ياكوينتا و بورييلو الاهداف الرئيسية .. ومن امنيات الجمهور سافيولا وكاستيلو والقحطاني

[The Game]

http://i.media.goal.com/g/24808.jpg

لازال نادي لاتسيـو يبحـث عن بديـل للمهاجـم المقدوني غوران بانديـف الذي يبدو انـه سـ يكون بـ قميص آخـر غير قميـص النسـور .

الأهـداف الرئيسيـة التي حددها لاتسيـو هو مهاجم نادي اليوفنتـوس ياكوينتـا الذي يستلم مرتب مليون يورو ونصـف .. وادارة نادي النسـور تفكـر بـ شراءه او ان يدخـل في صفقـة بانديـف .

الهـدف الآخـر الذي ظهـر اسمـه اليـوم هـو مهاجم نادي الميـلان ماركو بورييلـو .. هداف نادي جنـوى السـابق قـدم مستوى ممتاز جداً مع نادي مدينـة جنوفا لـ يعود الميـلان ولكن عودتـه كانت عودة الاصـابـة لـه والتي حرمتـه من المشاركة مع الميـلان .. ادارة الفريـق تفكـر في بورييلو كـ إعارة مع خيـار الشـراء .

ومن خلال المواقـع الايطاليـه في الشبكـة العنكبوتيـة .. اغلـب الجماهيـر اللاتسيـاليـه تفضـل سافيـولا وتـراه الخيـار الامثـل والانسـب للعـب بجانـب زاراتـي .. ومسألـة قدومـه لن تشكـل عائـق بسبب انه لا يلقى ترحيباً في ريال مدريـد ولكن العائـق من الممكـن ان يكون راتب اللاعب الكبيـر .

والخيـار الثاني كان للمكسيكي نيري كاستيلـو الذي توج بـ لقب كأس الاتحاد الاوروبي مع شاختـار رغـم انـه لم يشارك مع الفريـق بسبب انه شارك مع مانشستر سيتي في نفس البطولـة ونفس الموسـم .

كاستيلـو فشل في اثبات نفسـه مع المدرب هيـوز فـ عاد كـ إعـارة لناديـه السابق شاختـار .. ويبـدو انـه سـ يكون على رأس لائحـة الانتقـالات من قبل النادي الانجليـزي .

وأحـدى الامنيـات أتت من مشجـع سويدي امتـدح فيـه مهاجم نادي الهلال وقائـد المنتخب السعودي ياسـر القحطانـي .. وأكـد هذا المشجـع الذي يقول انه صديـق للاعب ويلهمسون ان نادي لاتسيـو استفسر فعلاً عن ياسـر القحطاني نزولاً عند تزكيـه مدرب الفريق السابق اريكـسون .. الذي كان يريد شراءه عندما كان يدرب المانشستر سيتي .


\
/
\
/

الخبـر اللي باللون الفـاتـح .. هذا خبـر رسمـي موجود بأحـد المواقع اللاتسياليـه
اما الخبـر اللي باللون الغامـق .. كان عبارة عن موضوع في احد المنتديات منو تفضل يخلف بانديـف

كتبتـه مع هالخبـر لأن شدني سالفة ياسر القحطاني مع لاتسيـو !

[abdulaziz]

أمّا القحطاني ..!!! خخخخخخخخخخخ أخاف بس يقول الحكّام الإيطاليين ما يحبوني ولا أنا أكبر من لاتسيو ههههههه ..!!؟


وأمّا بالنسبة لخبر بوريللو فأعتقد إن ياكونتا أفضل من بوريلو ومفيد للفريق من الناحية الجماعية ..!

[Ole]

اختيارات الادارة افضل من اختيارات الجمهور

ياكونتا او بورييلو مكسب للفريق

القحطاني وسافيولا اقل من مستوى لاتسيو وكاستيللو ما اعرفه

[J10]

انا عن نفسي اقتنعت بموضوع ياكوينتا خليفة بانديف
وبوريلو على ضخامة جسمه بس هش ويحسسك انه بسكوتي
بسرعه يتكسر
اما سالفت الكاسر هذي قويه :)
تخيلوا ياسر يسجل بالديربي ويروح الكورفا سود ويسوي حركة السهم !
والله انه راح يسوي بلاوي بالمنتديات العربيه :)
شكرا عواد على الخبر

[Ben Nasser]

اتمنى ادخال ياكوينتا بالصفقه لاعب امكانياته جيده وفيه كل مميزات المهاجم اللي يحتاجه النادي
اما سافيولا .. ما اتوقع بيفيدنا بشي هو وكاستيلو كلهم تقريبا يلعبون بنفس طريقة زاراتي
نبي راس حربه
اما ياسر مستواه هالموسم اي كلام الدوري السعودي و واجد عليه

[لازياوي]

يا رب يا رب يا رب يا كوينتا يكون من نصيبنا ....

ولا تنسى جوفينكو يا لوتيتو

[lazio-ultras]

كلة الا سافيولا :(
الشر برا و بعيد

ياكوينتا ممتاز و مناسب مع اني نا اطيقة

[LA210]

هههههههه ..

ياسر بايطاليا ؟؟ هذا بالخرج ما عقل ! بروما وش بيسوي ؟ ..
تخيلوا يلعب بالديربي وجمهور روما يقول ( يااسر ويينه ؟ بالاستراااحه ) ..

[متيم لازيو]

يعطيك العافية يا عواد

لما شفت صورته بالخبر فكرت الخبر رسمي !!

الله يهديك يا عواد من جدهم هذولي ياسر على عيني وراسي مهاجم كان ممتاز !!

لكن بعد سالفته الأخيرة صار عاله على الهلال فمبالك بلاتسيو !!

أحلى ما بالخبر أن ياكوينتا أو بوريللو لأن أحد هذين اللاعبين يعد مكسب كبير جداً جداً !!

المقام الأول ياكوينتا أنا اشهد أنه خير بديل لبانديف !!

[خالد]

وأحـدى الامنيـات أتت من مشجـع سويدي امتـدح فيـه مهاجم نادي الهلال وقائـد المنتخب السعودي ياسـر القحطانـي .. وأكـد هذا المشجـع الذي يقول انه صديـق للاعب ويلهمسون ان نادي لاتسيـو استفسر فعلاً عن ياسـر القحطاني نزولاً عند تزكيـه مدرب الفريق السابق اريكـسون .. الذي كان يريد شراءه عندما كان يدرب المانشستر سيتي .

و الله يا فيه ناس بتولع من ذا الفقرة :ضحك: ... تلقاهم بينقزون منتدى لاتسيو الأجنبي و يسجلون فيه و بيحطون صور و مقاطع للاعبينهم :ضحك:.
نجي للجد ... أذكر بعد كاس العالم 2006 قريت خبر بجريدة الرياضية إن لاتسيو يفاوض محمد نور !! .. بصراحة إنبسطت ... مهوب لأن نور راح يفيد لاتسيو لأن هذا صعب لكن عشان شعبية الفريق اللي بينشرها هنا و نفس الكلام ينطبق على ياسر... عاد تتوقعون لو لعب نور بـ لاتسيو وش بيردد جمهور روما :سكوت: .

المهم لازلت أتمنى رأس حربة صريح .. تعبنا من تضيع الفرص ... نحتاج واحد ستايل توني .. ترزيقيه ... و ثاني بديل لزاراتي مع إعطاء مساحة أكبر لكوزاك.

[The Game]

شباب لا ياخذكم التعصب لاندية الدوري السعودي :) ويطلع الموضوع خارج مساره
هو مجرد سطر كتبه احد الاشخاص وذكرته انا لأنه شي حلو نشوف لاعبين عرب مع لاتسيـو

[Maglazio]

عجيب و غريب الخبر ده هههههههههههههههههه

عموما اتمنى ياكونتا او بوريليو

[جيفارا]

اتوقع
افضل مهاجم
هو ياكوينتا ممكن بيليسير فنان

[بو سلمان]

اتفق مع اغلب الشباب ياكوينتا هو الانسب ..

مهاجم سريع و قوي بالالتحامات و يفيدك في الكرات الراسيه و هذا ما ينقصنا ..

اما بريولو مشكلته اللياقه و الاصابات .. وسافيولا يستلم 4 مليون و هو احتياطي مدري على شنو ؟؟ ما ظن راح يفيدنا لاننا مثل ما قلت نحتاج مهاجم راسه حربه كلاسيكي صريح ..

باالتوفيق ..

[Laz!o]

بورييللو ،، لاعب غير محظوظ مع الإصابات
الإصابات دمرت جزء كبير من مسيرته إضافة لكثرة الإعارات
بعد عودته من الإصابة لا أحد يضمن بقائه بنفس المستوى السابق خصوصاً انه غاب لفترة طويلة
و هو على مشارف عمر الـ 28 سنة أو 29 سنة أعتقد

ياكوينتا ،، من بدت أخباره ما علقت عليه
لا بأس فيه لكن أعتقد ان إمكانية جلب الأفضل واردة

نيري كاستيو هذا كان مصيبة
لاعب مراوغ من الدرجة الأولى ،، ما يخاف انه يعدي من كل المدافعين لو كان بروحه
قدومه راح يزيد من الجانب المهاري للهجوم

ياسر الكاسر
والله ما أدري كيف أقولها لكن أنا بتكلم عن اللاعب الخليجي بشكل عام
اللاعب الخليجي غير مهيأ إلى الآن للإحتراف الخارجي
و أعني انه يطبق الإحتراف بمعنى الكلمة
و علي الحبسي الوحيد اللي شذ عن القاعدة
اللاعب الخليجي يمكن يحترف بـ بلد خليجي و ينجح
لكنه لحد الحين ما قدر ينجح بالإحتراف العربي فكيف ينجح في الإحتراف الخارجي ؟
على سبيل المثال ، اللاعب العماني محمد الشيبة احترف في الإتحاد الليبي و فشل ورجع
يحترف في قطر
فشل لأنه اللاعب الخليجي بطبيعته ما يقدر يتأقلم إلا في البيئة والأجواء الخليجية المتقاربة جداً
واللي الفروقات بينها بسيطة وما تأثر أبداً
هاني الضابط زمانه أخذ تجربة احتراف في نادي غنك البلجيكي وفشل و رجع لنادي بني ياس الإماراتي

اللاعب الخليجي ماراح يعرف يحترف بالخارج إلا لو صار عنده انفتاح أكبر خصوصاً من الناحية
الثقافية وهذي ممكن يتجاوزها لأن اللاعبين العرب (من شمال أفريقيا بالتحديد) ما كانت لهم عائق
لكن السبب الأكبر في الفشل هو الجانب المادي
الخليجي من يشبع فلوس خلاص يقولك بس ويبدأ يضيع ، أصلاً هو شبعان فلوس بداخل بلاده من قبل
و يعامل مثل النجم الأول
الدافع المادي موجود و بقوة عند الأفارقة لذلك نشهد الغزو الأفريقي لأوروبا

[خالد]

ياسر الكاسر
والله ما أدري كيف أقولها لكن أنا بتكلم عن اللاعب الخليجي بشكل عام
اللاعب الخليجي غير مهيأ إلى الآن للإحتراف الخارجي
و أعني انه يطبق الإحتراف بمعنى الكلمة
و علي الحبسي الوحيد اللي شذ عن القاعدة
اللاعب الخليجي يمكن يحترف بـ بلد خليجي و ينجح
لكنه لحد الحين ما قدر ينجح بالإحتراف العربي فكيف ينجح في الإحتراف الخارجي ؟
على سبيل المثال ، اللاعب العماني محمد الشيبة احترف في الإتحاد الليبي و فشل ورجع
يحترف في قطر
فشل لأنه اللاعب الخليجي بطبيعته ما يقدر يتأقلم إلا في البيئة والأجواء الخليجية المتقاربة جداً
واللي الفروقات بينها بسيطة وما تأثر أبداً
هاني الضابط زمانه أخذ تجربة احتراف في نادي غنك البلجيكي وفشل و رجع لنادي بني ياس الإماراتي

اللاعب الخليجي ماراح يعرف يحترف بالخارج إلا لو صار عنده انفتاح أكبر خصوصاً من الناحية
الثقافية وهذي ممكن يتجاوزها لأن اللاعبين العرب (من شمال أفريقيا بالتحديد) ما كانت لهم عائق
لكن السبب الأكبر في الفشل هو الجانب المادي
الخليجي من يشبع فلوس خلاص يقولك بس ويبدأ يضيع ، أصلاً هو شبعان فلوس بداخل بلاده من قبل
و يعامل مثل النجم الأول
الدافع المادي موجود و بقوة عند الأفارقة لذلك نشهد الغزو الأفريقي لأوروبا
الله ينور عليك ... المادة أولاً و تفكير اللاعب ثانياً و البنية الجسمانية ثالثاً.. المادة .. أذكر يوردانسكو كان يقول فيه لاعبين سعوديين كثير ممكن يحترفون برومانيا لكن هل اللاعب السعودي مستعد يأخذ راتب أقل و يتغرب عشان يحترف؟ هنا برضوا يجي تفكير اللاعب يا يحترف ببرشلونة أو مدريد و إلا لا ؟ وش ذا التفكير .. رونالدو اللي هو رونالدو جاء لأيندهوفن أول و بعدين راح برشلونة ... نواف التمياط أيام عزه جاه عرض من نانت الفرنسي و رودا الهولندي و رفضت إدارة الهلال بحكم ضعف العرض ... يعني ما أدري وشلون يفكرون أنديتنا و لاعبينا ... بعدين نجي للبنية الجسمانية .. ما فيه أي إهتمام فيها .. إذا جينا نلعب بكأس العالم تطلع الفضايح ... تحسهم أقزام و أي إحتكاك إلا و هو طايح ... يبغالنا سنين عشان نجاريهم ... آسفين طلعنا شوي عن الموضوع و إعذرنا يا عوّاد .. هذا آخر رد لي في الموضوع :ورده:

[Laz!o]

الله ينور عليك ... المادة أولاً و تفكير اللاعب ثانياً و البنية الجسمانية ثالثاً.. المادة .. أذكر يوردانسكو كان يقول فيه لاعبين سعوديين كثير ممكن يحترفون برومانيا لكن هل اللاعب السعودي مستعد يأخذ راتب أقل و يتغرب عشان يحترف؟ هنا برضوا يجي تفكير اللاعب يا يحترف ببرشلونة أو مدريد و إلا لا ؟ وش ذا التفكير .. رونالدو اللي هو رونالدو جاء لأيندهوفن أول و بعدين راح برشلونة ... نواف التمياط أيام عزه جاه عرض من نانت الفرنسي و رودا الهولندي و رفضت إدارة الهلال بحكم ضعف العرض ... يعني ما أدري وشلون يفكرون أنديتنا و لاعبينا ... بعدين نجي للبنية الجسمانية .. ما فيه أي إهتمام فيها .. إذا جينا نلعب بكأس العالم تطلع الفضايح ... تحسهم أقزام و أي إحتكاك إلا و هو طايح ... يبغالنا سنين عشان نجاريهم ... آسفين طلعنا شوي عن الموضوع و إعذرنا يا عوّاد .. هذا آخر رد لي في الموضوع :ورده:
أفا عليك بو وليد
نقاش هادف مو غلط نخوض فيه
البنية الجسمانية ما نلوم فيها اللاعبين لأن هذي طبيعة أجسام الخليجيين
قصير القامة و ضغيف البنية هي مواصفات أغلب اللاعبين العرب بشكل عام
ولو اني أشوف ان اللاعبين من شمال أفريقيا أفضل من هذا الجانب
حالياً البنية الجسمانية لها دور مهم جداً في كرة القدم الحديثة
شوف البلوز تشيلسي ،، مورينهو أيامه معهم كان يركز على اللاعبين ذو البنية الجسمانية القوية
90 % من اللاعبين عندهم ضخامة و طول قامة
حتى مع الإنتر مورينهو مرتاح من هذي النقطة لأن الإنتر أفضل فريق من الناحية البدنية
في إيطاليا و هي أحد نقاط قوة الفريق

[زيـزوم]

بوريللو مهاجم جيد جداً للاتسيو لكنه ( مقرود ) وكثير إصابات ، يعجبني فيه قدرته الجسمانية وتسديداته اليسارية .
ياكوينتا ؟ أبدع ببعض مباريات الموسم الحالي .. وصار عند البعض أفضل مهاجم إيطالي ، مع إننا ندري إن الناقة تبقى ناقة .. ياخوفي نتوهق بمهاجم مزاجي براتب كبيييييييير .
كاستيلو قيمته بالسوق 19 مليون يورو تقريباً ، واللاعب منخفض مستواه جداً وناديه يبي يتخلص منه .
سافيولا ثنائي ممتاز مع زاراتي ، للأسف حالته حالة مع الإصابات .

بخصوص ياسر وأمنية المشجع السويدي .. البعض يعتقد إن ياسر مثل بقية اللاعبين الخليجيين ( فلوس + مستوى زفت ) ، والحقيقة إن ياسر من أفضل المهاجمين العرب إن لم يكن أفضلهم .. مهاجم متكامل .. تسديدات ، كنترول خرافي ، مراوغة ، ذكاء ، إرتقاءات ، سرعة ، والأهم ( صناعة اللعب ) .. لكن سن الإحتراف الخارجي ( 28 سنة الآن ) لذلك أظنه راحت عليه .. وهو مرتاح جداً مع الهـلال ، من إنتقل للهلال إمتلك مستشفى بالرياض وفندق في جده وأملاك أخرى ورصيد بالملايين وإعلانات تدر عليه ذهب .. الله يرزقه ويزيده من نعمته .. لذلك فكرة الإحتراف الخارجي يستبعدها لأنه مرتاح في الرياض ، بخصوص مستواه الحالي .. اللاعب أُستهلك جداً هالموسم بسبب المنتخب والموسم الطويل المُرهق بالإضافة إلى الإصابات المتكررة ، ولا ننسى إذا راح ياسر لأوروبا مايقدر سرطان الرياضة يجبره على معسكر لمدة شهرين إستعداداً لمباراة ودية ضد الهند :ضحك:
طبعاً لاننسى إن الهلال يلعب بـ ياسر كمهاجم وحيد .. والله يرحم حاله بين 4 مدافعين ومحورين .

بخصوص المشجع السويدي .. ممكن تعطيني الرابط ؟
ودي أسوي زحمة بشبكة الهلال :حبتين:

[زيـزوم]

بالمناسبة .. إذا كانت الخيارات بهالمستوى ليش مانلتفت لجوركوف المعار من ميلان لبوردو الفرنسي .. لبوردو الأحقية بالتعاقد معه مقابل 15 مليون يورو .. أعتقد زيادة بسيطة على هالمبلغ ممكن تجيب ( زيدان الجديد ) :صح: للنسور ، ولاننسى متاعب ميلان الحالية مع الميزانية .. وكذلك جالياني الطماع .

[Q8_HUNTER]

خير ياسر القحطاني صحيح بس اللي طلبه نادي الريان القطري مو لازيو

[Grandi-Lazio]

قدوم ياكوينتا راح نستفيد منه كثيرا في الرأسيات +مهاراته

[امــيــر الــذوقــ]

بوريللو عاهة كل نص اقواله بالحظ والنص الباقي بلنتيات
لا نريده

ياكونتا نعم ولاكن شراء وليس مباردلة مع بانديف

سافيولا اذا ببلاش وراتب مليون حياه الله غيرها ما نبيه

كاستيو لاعب رائع بس مدري وش صار فيه من راح السيتي !! اتوقع ان حالته مثل حالة ماتوزليم
اذاا كان غير مكلف ما يمنع قدومه

بالنسية للقحطاني هذا مو قادر يظبط نفسه وهو في السعودية كيف يقدر يضبط نفسه في ايطاليا !!

اذا جاء ممكن تكون صفقة اعلامية فقط لكم دعاية جيليت

فيوجل يا بوالشباب :ضحك:

[عدنان السقاف]

أمّا القحطاني ..!!! خخخخخخخخخخخ أخاف بس يقول الحكّام الإيطاليين ما يحبوني ولا أنا أكبر من لاتسيو ههههههه ..!!؟


وأمّا بالنسبة لخبر بوريللو فأعتقد إن ياكونتا أفضل من بوريلو ومفيد للفريق من الناحية الجماعية ..!




ياسر لايصلح للدوري الصومالي حتى

اتركونا منه

طفشنا منه في الدوري السعودي

كما يجي لاتسيو

والله قوية

[8 zauri]

أنا خايف أن العالم بكرة بالجامعة كلهم يقولون لاتسيو يبي ياسر ولاتسيو يبي ياسر
وهو لايبيه ولاشي ... واحد مشجع كتب هالكلام .. وبخصوص المان سيتي ياسر فشل فشل ذيع معهم من اول كم تمرين ... واسمعو الكلام اللي قاله ولد بيتر شمايكل عنه ...
ورغم أني هلالي .. ولكن بدري على كل السعوديين أنهم يلعبون بالدوري الروماني فمابالك بالأيطالي (( باستثناء أبو عمر طبعا ))


وياكوينتا .. برأيي هو افضل خيار

[UlTrAs LaZiO]

كل الاحتمالات ممتازة بغض النظر عن القحطاني
لانه ليس في مستوى لاتسيو:داون: وخليه مع الهلال خير:صح:
مع احترامي لكل الجماهير السعودية عامة والهلالية خاصة

[الجنرال]

من تركيز الفريق على انه يجيب لاعب رأس حربة صريح ممتاز بالرأسيات اتوقع يتغير الاسلوب

زاراتي يكون بجانب رأس حربة مميز , بتكون توليفة حلوة ..

زاراتي و فوجيا يتحركون على الأطراف و يكون فيه واحد في منطقة الجزاء ..
هذا إلي ينقص لاتسيو هذا الموسم ..

ياكوينتا خيار ممتاز , سريع يقدر اللعب على الاطراف و كـ راس حربة مميز في الرأسيات و يلتحم بقوة , اتوقع نجاحه لو جا للفريق ..

سافيولا مع اني اقدره لكن ما ينفع ابد للدوري الايطالي من وجهة نظري ..
واللاعب فشل في ان يفرض نفسه كل هالسنوات بيتغير الحين ؟ ضعيف جسمانياً ميزته انه حساس قدام المرمى .

ودي اشوف ياسر بلاتسيو ( كلام عاطفي ترااا ) بس حتى لو فرضنا انه صحيح الخبر يعني بيجيبون لاعب سعودي و الفريق عنده عدد معين بس للاعبين الاجانب !! اكيد بيفكر بلاعبين من امريكا الجنوبية .

[Lazio 605]

اعتقد سافيولا مناسب , اول شيء هو يحتاج الى فرصة لكي يفجر نفسة , وعندما فجرها في اشبيلية ساهم اسهام كبير في تحقيق اشبيلية الى كأس الاتحاد الاوروبي

وياكونتا شي اكيد ان يكون ملك لو جاء لاتسيو

اما مسئلة ياسر القحطاني اعتقد انها اشاعة لا اكثر ولا اقل , ومسئلة التائقلم لاعبين العرب في اوروبا شبه مستحيلة , فما بالك بنادي متعصب ويملك جمهور منتقد ومتعصب ان ينجح معهم

[احب انترولاتسيو]

ههههههههه حلوه ذي
ياسر بلاتسيو؟
والله ماعاد اناظر الكالشيو
حده استراحات ويخب
اتمنى رؤيه الارنب لاتسياااااااااااالي