لازيو يفوز على ليتشي بأهداف رومانسية

[Laz!o]

http://images.gazzetta.it/Hermes%20Foto/2009/02/22/0KFH5D1L--346x212.jpgفاز لاتسيو على ليتشي قبل قليل بهدفين نظيفين أحرزهما فوجيا و كولاروف على التوالي .
المباراة كانت ضعيفة فنيا ولم يكن ليتشي ذلك الخصم الصعب .

تعليقاتكم

[J10]

اتمنى تغيير العنوان الى لازيو يفوز على ليتشي بأهداف رومانسيه
لول معلق يضحك
مبروك للنسور الفوز ومنها للأعلى
الاسبوع القادم مباراتنا منقوله يوم السبت مع بولونيا
الشي الحلو ان كل المباريات من صالحنا ومنها مباراة الانتر وروما في الجوسيبي مياتزا واليوفي ونابولي في الاولومبيكو
يعني مباريات من صالحنا
فورزا لازيو دائما وابدا

[333]

بصراحة المستوى الفني كان ضعيف للغاية ... وليتشي ليس هو المقياس الحقيقي لعودة الفريق لسكة الانتصارات .... اهم شئ هي النقاط الثلاثة واللحاق بنابولي ... وكالعادة ليس هناك ربط بين الوسط والهجوم .... احد اهم اسباب نقاط ضعف لاتسيو .... ونجم المباراة بدون منازع هو فوجيا الزئبقي كان يتواجد في كل مكان .... وكالعادة بروكي وجوده من عدم وجوده نفس الشئ .... واخير مبروك هذا الفوز ولو اته اتى متاخر جدا بعد خمس مباريات من العجاف والقهر ...

[أحمد التتان]

المباراة ضعيفة جدا جدا !
وللمرة الثانية تقريبا أو الثالثة يلعب روسي بخطة 4-4-2 وتعطي نتائجها !
صحيح ان الوسط بوجود بروكي كان فيه ثغره ولكن الوسط اليوم مقارنه بالخصم كان جيد !
وقد يعود السبب لتراجع فوجيا وإلى الفنان ماتوزاليم !

الدفاع اليوم سيء للغاية، وأسوء من كل مره !
يعني ليتشي ثلاث كور بالقائم !
غير تبادل الفرق في خط الــ 18 وهذا شي غريب بالنسبة لدفاع إيطالي !!

روسي للمرة التسع مائة والف مايعرف يغير !
دخول روكي حلو !
لكن إنت متقدم و الفريق الي ضدك جالس يهاجم وعندك هدفين !
يعني لو يسجل الخصم هدف بيكون مشكلة كبيرة !
أللعب بلاعب وسط !
خلينا نشوف فريقنا يغير تغييرات تكتيكية !
حرام الي قاعد يصير !
وسط بــ وسط
هجوم بــ هجوم !
ظهير بـ ظهير !
طيب وبعدين !!!!

مبروك الفوز وهاردلكم الأبقاء على الغباء كله !!


ملاحظة الهجوم اليوم كان مآكل الجو،،،،،، تشااااااوو

[جيفارا]

اعتقد
ان المباراة
كانت ضعيفة فنية
والفريق اليوم معه الحظ
1000%لاكن ليتشي ليس فريق
كبير لانه في المركز السابع عشر تبدا
المباريات الكبيرة بعد مباراة بولونيا امام نابولي والي بعدها

[Laz!o]

اتمنى تغيير العنوان الى لازيو يفوز على ليتشي بأهداف رومانسيه


:)

[8 zauri]

مبروك الفوز ... حظ مو حظ مستوى سيء مستوى رائع مباراة ميتة مباراة حية أهم شي الثلاث نقاط ... الحمدلله كسبنا صديق متعاطف معنا اللي هو المعلق الرومانسي اللي كان نجم المباراة ...
فوجيا وكولاروف و ماتوزاليم كانو الأفضل ... من زمان مافرحنا ولاباركنا لبعض ...
روسي هو روسي ... فاز الفريق والا خسر .

[mohammedvid]

تناسينا مع الهدف الذي أحرزه أن كولاروف كان لاعب سئ وثغره واضحه جداً هذا وهو لايهجم كثيراً
فوجيا وبانديف حالياً هم الوحيدين بكامل عافيتهم في المباره

[J10]

لول والله يوم شفت العنوان تغير مت ضحك
الله يقطع ابليسك يا خالد :)
شباب عندي لكم نصيحه صغيره حيل
لحد يتعب روحه ويقول المستوى ضعيف وماعرف ايش
تذكروا مباراة الفيولا الي مستوى لازيو كان سوبر واخرتها خسرنا اخر المباراة
انا الحين اتمنى كل مباراة نلعبها نفوز 1-0 وشرط الهدف يكون بالخطأ بعد
المهم 3 نقاط
شوفوا اليوفي وميلان والانتر وايضا جنوى الي هل موسم مبدع بالاهداف الغبيه
بس وين مركزه ووين مركزنا !

[بو سلمان]

مبروك الفوز يا شباب و اخيرا ً ما بغى يتحقق ..

لاتسيو اذا يقدم مستوى يخسر و العكس صحيح .. المستوى ما يوكل عيش في كره القدم ..

والحمدالله على الفوز ..

كنت اتمنى بانيدف و زراتي يسجلون اليوم .. يمكن كل واحد يتخلص من الانانيه اللي فيه .. زراتي و بدرجه اقل بانيدف ..

[zarate10]

الف مليون مبروك على الفوز وعقبال المباريات الجايه

[lazio2010]

الف مبروك ..

اخيرا كتبناها :)

[Maglazio]

مبروك يا جماعة بس عاجبني جدا اراء الناس اللي لم تندفع وراء الفوز و تنسى حقيقة وجود

ثغرات في الفريق ............... عودة ليديسما و زراتي اضافت كتييييييييييييييييير جدا للفريق

[متيم لازيو]

ألف ألف مبروك الفوز

بصراحة انا مع جاسر مو مهم المستوى ياما اخذنا مستوى وطلعن صفر النقاط !!

الفريق بصراحة قدر يقتل المباراة لأنه بحاجة لفوز مهم يرفع المعويات وانا كنت صادق بإحساسي !!

وقلت بنفوز وليتشي فريق مايخوف الدفاع اليوم صراحة كريباري أعجبني كثييير وقطع أكثر من كورة رجل لرجل !!

يبقى شئ وحيد فيه انه مو ثقه ومايعرف يرتب هو زين كقوة ديفنس فقط لكن لابد واحد معاه يرتب !

الهجمات اللي بالعوراض والكوراث سببها المغفل سيفيليا اللي ريحنا بكرت وبيتوقف !!

وسطنا يعني كان أفضل بشئ وحيد وهو الركض فقط ماتو وليديسما ممتازين بروكي بس يركض !

فوجيا ممتاز جداً أحياناً ويزهق أحياناً وهذا شغل مدرب بانديف ذبحنا بتفهيته وبفقده للكرة !!

طبعاً زاراتي مابي اتكلم عنه لأن بتقولون متحامل عليه لكن والله أنه غثنا بأنانيته اللي مو على سنع اليوم

عادته تنفع ويحضر زين لكن حتى المعلق طفش من لعبه ولابد يغير هالسيناريو أنانية بدون فايدة مستحيل تنفع !!

يا يصنع كور زي الخلق أو يجلس الدكة تبيه طبعاً روكي دخوله ما أضاف شئ ودخوله كان معنوي فقط له !!

[ahmad petit]

مبروك الفوز و بانتظار عودة مغني

[Laz!o]

المغفل سيفيليا اللي ريحنا بكرت وبيتوقف
قبل المباراة كان الوحيدين المهددين بالايقاف هم روزنال و بانديف فقط

[Stankovic]

اصلاً أنا اليوم كنت مأيس وما شفت المباراة ورحت حق أحد المعارض في الكويت :)

على العموم مابغى روسي يفوز والموعد قدام بولونيا المطور ولاتسيو لازم يرد ثاره منهم .

[Lazio Lover]

الف مبروك الفوز..

ومثل ماقالوا الشباب المهم الثلاث نقاط .. ولو ان المستوى كان ضعيف نوعا ما...

[lazio-ultras]

بالفعل اهداف رومنسسسسسسسسسسسسسسسسسسية لابعد الحدود :mf_cupidhit:

خصوصا هدف كولاروف كلة رومنسية و حنية ولازم ينحط في فيلم التايتنك 2

انا اتوقع لو تسديدة كولاروف ضربت بحمار على طول بيموت

[lazio1900]

مبروك الفوز صحيح أن مستوي الفريق كااان ضعيف لكن المه تحقيق 3 نقااط للخروج من الأزمه

[امــيــر الــذوقــ]

والله يا شباب لو عدنا نصف حظ الفيولا الي يكسر الصخر كان احنا بخير

لاتسيو انحس فريق في الحظ وانتوا مستكثرين علينا حظ بسيط في مبارة مع ليتشي

الله كريم

[The Game]

مبروك ولو ان الفوز مو ذاك الزود :)
لكن اهم شي النقاط الثلاث

بتكلم عن كذا امـر شدني بالمباراة

الامـر الاول في خط الدفـاع .. كريباري لعب مباراة كبيرة ويستحق التحيـة
و كولاروف نجـم وهذا اللي تعودناه منـه .. واسلـوبـه الدفاعـي تحسـن جداً وفوق الجداً بعـد
قدم مباراة كبيـرة و يوم هجـم سجل لنا هـدف

واتمنى من روسي يشيل من بالـه سالفـة رادو ظهيـر ويخلي رادو يرجع لمركزه الطبيعي



خط وسطنـا بوجود المايسترو ماتوزاليـم تغيـر حيييييييل حيييييييل حيييييييييييل
لاعـب يعرف متى يسوي فاول بدون حتى ما الحكم يكلمـه وينبـه .. ايام اول فريقنا اي فاول لازم كـرت :)

ليديسمـا ما نقدر ننتقـده .. ننتقـد روسـي اللي ملعبه وهو توه راجـع من اصابـه ومع هذا الارجنتيني قدم مستوى زيـن بما انه راجع من اصابـة

بروكي على كثر الكلام اللي يقال عنـه وانـه مكـروه .. اللا ان ركضـه بالملعـب وقطعـه لمساحات كبيرة يحسب لـه .. له دور كبيـر بالركـض دون الكرة لأنه يغطي مساحات
ولو اني انتظر مراد مغني اللي يقدر يقوم بدور بروكي و زود عليه وحزتها بيكون عندنا وسط قوي جداً

فوجيـا ما اقول عنـه شي مبـــدع مبـــــدع مبـــــــدع وياليـت يتواجــد دايــم .. هو الحل الهجومي الوحيـد بظل هذا العقم من مهاجميـن الفريــق


هجومنـا سيء سيء سيء الى ابعــد حــد .. اتمنى زاراتي و بانديـف كلهـم يقعدون احتيـاط مباراة ويتـم استدعاء كوزاك ومانشيني بدالهم ويلعبون اساسيين .. ابصم بالعشرة اننا راح نشوف هجمات اخطر من اللي قاعد نشوفها مع الثنائي الاناني للأسـف !

زاراتي حسنتـه الوحيـده بالمباراة التسديد من خارج المرمى وتسديدتـه اللي ضربت العارضـة
بانديـف مستـواه متراجـع .. ما ادري هل السبب انه يلعب صانع العاب هو سبب تراجع مستواه ؟

هجومنا الى الآن عقيـم ! وهالشي مشكلـة كبيرة .. ! بعد ما كنا الافضل هجومياً صرنا الاضعف !

زاراتي يراوغ نفسـه !! بانديـف يحاول يراوغ خمسـه !! وكل واحـد فيهم لا استلم الكرة ركض للجناح وخويـه ركض وياه للجناح ومافي ولا واحد رأس حربـة !

حتى هدف فوجيا لو تلاحظون فوجيا هو اللي كان على سنتر الجزاء !!

وفي شي كبير شد انتباهي بخصوص ماوريتو واعتقد هالشي له تأثير كبير على مستوى زاراتي الحالي !
زاراتي ما يعرف يسولف ايطالي ؟؟ ! في لقطـة له فوجيا يطلب فيه تمرير الكرة زاراتي قال له كلمة وحده بس والباقي قاعد يمثل بيدينه .. هالشي لاحظته من زمان بس قلت يمكن شغله عاديه بس امس تأكـدت ان زاراتي الى الآن ما تعلم اللغة الايطاليـة وهالشي هو اللي مخليـه مو متأقلـم

المباراة الجايـة ضد بولونيـا .. وميهايلوفتش قبل لا يكون مدرب ممتاز كان مدافع ممتاز
ولازم روسي يشوف لنا حل بالهجوم هذا اللي من مباراة ريجينا ما شفنا واحد منهم سجـّـل ؟

[سلاس_11]

دفعه معنويه جيده للفريق