مودينجاي .. وشكوك حول بقاءه مع لاتسيو

[متيم السيليستي]

http://it.uefa.com/ml/images/players/ucl/220X220/60008.jpg


عنصر آخر من فريق لاتسيو من المحتمل فقدانه في الصيف وهو البلجيكي جابي مودينجاي الذي لعب دورا جيداً ومميزا مع لاتسيو خلال الشق الأول من الدوري ودوري الأبطال لكن مع قدوم الفرنسي دابو ظل حبيس دكة البدلاء بجابب المدرب روسي وبالنظر للعروض المقدمة له من أتليتكو مدريد وليفربول واينتراخت فرانكفورت وإستعداده لتقديم مرتب أكثر مما يقدمه له لاتسيو ومن المحتمل أن ينظر بجدية لهذة العروض

[أحمد التتان]

والله للأمانه ان مودينجاي ما يتعوض
ولكنه ناقص !!!
يعني ماهو كامل في هذا المركز !
مودنجاي ما يعرف متى يعمل فاول تكتيكي
مايعرف يمرر الكور
ما يعرف يسرع او يبطء إيقاع اللعب ..
ما يعرف يسدد !!!

مودنجاي قوي في الإلتحامات الشخصيه ...
غير هذا !
أحسن ان دابو وايد مراحله متطوره أكثر منه !
ومع اي مدرب جديد راح تتغير خطه الإرتكاز وبيكون عدد ست لاعبين في هذا الموقع صعب جدا !!!
يعني لو بيجتاج أكبر عدد في اللقاء ٢ او ٣ !

الله كريم !
الفريق مثل النبته الذابله اوراقها تتساقط !
والفريق وضعيتها العامه للموسم القادم صعبه في الإنتدابات وهذا شي خطير جدا !

[Laz!o]

والفريق وضعيتها العامه للموسم القادم صعبه في الإنتدابات وهذا شي خطير جدا !

100 %

لاتسيو لن يلعب في أي بطولة بالموسم القادم سوى الدوري و الكأس
ولو كان في بطولة أوروبية راح تفرق كثير
كل لاعب يطمح يلعب بنادي حاضر أوروبيا
و للأسف لاتسيو لم يستغل الموسم هذا عند تأهله
الحين اللي صاير هو العكس ,, لعيبة كثيرين يفكروا بالخروج لأان الدافع غير موجود في لاتسيو
و اذا خرج أهم اللاعبين في الصيف فهذا مو غريب

الله يسهّل

[8 zauri]

اتمنى الأستفادة ماديا من هذه الصفقة لأكبر قدر ممكن ...
وبخصوص اللاعب ...
بصراحة ميزته عمره صغير فقط لاغير
وبخصوص الألتحامات اتوقع الموسم الماضي بالفعل كان قوي
ولكن هذا الموسم ماعنده الا التكسير حاله من حال موتاريللي
بالمختصر (( لا اتوقع خروجه راح يأثر ))

[333]

مودي لا يعرف يمرر الكورة اصلا ولا يعرف يسدد على المرمى نهائيا . دابو احسن منه بكثير

[متيم لازيو]

مشكور على المجهود اخوي

والله مودينجاي يوم جانا دابو عرفنا علته !!

أتمنى الإستفاده منه ماديا خروجه لن يأثر وخاصه بعد قدوم مدرب جديد لا يعتمد على الثلاث محاور !!

[سلاس_11]

اتمنى ان يبقى معنا مودي

[ahdmagar]

اي لاعب لا يريد البقاء
اتمنى ان يغادر
الدنيا مليانة لاعبين ولا يوجد احد لا يعوض

[عاشق البيانكوشلستي]

صدقوني اذا خرج مودي من لاتسيو رايحين نندم عليه كل شي الا ذا الاعب ....صحيح مستواه هبط لكن زي ماقلت كل ذا من العله روسي ويكون في علمكم ماهو مودي الوحده اللى هبط مستواه... الفريق كله كان مستواه هابط بأستثناء روكي وبانديف .....(كل ذا من روسي )

[بو سلمان]

مودي من الاعبين الممتازين الموسم الماضي

لكن للاسف لم يطور من نسفه و انا اعتقد ان العله من المدرب ما مكنه جيدا ً من مركزه

يعني لو كان يدربهم على العرضيات و التسديدات التمريرات القصيره لكن شفنا مودي افضل بكثير

مو فالح الا يلعب ضد فريق شباب هاوي و يفوز 15 - صفر و اخرتها يجون الافرقه و يصمونه على وجهه !

[The Game]

يعطيك العافيـة يا منذر

مودينجاي اذا تم التفريـط فيـه فـ راح يكون اغبي شي حصل !!
مودينجاي من اللاعبيـن المقاتليـن بالملعـب .. حاله من حال جاتوزو و بروكي و فلاميني و زانيتي الانتر

لاعـب مقاتل ومحـور ممتـاز !

ولكنـه يفتقـد لمهارات كثيـرة !!

وهذا الشيء عند المدرب ويطوره المدرب ويعرف شلون يوظف اللاعـب هذا بشكل سليـم !!
جاتوزو ما يملك اي مهارات لا تسـديـد و لا تمرير و لا شي !!!!!
كلنا نعرفـه .. لكنـه تكتيكي .. يعرف شلون يوقف الهجمـة في فاول عادي من دون ما ياخذ انذار !

بروكي من عاهـه بالميلان الى عاهـه بالانـتـر الى عاهـة مرة اخـرى بالميـلان !
لين راح اعارة الى فيورنيتينا .. و تم توظيفـه عـدل من برانديلي وكان عنصر اساسي وهام بالفريق !
حتى ان ادارة الفيولا تبي تشتري الميـلان رفـض بعد المستوى اللي قدمـة بروكي !!

يوم طلع من الفيولا .. جماهير الفيـولا ترفع شعارات ولافتات عشانـه .. يبـونـــــــــه
واكبر دليل موقع بروكي الرسمي .. شوفوا الصور اللي فيـه

فلاميني مع الارسنـال .. من لاعـب عاهـه ومـدوج وتكملـة عـدد !
واحيان احتياط طوارئ لـ اظهرة الارسنـال

شوفوا فينغر شنو سوى فيـه .. صبـر عليـه صبر عليـه
والموسم الحالي ابداااع مع الارسنـال .. وراح الميلان و راتبـه 4 مليـون !!!

وعلى كلام بيكهام يوم تدرب مع الارسنـال .. يقول فينغر يدرب فريقـه
على اللمسـة الواحـد .. تدريب خاص بـ معنى عامي ( ون تـو أو طقـة وباص )
وفعلاً نشوف الارسنال لا لعب الكورة ما تطول عند اللاعب على طول يمـرر

الزبـدة ان اكبر خطـأ التفريـط بـ مودي .. هاللاعـب وحـش وحـش
ينقصـه شويـة تماريـن وتشوفونـه من اروع المحاور بالعالم

[أحمد التتان]

السلام عليكم

أخوي عواد من صدقك تقارن مودنجاي مع فلاميني ؟؟

انت تشوف التمريرات الطويله الي يعملها فلاميني ؟
او تشوف التمركز الي يقدم فلاميني ؟
او تشوف التحركات الي يقدمها فلاميني ؟

وأساسا فلاميني ما كان داج يالغالي !
بس كان الوسط إما بين فيررا وإما بين جلبيرتو سيلفا وكان النقص في الظهير فكان يبدع حتى في مركز الظهير !

اللاعب من طينه ينعرف !
طيب روسي ما طول مستواه في تمرير الكره ! ولا مدرب مر على مودينجاي دربه على تمرير الكرات !

انا ماني ضد مودنجاي لكني أتكلم بالي أشوف، كم هجمه لنا ضاعت والسبب ان مودينجاي ما يعرف يوقت هل يسرع او يقتل الهجمة !
وكم لعبه كانت بتكون روعه لو تمررت صح ولا تمررت !
وايد يالغالي !!!

[Ole]

لاعب اقل ما اقول عنه داج ولا يدري وين ربي حاطه

لاعب يتعب في قطعة الكورة وبالأخير يسلمها للخصم

لو اني لاعب والعب قدام لاتسيو كان اعتبرت جابي معنا في الفريق وامررها له وانا واثق انه بيرجعها لنا

[lazio1900]

لاعب والله ممتاز ولااتمني ان يغادر لاتسيو