفت روزينهال ؟
ليش ماكان اساسي من بدايه السنه بعد الإنتدابات الشتويه ؟
طيب وينه كريباري ؟ رادو مكان سيفليا !
انت تقول عطه عذره طيب خل يعطينا سبب اختياره إلى ماوري وسيفليا في التشكيلة الأساسية ؟؟؟
يعني هذول كلهم موجودين قبل الطرد !

كم لقاء تم بالثلاثي المرعب وفزنا فيه ! لشي يرجع يغير !
التعب كان كله على خط الوسط المدافع والتغيير ماتم فيه !

يعني الي بيتعب بيكون بين دابو و ليدسيما الأول مايكمل لقاء والثاني حرام لمسه !
وبعدين بانديف اكثر لاعب تحرك موجود ولا تم تغييره !
ماكو عذر لو نلف الدنيا كلها ما في عذر !


ولا تنسى ان الفريق اصلا قبل الطرد ماكان مغطي ولا قاعد يلعب !

:)

بصراحة انت لفيت الموضوع
انا قلت لك الطرد يلخبط اوراق اي مدرب
وشرحت اسباب ثانوية للهزيمة من الارهاق الى النقص

اما بخصوص الثلاثي بانديف وروكي وبيانكي
تراهم بشر مثلنا ما هم آلات ومستحيل يعطوك نفس المردود اذا كنت بتلعب بهم في كل مباراة
ولك في ليديسما خير مثال

وثاني شي رادو مصاب واعتقد الكل يدري عن هالشي وما في داعي تذكر اسمه
يبقى كريباري الي هو بالاصل مهلوك هلاك ويحتاج الى الراحة
لذلك لم يبقى خيار سوى روزينال والعاهة سيفيليا في الدفاع

في الاخير اتفق معك في شي واحد بس الي هو عن العاهة سيفيليا
والي اتضح ان روزينال الاحق بأن يكون المدافع الاول في التشكيلة
أحمد التتان
03-23-2008, 05:39 PM
هلا فيك

كيف لفيت الموضوع يالغالي :)
انا اتكلم عن ان التبديلات الي قام فيها روسي بعد الطرد كلها تثبت ان الي دخلو في الشوط الثاني كانو أحق باللعب من البدايه !
مغني وشوفت شنو سوى !
وبيانكي !!!
طيب اللاعبين هذول مافيهم شي ليش مالعب فيهم ؟
المشكله انه المدرب خلاص ما عنده غير التشكيلة تقول السوني !
كل مباراه مثل التشكيلة بالضبط !!
امــيــر الــذوقــ
03-23-2008, 05:49 PM
^^^^
لا اخوك كل الفرق ليها تشكيلة محدد تمشي عليها طول الموسم
ولا تتغير الا في اوقات الطوارئ

اسألك سؤال اتمنى تجاوب عليه بأمانة

هل كنت تتوقع الفوز على الفيولا على ارضهم
خصوصا ان الفريق لم يفز الا في مباراة واحدة خارج ارضه ؟؟

ثاني شي روح شوف نتايج الفيولا على ارضه !!
امــيــر الــذوقــ
03-23-2008, 06:12 PM
http://www.crazysquirrel.com/images/humour/football-tactics-french.jpg

هذي صورة لواحد من اخوانا الازياليين
مصممنها عن ازدياد ظاهرة الاعضاء المدربين
والي ما عدهم غير :

ليش ما لعب الاعب الفلاني
ليش يجامل الاعب الفلاني
ليش يلعب بثلاثة ارتكاز
ليش ما يهاجم
ليش ما يقولينا نحط التشكيلة بداله......الخ

حبيبي التدريب مهنة صعبة
المدرب ادرى مني ومنك بلاعبينه
ولو بنظل على هالتفكير ما بيرضينا ولا مدرب
لأن كل المدربين لهم اخطاء في نظرنا

انا مثلا كنت اقول ليش روسي يلعب بالوتا بدل موسليرا
واخدت اسب والعن في المدرب
وفي النهاية عرفنا ما السبب
Shomi
03-23-2008, 08:16 PM
اخوي لورنزو والله ماعرفنالك صارلك جم شهر تنتقد هالمدرب وهاليومين اشوفك تدافع عنه
سبحان الله ..
شوف حبيبي انا ماراح اتكلم عن ايجابيات وسلبيات هالمدرب (هذا اذا كان له ايجابيات ) لكن بقول لك شي واحد

جيب لي 10 مشجعين مقتنعين في روسي حاليا ومع الاسباب ...........بس هذا اللي اطلب منك
يعني كللللللللللللللللللللللللللللللللللللللللللل مشجعين لاتسيو مايبون روسي اله انت والاخ سنيوري
حتى اللي في ايطاليا صارو مايبونه ......الحين بتقولي هالآلاف مايعرفون شي ؟ ......
Ole
03-23-2008, 09:12 PM
خصوصا ان الفريق لم يفز الا في مباراة واحدة خارج ارضه ؟؟

ياسلام على انجاز المدرب
انزاجي التونسي
03-23-2008, 10:13 PM
ياسلام على انجاز المدرب

ههههههه و لا اكثر ! ضد من ؟ ضد ليـفورنو 1 ـ 0 !!!
The Game
03-24-2008, 05:54 AM
يعطيك العافيـة يا لورينزو

اسمح لي انّي ادخل بالنقـاش
واناقش بعض النقاط اللي ذكرتهم

شباب لا تقعدوا تحطوا الهزيمة فراس روسي
الطرد دائما يبعثر اوراق المدربين
عزيزي لورينزو .. الطرد شنو سببـه !
سببـه اندفاع وحمـاس موتاريللي !
ليـش متحمـس هاللاعــب ومنـدفـع ؟
لأنـه له شهـور ما لعـب !

هنا انا احـط الطرد بـ راس روسي .. روسي عنده بـدائـل ولكـن ما يبي يلعب فيهم ليـه !
كان بالامكان ان ماوري يلعب يسار .. و مغني يلعب كـ صانع لعب .. او العكـس

لاعب ما لعب له شهور ؟؟ معقوله تلعبـه .. اصلاً اكبر غلط انـه لعبه بالديربي !
ويغلط مرة ثانيـة ويلعبـه اساسي .. بحياتي كلها ما شفت لاعب مصاب يرجع من الاصابه ويلعب على طول اللا مع روسي

الاول ماوري .. من رجع من الاصابه على طول لعـب ! .. والثاني ليديسمـا .. الوحيـد اللي رجع تدريجيـاً هو سيفيليا

كان يقدر يلعب بارونيـو .. كان يقدر و كان يقدر و كان يقدر .. بس هـو مخـه قافل

واعطيك اكبر مثال على طرد ثاني يتحملـه روسي .. وهو طرد بيانكي يوم لعب ضد تورينو !
الكل يعرف غضب تورينو على بيانكي .. تجي انت يا مدرب يا فاهم تخلي اللاعـب يسخـن مدة نص ساعة تقريبا !!!!
والجماهير تصفر ومعصبـه عليـه !! .. اللاعـب اكيـد بـ يجي من اقصاه ومندفع ومتحمس .. وانـطـرد !
واللوم كله على روســي المدرب الفاهم والذكي !!!!!!

ومن الشوط الاول وخارج ارضك امام فيورنتينا العنيد يعني كملت
اضافة الى ان الفريق اصلا مرهق من الديربي

غريب هالعذر .. الفريق مرهـق !! .. كأن الفريق ما فيـه اللا 11 لاعـب !
هنا يجي دور المدرب .. فريق مرهـق .. العـب الاحتيـاط وش المشكلـة .. اذا انا صار تفكيري اني ما اقدر افوز على الفيولا العنيـد على قولتك وخارج ارضي .. خـلاص ابيعهـا والعب بالاحتياط

ولكـن المدرب الكبير ديليو روسي المدرب الفاهم .. ما يثق اللا بـ 11 لاعـب أو 14 لاعب فقط والباقي تكملـة عدد !!!

ويش ذنب روسي اذا كان موتاريللي ارعن وسيفيليا ارعن منه
الاول داخل حلبة مصارعة والثاني ما يعرف يشتت كورة مثل الاطفال

يعني مو ناقص الا يدخل روسي يشتت الكورة عنه والا يدخل يهدي موتاريللي
علشان ترضوا عنه

وش ذنبــه !! .. ذنبـه انـه حمـار وغـبـي .. ومحشوم من يقـرأ
مدرب لعب ضـد رومـا بـ تكتيـك اكثر من ممتاز !!

يغير الخـطـة ويلعـب بـ لاعبيـن توهم عائدين من الاصابات !!
يلعب سيفيليا اللي ما شفنا منـه اللا الاندفاع والحماس على غير سنـع !!!!
يلعب موتاريللي العائـد من الاصابه واللي مبتعد عن مستواه !!!

يعلب بـ خطه اثبتت فشلهـا هالموسم واصبح الكل كاشف الخطـه !!

يا اخي الخطـة 4 \ 3 \ 3 اثبتت نجاحها وكل ما نلعب فيها يتغير الفريق ويكون اقوى !

كان يقدر يلعب بالتشكيلة هاذي اذا كان قصده يبي يريح اللاعبين

بالوتا
كولاروف .. روزينهال .. سيفيليا .. لورينزو
بارونيو .. ليديسما .. مودينغاي
روكي .. بانديف
تاري

ويقدر يلعب بـ تشكيلة 4 \ 3 \ 1 \ 2 بس مو نفس الاسامي اللي لعب فيها !

بالوتا
كولاروف .. روزينهال .. سيفيليا .. لورينزو
مودينغاي .. ليديسما .. مغني
ماوري
تاري .. بانديف

صحيح مثل ماقلت في رد بعد هالرد .. ان مهمـة التدريب مو سهله
ولكـن فهـم خطط كرة القدم مو صعبه حيل !
وحنا فاهميـن مثل ما روسي فاهـم !
ولكن روسي مو واثق نهائياً بـ لاعبينه


واتوقع حتى لو الانتر واجه نفس الظروف الي واجهناها في فلورنسا هم بينهزم
لا تقارن الانتر بـ لاتسيـو .. كل فريق غير عن الثاني

جنوا على ارضنا فاز علينا !
والانتر وهو مطرود منه لاعب .. جنوا بالموت تعادلوا وياهم
والمباراة على ملعب جنوا !!

هذا الانتر مر بنفس ظروف لاتسيو وماخسر !!


ومثل ما قال اخوي(جوسيبي سينيوري )
موسم لاتسيو انتهى خلاص
ما كان باقي فيه غير الديربي والحمد لله فزنا فيه
ليش انتوا مكبرين الموضوع وكأنا خسرانيين مباراة نهائية !!
اذا كنت متفق مع الغالي احمـد ان موسم لاتسيو انتهـى !
واذا كان يفكر روسي مثل هالتفكير

فـ اسمح لي اقول ان روسي ما يفهم بـ كرة القدم اي شيء !!!!

لو كان صحيح ان روسي يفكر هالشيء ! ولو انـه اكبر غلط لأن الى الآن لاتسيو عنده امل كبير انه يوصل للمركز السادس
فأقولك لو روسي يفكر ان لاتسيو موسمه انتهـى !
خـلاص يا اخي .. جرّب لاعبين جـدد !
صعــّد لاعبين من فريق الشباب
عط مانشيني وارتيبولي فرصـة
عط موسليرا فرصـة

فيرغسون يوم ضمـن الدوري الموسم اللي فات .. لعب ضد تشيلسي القوي اللي ماهو مثل فيورينتينا
ولعـب معاهم بـ تشكيلة تضحـك !! .. ايغـلـز وجونوسون و مدري منهـو لاعبين صغار وشباب جايبهم من فريق الشباب
وقعـد يجرب اللاعبين .. وركز على يجرب !!
ويجرب قدام منو .. قدام تشيلسي

شوف الفرق .. مو مدرب على قولتك خلاص يفكر انتهى الموسم .. خلاص يلعن جد اللاعبين ولا يفكر يلتفت للاعبين الشباب !




روسـي فاشل .. مدرب مايثق بامكانيات لاعبينـه !
مدرب يخاف من اللاعبيـن !!

سوا سالفة ولجـه وصجـه على ستينداردو
وقال انه راح يجمد اللاعب .. ولا راح يلعبه لين يعتذر

نشوف ستينداردو رجع يلعب !!!!!!!!!!!!!!!!!!!!!

وين الكلام اللي يقوله !!!

ماوري ومودينغاي زعلانين !!
يلعبهم حتى مع انخفاض مستواهم ! مع ان مودي افضل طبعاً حتى وهو منخفض مستواه !

موتاريللي مبطي ما لعب يلعبـه !

روزينهال من اول مباراة يثبت نفسـه !
ولا التفت له طول هالفترة .. ولا اظن راح يلتفت له الفترة الجايـه !

مغني كل مباراة يلعبها يقدم مباريات روعـه .. وعمـّك اصمـخ ما يلعبه اللا بالسنـة حسنـه !
تاري كل ما يلعب مباراة يسجـل .. ولا درا عنـه ولا كأنـه معتبر في مهاجم رابع بالفريق !

بيرني وديل نيرو !! .. فوجيـا !! ارتيبولي !! مانشيني المهاجم الشاب اللي يقدم اروع المستويات بفريق الشباب !!!

انشيلوتي يوم ما لقى عنـده هجوم .. قعـد يلعب بالوسكي .. والحين في اكثر من نادي يبي بالوسكي !!
شوف فرق التفكير بين مدرب ومدرب ثاني !!!!

لكـن مع روسي انسـى كل شي .. واعرف انـه راح يجيب العيـد بالفريق !
الموسم اللي طاف كان استثنائي .. وقمت اشك ان روسي له طرف بالسالفة !

مودتي لكم
أحمد التتان
03-24-2008, 11:00 AM
السلام عليكم

يا أخي lorenzo_29

مع الأسف ردودك أثبت ان عقم روسي واضح للغايه !
شنو الي تقصده ان كل الجماهير صارت مدرب !! يعني انت جالس تنتقص من نظرتنا ؟
يا أخي لو أنت واثق من نفسك ومن مدربك أكتب لي رد واقعي مش يمكن تعبان، يمكن ما تعشى، يمكن ما شاف امه !
يمكن أبوه ماطرش له تكست مسج !!
يا أخي عيب الطريقة الي تعاملت فيها !
انت الي تفهم يعني في التدريب والكل ما يفهم ؟
او لأنك ما تملك نظره عن الفريق لازم الكل يسكت عن المدرب مثلك ؟ :)


الله يسامحك !
STEFANO
03-24-2008, 03:34 PM
احب اعقب على كلام اخوي لورنيزو . . تقولي ارهاق ؟؟ . . على فكره الفيولا يعلب كأس الاتحاد الاوروبي!
وفريقنا فاضي بس دوري وكوبا ايتاليا . . على فكره روسي اثبت لي انه افلس في هذي المباراة . .!!
يعنى انت ماشي صح مع خطة 4_3_3 ليش التغير امام فريق قوي جدًا مثل الفيولا وخارج ارضك .!!
اشارك ماوري موتارلي المصاب شهرين واكثر وانت عندك لاعبين جاهزين مثل مونديجاي مراد مغني !!
طيب ليش غيرت التشكيلة اللى كانت امام روما واللى ماشيه صح مع عناصر الفريق وكيف كان اقرب لـ الفوز من اودنيزي العنيد !!


روسي مدرب لياقه اشوفه . .:boxed:
يدخل مدافع ويسحب مدافع . . يدخل مهاجم يسحب مهاجم. . يدخل وسط يسحب وسط!:aa_walen: !

لاتسيو لديه عناصر جيد جدًا من لاعبين بس روسي مقفل على باله اتلانتا . .
منذ توليه التدريب في النسور لم يحقق اي فوز على اندية الشمال . .
والمشكله ياخذونا بنتايج تاريخيه . . والله زمن الا الانتر ياخذنا على الراحه بـ ثلاثه!
هزلت روسي جبان ومايدري انه يدرب نادي كبير مو اتلانتا . . انتظر اقالته بصراحه . .!!


مشكورين جميعًا . .
امــيــر الــذوقــ
03-24-2008, 07:12 PM
اخوي Shomi

ومن قالك ان انا اريد روسي في لاتسيو الموسم القادم !!
ومن قالك ان انا ادافع عنه !!

انا قلت ان هذي الهزيمة عادية ومتوقعة قبل بداية المباراة
وما زاد الطين بله هو الطرد

لذلك روسي لا يتحمل الهزيمة نهائيا
امــيــر الــذوقــ
03-24-2008, 07:18 PM
اخوي أحمد التتان

انا قلت ان التدريب مهنة صعبة
وفيها خفايا كثيرة ما نعرفها

ولم اقل اني افهم في التدريب
تسأل ليش الاعب الفلاني ما لعب
وانت ما تدري هل هذا الاعب يستطيع العب ام يعاني من مشاكل
ولك مثال انك قلت ليش ما يشرك رادو بدل سيفيليا
واصلا رادو مصاب وانت ما تدري

في النهاية آسف على اني تناقشت معاك
واوعدك ما اتناقش معاك نهائيا بعد هالمرة
انزاجي التونسي
03-24-2008, 07:24 PM
اخوي لوريـنزو هل لك ان تشرح لنا موقفك من هذه المسألة الصغيـرة لو سمحت ... حتـي نتقدم قليلا في الحوار :)

هل تريد روسي في الموسم القادم
هل روسي يستحق الدفاع عنه
أحمد التتان
03-24-2008, 07:39 PM
اخوي أحمد التتان

انا قلت ان التدريب مهنة صعبة
وفيها خفايا كثيرة ما نعرفها

ولم اقل اني افهم في التدريب
تسأل ليش الاعب الفلاني ما لعب
وانت ما تدري هل هذا الاعب يستطيع العب ام يعاني من مشاكل
ولك مثال انك قلت ليش ما يشرك رادو بدل سيفيليا
واصلا رادو مصاب وانت ما تدري

في النهاية آسف على اني تناقشت معاك
واوعدك ما اتناقش معاك نهائيا بعد هالمرة


حلو !
بس ليش تبي تهرب من النقاش !
خل نوصل إلى مكان وبعدها نتفق على انك بتناقش مره ثانيه او لا !!!
رادو مصاب وكريباري ؟؟
طيب خلينا من هذا
شنو فيه بيانكي ؟
وشنو فيه مودينجاي ؟
مغني !!!!


المشكلة انك تقول ما نعرف شنو العلة !
روسي بنفسه ما يعرف ليش ما يلعب مغني ماهو احنا بس !
مشكلتك ترد على نفسك !
ولا تقول ما تبي تتناقش !
على راحتك !!!

وبعدين الفيولا في الكاس رايح ياي فايزين عليهم !
ليش مسألة الخسارة محسومة !!!
امــيــر الــذوقــ
03-24-2008, 08:12 PM
شباب لا تقعدوا تحطوا الهزيمة فراس روسي
الطرد دائما يبعثر اوراق المدربين


عزيزي لورينزو .. الطرد شنو سببـه !
سببـه اندفاع وحمـاس موتاريللي !
ليـش متحمـس هاللاعــب ومنـدفـع ؟
لأنـه له شهـور ما لعـب !

اولا الطرد يتحمله موتاريلي فقط اي لاعب ياخذ كرت لازم يتفادى الكرت الثاني
وويش دخل سالفة راجع من اصابة !!

وبعدين من تبغي بداله ؟؟
لايوجد سوى مانفرديني فقط واعتقد معظمكم لا يريده في الفريق


هنا انا احـط الطرد بـ راس روسي .. روسي عنده بـدائـل ولكـن ما يبي يلعب فيهم ليـه !
كان بالامكان ان ماوري يلعب يسار .. و مغني يلعب كـ صانع لعب .. او العكـس

مستحيل
ماوري وسط مهاجم وضعيف دفاعيا
لك ان تتخيل لو لعب في هذا المركز وخلفه كولاروف !!
لاعب ما لعب له شهور ؟؟ معقوله تلعبـه .. اصلاً اكبر غلط انـه لعبه بالديربي !
ويغلط مرة ثانيـة ويلعبـه اساسي .. بحياتي كلها ما شفت لاعب مصاب يرجع من الاصابه ويلعب على طول اللا مع روسي

اولا موتاريلي كان جاهز من قبل مباراة اودني
ودخل بديل في الديربي
يعني المفروض يكون جاهز للمباراة
الاول ماوري .. من رجع من الاصابه على طول لعـب ! .. والثاني ليديسمـا .. الوحيـد اللي رجع تدريجيـاً هو سيفيليا

لا اتذكر متى رجع ماوري من الاصابة واعتقد انه ما لعب على طول
ليديسما لا يوجد غيره محور صانع لعب في الفريق شي طبيعي يدرجه على طول
كان يقدر يلعب بارونيـو .. كان يقدر و كان يقدر و كان يقدر .. بس هـو مخـه قافل

بارونيو ايضا لا يلعب في هذا المركز نهائيا وزد عليها انه يلعب باليمين
واستغرب ليش انت واثق فيه
واعطيك اكبر مثال على طرد ثاني يتحملـه روسي .. وهو طرد بيانكي يوم لعب ضد تورينو !
الكل يعرف غضب تورينو على بيانكي .. تجي انت يا مدرب يا فاهم تخلي اللاعـب يسخـن مدة نص ساعة تقريبا !!!!
والجماهير تصفر ومعصبـه عليـه !! .. اللاعـب اكيـد بـ يجي من اقصاه ومندفع ومتحمس .. وانـطـرد !
واللوم كله على روســي المدرب الفاهم والذكي !!!!!!

دخول بيانكي كان بسبب التفوق العددي على لاعبي تورينو
فكان لازم يدخل راس حربة لتسجيل الاهداف
ومن الشوط الاول وخارج ارضك امام فيورنتينا العنيد يعني كملت
اضافة الى ان الفريق اصلا مرهق من الديربي

غريب هالعذر .. الفريق مرهـق !! .. كأن الفريق ما فيـه اللا 11 لاعـب !
هنا يجي دور المدرب .. فريق مرهـق .. العـب الاحتيـاط وش المشكلـة .. اذا انا صار تفكيري اني ما اقدر افوز على الفيولا العنيـد على قولتك وخارج ارضي .. خـلاص ابيعهـا والعب بالاحتياط

انا ما قلت ما نقدر نفوز على الفيولا
الفيولا فريق قوي وترتيبه الرابع وتلعب معاه شوط كامل منقوص لاعب اكيد بتخسر
ولولا الطرد لكان في المباراة كلام ثاني
ولكـن المدرب الكبير ديليو روسي المدرب الفاهم .. ما يثق اللا بـ 11 لاعـب أو 14 لاعب فقط والباقي تكملـة عدد !!!



ويش ذنب روسي اذا كان موتاريللي ارعن وسيفيليا ارعن منه
الاول داخل حلبة مصارعة والثاني ما يعرف يشتت كورة مثل الاطفال

يعني مو ناقص الا يدخل روسي يشتت الكورة عنه والا يدخل يهدي موتاريللي
علشان ترضوا عنه

وش ذنبــه !! .. ذنبـه انـه حمـار وغـبـي .. ومحشوم من يقـرأ
مدرب لعب ضـد رومـا بـ تكتيـك اكثر من ممتاز !!

عواد خلنا نبعد عن هالالفاظ
يغير الخـطـة ويلعـب بـ لاعبيـن توهم عائدين من الاصابات !!
يلعب سيفيليا اللي ما شفنا منـه اللا الاندفاع والحماس على غير سنـع !!!!
يلعب موتاريللي العائـد من الاصابه واللي مبتعد عن مستواه !!!

سبق وقلت لكم لا يوجد خيار في الدفاع غير سيفيليا و روزينال
يعلب بـ خطه اثبتت فشلهـا هالموسم واصبح الكل كاشف الخطـه !!

يا اخي الخطـة 4 \ 3 \ 3 اثبتت نجاحها وكل ما نلعب فيها يتغير الفريق ويكون اقوى !

هذي الخطة لعبنا بها فقط في الديربي
وباقي المبارايات كان بانديف صانع العاب كمثلث مقلوب 4-3-1-2
كان يقدر يلعب بالتشكيلة هاذي اذا كان قصده يبي يريح اللاعبين

بالوتا
كولاروف .. روزينهال .. سيفيليا .. لورينزو
بارونيو .. ليديسما .. مودينغاي
روكي .. بانديف
تاري

ههههههههه
افحمتني يكفي وجود تاري في التشكيلة
ويقدر يلعب بـ تشكيلة 4 \ 3 \ 1 \ 2 بس مو نفس الاسامي اللي لعب فيها !

بالوتا
كولاروف .. روزينهال .. سيفيليا .. لورينزو
مودينغاي .. ليديسما .. مغني
ماوري
تاري .. بانديف

ماوري ومغني مستحيل يلعبوا مكان ارتكاز دفاعي لا تخلط بينهم

صحيح مثل ماقلت في رد بعد هالرد .. ان مهمـة التدريب مو سهله
ولكـن فهـم خطط كرة القدم مو صعبه حيل !
وحنا فاهميـن مثل ما روسي فاهـم !
ولكن روسي مو واثق نهائياً بـ لاعبينه

ما فهمت شي من هالكلام

واتوقع حتى لو الانتر واجه نفس الظروف الي واجهناها في فلورنسا هم بينهزم
لا تقارن الانتر بـ لاتسيـو .. كل فريق غير عن الثاني

جنوا على ارضنا فاز علينا !
والانتر وهو مطرود منه لاعب .. جنوا بالموت تعادلوا وياهم
والمباراة على ملعب جنوا !!

هذا الانتر مر بنفس ظروف لاتسيو وماخسر !!

الفرق ان الانتر سجل بداية المباراة واخذ التعب يسيطر على الاعبين
حتى اتى هدف التعادل

ومثل ما تعرف الفيولا اقوى من جنوى بكثير

اذا كان جنوى سجل في الانتر
كيف الفيولا ما يسجل فينا !!

ومثل ما قال اخوي(جوسيبي سينيوري )
موسم لاتسيو انتهى خلاص
ما كان باقي فيه غير الديربي والحمد لله فزنا فيه
ليش انتوا مكبرين الموضوع وكأنا خسرانيين مباراة نهائية !!

اذا كنت متفق مع الغالي احمـد ان موسم لاتسيو انتهـى !
واذا كان يفكر روسي مثل هالتفكير

فـ اسمح لي اقول ان روسي ما يفهم بـ كرة القدم اي شيء !!!!

لو كان صحيح ان روسي يفكر هالشيء ! ولو انـه اكبر غلط لأن الى الآن لاتسيو عنده امل كبير انه يوصل للمركز السادس

لا نريد كأس التحاد
هذي البطولة الرابح الوحيد فيها هو بطل البطولة
اما الشامبيونز والا فلا
فأقولك لو روسي يفكر ان لاتسيو موسمه انتهـى !
خـلاص يا اخي .. جرّب لاعبين جـدد !
صعــّد لاعبين من فريق الشباب
عط مانشيني وارتيبولي فرصـة
عط موسليرا فرصـة


هل تريدهم ان يدخلوا داخل مباريات قوية وتكون الهزائم نكراء وتسبب احباط لهم
مثل ما صار مع موسليرا
فيرغسون يوم ضمـن الدوري الموسم اللي فات .. لعب ضد تشيلسي القوي اللي ماهو مثل فيورينتينا
ولعـب معاهم بـ تشكيلة تضحـك !! .. ايغـلـز وجونوسون و مدري منهـو لاعبين صغار وشباب جايبهم من فريق الشباب
وقعـد يجرب اللاعبين .. وركز على يجرب !!
ويجرب قدام منو .. قدام تشيلسي

ايغلز وجونسن الي تسميهم يضحكوا روح شوف كيف يلعبون وبعدين اتكلم
صحيح لاعبين شباب لاكن يمكن الاعتماد عيهم
شوف الفرق .. مو مدرب على قولتك خلاص يفكر انتهى الموسم .. خلاص يلعن جد اللاعبين ولا يفكر يلتفت للاعبين الشباب !

لا تقارن بين روسي وفيرجسون
لأن في فرق كبير



روسـي فاشل .. مدرب مايثق بامكانيات لاعبينـه !
مدرب يخاف من اللاعبيـن !!

انا لم اقل انه مدرب ممتاز
سوا سالفة ولجـه وصجـه على ستينداردو
وقال انه راح يجمد اللاعب .. ولا راح يلعبه لين يعتذر

نشوف ستينداردو رجع يلعب !!!!!!!!!!!!!!!!!!!!!

وين الكلام اللي يقوله !!!

هو المدرب ومن حقه يستبعد اي لاعب او يرجعه
دام الاعب يستلم راتبه من النادي
ماوري ومودينغاي زعلانين !!
يلعبهم حتى مع انخفاض مستواهم ! مع ان مودي افضل طبعاً حتى وهو منخفض مستواه !

موتاريللي مبطي ما لعب يلعبـه !

روزينهال من اول مباراة يثبت نفسـه !
ولا التفت له طول هالفترة .. ولا اظن راح يلتفت له الفترة الجايـه !

اعتقد ان سبب عدم مشاركة روزينال مع كريباري
هو ان الاثنين متشابهان في العب
نفس الطول والاثنين لا يستطيعان اخراج الكرة من منطقة الدفاع

والله اعلم
مغني كل مباراة يلعبها يقدم مباريات روعـه .. وعمـّك اصمـخ ما يلعبه اللا بالسنـة حسنـه !
تاري كل ما يلعب مباراة يسجـل .. ولا درا عنـه ولا كأنـه معتبر في مهاجم رابع بالفريق !


لو يلعب تاري كان شفنا المنتدى كله ثاير واولهم انت

بيرني وديل نيرو !! .. فوجيـا !! ارتيبولي !! مانشيني المهاجم الشاب اللي يقدم اروع المستويات بفريق الشباب !!!

بيرني مستواه مجهول واحنا ما شفنا الا في الوديات صعب تحكم عليه
ديل نير و هذا شكله من نوعية روبن وفان بيرسي الي ينصابوا من نسمة الهوى
وانت تبغاه يلعب وهو مصاب يعني
فوجيا طلب الرحيل لأنه اراد مكان اساسي له في الفريق وروسي
قال له الصراحة
مانشيني سبق وقلتلك صعب تحكم عليه فريق الشباب يختلف عن الفريق الاول
انشيلوتي يوم ما لقى عنـده هجوم .. قعـد يلعب بالوسكي .. والحين في اكثر من نادي يبي بالوسكي !!
شوف فرق التفكير بين مدرب ومدرب ثاني !!!!

وايضا روسي يوم ما لقه عنده ظهير لعب لورينزو.. والحين في اكثر من نادي يبي لورينزو !!


لكـن مع روسي انسـى كل شي .. واعرف انـه راح يجيب العيـد بالفريق !
الموسم اللي طاف كان استثنائي .. وقمت اشك ان روسي له طرف بالسالفة !

اشوفك تناسيت لوتيتو
لوتيتو يتحمل 80% من الي صار في الفريق هذا الموسم
جاب تعاقدا ت !! بعد ايش بعد خراب مالطا !!

مودتي لكم

وانا بعد
انزاجي التونسي
03-24-2008, 08:18 PM
اخوي لورينزو اذا كانت الهزيمة عادية فماذا سيكون طموحنا فيها اذن ! اخف الاضرار !
اخوي ليش نذهب لفلورنسا و نلعب اذن ! خلينا في روما ننهزم بالغياب احسن لنا

الهزيمة لم تكن متوقعة !!! لكن روسي هو الذي ارادها كذلك !!! يعني عندما يكون مدرب لليــتشي : تكون الهزيمة متوقعة ... لكن مع لاتسيو !!! لا يا عزيزي

سلامــي
امــيــر الــذوقــ
03-24-2008, 08:19 PM
اخوي لوريـنزو هل لك ان تشرح لنا موقفك من هذه المسألة الصغيـرة لو سمحت ... حتـي نتقدم قليلا في الحوار :)

هل تريد روسي في الموسم القادم
هل روسي يستحق الدفاع عنه

اكيد انا اريد التغيير للأفضل
وفي مدربين كثير افضل من روسي

اما عن الدفاع عنه
فأنا لا ادافع عنه ابدا لو كنت ادافع عنه كان شفتني من زمان وانا ادافع
لاكن هذي من المرات القلائل الي ادافع عنه
فقط لكي انصفه واقول الصراحة

فمن غير المعقول عندما فزنا بالديربي
ان تقولوا ان سبب الفوز هم الاعبين وحماسهم

وعند الخسارة من الفيولا في ظروف صعبة
يكون سبب الخساراة الوحيد هو المدرب
Shomi
03-24-2008, 08:24 PM
الاخوان عواد واحمد كفو ووفو لكن لي عودة خصوصا على هالكلام

اشوفك تناسيت لوتيتو
لوتيتو يتحمل 80% من الي صار في الفريق هذا الموسم
جاب تعاقدا ت !! بعد ايش بعد خراب مالطا !!
انزاجي التونسي
03-24-2008, 08:29 PM
عندي اقتــراح بسيــط . لنفــرض ان سيفيليا لم يقم بالهفوة و ان المباراة انتهت 0 ـ 0

هل كان سيصيـــر كل هذا !!!
يعني هذا رهيـن حركة من مدافع او حركة من مهاجم !!!
هل سيفتح موضوع اخر حول " التعادل الايجابي " مع الفيولا في الارتيميو فرانكي و للتغنــي بخصـال " روزيــهنال " !!!
هل ستكون ردود فعلكم مثلما كانت عليــــه بعد اللقاء ضد الاودينيزي !!!

انتظــر اجابتكم
Laz!o
03-25-2008, 12:18 AM
متابع من بعيد


بس أرجو انها ما توصل للزعل بينكم ترى في النهاية كلنا أخوان و نشجع نفس الفريق
Prince of lazio
03-25-2008, 02:03 AM
هاردلك شباب انا ماشفت المباراة
بس على تعليقات الشباب فرحت بالمستوى الدى قدمه روزنهال
وان شاء الله التعويض امام الانتر
The Game
03-25-2008, 06:33 AM
أخوي لورينزو
انت تدري اني أحبـك واغليك والله

لكن بكل صراحـة ردّك علي يناقض نفسـه
انا رديت على جميـع النقاط اللي انت ذكرتها
ولكـنـك رديت على جزيئات من النقاط اللي انا ذكرتها

ولذلك انا اكتفي الى هنا

وعساك ع القوة وبيّض الله وجهـك
وكلنا اخوان والاختلاف بالرأي لا يفسد للود قضيـه

دمت غالي
mohammedvid
03-27-2008, 12:52 PM
اعتقد في مشكلة في الجهاز الطبي
مستحيل يرجع لاعب إلى مستواه مثل ماوري وهاهو موتاريلي