تجمـع شباب الكويـت للنهـائي .. حيـاكــم

[The Game]

السـلام عليـكم

حنا ( جمع كلمـة نحن ) غرنـا منكم انتـم يا ( حقــّين ) الشرقيــة ^_^

فـ لذلك ومن هذا المنطلـق قررنـا نقوم بالتجمـع الثانـي لـ شباب الكويـت
بعد نجاح التجمـع الأول وكنـا فأل خيـر على لاتسيـو

المرة اللي طافت تشرفت بـ معرفـة الغالي Lazio ( والله اتعبني غلاك )
وتشرفت بـ معرفـة سيلفيو بيولا اللي من زمااان اشوف نكــّه ويدخل يومياً ولكن ما يكتب
حتى يوم عرفتـه قلت له تراك مجنني من زمان ودي اعرف منو راعي هالنك ^_^د

وشاءت الاقدار والصدف انضمام الغالي SOREN لنـا
وتعرفت عليـه الاجودي بس اني نسيت لا اخذ رقمـه راحت علي

طبعاً بالتجمـع السابق مقتطفة سريعـة على الماشي
لعبنـا نتـدو << لاحظوا النطق بعد ماهي نايتندو ^_^ هههههههههههههههه

لعبنا بليستيشن 3 ولأول مرة العبها بصراحـة
وطبعاً بما اني كنع السوني 2 لازالت حساسيـة المباريات بالسوني 3 موجوده

فزت على سيلفيو بيولا 4 / 1
وفزت على Lazio بنتيجة 2 / 0
ولعبت مع SOREN وكانت النتيجة 6 / 2 لي ويوم جيت بجيب الهدف السابع سوا ريستارت للعبه

<<< يا كبر الاشاعات كبــراه << ههههههههههههههههههههههههههههههههههههههه


نرجع لمحور حديثنـا

بما ان التجمـع راح يكون ان شاء الله الاربعاء
ومباريات الكأس حقت برشلونـه ومانشستر تبي تدش بأخلاقنـا

لازم نظبـط وضعنا من الحيـن ونشوف لنا مقهى نظبط وياه
و نحجز مكان من الحيـن

اليوم ان شاء الله راح امر مقاهي الرقعي كلبوها << حلو مصطلح كلبوها << تقرأ بـ تشديد اللام

و ارد لكم خبـر بالليـل بعد انتهاء الجولـة

زبـدة الكلام ان التجمـع صاير صاير ان شاء الله


اي اقتراحات ترسل على رقم 24671233<< رقم مخفر الصليبية لحد يصدق ههههههههههههههههههههههههههههههههه

المهم الشبـاب بالتجمـع الاول ان شاء الله يبون يجون
ودق علي البارح جيوسيبي سينيوري احمـد وقال ابي اجي ان شاء الله والله يوفقه بأختباره بكره

باقي من الشبـاب اللي خابر انهم من الكويت جاسر و عبداللطيـف و منيـف و ابو سالم ( كويت هنتر ) ولاتسيو فور ايفر و لاتسيو_فيرون و لاتسيو 22 و لاتسيوي والسموحـة ان نسيت احـد

بس هذول اللي اذكر انهم من الكويـت

وياليـت نشوف مشاركات منهم بهالموضوع للتأكيد على الحضـور

ودمتم سالميـن

[Q8_HUNTER]

كفو واللــــــــــــــــه عواد وهذي عوايدك الطيب والجمعه وانشالله نجتمع كلنا ويفوز لازيو

[STEFANO]

للاسف ماقدر اجتمع معكم ياصحابي لان يوم الاربعاء يوم دوامي :(
انا اشتغل في المطافي وللاسف كنت قبل كم اسبوع طالع وماقدر استأذن عشان اعطي مجال لغيري يطلع!

اتمنى ان يحقق النسور الكأس بأجتماعكم على خير . .
واذا لم يحقق لاتسيو سوف اغتال كل من ذهب مع عواد خخخخخخخ

مشكور عواد
:حبتين:

[Maglazio]

يا بختكم ......... عموما ربنا يكرم و نفوز بالكاس و اتمنى روسي يشغل دماغه بقى زي الدربي اللي فات

[8 zauri]

انا اشتغل في المطافي وللاسف كنت قبل كم اسبوع طالع وماقدر استأذن عشان اعطي مجال لغيري يطلع!

عندي فكرة ....
q8_hunter يشب في الجلسة اللي جنبهم ... وعواد يدق على المطافي ... أنت تستلم المهمة وتجي تطفي الحريق ...
منها تؤدي عملك كرجل اطفاء على أكمل وجه .... ومنها تحضر التجمع
للمعلومية فقط : حسب دراسات بين نساء أمريكا ...أختارو أن أجذب الرجال هم رجال الأطفاء
ان شاءالله تكون جذّاب ..

[STEFANO]

اخوي زاوري شلون عرفت اني جذاب خخخخخخ فعلا انا هكذا خخخخخخ

حلوه فكرتك . . ومنها نسجن عواد( بعيد الشر ) خخخخخخخخخ


عواد رجل واثق من نفسه. . تبون تعرفون شلون واضع وجهه السمح في المنتدى !!

عرفت ليش لاتسيو حظه هالسنه مو شي خخخخخخخخخ

عواد . . احبك بالله :)

[Lazio 4 Ever]

ان شاءالله خيير ,, :p

[The Game]

يا عيني يا بو الزوز حليـت مشكلـة عبداللطيـف ^_^

الحيـن طالـع ان شاء الله عندي شغـل وبعدها وانا راد بفرفر على المقاهي واجيـب لكم العلم الوكـاد

C you

[The Game]

عبداللطيـف انا اموت فيك باللـه

يا اخي انا حاط صورتي ابي واحد بس يقولي انت مزيـون
وكل اللي قالوا لي هالكلمـة سحــوت << ما يقصد احـد ترى

ههههههههههههههههههههههههههههههههههههههههههههه ههه

[جوسيبي سينيوري]

ممتاز يا عواد وجزاك الله خير

الآن كلنا ننتظر نتائج جولة عواد الهامة في منطقة الرقعي<<<<< متعوب عليها هالجملة :)

إن شاء الله على آخر الليل تظهر الأخبار السارة والأكيدة :)

وإن شاء الله الحضور يكون أكثر من الأعضاء بالكويت وتكون بادرة قوية لتجمعات أخرى بإذن الله

وان شاء الله ما تصادفهم ظروف تمنعهم من الحضور

ومشكور يا عواد مقدماً عالجهد والله لا يهينك :)

[Foggia_17]

عواد أنت مزيون :حبتين: و زقرت :ضحك: و أحبك بالله :ورده:

مو عوايدي ها :خبث:

[The Game]

بعد انقضـاء الجولـة ومفاوضـات طويلـه وعويصـه
وانتقالنـا الى فنـدق رمادا الذي يعرف بـ سفير بلازا سابقاً

لقـد تم ارسال فاكـس في اللحظـات الاخيـرة الى مقهـى اكس برسـو الذي وافق على طلبنـا قبل اغلاق سوق الانتقالات الكرويـة

ههههههههههههههههههههههههههههههههههههههههههههه ه

\
\

سلام يا حلـويـن

خلصنـا اشغالنـا ومرينـا المقاهي اللي بالرقعـي

كنت ابي الجلسـات ( العرزالـه ) وقعـدت اقردن فيهـم ومحـد راضـي
لهزتهـم بـ كم فلـس وماهم راضيـن معييـّن

رحت عاد لـ مقهى اكس برسو حبيبنـا وكان التجمـع الاولي فيـه
وكلمـت لي واحـد شقـردي وقال ما عليـك الموضوع عندي وعندنا حنا اكثر من رسيفير (ونحطولك) المباراة اللي تبيهـا

كررت كلمـة اكيـد يمكـن فوق 6 مـرات
وقالي متخفـش .. واخذت رقمـه ابن الحـلال وقالي دق علي قبل المباراة بـ ساعتيـن اظبط لك الجلسـة وتعالي قبل المباراة بـ ساعـة

بغيـت احجز التلفزيـون اللي قـدام بس الجلسـة ماهي حلـوه .. لأن تلفزيـون المقهـى الثاني بجنبـه ولجــه وما تسمـع شيء

عاد حجـزت نفس المكان اللي كنا قاعديـن فيـه .. خابرينـه طلال ومحمد وجـاسـم
وان شاء الله يكون المقهـى ونفس المكان فأل خيـر ونفـوز

كـل شي تظبـط وتمـت الامـور بنجـاح .. مو ناقصنـا عاد غيـر حضورك

[The Game]

على فكـرة الصورة الرمزيـة قديمـة مـرة ^_^
اللي بالتجمـع اللي طاف شافني عـدل
هههههههههههههههههههههههههههههههههههههههههه

وعلى فكـرة ترى انا آخــــر انسـان بالكـون يهتـم لمسألـة اللحيـة ^_*

وغيرنـا الرمزيـة عشان محـد يصكنـا عيـن << اخص يا هـذا

[boykuwait]

السلام عليكم شلونكم شخباركم
نشاءالله نفوز
بس وين تقعدون تشوفون مبارات عشان اجيكم هناك

[The Game]

هلا ومرحبا كويت بوي

التجمـع راح يكون في مقهـى اكـس بـرسـو ان شاء الله في منطقـة الرقعـي
الوصـف سهـل وما يضيـع

على الدائري الخامـس ادخـل دخلـة الرقعـي ويجيـك دوار مصبغـة تهامـة
اخـذه يسـار وكمــّل سيـده ليـن توصـل لـ مطعم لذيـذ كمـل شوي بعـد تلقـى بقالـة الفوارس
اخذ اللفـة يميـن وامش خطوتيـن تلقـى المقهـى على يمينـك

المقهـى اللي بالنص اسمـه اكس برسـو

[STEFANO]

عواد بتحداك بالصور خخخخخخخخخ

اتمنى ان تلتقو بخير ويارب تعملون مسيره بالسيارات ههههههه

[Q8_HUNTER]

اخوى عواد المزيون انا بجيك معي رسيفر وكرت عن النجال من مالمقهى
ولايغرونك بالكلام عن الجمال الجمال جمال الروح صاحب هذا المثل كان سحت
هههههههههههههههههههههههههههههه

[لازيو_فيرون]

السلام عليكم شباب لازم نتجمع بس عواد يضبط الامور انا ناطر الجواب وابى رقمك عواد ومكان التجمع مشكورين

[لازيو_فيرون]

اليوم باليل لازم نتفق نهائى شباب على مكان التلاقى والساعه كم بالضبط

[Nasser-alhajri]

ان شاء الله يخترب عليكم الريسيفر أول ماتبدأ المباراة هههههههههههههههههههههههههههه

والله خوش تجمع .. اتمنى منكم تصورون لنا التجمع وايضا شباب الشرقيه

مــب صور نبي فيديو <<<< زووووودها

[The Game]

إعـلان

التجمـع يا شبـاب راح يكـون في مقهـى اكس برسـو بالرقعـي
بجانـب صالـة اوكـاي للبليـاردو

الوصـف

على الدائري الخامـس اذا صار القبقب على يميـنك ادخـل دخلـة الرقعـي ويجيـك دوار مصبغـة تهامـة

اخـذه يسـار وكمــّل سيـده ليـن توصـل لـ مطعم لذيـذ كمـل شوي بعـد تلقـى بقالـة الفوارس
اخذ اللفـة يميـن وامش خطوتيـن تلقـى المقهـى على يمينـك وسـط سـاحـة كبيـرة فيهـا ثلاث مقاهـي

المقهـى اللي بالنص اسمـه اكس برسـو هذا هو بـ يكون التجمـع


اي استفسـارات هذا رقـمي 97964588

[J10]

السلام عليكم
والله شباب ودي اكون موجود معاكم بس في جم شغله شوي ممكن تعرقل مسار التجمع معاكم(حلوه تعرقل :حبتين: )
اولا انا الرقعي مادري وينها اصلا !:استفهام: يعني كأنك تقولي استخدمة الخريطه الي بالسيارة على شان تدلها :جدار: لو حولي او السالمية هل اماكن الي قريبه ممكن تكون سهالات
عموما لو التجمع بالمطلاع مافي مشكله :حبتين: بس في شغله اهم
انا يا جماعه خايف من سالفت المقهى ووقت المباراة مع وقت البرسا و المان اذا ماني غلطان :جدار:
يعني مالنا خلق هواش مع خلق الله على شان مباراة (عندي سوابق بالقهاوي:ضحك: )
هذي من الاشياء الي مخليتني اتردد :احمر:

[The Game]

جـاسـر انا حجـزت المكـان
ثاني شغلـه مباراة برشلونـه بالكاس منقولـه على آي آر تي
يعني سهالات نقدر نغيـر القنـاة مو نغيـر الكرت ونحط الجزيرة

كل المباراتين منقولات على آي آر تـي

بعديـن يا جـاسر الكويـت كلهـا تفرها بـ 3 ساعات ^_^
شنو اللي ما تدل الرقعـي

يا رجـال امسـك الدائـري الخامـس كلـه كأنـك متوجـه شمـال صوب الجهـراء
بـ تلقى الافنيوز على يمينـك << لا تقولي ما تدله بعد

و وراه بالظبـط منطقة الرقعي وبتشوف مطعم قبقب وعلى طول تلقى دخلـة الرقعي والوصف مثل ماهو موجود فوق

[جوسيبي سينيوري]

عواد الله لا يهينك أكد على اللي اتفقت معاه وشدد عليه أنه في ناس جاية واجد وخل يدبر تلفزيون لنا وباقي القهوى برشلونة أو اللي يبونه

وباجر أنا مسنتر بالرقعي ومخلص الإمتحان والمعنويات فوق :)

[The Game]

من يوم اني بالدوام والوقـت صاير بطـــــيء ومو راضي يمشـي

عموماً التأكيـدات الواصلـة ان شاء الله حتى الآن واللي كلموني بالتلفـون ستــ6ــة

عبداللطيف عاذرينـه عشان دوامـه
و جاسـر للحيـن ما عطانا الـ OK
والغالي محمد SOREN للحين ما شفنا رد منـه .. مع اني متوقع اني بلقاه بالمقهى ان شاء الله ^_^

Lazio 4 Ever و boykuwait و ابو سالم و والغالي ماتادور و باقي الشباب ولا يهونون
ياليـت نشوفكم هنـاك

[The Game]

احـدثكم حاليـاً من المقهـى
وتغيـر المقهـى يا شبـاب

نفس الوصـف ونفس المقهـى ولكـن الدور اللي فـوق

الجو حـر بـرى وما يصلـح نقعـد بقعـد فيـه
فـ اخترت المكان فوق تكيييف وتلفزيونيـن بلازمـا وشغـل عـدل

[سلفيو بيولا]

السلام عليكم
مبروكين الفوز باللقب الغالي وان شاء الله بداية الانتصارات الكبيرة
وشكرا