تجديد عقد ليديسما قريبا

[Foggia_17]

بسم الله الرحمن الرحيم











http://www.ksaplanet.com/up/uploads/2008/12/31/49008.gif (http://www.ksaplanet.com/up)





بعد حديث وكيل أعمال لاعب لاتسيو ليديسما عن مغادرة اللاعب في حزيران / يونيو القادم .

ها هو يعود في كلامه بعد الإجتماع الذي حصل بينه و بين رئيس نادي لاتسيو كلاوديو لوتيتو اليوم .


و قد صرح الوكيل [ ليديسما باقي مع الفريق هذا العام .. و قبل شهر حزيران سنجتمع لنناقش

ما يجب فعله و ربما لن يترك الفريق .. لكن لن ننسى أن بإمكاننا إستخدام المادة 17] .. أما

ليديسما فهو من طلب با إجتماع من أجل تجديد عقده مع لاتسيو لمدة طويلة .

و يبدو أن الخلافات بين لويتيتو و الوكيل كارتينا قد تلاشت و قد ناقشوا اليوم في الإجتماع

الأسس للتجديد ليكون أكثر دقة .








/////////////////////

[Q8_HUNTER]

ليدسما خوش ولد لو يغير *** وكيله تضبط السالفه

الادارة : انذار أول

[متيم لازيو]

يعطيك العافية يا أحمد

بصراحة أتمنى ليديسما يعود لمستواه !!

أصبح يسرح كثير ومايدخل جو المباراة إلا إذا دخل فينا هدف !!

إن شاء الله بعد التجديد نشوف ليديسما اللي عرفناه وحبيناه !

[STEFANO]

للاسف باقي معنا . .!!

لو يرجع ليديسما الى مكانه الطبيعي مع ليتشي ارتكاز مهاجم اتوقع يبدع . .مثل مكان ستانكو !!

بس شنو تسوي وعندك مدرب مثل روسي !!

مشكور أخوي ..

[أحمد التتان]

والله الفريق مهما كان ماله طعم بدون مزاجية ليدي سيما ولكن اللاعب لازم يتسنع قبل لا يتم تحديد العقد معاه !
اللاعب عليه سلبيه اللعب والمدرب التعبان عليه سلبيه التوظيف الي ذبحتنا !

تسلم وإن شاء الله يرجع ليدسيما ديربي الـ 3/0 وتسلمووووون

[متيم لازيو]

^ ـــ ^

لوووووول ماني مصدق هالرد جاء من أحمد خخخ !!

يعني هو أقتناع بشر لابد منه أو فعلاً مقتنع !!

[Ole]

وسطنا مافيه الا ليدسما ومغني من تالي

اذا ماجدد ليدسما بيضيع الوسط اكثر مما هو ضايع

واللي مو عاجبه ليدسما يقول لنا من معجبه في الوسط مانفرديني او فيرماني او بروكي او ماوري او دابو وياقلب لاتحزن ومع الخيل ياشقرا

[8 zauri]

ياشباب لاحظو رد لديسما
ليديسما فهو من طلب با إجتماع من أجل تجديد عقده مع لاتسيو لمدة طويلة .
ولاحظو رد الوكيل
لكن لن ننسى أن بإمكاننا إستخدام المادة 17]
لازال يهدد .... أتمنى من لوتيتو يرد عليه وأتمنى من الأخوان المشرفين يسمحولنا نسب هذا الوكيل بأي كلمة
وان شاءالله هالديسما يحسن مستواه

[The Game]

ياليت لوتيتـو يشرط على هالوكيل التعبان
يا يتسنع ليديسما ويلعب عدل ويتم التجديد له براتب مناسب
واللا اذا تم التجديد له راتبه ما يتعدى المليون على هالمستوى اللي يقدمه

واللي مو عاجبه ليدسما يقول لنا من معجبه في الوسط مانفرديني او فيرماني او بروكي او ماوري او دابو وياقلب لاتحزن ومع الخيل ياشقرا

هلا بو عتب

شوف دامك سألت بجاوبك

قبل كنت اقول دابو يقدر يغطي مكان ليديسما
لكن واضح انه بعد الاصابة انه نهائياً ما يقدر يكمل مباراة كاملة بنفس المستوى

بالنسبـة لإجابة سؤالك بالنسبة لي
انا اشوف فيرماني ابرك من درزن ليديسما :)

ليديسما طول المباراة فاهي ونادراً تشوفه يقدم بشكل حلو
لا خسرنا قعد يراكض ويبي يقطع الكورة ويناقز يمين ويسار

اما فيرماني طول المباراة تشوفه يناقز ويطامر
خسرانين متعادلين فايزين هذا لعبه

الكلام واجد عن ليديسما وماله داعي اكرره
بس ذكرت هالنقطة البسيطة

[بو سلمان]

انا اتوقع انا لديسما هو اللي يبي يبقى مع الفريق

لكن مدير اعماله مسوي زحمه على الفاضي

لديسما لوحده ما يقدر يشيل خط النص .. يحتاج لاعبين جيدين معه

ان شاءالله الامور كلها تاتي لما هو مصلحه الفريق

[Laz!o]

حقيقة ليديسما راح تبين أكثر لو خرج روسي
نفسي أشوف ليديسما مع مدرب ثاني غير روسي

أمّا دي أبوليتو وكيل اللاعب ، بعمري ما شفت واحد يسد النفس مثله بتصريحاته

[سلاس_11]

مشكله لديسما في وكيل اعماله الثرثار

[333]

اكيد ليدسما بيجدد لان مافي نادي في العالم يريد خدماته بعد مستواه الهزيل ........

[Lazio 605]

مشكور على الخبر , واتمنى التجديد له

[Ole]

اما فيرماني طول المباراة تشوفه يناقز ويطامر
خسرانين متعادلين فايزين هذا لعبه

حتى بروكي يناقز ويطامر وموتاريللي ولاعبين كثيرين يناقزون ويطامرون لكن على قل سنع

فييرا مانشوفه يطامر ولا بيرلو ومع ذلك يعتبرون افضل المحاور في العالم

المشكلة ياحمران النواظر اذا حبيتوا لاعب تشوفون ايجابياته وتتجاهلون سلبياته والعكس صحيح

احينا اتمنى ليدسما يصاب لفترة حتى تعرفون قيمته

[أحمد التتان]

حتى بروكي يناقز ويطامر وموتاريللي ولاعبين كثيرين يناقزون ويطامرون لكن على قل سنع

فييرا مانشوفه يطامر ولا بيرلو ومع ذلك يعتبرون افضل المحاور في العالم

المشكلة ياحمران النواظر اذا حبيتوا لاعب تشوفون ايجابياته وتتجاهلون سلبياته والعكس صحيح

احينا اتمنى ليدسما يصاب لفترة حتى تعرفون قيمته


والحين انت يالغالي تشوف بيرلو وفييرا مثل ليدسيما ؟
اووه عفوا !
تشوف ليدسيما مثل بيرلو وفييرا !

انا بس بسألك عن ركنيات بيرلو وركلاته الحره ما بسأل عن شي ثاني وأبيك تشوفهم على اليوتيوب وتشوف ليدسيما :e_2:

شخصيا أكره ليدسيما لكني ابحث عن شي واحد بس يخليني احس انه يستاهل الدفاع عنه !
ومع الأسف كل الي يحبونه مالهم كلام عن مستواه التعبان :11rob:
اللهم فقط عمر الي في الفترة الأخيرة قالها ان مستواه زفت !!
:11istling:

سلامي يالغالي

[متيم لازيو]

^ ــ ^

هو مستواه زفت لأسباب حتى روكي مستواه زفت قبل لا يجدد !!

لكن مايمنع أني أقول أنه مهم ولاعب لا غنى لنا عنه !!

أما بصراحة كلام عواد أن فيرماني أفضل من ليديسما صراحة !!

بعد هالكلام عرفت أن المسألة ماهي فنية بقدر ماهي كره للاعب !!

أجل فيرماني من صجك يا عواد بس علشانه روح ويطامر !!

أنا مع بوداحم ماهو كل لاعب يطامر لاعب !!

ليديسما والله فيه كل مقومات بيرلو لكن وين اللي يسنعه ويطوره ويوظفه صح !!

[Ole]

والحين انت يالغالي تشوف بيرلو وفييرا مثل ليدسيما ؟
اووه عفوا !
تشوف ليدسيما مثل بيرلو وفييرا !

يعني انت تشوف لاتسيو الآن مثل ميلان والأنتر؟؟ وحتى بيرلو وفييرا عندهم لاعبين يسندونهم من اللي يسند ليدسما بالوسط؟؟

على الأقل الاشاعات اذا ربطت ليدسما تربطه بالانتر واليوفي والحقيقة تقول ان ليدسما ارتبط بالسابق مع الميلان

ممكن تقولون لي فيرماني ارتبط بأي فريق ؟؟

حتى بارونيو اللي كنتوا تقارنونه بليدسما وتلومون المدرب على تجاهله وتطالبون فيه ماهو فالح مع بريشيا حاليا وماهو قادر يلعب اساسي ولو راح فيرماني بيجلس جنب صاحبكم الأول

[أحمد التتان]

يعني انت تشوف لاتسيو الآن مثل ميلان والأنتر؟؟ وحتى بيرلو وفييرا عندهم لاعبين يسندونهم من اللي يسند ليدسما بالوسط؟؟

على الأقل الاشاعات اذا ربطت ليدسما تربطه بالانتر واليوفي والحقيقة تقول ان ليدسما ارتبط بالسابق مع الميلان

ممكن تقولون لي فيرماني ارتبط بأي فريق ؟؟

حتى بارونيو اللي كنتوا تقارنونه بليدسما وتلومون المدرب على تجاهله وتطالبون فيه ماهو فالح مع بريشيا حاليا وماهو قادر يلعب اساسي ولو راح فيرماني بيجلس جنب صاحبكم الأول


المشكلة الكبيرة اننا يوم نتكلم عن الوقائع النقاش يزحف للتقديرات !!!
ما بينحل اي شي في النقاش اذا نحن طلبنا حل للمستوى الزفت للاعب وجاوبتو او ميلان كان يفكر فيه :11rob: يمكن فكروا فيه قبل موسمين :e_2: الآن صدقني وبالذات الميلان، لو كانو يفكرون فيه ما اشترو فلاميني :blushing:

أنت بنفسك الي قارنت ليدسيما ببيرلو وفييرا ويوم قلت لك شوف لي الفرق يالغالي قلت لي يساندونه :msn-wink: بس انا سألتك سؤال مباشر شفت الفرق بين ركلات بيرلو الحره وركنيات بيرلو وبين ليدسيما :g: هذا الي سألتك ما قلت لك تمريراته او اي شي ثاني فقط سألت عن شي محدد :11istling:

ليدسيما لاعب مهم بسبب تكتيك روسي، يعني بصريح العبارة ليدسيما مهم لأن روسي صانع ليدسيما بهذي الهالة ولأنه روسي هو نفسه الي صرف بارنيو (صاحبنا) وجالسين نلعب نص موسم من غير مايكون عندنا اي لاعب بديل لمركز ليدسيما وما أعتقد ان مشجع صريح بيقول لك ان هذا صح !!

وبارنيو الي هو صاحبنا :e_2: كان ماكو الجو عن بيرلو (طبعا انا قلت كان لانك رجعت للتاريخ المشرف إلى ليدسيما)
تراها عادي يعني يوم بتقول ان لاعبين مساندين غير متفورين بقول لك حتى بارنيو ماعنده مساندين او حتى فيرماني :11rob:
واذا بتقول لي قبل طلبوه ميلان بقول لك هم بعد ان بارنيو طلبوه وطلبوه وكان يمثل منتخب ( على الأقل لاعب دولي ):blushing:

المهم، اننا حاليا لو أطلعنا على تقييما أكثر من ثلاث او أربع مواقع راح نشوف ان معدل ليدسيما ما يتعدى الـ 6 من 10 وأعتقد اقل !
وهذا هو كابتن الفريق وما غاب الا لقاء واحد فقط !
اما الأحلام والمشاعر الجياشة تراها ما توكل عيش قدام الواقع والأرقام :e_2:

[أحمد التتان]

^ ــ ^

هو مستواه زفت لأسباب حتى روكي مستواه زفت قبل لا يجدد !!

لكن مايمنع أني أقول أنه مهم ولاعب لا غنى لنا عنه !!

أما بصراحة كلام عواد أن فيرماني أفضل من ليديسما صراحة !!

بعد هالكلام عرفت أن المسألة ماهي فنية بقدر ماهي كره للاعب !!

أجل فيرماني من صجك يا عواد بس علشانه روح ويطامر !!

أنا مع بوداحم ماهو كل لاعب يطامر لاعب !!

ليديسما والله فيه كل مقومات بيرلو لكن وين اللي يسنعه ويطوره ويوظفه صح !!


هلا الغالي
عمر، عواد واضح مقصده ان فيرماني افضل لانه يركض ولاعب مهامه دفاعيه ما يركض !
احسها شويج صعبه !
المهم، معناتها انت متفق ان مستوى اللاعب زفت !
والظروف ممكن نتكلم عنها لو كانت قبل نص موسم من تجديد العقد او حتى موسم !
اما موسمين والحبيب متأثر من الموسم الماضي اشوفها ثقيلة :11istling: والله شرايك يالغالي :e_2:

وأختم بأخر سطر من تعقيبك، ليدسيما ممكن يكون فيه ويجي منه ولكن مع هذا المدرب انا غاسل يدي، وترى السبب الي مخلي ليدسيما لاعب الوسط الأول هو المدرب الي صرف كل منافسين ليدسيما :blushing:

[متيم لازيو]

^ ــ ^

أحمد مقارنة بارونيو بلي\يسما ماشوفها واقعية

يارونيو يوم كان ملاحق وكان مع بيرلو قبل 9 سنين هالكلام !!

واللاعب دمرته الإعارات ولا هو أول ماطلع مشروع نجم !!

ليديسما الحالي أنا ابصم أن مستواه هو سبب قومكم عليه !!

أما فنياً فما أتوقع تنقدون فيه !!

لاعب متكامل من إلى باصات وركلات حرة وركلات ثابته ودفاع وهجوم !!

لكن المشكلة في التوظيف أرجع وأقول التوظيف !!

الركلات اللي تقول عنها أبي اسئلك أنت وش يضمنك أن مايكون روسي

هو سببها يعني هو اللي يقول أرفع للعارضة الأولى أو إرفعها نازله !!

الركلات الحرة المباشرة للمرمى أشوفه مبدع فيها ونادراص ماتجينا

وإذا جاتنا يحركونها له وما تضبط لكن إذا ثابته فهو ممتاز فيها !!

[أحمد التتان]

^^
هو صح بالكور القريبه من منطقة الجزاء ما عليه كلام اطلاقا !
وممكنن كلامك بخصوص الركلات الركنية صحيح !
ولكن هذا ما يخليني الغي هذي السلبيات !
يمكن ثلاث او اربع اهداف دخلت على لازيو بسب سوء الركنيات وأخرهم من الأوديني (أعتقد كان وقتها ديل نيرو الي لعب الركنية)

بس عمر حبيبي انا أتكلم عن مستوى ما أتكلم عن مهاره يمتلكها اللاعب ومحتفظ فيها لين ينتقل لنادي غير يفجرها !!!!

وانا ذكرت مقارنه بالزمن السابق ليش لان الغالي بوعتب كان يقول ان ليدسيما سابقا مطلوب من الميلان فقلت له بارنيو على ايامه كان ماله غير بيرلو منافس !
وهذا دلليل ان المستوى الي يعشيه اللاعب الآن هو الحكم !
انت تحكم على سوء بارونيو اليوم، وتدافع عن مستوى ليدسيما من موسمين، وانا لازم ما أدافع عن مستوى بارنيو اليوم وأقتنع بمستوى ليدسيما الحالي؟ :)

تسلم عمر يالغالي

[Ole]

شخصيا أكره ليدسيما لكني ابحث عن شي واحد بس يخليني احس انه يستاهل الدفاع عنه !

وأختم بأخر سطر من تعقيبك، ليدسيما ممكن يكون فيه ويجي منه ولكن مع هذا المدرب انا غاسل يدي، وترى السبب الي مخلي ليدسيما لاعب الوسط الأول هو المدرب الي صرف كل منافسين ليدسيما

انا ماراح ادخل في جدال مامنه فايده ويكفيني هالأقتباسين منك اخوي احمد

الأول تعترف انك تكرهه وانا قلتها قبل ماتكتب ردك لأخوي عواد انكم اذا حبيتوا لاعب تشوفون ايجابيته وتتغاضون عن سلبياته والعكس صحيح ... والعكس هي نفس حالتكم مع ليدسما وحتى لو كان لاعب الوسط الأول مثل ما اعترفت بنفسك في اقتباسي الثاني

مشكــــــــــــــــــــــــــــــور اخوي احمد ردودك تثبت صحة كلامي وسهّل الله عليك

[BUFFON]

ليديسما دامه ما يلعب للقميص اللي يرتديه .. فرحيله غير مأسوف عليه أبدا !

رغم أني لست من مشجعي لاتسيو إلا أن ضغطي إرتفع بسبب بروده و أخطائه الساذجة بالديربي ..

و كأنه يقول للإدارة .. طلعوني من الفريق ولا اعفس الدنيا عليكم ..

يا كثر مواهب الوسط بالكالشيو و الأرجنتين ( خاصة ) .. و كلهم مستنيين إشارة بس من لوتيتو ..

لوكا تشيغاريني .. مافي أخبار عنه .. أتمناه لازيالي هاللاعب .:blushing: .

[خالد]

يا ليت نخلص من هذا الموضوع و نرتاح ( أقصد التجديد ) ... أضعف الخطوط بالفريق كما هو معروف هو النص ... و الوحيد المفتح فيه - حسب وجهة نظري - هو ليدزما ... تخيلوا يروح بعد ...خل نتذكر أسماء للاعبيين اللي في هالمركز بس رجاءً لا تضحكون http://www.lazio4arab.com/montada/images/icons/icon10.gif
فيرماني http://www.adslgate.com/dsl/images/smilies/new3.gif بروكي http://www.adslgate.com/dsl/images/smilies/new3.gif مانفريديني http://www.adslgate.com/dsl/images/smilies/new3.gif دابو http://www.adslgate.com/dsl/images/smilies/new3.gif ماوري http://www.adslgate.com/dsl/images/smilies/new3.gif ... أما مغني و ديل نيرو و ماتوزالم لا يعتمد عليهم لكثرة إصاباتهم ... بصراحه أشوف كلام بعض الأخوان عن ليدزما و يخيل لي إننا نملك خط وسط مثل الإنتر و ليدزما هو الحلقة الأضعف فيه ... معليش شوية واقعية ... نحتاج 2 بمستوى ليدزما أو أفضل منه معاه في النص إن كنّا نبغى ننافس على المركز الرابع.. أما بالوسط الحالي معليش ما لنا غير إجتهادات لاعبين الهجوم عشان نسجل ... يا ليت نجيب محور قوي دفاعياً مثل ستايل مودينقاي و نلعب 4-4-2 بدال ما الدون روسي ذابحنا بالثلاث محاور حقته و مقيد ليدزما بأدوار دفاعيه تحد من الإستفادة من قدراته الهجومية.

[lazio1900]

أتمني من لوتيتو الانتهاء من عقد لديسما والتجديد له لقطع كل شائعات انتقاله