مع الانتـر .. اللـي لنـا & اللـي عليـنا

[ابو نوره]

بسم الله الرحمن الرحيم ...


أسعد الله أوقاتكم بكل خير :)

سيّـداتي آنساتي سادتي :D



ودي اسولف عن مباراتنا مع الانتر ... واللي حصل فيها ... والنتيجه اللي طلعنا بها : ;)


## بداية ... وأهم شي ... انهم ما فازوا علينا ... والاهم من كذا ... انه لاتسيو عادلهم في آخر الدقايق ... وان السيد مانشيو مايقدر يسوي شي .. " يا شماتة أبله طازا فيه " :D ..

## بدأت المباراة ... وبدأ أدريانو يشتغل :rolleyes: وكأن المباراة مع أدريانو فقط ,, وللحقيقة كان الدفاع لاعب دوره صح وماترك له مجال البتّه ,, حتى قام يسدد من مسافات " نقدر نقول عنها .. من نصف الملعب " :rolleyes: ..

## تشكيلة مانشيني ساعدت كثير لاتسيو في انه يحمي المنطقه على الأقل حتى نهاية الشوط الأول .. كامبياسو , دافيدز , فيرون , ايمري .... وحتى بقاء ستانكوفيتش , ريكوبا , مارتينيز خارج الملعب :o ..

## زي ماريا ... صحيح انه مكان الأفضل منه " زانيتي " ولكن مع ذلك دائما مانجده في منطقة الدفاع في لاتسيو وقليل جدا ماتلاقيه في منطقة دفاع الانتر ... وينك يا " فلبيني " :rolleyes: ..

## ميهالوفيتش .. دائما مايكون نقطة الضعف الأبرز في الانتر ,, يعني كان من المفروض الضغط عليه .. ولا انا غلطان :o ..

## فيرون ... يا قاسي انت :D ليش ما تتقبل " مناورة " فلبيني لك ؟؟ عادي ياخي ,, يوم لك ويوم عليك ;)

## ريكوبا ... يحط له وحده " ملعوبه صح " بس مانقول الا ثانكس للعارضه :D ..

## مانشيني الأحمق بتبديله وخروج " كروز " يريّح دفاع لاتسيو المرهق .. :) و " كروز " هو اللي كان مهيأ وبشكل كبير انه يسجل في أي لحظه الهدف الثاني ... :) ..

## جماهير الانتر ......... بنفوز ولا بنخرب :rolleyes: ذكروني بـ جماهير روما اذا ماعجبتهم المباراة :D



تكلمنا كثير عن الانتر :rolleyes:


نجي لاتسيو :)

## " سيريني " أبدع ... وكان يتحمل الأخطاء الدفاعيه بسبب الارتباك :rolleyes: ..

## " تالامونتي " يخطء في وقت حساس على الفريق وعلى نفسه " مالها داعي انه يتسبب في هدف من ثالث مباراه له " :rolleyes: ,,, لكنه انقذ نفسه من الانتقاد وعادل الكفه للفريق ... وبـ كذا مانخسر " تالامونتي " في بداية مشواره :o ..

## برافو " دابو " ماسك الوسط جالس للـ انتر ... قاطع كوره , تمريرات سليمه , أخطاء تكتيكيه " الجَمَل بما حَمَل " :p ..

## " مانفريديني " ... اللي أعرفه عنه انه يلعب على الجهه اليسار , يعني يا " كاسو " غصب يلعب يمين ؟ :rolleyes: ومن خلال المباراة ,, تبين لنا انه يفضل الجلوس على دكة الاحتياط على اللعب في الجهة اليمنى :( ..

## 9 مصابين ,, رب ضارة نافعه ... بالفعل كسبنا ثنائي هجومي " روكي & بانديف " .. صحيح ما بينوا كثير ... ولكنهم يبشرون بالخير ومادري شاقول عن حكم التسلل يوم حرم " بانديف " هدف التقدم بعد المراوغه المجنونه من " روكي " :)

## لنكون واقعيين .. " كاسو " استطاع ايقاف زحف الانتر ,, وعجبني كثير الظغط على حامل الكره .. ياليت الاستمرار عليه لـ تحقيق النتائج الأفضل :rolleyes:

## أودو .. خرج بـ حسنتين بس ==> 1 - لعبة الفاول على راس تالامونتي . ,, 2 - تخليصه لـ آخر هجمه للـ انتر واللي كانت الكوره وقتها رايحه للشباااك ;)





ماقول في النهايه الا :

@ عزيزي " ستانكوفيتش " ... للأسف لم نسمح لك بالفوز علينا كما قلت :(

@ " مانشيني " ... ماقدر اقول عنك الا انه مصيرك مع الانتر ماراح يطول .. وراح تندم على الانتقال طول عمرك والذنب مو ذنب اللاعبين والحكم ... والمثل يقول " طبخن طبختيه , يالرفلاء اكليه " :D:D




وسلامتكم :rolleyes:




=

[BOKSIC]

## لنكون واقعيين .. " كاسو " استطاع ايقاف زحف الانتر ,, وعجبني كثير الظغط على حامل الكره .. ياليت الاستمرار عليه لـ تحقيق النتائج الأفضل


كاسو ضعيف ورايح يبقى ضعيف وبالنسبه للضغط على حامل الكره

جميع الانديه في العالم ماعدى العربيه تنتهج هالطريقه

ماعدا شلة طقها والحقها اللي هم عريبيا

ويعطيك ألف عافيه على التحليل الرائع


والمثل يقول " طبخن طبختيه , يالرفلاء اكليه "

ياعيني جبتها ياأبو نوره وهذا أقل مايستحقه الخونه

[claudio lopez]

صح السانك يا بو نورة
وتسلم على هل التحليل (( اقدر اسميك رابح ماجر));)

[أبو جوري]

هلا أبو نوره


بداية ... وأهم شي ... انهم ما فازوا علينا ... والاهم من كذا ... انه لاتسيو عادلهم في آخر الدقايق ... وان السيد مانشيو مايقدر يسوي شي .. " يا شماتة أبله طازا فيه

أبله طازه مين :D

زي ماريا ... صحيح انه مكان الأفضل منه " زانيتي " ولكن مع ذلك دائما مانجده في منطقة الدفاع في لاتسيو وقليل جدا ماتلاقيه في منطقة دفاع الانتر ... وينك يا " فلبيني


صراحه..كاسو ظلم فلبيني ..ومانفرديني
فالمفترض وضع فلبيني أمام أودو..لوقف تقدم زانيتي ..وإعطاء الفرصه لأودو بالتقدم..
لأن فلبيني لاعب لاترجوا منه شيء ..الا تكتيكيا:(

## زي ماريا ... صحيح انه مكان الأفضل منه " زانيتي " ولكن مع ذلك دائما مانجده في منطقة الدفاع في لاتسيو وقليل جدا ماتلاقيه في منطقة دفاع الانتر ... وينك يا " فلبيني " ..

## ميهالوفيتش .. دائما مايكون نقطة الضعف الأبرز في الانتر ,, يعني كان من المفروض الضغط عليه .. ولا انا غلطان ..




ايضا هاتين النقطتين..يتحملها فكر كاسو...فخانته الخبره في هذه:(

مانشيني " ... ماقدر اقول عنك الا انه مصيرك مع الانتر ماراح يطول .. وراح تندم على الانتقال طول عمرك والذنب مو ذنب اللاعبين والحكم ... والمثل يقول " طبخن طبختيه , يالرفلاء اكليه


توه ما أكل شي...يبي يجي يوم للأوليمبكو..وبياكل شي ماعمره شاف مثله:p

وسلامتكم

الله يسلمك

وأتحفنا بنقاطك دايم وانا اخوك

[Laziale Prince]

مشكور على التحليل الممتاز
بالنسبة لعب مانفراديني يمين وفلبيني يسار أكبر دليل على قراءة ليتيتو المبارة بشكل جيد
أودو أفضل من لوبيز ومانفراديني له واجب هجومي أحسن من فلبيني
كاسو حسبها
أودو = فلبيني + لوبيز
والصراحة نجحت وأكبر دليل أدريانو الشوط الاول لعب أمام لوبيز وفلبيني وما قدر يسوي أي شي عشان كده الشوط الثاني راح لليسار
لو مانفراديني بدع أكيد لاتسيو كان حيفوز المهم إن شاء الله تتحسن النتائج في المباريات القادمة

[moama]

شكرا على التحليل الممتع يا ابو نوره انشاء الله مايكون الاخير فعلا تحليل جيد لا غبار عليه .........
ولكن الخطأ فى


يا شماتت ابله ظاظا فيه وليست طازه كما ذكرت
يا شماتت ابه ظاظا فيه ......

[A.NESTA.13]

اللــــــــــه يعطيك العافية ( أبو نوره ):)


تحليل ممـــيز , وبالفعل وضعت أهم نقاط المباراة , ونحن ننــتظر الخائن ورفاقه
في الأولمبيــــــكو , هذا اذ ما أعتذر عن السفر الى رومــا ويضع مكانه أورسي
( مساعد المدرب ) فـ الخائن توقع منه أي شـــيء ...... شــكرا