روسي : لايمكن أن نضع السكوديتو هدفا لنا

['Lazialita]

http://www.vg.no/uploaded/image/bilderigg/2008/05/17/1211035170523_44.jpg

الفريق يستحق أن يكون في مركز أعلى من
المركز الحالي, واقعيا ليس لدينا الموارد اللازمة
للفوز بالسكوديتو, هذا ماقاله ديليو روسي في المؤتمر
الصحفي قبل مباراة فريقه مع تورينو, و قال روسي:

" لاتسيو في مركز يستحقه عن جدارة, لكني أعلم
أننا لانملك الموارد الأقتصادية التي تجعل السكوديتو هدفنا,
حاليا بالنسبة لنا السكوديتو هو ملئ الأولمبيكو عن بكر أبيه "

تورينو V.s لاتسيو

" لاداعي للقلق, الفريق الجيد يلعب جيدا في
أرضه وخارجه, مباراتنا أمام تورينو ستكون قوية "

باسكوال فوجيا

" أنه أحد اللاعبين الذين طلبتهم, لكنه يعرف
مكانه في الفريق ليس مضمونا, عندما يدخل يقدم
أفضل مالديه "

ستيفانو ماوري

" عنصر مهم جدا في خط وسط لاتسيو "

[امــيــر الــذوقــ]

السير شغال تكسير فمجاديف لاعبين الفريق !!

مشكور اخوي

[أحمد التتان]

السلام عليكم

والله شي غريب !
يعني كل مانقول تعال نبي نوثق فيك ونحس انك ثقة وبتجيب لنا شي تقوم تصرح هاي التصريحات !
معلش ما بنفوز بالسكوديتو معليش بس خليها بينك وبين نفسك !
مهاجمينك، يقولون نبي نجيب البطولة ! وانت تقول ما نقدر ما نقدر ماعندنا الإستطاعة اننا نحققها !
يعني قصدك ان التقصير من لوتيتو مثلا ؟ او كيف !


بس هذا جزء من التصريح والجزء الأوقح هو:
ان ماوري لاعب مهم وضامن مركزه وفوجيا لازم يثبت نفسه !
ياعالم ياناس فهموني هل انا غبي ما أفهم كره او ان فوجيا شارك مرتين سجلنا فوزين قويين !!!!!
شارك فترة أكبر من ١٥ دقيقة طبعا !
والله هذا المدرب يبي له كسار راس !
اخ بس لو يطلع لاعب او حتى لو ديكانيو ويصرح يقول كلام في هالزفت !
مليانه هذا فكر المدرب شلون نطالب بالفوز على فرق الشمال !!! هذي لحاله معجزه بالنسبه له !
اوووف

تسلم يالغالي على النشاط والأخبار الحلوه الي مثلك يا حلو :)

مشكووور دبل

[The Game]

اتوقع الكل يعرف ردي على تصريح هالمدرب العالمي
مافيه فرق كبير عن كلام اخوي احمـد

بس انا ودي ودي ودي ودي احـد يفسر لي هالكلمـة


لكني أعلم
أننا لانملك الموارد الأقتصادية التي تجعل السكوديتو هدفنا

[hero_lazio]

والله يا عواد ما فيها تفسير ولا شئ...
مجرد مدرب عديم الطموح...ومخه مسكر على لاعبين عاهات...وان شاء الله نخلص منه الموسم الجاي...

[متيم لازيو]

عواد انا أفسرها لك وهي واقعية ولا حد يتفلسف بس !!

مانملك لاعبين سوبر هذا قصده لهم نفس طويل على الاسكوديتو !!

ماعندك كاكا رونالدينهو شيفا نيستا !!

ماعندك ابرا فييرا كوردبا زانيتي ماعندك تريزي دل بيرو وفي الأخير ماعندك مورينهو او رانييري !!

[Citta-Celeste]

شى طبيعى..لان الاسكوديتو طموح الكبار فقط..

[STEFANO]

ما أحد قاهرني غير هالمدرب القفل !!!!

على الاقل قول راح ننافس على اللقب مو شرط تحطه هدف اساسي لك

انت بتصريحك هذا مو حطمت معنويات الفريق الا قتلتها . . يالغبي !!!

متى اشوفه خارج اسوار الاولمبيكو . . قال ايش فوجيا مو مضمون مكانه وماوري عنصر مهم لـ الوسط !!

والله شر البليه مايضحك :)

مشكور حبيبي

[Foggia_17]

المدرب الصغير طموحه و عقله صغير

نملك أفضل مهاجمين في الكالتشيو و الأرقام تشهد

من خلال الأهداف التي سجلها المهاجم زاراتي هذا الموسم و بانديف في هذا

الموسم و الموسم السابق و روكي في الموسم السابقة و إن شاء الله مع عودته .

و في خط الوسط لدينا فوجيا أحد أفضل اللاعبين في الدوري حتى الأن

و أيضا موتوزاليم و مغني

و لدينا أظهره قوية ( ليشتاينر ـ دي سلفستري ) و ( كولاروف ـ رادو )

لدينا حارس جيد

مع وجود هذه الكوكبة من النجوم يطلع روسي و يقول لانملك الموارد

الأقتصادية التي تجعل السكوديتو هدفنا


تصريح غبي جدا من روسي

[سلاس_11]

بالفعل كلام روسي صحيح

[Grandi-Lazio]

هذا الواقع................ الفريق محتاج الى المزيد من العمل

[8 zauri]

شباب ...
أتوقع موارد اقتصادية يعني (( أكل وشرب وبطانيات للنوم )) ..

[forza_lazio]

يا شباب هدا التصريح لتخفيف الضغط على اللاعبين بس

[Laz!o]

الواقع يقول ان لاتسيو صعب أن يحقق الدوري
ولكن بالامكان المنافسه عليه وهذي نقطة كان المفروض يركز عليها روسي بدل ما يحبط الجميع بـ تصريحه هذا

و بالنسبة لــ تعليقه عن فوجيا فـ بصراحة تصريح في غير محله أبدا و محاباة لـ ماوري بشكل فاضح

[salas7]

عواد انا أفسرها لك وهي واقعية ولا حد يتفلسف بس !!

مانملك لاعبين سوبر هذا قصده لهم نفس طويل على الاسكوديتو !!

ماعندك كاكا رونالدينهو شيفا نيستا !!

ماعندك ابرا فييرا كوردبا زانيتي ماعندك تريزي دل بيرو وفي الأخير ماعندك مورينهو او رانييري !!


اتفق مع اخوي بالي قاله .. فعلا احنا ماعتدنا لاعبين سوبر .. والموجودين فيهم الخير والبركه لكن ماعندهم نفس طويل للسكوديتو

[lazialy_88]

كلام جميل واقعي جدا جدا

[The Game]

يا شباب وخصوصاً عمر

سالفة ما عندنا لاعبين وما عندنا كاكا ورونالدينهو وشيفا ما اتوقع هذا قصد روسي
وحتى لو قصده هذا

اللاعبين السوبر شنو انفعوا سرقسطـه فيـه ؟؟

ايمار و دي الساندرو وهداف الليغا ميليتو و دييغو الاوروغوياني و ايالا وخوان فران ولوكسين وغارسيا واوليفيرا و سيلاديس و زاباتير .. و .. و .. و ؟

هذا هو طايح بالدرجـة الثانيـة

عموماً مو هاذي النقطـة فيها

زاوري8 حتى وهو رده كوميدي اللا انـه واقعي ؟

الموارد الاقتصاديـه .. شي فيه فلوس فيه اكل شرب .. فيه اقتصاد ؟؟
هالجملـة شنو معناها ؟

هل يقصـد انه مافي محفزات ومافي علاوات على اخذ الاسكوديتو ؟؟

اعتقد لوتيتو مو مقصر الموسم الماضي قال اذا الفريق صعد للنهائي الكاس له كذا واذا جابوه له كذا
ونفس الشي عطاهم علاوات على صعودهم لدوري الابطال ؟

مسألة الاقتصاد شنو يقصد فيها ؟؟

\

و ترى لاعبيننا مافيهم شي .. وهذا حنا متصدريـن :)
ماهم سوبر سوبر ولكـن تحت السوبر بشوي :)

وراعين الارسنال و وراعين اشبيليـه ماهم احسن من لاعبيننا

[Ole]

تصريح ماهو فيه مكانه حتى وان كان واقعي وصحيح

اللاعبين عندهم طموح ونتائج تبشر بالخير خلاص اسكت واستفد من الروح المعنوية العالية للفريق واترك النتايج الايجابية مستمرة واترك التصريح هذا بعد نهاية الدوري وماهو ضروري كل سؤال يسألك عليه الصحفيين تجاوب عليه

[لازيو_فيرون]

ياشباب الواقع يقول هالمجموعه قادره تسوى شى وياما فرق ربحت الدورى واهى لما بدت ماكانت تحلم بالفوز بس الجمهور لازم يساندهم يعنى لازم الاولومبيكو ينترس والله حرام جمهور لاتسيو شنوناطرين الا يجى ريال مدريد يالله يجون مادرى الطليان شنو فكرهم والله لو اوصل ايطاليا والله حتى التدريب ماطوفه حرام يالازياليه الطليان حرام انتو بنعمه مو حاسين فيها ياليت احضر مباراة حق لازيو امنية

[lazio1900]

ألف شكر على الخبر