الكابيتانو:اذا لعبت أكثرلسجلت أكثر

[Prince of lazio]

http://www.corrieredellosport.it/images/84/C_3_Media_735184_immagine.jpg

الكابيتانو توماسو أكد فى تصريح له أن الانتصار ضد نابولى أكثر من رائع وأضاف:

الان و عندما أذهب الى مقاعد البدلاء أكون سعيد للغاية بسبب مستواى الذى قدمته وانا أقدم كل ماعندى عندما يكون مستواي فى موضع شك واذا لعبت أكثر من ذلك اليوم لسجلت
أكثر وأنا بذلت جهد مضاعف هذا الموسم لأسباب مختلفة وهدفنا دائما الاتحاد الأوروبي والآن نقدم أكثر فى الترتيب بسبب الانتصارات المتتالية ومن المؤكد الآن أن الهدف هو تأكيد هذه الانتصارات و زيادتها

[متيم لازيو]

يعطيك العافية حسام

بس ترى في تكملة لتصريح روكي

قال ماعنده مشكلة يجلس إحتياطي والمهم أن الفريق ينتصر لكن يريد اللعب لكي يسجل !!

ويساعد الفريق في التسجيل أحلى مافي رووكي ان ماعنده مشكله يجلس إحتياطي لكن بنظري لن تطول !!

لأنه يصرح أن ماعنده مشكله لكن تصريحه جاف وتحسه يبغى يلعب أساسي !!

المشكلة أنه اذا نزل سجل ماتقدر تلومه وزاراتي يسجل وبانديف يصنع ويسجل !!

ماقول إلا الله يعين روسي على هالثلاثي الخرافي ينام زاراتي يسجل روكي ينام روكي يسجل زاراتي

ينامون الإثنين بانديف يهتركها محسوديييييييييين عليكم وربي !!

[الملتاع]

قال ماعنده مشكلة يجلس إحتياطي والمهم أن الفريق ينتصر لكن يريد اللعب لكي يسجل !!


هذا اكبر دليل على الي يقولون روكي يسبب مشاكل ولا يرضى بالاحتياط .

[Laz!o]

روكي اليوم كان الأفضل في خط الهجوم
وله كل الحق في المطالبة بمساحة أكبر باللعب

[جيفارا]

الكابتن
على قدر المسئولية
من حقك ان تلعب اساسي

[بو سلمان]

مشكور اخوي على الخبر ..

الكبيتانو اليوم ما قصر .. لكن مساله اساسي مو اساسي نبي ننساها و الاهم هو الفريق ..

بتصوري اليوم كان يستحق ان يكون اساسي على حساب بانيدف .. اليوم الاسكندر كان غائب تماما ً ..

اما مسأله الاتحاد الاوربي فكنا منها يا روكي و انت الكابتن .. يا اخي خل عندك طموح شوي ..

باقي 11 مباره على نهايه الدوري و المركز الرابع يفرق عنا 5 او 6 نقاط فقط .. !!!

الطموح يا روكي الطموح .. ساعتها انت بخير بتكون ..

[Stankovic]

والله غريب هالروكي ..

إذا كان أساسي مايسجل وإذا لعب بالشوط الثاني يسوي شغل مضبوط ويسجل الأهداف .

بالتوفيق له ولربعه .

غراتسي عالخبر والله يعطيك العافيه .

[The Game]

يعطيك العافيـة يا حسـام

روكـي ما عندي شك من مستواه
وهذا اللي كنت اقولـه بالسـابق

روكي يحتاج يلعب اكثـر وحزتهـا بنشوف روكي اللي نعرفـه
توه شبـاب وعمره 30 سنـه والعمـر ماله احكام في كرة القـدم


إذا كان أساسي مايسجل وإذا لعب بالشوط الثاني يسوي شغل مضبوط ويسجل الأهداف .



اختلف معاك بالنقطـة هاذي يا منيـف

روكـي في خطـة 4\3\3 كان ما يسجل .. لأنه مو قادر يلعب كـ جناح او رأس حربـة صريـح
يعني تخيـل روكـي يكون دوره داخل منطقـة الجزاء فقـط !

مو هذا روكي اللي نعـرفـه

روكـي قدام السامـب سوى شغل عـدل لأن لعبنا بخطة 4\4\2 وكان بانديف جنبـه فقـط
روكـي بالكاس بدّع والسبب خطة 4\4\2 .. روكي قدام بولونيـا صنع هدف واضاع هاتريك :) والسبب الخطة

هذا اللي كنا نقوله من زمـان .. روكـي تبيـه يبـدع عطه مساحـة يركـض فيـه وينطلق من الخلـف
وقووول للمدافع فيك خيـر الحقـه :) !

حتى زاراتي نفـس الموضوع في خطـة 4\3\3 شفنا مستواه نزل وما قام يسجل
بخطة 4\4\2 قام يسجـل ويتحـرك

والسبب ان كل هجومنا من طقـة وحده .. عطهم مساحات يركضون وينطلقون من الخلف وبتشوف ابداع هجومي

[Lazio 605]

مشكور على الخبر والكبيتانو مبدع سواء كان اساسي ام احتياطي , وانا اقول تتم المداورة بين الثلاثي على حسب وضعية المباريات

[lazio1900]

روكي قدم مباااراه ممتاز..وانشاء الله المباارااه القاادمه انشوفه أساسي