المساعد الشخصي الرقمي

مشاهدة النسخة كاملة : لاتسيـو 2 × 0 جـنـوا [[ تعليقاتكم ]]


The Game
05-11-2008, 06:02 PM
تغلب نادي لاتسيو الايطالي على نادي جنوا على ملعب الاخيـر

بـ هدفين مقابل لاشيء

سجل الاهداف كلاً من بانديـف و روكـي

تعليقاتكم

Citta-Celeste
05-11-2008, 06:07 PM
تعليقى هو ال مبرووك رغم ان الفوز لايعنى شى ..وانا حزين على فوز روما اكتر من فرحتى على فوز لاتسيو

hissou
05-11-2008, 06:08 PM
الف مبروووووووووووووووك الفوز شباب

ahmad petit
05-11-2008, 06:09 PM
للاسف فوز روما افسد فرحتنا

8 zauri
05-11-2008, 06:13 PM
مبرووك الفوز ياشباب ....
اللي شافو المباراة يمدحون ماوري ...
اتمنى الفوز هذا يريح الأجواء ويطيب النفوس داخل لاتسيو
.....(( شباب العام الماضي آخر مباراة لنا في الألمبيكو امتلئ الملعب بالكامل لتوديع الفريق تتوقعون
المباراة الجاية يمتلي الملعب أيضا لتوديع الفريق )).........

Ole
05-11-2008, 06:14 PM
على الاقل رجعنا للفوز

وكالعادة الفوز يكون بأقدام روكي وبانديف وباقي اللاعبين معدل التهديف منخفض

ضروري روسي يتغير والى متى الفريق يعتمد على روكي وبانديف

STEFANO
05-11-2008, 06:29 PM
صحيح فرحان لـ الفوز بس فوز روما احزنني !!

الله يلعنكم يـ فريق العقم . . على سيينا مو قادر عليه !!!

صج العقيم عقيم:furious: !!

lazio-ultras
05-11-2008, 06:32 PM
مبروك الفوز يا شباب
بس شو قصة نطيب النفوس هاي؟؟؟؟
كان لازم (روسي و الشلة) يخسروا اليوم ب نص دزينة علشان المحترم لوتيتو يقتنع انة روسي عبارة عن دابة تكتيكيا و يبطل تصريحاتة الي تسد النفس الي يقول فيها انة سوف يبقي على روسي ::aa_yuck:
على كل حال شعار النادي يستحق الفوز و كذلك المشجعين:lazio3:


و اتمنا انة اخر مباراة مايحضرها ولا مشجع :11xing:
علشان يحسوا بالي عملوة بالمحبين هالموسم :11xing:

Citta-Celeste
05-11-2008, 06:34 PM
اخووى ..يمكن يمتلئ الجمهوور بس لتوديع روسى

hissou
05-11-2008, 06:54 PM
فوز روما افسد فرحتنا

Gianluigi
05-11-2008, 07:43 PM
فوز للذكرى فقط
الموسم كله للطي و النسيان و لكن تبقى النتيجه جيده
لان البقاء على سلسله الهزائم ليس في صالح سمعه الفريق

333
05-11-2008, 08:03 PM
واخيرا لاتسيو يفوز خارج اسوار الالمبيكو للمرة الثانية فقط . لكن الخوف من فوز روما بالدوري في المرحلة الاخيرة .

لازياوي
05-11-2008, 08:11 PM
روكي يا روكي ... مع حبي واحترامي الشديد لك إلا أن هدفك ( كان زلة قدم ) شوف الإعاده..

مبروك الفوز ( فوز بلا طعم ) بعد خراب مالطا ...

هههههههههه على سيرة روكي الهداف الذي لايعرف كيف أحرزت أهدافه . عرفت معنى حركته
هههههههههه دعاية ( قهوه علي كافيه ) ههههههههه

معلش مداعبة ثقيله مني

متيم السيليستي
05-11-2008, 08:23 PM
مبروك الفوز ياشباب على الأقل افضل من الخسارة وعلى الأقل تسبب في زيادة حصيلة روكي وبانديف في اهدافهم بالكالشيو ..
وعلى ذكر ماوري بعض المواقع ذكرت بأنه لعب بشكل جيد على العموم المباراة ستعاد ربما غداً

lazioblood
05-11-2008, 08:25 PM
ألف مبروك للاتسيو
الفوز لا يقدم و لا يأخر
لكنه يجبر خاطر الجماهير المجروحة
و أظن أنها لت تأتي للأوليمبيكو لتودع الاعبين
فما فعلته العام الماضي كان مكافأة لهم لتأهلهم للتشامبيونز ليج في ظروف أصعب من هالسنه
لكن لا يوجد هذا الموسم ما يدعي قدوم الجماهير..

امــيــر الــذوقــ
05-11-2008, 09:34 PM
اهم شي بانديف وصل 14 جول
وانشاء الله مباراة نابولي يسجل هاتريك

على فكرة ارتيبولي شفت تقييمه الاعلى في المباراة(7)مع بانديف

انا انتظر الاعادة ابغي اشوف مستواه

Laz!o
05-11-2008, 11:58 PM
فوز لا طعم له ولا أي فرحة ,, بالعكس ربما سيكون سببا في بقاء روسي

حتى كلمة مبروك مالها داعي

بانتظار نهاية الموسم بفارغ الصبر حتى نشهد ما هي التغييرات التي ستطرأ على الفريق

الملتاع
05-12-2008, 12:28 AM
مبروك الفوز بس أكيد ماله طعم بعد ايش بعد المهازل .
بالنسبه للروما ما فرقت معي يفوز هو او يفوز الانتر كلها واحد مدري ليه متعصبين للمباراة روما . على معتقد القسم هذا قسم متخصص بلاتسيو وليسا بالكالتشيو .

أحمد التتان
05-12-2008, 01:52 AM
والله يا أخوي المباراة كانت تحصيل حاصل اذكر اني نمت وصحيت على هدف بانديف ونمت وصحيت على هدف روكي ...
والغريب ان ارتيبلي تم تغييره ولا أعرف السبب خخخ لأني نايم !
بس روسي من جد معطيها !
يا أخي جنوى خسرانين والجمهور مجانين !
والأخ بتصريحاته يضن ان جاب البطولة !!!

ماوري كانت له لمسات رااائعه للغايه اليوم !
أفضل أداء قدمه طول الموسم ! ..
المشكلة عندنا في الوسط!
ليدسيما كان ممتاز ... لكن بوجود بهرامي تكون الخطة ٤-٣-١-٢ لكن كــا ٤-٢-١-١-٢ لأن بهرامي على طول طاير على الخط !
يعني ما تكون له تغطيات في العمق .. مع انه وسلفستري قدمو مباراه جميله بعد !

بانديف يثبت انه من أذكى اللاعبين وما غلط سينيوري يوم قال هذا كاكا لازيو ! بالفعل !

Prince of lazio
05-12-2008, 02:19 AM
مبروك على الفوز
ولكن مثل ماقال خالد يمكن ان يكون سبب لبقاء الداهية روسى
وانا اعتقد ان لوتيتو سيبقى عليه
وسيتضح كل شىء قريبا جدا

nesta
05-12-2008, 04:32 AM
الف مبروك الفووووووز شباب

انا فرحااااااان بعودة مستوى ماوري اكثر من فوز الفريق

في قناااة تجيب اهداف الجولة كاملة وغير مشفرة

تبع السكاي شوفوا الاهداف Anc1004

ترددها ع الهوت بيرد 12711

سلاس_11
05-12-2008, 04:38 AM
فوز معنوي للفريق
على العموم مبروك للنسور

غسان
05-12-2008, 11:26 PM
مبروك الفوز !!!
بعدين ليش مزعجكم فوز روما والله ان روما فريق ممتع ويستاهلون الدوري اكثر من الانتر العقيم

The Game
05-13-2008, 08:55 AM
بعد ما شفنا المباراة اعادة

بعض النقاط السريعـة

اول شي طبعاً
ارتيبولي 22 :)

والله هاللاعـب زيـن ومن اول مباراة قـدم مستوى حلـو
كانت له بعض الهفوات .. لكن ما يمنـع انه قدم مباراة حلـوة

وبصراحـة زعلت على سالفة تبديلـه !!

ما كان لها داعي


روزينهال 7 :)

سلموا لي على مـخ روسي !
يوم بعد يوم يثبت انه افضل مدافع بالفريق !
ان شاء الله لوتيتو يشتريـه على طول

والله صخـرة .. مدافع دولي وعنده خبرة و قوي !
وفوق هذا طويل و سريـع !
اي كورة عاليـه تشوفها ابعدها

واحيـان ( ينطنخ ) ويهجـم ويستغل سرعتـه !
و يرجع بسرعـه للدفاع

والله مدافع كبير واتمنى يبقى على طول بالفريق


لورينزو 29

حبيب الكل
قدم مباراة روعـة طبعاً

لكن الاحـظ شي على دي سيلفستري
اذا قربت المباراة على نهايتها يعني باقي 10 دقايق او ربع ساعـة

تشوفـه يطفي خلاص ( هلك من كثر الركـض )
ويبيـن عليـه التعب والارهاق !

اتمنى يكون في تدريب لرفع اللياقـة
او يتم توجيـه وتعليم لورينزو عن هالشي

يعني مو اي هجمـة تفتح سبرنـت وطايـر
تتعب نفسـك ع الفاضي !


زاوري 8

الكابتن قدم مباراة دفاعيـة
للأسـف ماني مقتنع فيه كـ ظهير ايسر
اتمنى يرجـع يكون محـور

اسـرع لاعـب بالفريـق زاوري !
ولكـن ما نستفيـد من هالشي !

هذا من اكبر غلطات روسي طبعاً

انـه ما يستغل الشي الممتاز باللاعبيـن
زاوري الكل يكرهه ويقول عنـه عاها !

ما صار عاها اللا بسبب تأليفات المدرب !
يعني مو معقولـة مثلاً اجيب مغني واحطـه ظهير يسار واقوله يله بدّع بالمركز هذا !!!!!


ليديسما 24

قدم مباراة حلوة هالارجتيني
لكن الآن انا منغث من سالفة التمريرات الطوليـه !
يا اخي تأليف ما بعده تأليـف !!!

المفروض هو اللي يبني الهجمات !
لكن اللي اشوفه ان يقتل الهجمات !

بيهرامي و لورينزو طااااااايريـن ع الجناح اليميـن ! وما عندهم أحـد !!
يروح يلعب كرة طوليـة لـ روكي او بانديـف وياليـتها قريبه منهم او حولهم !
بعيييييده كل البعـد !!!!!!!

لو في مدرب يفهم مثل العالـم .. يقول لـ ليديسما لا تكثر من هالكرات والعـب تمريرات ارضيـة


بيهرامي 85

قدّم مباراة حلـوة .. وصنع الهدف الثاني
فالون يبّدع هالجهـة اليمنـى وعموماً يبدع بخط الوسـط
وخصوصاً اذا لعب ع اليمين ولعب وراه لورينزو

تصير هالجهـة اليمنى ناريـه .. خصوصاً بعد ان بانديف يميل الى جهة اليمين


موتاريللي 5

من وجهـة نظري كان الاضعـف .. مع انـه قدم اداء حلـو



ماوري 11

كانت المباراة .. مباراتـه
قـدم اداء ممتاز .. و رجـع ماوري الموسم الماضي

كانـت لمساتـه وتمريراتـه سريـعـة على غير العادة
اللي كان فيه بطئ شديـد

امس لعب وقدم اداء سريع وهجومي

والكعـب اللي لـ روكي هاذي يبيلها سالفة لحال ^_^

وانا من قبل اقول ضد بيع ماوري
ماوري من اللاعبين المميزين

ماهو يعني طاح مستواه نبيعـه


روكي 18

مو بـ يومـه .. كانت تحركاتـه مفيـده
لكن مو بـ يومـه

حتى الهدف اللي سجله كان مجهود فردي من بيهرامي
وصناعة الهدف لـ بانديف كانت مقشرة

روكي يبي واحـد يفهمـه
يعطيه الكرة من ورا المدافعيـن والباقي عند روكي


بانديف 19

نجم لاتسيـو الحالي .. نشط جداً جداً جداً
يعيبـه انانيتـه شوي .. بس ما يمنـع انه مصدر الخطورة والازعاج للفرق الثانيـة




نقطـة سريعـة بخصوص الجهـة اليسرى لـ لاتسيو !

هالجهـة ضعيفـة جداً خصوصاً بالتمرير والعرضيات !

زاوري و موتاريللي كلهم يلعبون يمين
وامس اكثر من كرة كانت ممكن تكون افضل مما كانت !

ولكن بسبب ضعف القدم اليسرى للاعبين هذول ضاعت علينا

لازم يجي محور يساري ايسـر ! و لازم نستعين بـ رادو او كولاروف

او ع الاقل يكون رادو او كولاروف ظهير ايسر .. والوسط ميخالف يكون ايمن


في نقاط ثانيـة عن روسي .. بس ماله داعي نقولها :) :) !
فزنا ولو الفوز ماله طعـم .. لكن يسمى فوز عقب كل هالخساير

فورزا لاتسيـو

Ole
05-14-2008, 11:12 AM
اوافقك ياعواد بكل النقاط ماعدا........

ارتيبولي

بصراحة كان سئ وزاوري وروزينهال وليدسماغطوا كثير من هفواته

زين روسي كان مقفل الدفاع ولا كان تكررت نتيجة اليوفي قبل تبديله

متيم لازيو
05-14-2008, 12:25 PM
مشكورين شباب على الملخص

خسارة ماشفت المباراة !!

متحسف على شئ واحد بس إني ماشفت ماوري !!

أخ يالقهر يعني روكي وبانديف الحين يا ماوري يصير بمستواه ولا لعبهم يصير فردي !!

أنا شفت الملخص وشفت تمريراته للأهداف وأنا إلى الآن أقول أنه فنان لكنه يقهر !!

إذا لعب بمستواه يبهر وإذا صار بطئ يقهر والله ابتلشنا فيه هالاعب !!

امــيــر الــذوقــ
05-14-2008, 07:28 PM
شباب بعد ما شاهدت المبارا ة اعادة عندي سؤال واحد بس

الاعب رقم 11 في لاتسيو هو نفسه ماوري !!؟!!؟؟!؟!؟!؟!؟

The Game
05-15-2008, 09:22 AM
اي يا لورينزو هو ماوري :) !


بالنسبـة لكلام الغالي عبدالرحمن
انا معاك ان ارتيبولي كان له هفوات وانا ذكرت هالشيء ^_^

لكن بالنسبـة لأول مباراة لـه يلعبها فـ هو قدم مباراة طيبـة

لو لاعب اكثر من مباراة ودايم يشارك اكيـد بنتقـده

لكن اول مباراة يلعبها ومو متأقلم مع المجموعـة بشكل كبير
وفاقـد لـ حس المباريات .. فـ هو قدم مباراة طيبـة

BOBO LAZIO 32
05-15-2008, 09:13 PM
مبررررررررررررووووووووووووك الفوز الذي اعتبره متأخر نسبيآ