بيهرامي و استخدامه للقانون رقم 17 + ماتسوي الى سانت اتيان

[Laz!o]

http://members3.jcom.home.ne.jp/tk_rhapsody/224501939%5b1%5d.jpg
على ما يبدو أن فالون بيهرامي قد يوظب حقائبه لتوديع لاتسيو مع انتهاء الموسم لأنه
يوم الاثنين القادم لاعب منتخب سويسرا سيستعمل القانون رقم 17 من الاتحاد الدولي
لكرة القدم حتى يتحرر من ناديه الحالي (لاتسيو) وذلك بأن يشتري عقده والمقدر
بـ 2.6 مليون يورو من أجل الذهاب الى ألمانيا أو أسبانيا أو انجلترا .

***

http://www.goal.com/resultsimg/5473.jpg
دايسوكي ماتسوي سيترك ناديه الحالي لو مان الى سانت اتيان وهذا ما أكّده رئيس النادي
على أن نسبة الاتفاق بين اللاعب و نادي سانت اتيان 90 % .
اللاعب الياباني كان أحد اهتمامات لأندية ايطالية عديدة منها لاتسيو و تورينو و كاتانيا و جنوى .

[Shomi]

مشكور اخوي ويعطيك الف عافية


من حقه يروح اي نادي ثاني دام لوتيتو مو راضي يجدد له بس فالح يصرح نفس وجهه

[The Game]

والله قانون الفيفا هذا غلط بـ غلط !!

يعني بيهرامي شارينـه بـ 13 مليون تقريباً
يطلع من النادي بـ مليونيـن !!

طيب اذا لاعب شروه بـ 60 مليون يطلع بـ كم .. 5 مليون !!

قانون ظالم وغبي بصراحـة !!

اذا اللاعـب ما يبي يلعب بالفريق يقول بيعوني
واكيـد الادارة راح تبيعـه


بالنسبـة لـ مصداقيـة الخبر اتوقع انها اشاعات مثل اشاعـة بانديـف
الصحافـة الايطاليـة مو مخليـه لاتسيـو بـ حالـه


اما ماتسـوي .. ان شاء الله يجي الى لاتسيـو
ما اتوقع بصراحـة يطلع من لو مانز عشان يروح سانت اتيان !

مشكور يا خالد

[Lazio 605]

من حق بهرامي يطلع من لاتسيو دام ان لوتيتو موجود , بس اتمنى بيع اللعب وليش ان يشتري عقدة

[بو سلمان]

اتوقع انها اشاعه

بهرامي وافق على البقاء بشرط تحسين راتبه و اعتقد انا هناك اجتماع بين وكيل اعماله و لتيتو

لكن اذا لتيتو بدى يماطل كثيرا ً فـ الاعب خارج لا محاله

[Ole]

ياشباب وش قصة القانون هذا؟؟

اللاعب متى يقدر يستعمله وتحت اي ظروف وليه مانسمع لاعبين كثيرين يستعملونه عند الانتقال

[Lazio Lover]

بهرامي معه حق في الانتقال...

فالاوضاع في لاتسيو سيئة جدا... فالاعبين لايجدون في لاتسيو التقدير المالي ولايحصلون على رواتب جيدة، ومن ناحية اخرى فريق سيء لاينافس الاعلى عدم الهبوط (فريق ترتيبة 12)... فلماذا يبقى الاعب؟؟؟؟

[امــيــر الــذوقــ]

لا اعتقد ان لوتيتو بذاك الغباء ليجعل بيهرامي يخرج بشرط الفيفا

ان شاف انه خارج لا محالة بيبيعه بأعلى سعر مثل ما حصل في صفقة اودو

[The Game]

ياشباب وش قصة القانون هذا؟؟

اللاعب متى يقدر يستعمله وتحت اي ظروف وليه مانسمع لاعبين كثيرين يستعملونه عند الانتقال

هلا وغلا عبدالرحمـن
يا طويل العمـر هالقانون جـديـد !

طبقوه هالسنـة

القانون القديـم يقول اي لاعـب وصل عمـر الثلاثيـن وباقي من عقـده سنتيـن
يقـدر يفسـخ عقـده مع النـادي .. وينتقل الى اي نادي ثاني كـ انتقال مجاني

وهالسالفة الوحيـد اللي شفتـه سواها هي دي سانتيس حارس الاودونيزي طلع من فريقه وراح لأشبيليـه

القانون القديـم كنسلوه .. وحطوا هالقانون الجـديـد

اي لاعـب باقي من عقـده سنتيـن ويبي يطلع من النادي .. يدفـع مبلغ وقدره مليونين على ما اعتقـد ماني متأكد من قيمة المبلغ .. ويعطي هالمبلغ النادي اللي يلعب فيه مقابل بطاقتـه الدوليـه .. و حزتها يقدر يروح لأي نادي آخر كأنتقال مجاني !

هذا اللي اعرفه وحبيت افيدك فيـه
واللا عنده اضافه لا يبخل علينا

[333]

من حق بيهرامي الخروج بوجود ليتوتو اللي مو راضي يزود راتبه . مع انه يستحق اكثر من ذلك .

[STEFANO]

ماتوقع بيهرامي يسويها . . !!

بالنسبه لـ القانون الجديد حق الفيفا اذا باقي من عقد الاعب سنتين يستطيع الحروج من النادي بشرط
ان يدفع النادي الذي يريد الاعب باقي راتبه الـ سنتين !!

مثال عشان اوضح اكثر ؟!؟
مثلا ليفربول يريد بيهرامي عليه دفع راتب بيهرامي لـ لاتسيو لـ السنتين الباقيه من عقد!
طبعا دفع كاش مو دفعات !!
وبعدها يكون الاعب مجانًا وينتقل لـ النادي اللى يبيه . . احس ظلم لـ النادي !!

مثل ماقال أخوي عواد يعنى نادي يشتري لاعب بـ 50 مليون ويقدر يطلع اذا باقي سنتين بـ 5 مليون مثلا !!
قانون تقدر تقول ينفع حق الانديه الفقيره ولكن الافرقه اللى لها مبالغ كبيره ممكن تنظلم والعكس صحيح!!


وان شاءالله بيهرامي باقي في لاتسيو !!

مشكورين !!

[sas]

صعبة جدا ماتوقع انه يسويها

[Citta-Celeste]

انا الصراحة ما اصدق هدى الاخبار لان الصحافة مسوية شغل حلو فى المشجعين هدى الايام وياما حنسمع اخبار اخرى

[متيم لازيو]

الأوضاع في لاتسيو لا تحتمل !!

على لوتيتو إيجاد حل للفريق الذي بدأ في التدهور التام !!

لانجوم جدد ولا محافظة على الحاليين لاتسيو يسقط شيئاً فشيئاً !!

[nesta]

مااستبعد ان ذا الشي يحدث وخاصة ان بيهرامي بيشارك منتخبه باليورو

وشي شبه مؤكد بتجيه عروض تفوووووووق عرض لازيو

اتمنى الاستفادة من عقدة اذا هو معزم ع الانتقال

[سلاس_11]

قانون غبي للغايه