كلمة الحق تقال..لكن من ينتقد ليديسما

[hero_lazio]

السلام عليكم:.

http://cache.daylife.com/imageserve/02u859L2CF6Wu/340x.jpg

نعم اخواني كلمة الحق تقال وعلى نفسك...وهذه هي اهم احصائيات الفريق في هذا الموسم والمتعلقة بلاعب وسط الفريق ليديسما...ولكل منتقديه واولهم انا اللي دوم انتقده بس بعد ما شفت هذه الاحصائيات صرت افكر بشكل ثاني..

الاحصائيات..


اكثراً اللاعبين تمريراً للكرة وافتكاكاً لها

اللاعب
الفريق المنتمي اليه
التمريرات / الافتكاك
Liverani
Palermo
2338 / 1889
D'Agostino
Udinese
2139 / 1669
De Rossi
Roma
2032 / 1677
Pirlo
Milan
2032 / 1779
Ledesma
Lazio
1925 / 1479
Seedorf
Milan
1881 / 1647
Montolivo
Fiorentina
1813 / 1459
Guarente
Atalanta
1725 / 1405
Juric
Genoa
1712 / 1452


الـ ( Assist ) صناعة الاهداف .. ( تمريرة الهدف )

اللاعب
الفريق المنتمي اليه
عدد التمريرات الحاسمة
Fini
Cagliari
13
Cassano
Sampdoria
11
Cossu
Cagliari
10
Simplicio
Palermo
9
Juric
Genoa
9
Del Piero
Juventus
9
Kakа
Milan
9
Miccoli
Palermo
8
Tedesco
Catania
8
Zбrate
Lazio
8
D'Agostino
Udinese
8
Guarente
Atalanta
8
Lavezzi
Napoli
8
Liverani
Palermo
7
Ibrahimovic
Inter
7
Pizarro
Roma
7
Milito
Genoa
7
Muntari
Inter
6
Stankovic
Inter
6
Foggia
Lazio
6
Palladino
Genoa
6
Floro Flores
Udinese
6
Montolivo
Fiorentina
6
Amoroso
Bologna
6
Nedved
Juventus
6
Hamsik
Napoli
6
Tiribocchi
Lecce
5
Maicon
Inter
5
De Rossi
Roma
5
Di Natale
Udinese
5


اكثر اللاعبين لعباً للمباريات ( احصائية بعدد الدقائق والمباريات )



اللاعب
الفريق
عدد الدقائق / عدد المباريات
Pellissier
Chievo
3396 / 38
Zanetti
Inter
3375 / 38
Di Vaio
Bologna
3353 / 38
Frey
Fiorentina
3330 / 37
Rubinho
Genoa
3302 / 37
Silvestre
Catania
3240 / 36
Portanova
Siena
3235 / 36
Vergassola
Siena
3217 / 36
Julio Cйsar
Inter
3211 / 36
Simplicio
Palermo
3156 / 37
Marchetti
Cagliari
3150 / 35
Antonioli
Bologna
3150 / 35
Ibrahimovic
Inter
3137 / 35
Cassani
Palermo
3127 / 36
Cassano
Sampdoria
3109 / 35
Cavani
Palermo
3061 / 35
Benussi
Lecce
3060 / 34
Gamberini
Fiorentina
3060 / 34
Criscito
Genoa
3048 / 35
D'Agostino
Udinese
3042 / 36
Ledesma
Lazio
3035 / 34
Cambiasso
Inter
3010 / 35
Costa
Reggina
2995 / 36
Amelia
Palermo
2989 / 34
Handanovic
Udinese
2976 / 34
Gilardino
Fiorentina
2968 / 35
Agostini
Cagliari
2950 / 34
Zambrotta
Milan
2948 / 34
Garics
Atalanta
2945 / 35
Inler
Udinese
2943 / 36


وطبعا شوفوا الفرق بين قطع الكرة لليديسما وبين صناعة اللعب اللي صالا هو مو مبين في الاحصائية...من هنا نتاكد من انه ليديسما لاعب فكاك...وسط مدافع لا يعرف عن صناعة اللعب شيئا ولكنه في الفريق من المفترض ان يكون صانع العاب اي انه يلعب دور ليس له ونطلب منه عمل شئ ليس من اختصاصه..بل انه في اختصاصه متميز جدا وشوف بعد منو اجى..!! يعني اللاعب مثل ايسيان والربع اللي تفك الكرة..وبالتالي لو في الفريق لاعب صانع العاب ولو متوسط المستوى كان شفنا الوسط غييير وكان شفنا ليديسما يركز اكثر على الي يعرفه زين وكان صار واحد من افضل اللاعبين اللي يفكون الكرة في الكالتشيو...
هذه بس للامانة ولاعطاء اللعب حقه..ولو تشوفون منو الي يصنع اللعب في الفريق هما اثنين..فوجيا واكثر منه زاراتي..يتوضح لنا موضوع اخر..انه زاراتي مو هداف..ولو كان في الفريق قناص مثل كريسبو او كروز كان شفنا الفريق لديه معدل محترم من الاهداف بنهاية الموسم..
اي ان الفريق بحاجة الى ليديسما...وعلى لوتيتو ان يأتي بصانع العاب من طينة داجوستينو لاعب الاودينيزي..وايضا ان يجلب مهاجم هداف قناص في منطقة الجزاء..وبالتالي الفريق رح يصير ممتاز هجوميا وفي الوسط

اما الدفاع فحدث ولا حرج :احمر:
اكثر الفرق استقبالاً للاهداف
الفريق
عدد الاهداف المستقبلة
Lecce
67
Bologna
62
Reggina
62
Roma
61
Torino
61
Lazio
55
Sampdoria
52
Catania
51
Cagliari
50
Palermo
50
Udinese
50
Chievo
49
Atalanta
48
Napoli
45
Siena
44
Genoa
39
Fiorentina
38
Juventus
37
Milan
35
Inter
32

[STEFANO]

من زمان وانا اقولها ليديسما مايصلح صانع لعب .
. في افتكاك الكوره ممتاز . . وفاشل مع مرتبت الشرف في صناعة اللعب !!

اكبر دليل على انه لاعب لايصلح لـ صناعة اللعب . .
شوفو مباراى اليوفي ولاتسيو في تورينو بالكأس . . قسم بالله مت ضحك على تمريرته!


نحتاج لاعب يعمل الفارق في الوسط اي ان يصنع ويسجل مثل ستانكوفيتش قبل !!
وقبل ليفيراني كان هو من يصنع ويضبط الوسط ومن رحل والفريق ضايع بدون لاعب صانع للعب!


عشان جذي اتمنى عودة فيرون او التعاقد مع لاعب ذو امكانيات كبيره بالوسط مو شرط الاسم !!


مشكور أخوي على الاحصائيات !!

[Maglazio]

ليديسما من اهم لاعبي الوسط في لاتسيو ان لم يكن افضلهم و من حقه زيادة راتبه

عموما اتمنى لاتسيو يدعم الوسط بالنجم هامسيك

[متيم لازيو]

يعطيك العافية يا حيدر والله جبتها على الجرح

آخ يا ليديسما أحس أنك مظلوم من الجميع وأنت ظالم نفسك !!

ليديسما مع روسي = قهر وفشل !!

ليديسما لاعب قيادي إحنا بس لو نترك مستواه ونشوف خصائصه نعرف أنه لاعب !!

قوي بدنياً يفتك الكور إذا مسكته لاعب له اسمه ماتشوفه مثل توتي !!

أنا بعد لي إنتقاد عليك يا حيدر وعل الكاتب !!

ليديسما باصه ممتاز ممتاز ممتاز كفن موهبه يعني كلمسه هو عنده وقادر !!

لكن توافقه العضلي العصبي يخونه كثيييييير !!

يعني باصه يطلع من الرجل عجييييب شكله لكنه يروح غلط لأنه يستعجل ويتفلسف لذلك نشوف باصاته أسوأ مافيه !!

لكنه اذا أتقنه وكان رايق يقول للمهاجم أنت وضميرك وشفناه في أكثر من لقطه وحتى عواد أشد الناس كرهاً له أحيان يعترف أن ليديسما مرر تمريرة حلوه !!

أنا من زمان أقول ان ليديسما محور دفاعي في لاتسيو فقط لكن روسي وما أدراك ما روسي !!

أنا يعجبني ليديسما إذا لعب دابو نشوفه يراكض ويتحرك ويقطع ويمرر !!

ليديسما شين لأنه مزاجي وصراحة هذه النقطة سلبيه جداً عليه يقهرني مايبغى يلعب إلا ضد الفرق القوية !!

أشوفه يراكض ضد الفرق الصغيرة مايبي يلعب أبد وهذه نقطة سلبيه جداً عليه !!

بالعربي الفصيح والله لاعب مهم متى ما كان في يومه ورايق ومتى ماتغير روسي !!

عندها بذكركم من ليديسما !!

[Cybru]

مشكورين على الإحصائية


وطبعا شوفوا الفرق بين قطع الكرة لليديسما وبين صناعة اللعب اللي صالا هو مو مبين في الاحصائية...من هنا نتاكد من انه ليديسما لاعب فكاك...وسط مدافع لا يعرف عن صناعة اللعب شيئا ولكنه في الفريق من المفترض ان يكون صانع العاب اي انه يلعب دور ليس له ونطلب منه عمل شئ ليس من اختصاصه..بل انه في اختصاصه متميز جدا وشوف بعد منو اجى..!! يعني اللاعب مثل ايسيان والربع اللي تفك الكرة..وبالتالي لو في الفريق لاعب صانع العاب ولو متوسط المستوى كان شفنا الوسط غييير وكان شفنا ليديسما يركز اكثر على الي يعرفه زين وكان صار واحد من افضل اللاعبين اللي يفكون الكرة في الكالتشيو...

من زمان وانا اقولها ليديسما مايصلح صانع لعب .
. في افتكاك الكوره ممتاز . . وفاشل مع مرتبت الشرف في صناعة اللعب !!
اكبر دليل على انه لاعب لايصلح لـ صناعة اللعب . .
شوفو مباراى اليوفي ولاتسيو في تورينو بالكأس . . قسم بالله مت ضحك على تمريرته!

بس أنا كوني واحد من اكتر المعجبيين بي ليديسما أختلف معاك في عدة نواحي

بالرغم من الإحصائية أنا أشوف ليديسما كلاعب وسط محوري (هجومي - دفاعي) مع سوء الإستخدام للاعب من السير روسي طبعا

ليديسما لاعب قوي و مساند و صاحب مجهود كبير في النواحي الدفاعية لكنه في الأصل موزع كور و صاحب تسديدات قوية و لاعب مساند في النواحي الهجومية

ليديسما مميز في التمريرات القصيرة و متوسط في التمريرات الطويلة

و مشكلته الأولى أنه روسي يطلب منه أكتر من إستطاعته و طبعا هو لاعب مزاجي و يفقد الكثير في حال كان الفريق المنافس يلعب بضغط عالي في الوسط و إذا ما كان متواجد معاه في الوسط لاعب متحرك (ماتو)

روسي يستعمل ليديسما كلاعب وسط محوري دفاعي و يطلب منه في نفس الوقت يصنع اللعب من منطقة الدائرة (على إستايل الكبير بيرلو المميز جدا في الكرات الطويلة ) و هذا الأمر محتاج للاعب ممتاز في الكرات الطويلة على عكس إمكانيات ليديسما

أنا في رأيي هو ليس لاعب وسط هجومي و لا هو لاعب وسط دفاعي

هو لاعب وسط محوري مساند للهجوم و للدفاع (و يكون ممتاز في حال كان متواجد معه لاعب وسط هجومي مميز أو لاعب وسط دفاعي مميز )

و شكرا على الإحصائية :صح:

[Ben Nasser]

ليديسما لاعب مزاجي وهذا العيب اللي فيه
لكن لو بغى يلعب يسرق الأضواء من كثير من اللاعبين
ليديسما مقاتل في وسط الملعب وجيد في الكرات الثابته واحياناً بالتمريرات الطويلة
ومساند جيد للهجوم في بعض الأحيان
لاعب مؤثر في وسط لازيو وان شاء الله يتم التجديد معه

[mohammedvid]

كنت ولازلت أقول أن ليدسما وبانديف وزراتي حالياً هم نجوم الفريق والتخلي عنهم عودة للماضي التعيس هنالك لاعبين ليس عليهم خلاف

[امــيــر الــذوقــ]

قسم ان كان فبالي هاليومين افتح موضوع عن ليديسما
بس ظرفي ما تسمح اكتب موضوع طويل لاني طول اليوم دوام في الشركة علشان كذا ما عندي الوقت الي اقدم او اترجم او اكتب موضوع للاسف غير ردود قصيرة :(

انا انبح صوتي وانا اقول لكم ليديسما هو المحور الفكاك في الفريق واتم مدري من الي قال لكم صانع العاب

كلمة صانع العاب ما تجي الا على لاعبين من نوعية ريكلمي دييغو .....الخ
حتى بيرلو مع تميزه في الكرات الطولية ما يعتبر صانع لعب
بيرلو مثله مثل بيتزارو او ماتو زليم محور منظم للعب

ليديسما كان من هذا النوع محور منظم للعب
ولاكن مع روسي وفي آخر موسمين بالتحديد تحول لمحور فكاك

واقرب مثال كامبياسو شوفوا كيف كان مع مانشيني فكل بقعة في الملعب تشوفه
بس مع مورينيو اصبح دوره تكتيكي بحت

الخلاصة ان المدرب هو من اعطى ليديسما هذا الدور الجديد
بس الكل مو ملاحظ ويبي ليديسما مثل ليديسما ليتشي او ليديسما اول موسم معنا

وشوفو تركيبة خط الوسط الاساسية للفريق واتكدوا

ماتوزليم....ليديسما

فوجيا................بروكي

ومن هنا يتضح ان دور ماتو محور منظم
وليديسما محور فكاك
ومستحيل يكونوا بنفس الوظيفة في خط الوسط

والاحصائية الي وضعها حيدر تبين عدد الكرات المفتكة وعدد الكرات الي يسلمها بعد الافتكاك
وما يحتاج اتكلم عن اهميته بالفريق
يكفي ان الفريق ما فاز الا مبارتين بدونه !!
بس المشكلة ان الدور الي يقوم به في الملعب ما حد يحس له لذلك ليديسما هو الجندي المجهول في الفريق

شكرا حيدر وصراحتك عجبتني

اتمنى فقط يجينا دزيمايلي لان وقتها الوسط رايح يكون متكامل وكلن رايح يقوم بدوره المطلوب

[The Game]

الموضوع صار لـه اسبـوع
وكل شوي ودي اكتب رد بس أأجلـه :)

لي عودة للموضوع وعودة قويـة ( متحيزم )
واللي يبي يدخل في نقاشات خلـه يجهز فرسـه وشلفاه من الحيـن ^_^

[Lazio 605]

اعتقد الاخوان كفو ووفو , ومايحتاج اضيف اي شيء , وانا قلتا من قبل ليديسما لاعب ممتاز ومهم في الفريق

[Ole]

عادي تشوف الجماهير متباينة في الاقتناعات

اذا فيه جماهير في الانتر ماهي مقتنعة بكامبياسو فلا تستغرب الانتقادات تطول ليدسما

[بشار سامي]

ليديسما لاعب جيد لكن هناك الكثيرين افضل منه حتى في صناعة الكرات
يعني مثل موتيريلي (لاعب بولونيا) اسرع منه و صناعة للكرات افضل منه مع انو ما بلاعب صانع كرات
الكثيرين كانو افضل منه لكن للاسف الادارة فراطت بللاعبين و بعتهم بارخص الاسعار مثل ادارة الاندية العربية صارت افكر انو رئيس النادي من اصل عربي

[The Game]

عـدنـــا
لـ فتـح النيـران بـ وجـه ليديسمـا :) !

اول شـي انا ماني ضـد اللاعـب كـ شخـص
يعني انا مو ضـده عشـان ابي دابـو يلعب اساسي لأني احب دابو اكثـر

ماني من هالنوعيـه :) !

انا ضـد اللاعـب لأنـه لاعـب عادي !!
وما همني قعـد واللا راح .. لأن في لاعبين عندنا عاديين واجـد
فـ مسألة التخلص منهم ممكن تطـول شـوي

لكن انا ليـه ابي ليديسمـا يطلـع .. لأن في انديـة تبيـه
ونادي مثل فالنسيـا دفـع فيـه 20 مليـون وحنا رفضنـا مصيييبــه !!

يعني لو نبيـع ليديسمـا .. والله العظيـم نجيـب اللي اطلـق منـه بالسعـر هذا
والخيارات راح تكون كبيـرة و مفتـوووحـه لـ لاعبين قيمتهم 20 مليـون !!

عشـان هالسـبب ابي ليديسمـا يطلـع قبل ما ينتبـه الجميـع انـه لاعـب عادي ويصير وسعـره 8 مليـون .. هذا اذا ما انتبهـوا :) !!



بالنسبـة للاحصائيـات .. اسمحـوا لي اقـولكم هـاذي احصـائيــات تــدل على فشـــل ليديسمــا !!


مستغربيــن صــح :) !!


شـوفـوا مونتيليفيـو .. لاعـب مركـزه محـور هـجـومـي .. شـوفوا كـم عـدد افتكـاك الكـرة !!
شـوفـوا سيـدورف .. لاعـب خلف المهاجميـن .. وشـوفوا كـم عـدد افتكـاك الكـرة !!


ليديسمـا لاعـب عادي جــداً .. حتى لاعـب مجتهـد ما تطلـق عليـه هالكلمـة
لاعـب مجتهـد ممكن تطلـق على بـروكـي و فيرمـاني .. حتى سيفيليا وكريباري ممكن نقول لاعبين مجتهديـن .. تشوفهم بالملعـب تحس انهم يبـون يقدمـون شي رغم امكانياتهم المتواضعـه او البسيطـة

اما ليديسمـا ما اقول عنـه لاعب مجتهـد حتـى .. لأننا ما نشـوفـه يجتهـد بـ ولا شـي .. اللا اذا الـ 5 او 6 مباريات الزينـه اللي قدمها تسمـى اجتهاد طوال الموسـم عند بعض الاخوان هذا شـي ثانـي



وبالنسبـة لموضوع ان ليديسمـا لاعـب فكــّاك وحنا نطلـب منـه صنـاعـة اللعـب .. هاذي لـهـا نقطتيـن

النقطـة الاولى
لا يصنـع ويفكنـا من تمريراتـه ومشكـور يبقـى على الافتكاك اللي مدري وشلون قايـل ونحبـه

النقطـة الثانيـة
ليديسمـا من جرف الى دحديرة .. من سيء الى اسـوء ما في اي تطـور .. اول موسـم كان زيـن ثاني موسـم اللي هو الموسم اللي طاف انقلب فوق تحت و هالموسم هذا كمــّل المشـوار

لاعـب مثل دا غوستينـو ارتبط معانا مرة من المرات ايام ما كان مع ميسينـا .. والخبر موجود الى الآن سووا بحـث وشوفوا ردود فعـل اخـوانـي

تـف و سـف :)

محـد يبيـه

والحيـن .. انا واحـد من النـاس اقول ليته يجيينـا

هذا الفرق وهذا اللاعـب الصـح .. اللي يطـوّر من نفسـه حتى لو كانت ( الحجـّة الواهيـه ) ان المدرب هو اللي يبيـه بس يـدافـع !




نجـي لـ نقطـة الكابتنيــه !

بالبدايـة انا ضــد اي مدرب حتى لو جـاب كل البطـولات .. انـه يصنـع تميـّزه بـ فريق ثانـي
على سبيـل المثال .. شـوسـتر مع خيتـافي كان مجنــووون ومـدرب ممتـاز .. راح الى الريـال طبــق نـفــس التكتيــــك نفســـه بالظبــط مع اختـلاف اللاعبيـن بــس !!

هـذا انا اسميــه مـدرب فـــااااااشـــل .. وفعلاً فشـل وطرده النـادي رغـم انـه حقق الدوري


خـوانـدي رامـوس مع توتنهــام .. صنـع من نادي توتنهـام اشبيليـه انجليـزي
نفـس التكتيـك نفـس كل شـي .. حتى انـه فـرط في روبـي كيــن و بيرباتـوف وفي لاعبيـن كثيـر ممتازيـن لأن مالهم مكـان في خطـة اشبيليـه قـبـل .. وجاب المهاجـم الروسـي مدري وش اسمـه عشـان يخليـه كانوتيـه ثاني .. نفس الطول ونفس اللعب تقريباً والاسلـوب

وفـشــل رغـم انـه جاب بطولـة قدام تشيلسي .. واصطـدم باللعـب السريـع لكل انديـة الدوري الانجليزي بعكـس ما كان بالدوري الاسبـاني

مورينهـو .. فـشـل مع الانتـر في البدايـة بـ تطبيق نفس التكتيك والاسلـوب مع تشيلسي 4\3\3
وبعدها غيرهـا يوم شاف ان انجازاتـه القديمـة ما تمشي مع اي فريـق !!


المدرب الصـح هو اللي يشـوف لاعبينـه وش عنده وش يملـك ويسـوي خطتـه حسـب اللاعبيـن اللي عنده

برانديلـي و رانييري و ماتزاري .. هذول اللي من ايطاليـا .. اللي تشوفهم بكل فريـق لهم تشكيلـة غيـر وتكتيـك غيـر واسلـوب يختلف عن النادي الثاني


هالكـلام هـذا كلـه تمهيــد لمسألة ليديسمـا و روسـي والكابتنيـه !!

روسـي يبي يسوي نجاحـه مع ليتشي في لاتسيــو .. يبي نفس اللاعبين اللي بـ ليتشي .. ولعب بنفس الاسلوب والتكتيـك .. وحتـى الكابتنيـه ايام ليتشـي عطاها الى ليديسمـا .. والحيـن عطاها الى ليديسمـا مرة ثانيـة !!

وش سـوى ليديسمـا عشان يستاهل الكابتنيـه .. يناشـب الحكـام بـس !!
اجـل بـروكي يستاهلها اكثـر منـه !!

ينـظم اللعـب ويطلب من اللاعبين التمرير للاعب الفلاني اللي بالجهة الثانيـة !!
اجل ماتوزاليـم و روزينال و زاراتي يستاهلونها اكثر منـه

يتحمل عبء مسؤوليـه قيادة فريـق ويتكلم مع الصحافـة ويهدّي الأمـور بشأنه وبشأن ربعه بالفريق !!
اجـل بانديـف و روكـي و زاراتي يستاهلونهـا اكثـر منـه


مع العلـم ان ليديسمـا بس اشوفه يناشـب الحكـام .. حتى مسألة تنظيم لعـب ولا مـرة شفته ينظم لعـب او يتكلم مع اللاعبين بشـي

عشان لا اظلمـه مرة وحـده شفتـه يقول لـ لورينزو وكانوا بـ حائط الصـد لا تحـط ايـدك على كتفـك وتغطي وجهـك حطهـا على منطقـة العانـه

والنقطة الثالثـة من الكابتنيـه .. تجـــننن روعـــــه .. احلـى كابتـن بالدنيـا يقـود فريـق ومسبب وراه هو و وكيل اعمالـه ملايييين المشـاكل و زعزعـه كبيـــرة للفريــق !!



اما مسـألـة انـه جنـدي مجهــول !!
والله ما يصلـح حتى اسميـه عسكـري صــف

تبـون تعرفـون منـو الجنـدي المجهــول
اللي سبـق وارتبـط ويـانا و الناس نزلـت فيـه وطبت في والدَ والديـه :)


اكثراً اللاعبين تمريراً للكرة وافتكاكاً لها

Juric
Genoa
1712 / 1452


الـ ( Assist ) صناعة الاهداف .. ( تمريرة الهدف )
اللاعب
الفريق المنتمي اليه

Juric
Genoa
9


هـ الشـايـب الكرواتـي !! كابتـن فريـق جنـوى أو النـائـب الأول
هـذا هو نقـدر نسميـه جنـدي مجهـــول !

رغـم انـه لاعـب عادي وامكانيـاتـه متواضعـه

اللا انـه لا يكـل و لا يمـل .. يلحق الكورة ويضغط على الخصـم .. وانصدمـت يوم شفت له 9 تمريرات حاسمـه !! . رغم انه مكانـه مثل مكان ليديسمـا .. لـه دور دفاعـي و الدور الهجومي على موتـا اللي راح للانتـر


هـذا اللي عـنـدي الحيــن .. واذا جـد جـديـد لنـا عـودة :)



اقتباسـات ع الطـايــر من الغالي عمـر

لكنه اذا أتقنه وكان رايق يقول للمهاجم أنت وضميرك وشفناه في أكثر من لقطه وحتى عواد أشد الناس كرهاً له أحيان يعترف أن ليديسما مرر تمريرة حلوه !!

انا قلت في بدايـة ردي .. انا ماني ضـد اللاعـب في شي
وانا ما قد ظلمـت احـد لا بالدنيـا .. ولا بالكورة ولا بالدوام ولا بشي :)

الزيـن امدحـه و الشيـن اعلق عليـه .. و اذمـه اذا طالت السالفـة

مدحــت ليديسمـا في كـم تمريـرة وفي كم مباراة كـ مستوى كامل و في كم تدخـل وافتكاك للكـرة
ولكن كـم كانـوا !! ينعـدون على اصابع اليديــن !!

بالعربي الفصيح والله لاعب مهم متى ما كان في يومه ورايق ومتى ماتغير روسي !!

الكلمـة اللي حطيت تحتها خـط ( اذا ) و الكلمة الثانية كانت الجملة بالاقتباس اللي فـوق

مدري وش ارد على هالكلمـة .. اللي هي محـور ردي هـذا

ليـن متى بـ ننطر متى يصيـر ريدندو زمـانـه يصيـر رايــق و بـ يومـه عشان نشوفـه يقـدم مستـوى !!

انا أقـول اذا رجـع فيرمـاني وكان في يومـه و رايــق .. بـ يصير احسـن من ليديسمـا :) !!


:سلام:
:ورده: :ورده:

[The Game]

صحيـح نسيـت مسألة التسديدات القويـة

المفروض لوتيتـو يعيــّن 2 بودي قارد .. اثنين صاحب اجساااااااام ضخمــة
اذا جاء ليديسمـا يشـوت يسحبـون البـاب ويجروونـه 40 متر يا يميـن يا يسار على حسب شوتـة ليديسمـا القويـة والخارقـة للعـادة :)

[متيم لازيو]

^ ـــ ^

عواد مشكلتك أنت مو مقتنع باللاعب وصعب أقنعك !!

ردك كله هذا ولا شيء فيه حقيقة كلها سواليف وكلام !!

أجل بروكي وفيرماني أفضل !!

شوف كلمة إذا اللي تقتبسها هذه لها مغزى انا ماقلت اذا عبث !

إذا تنقال إذا عرفنا إمكانيات اللاعب !!

بقولك شيء بيرلو وش رايك فيه هذه السنة !!

طبعاً انا ما أقارن بيرلو في ليديسما علشان ماحد يجي ويقول تقارن ؟؟!

بيرلو الكل يقول سيء طيب بيرلو كلاعب وكفنيات وإمكانيات أكيد بتقولي ممتاز !!

طيب ليديسما أنا أشوفه كذا ولااندية اللي تلاحقه وبتدفع 20 مليون ما راح تدفعها عبث !!

لأنها شايفه شيء في اللاعب مو قادر يطلعه مع لاتسيو وبالذات مع روسي !!

أنت قلت كلام جميل بخصوص روسي وليتشي طيب كلمة إذا اللي قلتها أنا وماهي عجابتك معناها مكانها صح !!

لو تغير روسي وتغير الفكر والتكتيك بيطلع ليديسما اللي الكل يبيه !!

يعني معناة كلامي ومعناة إذا أن الولد عنده الشيء الكثير اللي ماطلع معانا !!

وهذا المقصد أن ليديسما كلاعب ماحد ينقد فيه وماعمري شفت مشجع أنتقده طبعاً غير مشجعين لاتسيو !!

لأنهم يشووفنه زفت والأسباب اللي ذكرتها انا اسباب قويه ومقنعه بنظري !!

ليه الناس الثانية تقول ليديسما ممتاز لأنهم يشوفونه كلاعب كإمكانيات مو كلاعب مع لاتسيو ومع روسي بالذات !!

لأن هذا مايهمهم لأنهم عارفين انه لو أنتقل إلى نادي ثاني مانقول بياكل الجو !!

ولا نقول اساسي بالإنتر ولا شيء لكن نقول بيكون مستواه أفضل من كذا بكثير وساعتها بنتحسف !!

مسألة بقائه من عدمها أنا ماعمري كنت ضد خروج أحد مهما كان اسمه ومستواه !!

دائماً كان همي من بديله انا واحد كنت اموت بليفراني ويوم جاء بيطلع وماجدد له لوتيتو زعلنا !!

بس يوم جانا ليديسما نسينا ليفراني !!

كلامي اللي ابيه ينفهم أن ليديسما مايهمني كشخص إذا لوتيتو بيجيب واحد يقدم أفضل منه مستوى معنا باللي مايحفظه !!

[Prince of lazio]

بصراحة انا اول الناس الى تتمنى ان يطلع ليديسما هوا ايش مهمته
فى الوسط افتكاك الكور او صنع اللعب المشكلة انه يبى يسوى الاثنين مع بعض وهدا مستحيل على لاعب مثله الكل شافه فى أول موسم له مع الفريق اداء ممتاز لكن بعدهها نزل مستواااه كثيرا ولايقدم 50% من مستوى لاعب يلعب فى مركز مثل مركزه المهم

[امــيــر الــذوقــ]

اهلا عواد



شـوفـوا مونتيليفيـو .. لاعـب مركـزه محـور هـجـومـي .. شـوفوا كـم عـدد افتكـاك الكـرة !!
شـوفـوا سيـدورف .. لاعـب خلف المهاجميـن .. وشـوفوا كـم عـدد افتكـاك الكـرة !!




كلامك هذا ما يلغي تميز الاعب في الدور الي يقوم به

انت تقول منتليفو ووسيدورف لاعبين خلف المهاجمين ويقطعوا كرات

طيب هم في لاعبن بنفس مركز ليديسما غير موجودين في القائمة وهم متميزين مثل كمبياسو وامبروسيني

او على هذا الاساس يصبح فوجيا لاعب سيء لانه لم يقطع شيء !


ليديسمـا لاعـب عادي جــداً .. حتى لاعـب مجتهـد ما تطلـق عليـه هالكلمـة
لاعـب مجتهـد ممكن تطلـق على بـروكـي و فيرمـاني .. حتى سيفيليا وكريباري ممكن نقول لاعبين مجتهديـن .. تشوفهم بالملعـب تحس انهم يبـون يقدمـون شي رغم امكانياتهم المتواضعـه او البسيطـة



مشكلتك يا عواد انك الاعب الي يركض هو الاعب الممتاز عندك !!
طيب بروكي انا اعترف اكثر لاعب يجري في الملعب بس في النهاية وش الفايدة الي قدمها ؟
هل قطع كور او صلح باصات صح !!

مو بشرط ان الاعب الي يلعب على الواقف سيء ياما لاعبين تميزوا بنفس هالاسلوب مثل ريكلمي
الي ما يتعب نفسه طول المباراة واقف بس بتمريرة يجيب لك جول


النقطـة الاولى
لا يصنـع ويفكنـا من تمريراتـه ومشكـور يبقـى على الافتكاك اللي مدري وشلون قايـل ونحبـه


شوف لو ان الاعبين الي بجنبه جالسين يأدوا دور صناعة العب بشكل جيد كان ما شفته يتفلسف على قولتك

اذا ليديسما يلعب وعلى يمينه بروكي وعلى يساره ماوري او مانفرديني الي ما يعرفوا يمشوا بالكورة وين ما تبي ليديسما يجتهد بنفسه ويمرر كرات طولية للمهاجمين

كلنا شفنا ليديسما بجوار ماتوزليم كلن يقوم بدوره ويكملون بعض ولا احد يتفلسف منهم

انا اتحداك يا عواد يلعب ماتوزليم لوحده بالوسط بدون ليديسما ويعطي بالشكل المطلوب


لاعـب مثل دا غوستينـو ارتبط معانا مرة من المرات ايام ما كان مع ميسينـا .. والخبر موجود الى الآن سووا بحـث وشوفوا ردود فعـل اخـوانـي

تـف و سـف :)



وللحين وانا اقول تف وسف :)
اولا روماوي ثانيا انا متأكد اذا بيروح فريق اكبر بيخمبق مثل تياجو وربعه

وبالنسبة لنقطة الكابتين
ما عندي تعليق عليه الا اساسا احنا ما عدنا لاعب قيادي من الاصل
فهي جاية للاقدم تقريبا
وكلنا يعرف ان روكي هو الكابتين ولاكن لجلوسه على الدكة ليديسما ينوب عنه
ولا بعد بتقولي روكي يوجه ويحتج !!


صحيـح نسيـت مسألة التسديدات القويـة

المفروض لوتيتـو يعيــّن 2 بودي قارد .. اثنين صاحب اجساااااااام ضخمــة
اذا جاء ليديسمـا يشـوت يسحبـون البـاب ويجروونـه 40 متر يا يميـن يا يسار على حسب شوتـة ليديسمـا القويـة والخارقـة للعـادة :)


شزف عواد انا ديم مع الحق ان كان الاعب زفت فهو زفت

ليديسما زفت في تنفيذ الضربات الحرة البعيدة + الي تكون على الجوانب لان رفعاته سيئة
ولو مدرب غير الطبل روسي كان خلى لاعب غيره ولاكن بالتأكيد هذي جية من روسي

ولاكن فنفس الوقت ممتاز في الفاولات القريبة

[Ole]

كلنا ياعواد نبي الأفضل للفريق

وعندك اكبر مثل ... روكي

روكي بعد ماقرب عقده ينتهي وكثرت المشاكل بينه وبين النادي كثيرين وقفوا معه وتمنوا النادي يجدد معه

وبعد ما انضم زاراتي للفريق واخذ وقته وظهرت امكانياته نسانا روكي مع ان روكي مازال في الفريق

اذا فيه لاعبين افضل من ليدسما يقدر لوتيتو يتعاقد معهم وينسونا ليدسما حياهم الله لكن ودنا بأثنين محاور متميزين يسندون بعضهم بعد ماطلعت روحنا بليدسما لحاله ثلاث سنوات... وماصدقنا على الله نشوف ماتوزاليم يسنده الا الاصابات لاعبه فيه والحين عندك يالوتيتو عقدين واحد لليدسما والثاني ماتوزاليم ولا اعتقد فيه واحد من الاثنين بيستمر وبتبدا رحلة البحث عن محاور من جديد

وعلى صفاته القيادية فليدسما كان كابتن لليتشي وعمره 23 سنة بمعنى انه لاعب جرب القيادة قبل مايجي لاتسيو والقيادة ماهي تميز قد ماهي مسئولية وتقدر تلمس فيه هالمسئولية زبدته اللي زبدها لصحافة ايطاليا بعد ماسألته عن تجديد العقد في بداية الموسم وعن مشكلة زاراتي مع روكي وروسي

واخواني عمر وأمير الذوق ماقصروا اختصروا علي الرد وزادوا وافادوا

[The Game]

هلا وغلا بـ ربعـي

اول شي يا شبـاب لا تقولوني شي انا ما قلتـه :)

نجي للنقـاش مع عمـر

\
/
\

عمـر اول شي انا ما قلت بروكي وفيرماني افضـل .. انا قلت حتى لاعـب مجتهـد ما يصلح اسميـه
بـ معنى ان لو تجيـب واحـد ما يفهم بالكورة اللا شوي وتخليـه يشوف مباراة لـ لاتسيـو .. يقولك ان بروكي وفيرماني ماعندهم مهارات بس شادين حيلهم ( مجتهدين )

هذا اللي اقصـده بكلمـة ان حتى كلمـة مجتهـد ما اقولهـا لـ ليديسمـا

النقطـة الثانيـة يا عمـر .. صدقني ولا فريـق ايطالي من الاندية الاربع الاوائل تبي ليديسمـا او حتى تفكـر فيـه .. باستثناء الفيـولا ممكـن

لأنـه حتى احتياطي ما راح يشـم ريحـة دكـة البدلاء .. واذا هي على السوالف والاهتمامات .. هذا بارونيو العام مدري قبل العام .. الميلان و الانتر كانوا يفكرون يضمونه اعارة بسبب اصابة فييرا مع الانتر واصابة بيرلو مع الميلان .

انا اللي غابني سالفـة بس الـ 20 مليون يورو وهو العرض الرسمي من فالنسيـا بطلب المدرب الهولندي يوم استبعد باراخا والبيـدا قال ابي لاعب محور .. وفالنسيا فدموا عرض وتم رفضه وبعدها اشتروا بانيغـا .

20 مليون هاذي تجيب اللي اطلـق من ليديسمـا
هذا اللي قاهرني بصراحـة

بالنسبـة لموضوع ليديسمـا روسـي .. انا الحيـن اتمنـى ليديسمـا يقعـد ولو اني اتوقع لوتيتـو راح يشوتـه :)
ولكن ابيـه يقعـد لـ سببين .. الاول عشـان خاطر عيونـكم :)
الثاني عشان تشوفون ان ليديسما هو ليديسما سواء روسي او غوارديولا :)

\
/
\

نجي للنقاش مع الغالي محمـد

بالنسبـة لمسألة مونتيلفو و سيدورف .. بـكون معاك فيهـا ولو اني ماني مقتنع .. خصوصاً ان كلهم ثلاثتهم مونتيلفيو و سيدورف وليديسما يلعبون في نفس الخط وهو خـط السنتر .. يعني مافي واحد منهم صانع لعب متقدم ومافي واحد منهم ليبرو لخط الوسط كلهم على خط واحد :)


النقطة الثانية وهي مسألة اللاعب اللي يركض .. انا ما قلت ممتـاز .. انا قلت لاعب مجتهـد ونفس الكلام اللي قلته لـ عمر فوق ينطبق على نفس هالنقطـة

اما مسألة بروكـي .. فـ اقولك بروكـي صنع 4 اهداف هالموسم وتسبب بركلة جزاء قدام تورينو
ليديسما كم هـدف صنـع ؟؟ بس واحـد :) !!

واحقاقاً للحـق .. تمريرات بروكي الساقطـة الطوليـة افضل من تمريرات ليديسمـا !

اما بالنسبـة لموضوع ليديسمـا ومن يلعب بـ جنبـه .. اغلب الموسم لعب جنبـه دابو و ماتوزاليم وبروكي واحيان قليلـة ماوري .. يعني مافيهـا اي شيء وكل اللي لعبوا بجنبه مقدمين مستوى ممتاز باستثناء ماوري المرض

اما بالنسبـة للتحـدي يا محمـد .. فـ اسمح لي اقولك خسرت التحدي :) !
بأحـد المباريات القليلة اللي ما لعب فيها ليديسمـا .. لعب ماتوزاليم بجانب دابـو
ودابو كان ماخذ دور ليديسما و ماتوزاليم قايم بدوره الهجومي .. بالشوط الثاني روسي غير الطريقـة و رجع ماتوزاليم مكان ليديسما وطلع دابو ولعب بداله لاعب ثاني

للاسف ما تحضرني المباراة ممكن احد من الاخوان يذكرنا فيها .. اللي متأكد منه انها كانت بالليل

فـ هذه المباراة .. ماتوزاليم لعب شوط واحـد بس بالمركز هذا يسوى له 5 مباريات كاملة لعبها ليديسما :)

والشباب بالنقل المباشر كلها كانت متسانسة على الاداء اللي يقدمه ماتوزاليم بالمركز الدفاعي


بالنسبـة لمسألة الشوتات القويـة .. انا ما اتكلم عن الفاولات
لأن هالشي الكل مقتنع فيـه بـ فشل ليديسمـا فيـه

انا اتكلم عن الشوتات بالمباريات .. يتقدم ويشوت هاذي هي اللي يبيلها بودي قارديـه ^_^

\
/
\

هلا وغلا بو داحـم

موضوع نبي الافضـل والله واجـد .. بايطاليا وخارج ايطاليا اللي قادرين يعوضون ليديسما وبسهوووووووولــــه

اما مسألـة روكـي .. انا اكثر واحد شرشح فيه العام اللي طاف .. ولكن روكـي كان يرد علي بـ مستواه بالجامبيونز ليـغ .. كان ضعيف بالدوري وممتاز بالبطولة الاوروبيـة

اما مسألة زاراتي وانه نسانا روكـي انا ضدها تماماً .. روكي مسجل 12 هدف هالموسم .. 9 بالدوري و 3 بالكاس ومن دون ولا ركلة جزاء .

روكي ما لعب كل المباريات وللحين هـداف .. وغير هالشي تراه ما استراح ابـد بعد انتهاء الموسم اللي طاف لعب مع المنتخب الاولومبي و رجع باصابـة ( بـ عكازات ) وبعض الشباب يقولون كل الناس تصاب .. ولكن في فرق بين لاعب مو قادر يمشي اللا بـ عكازه وفي فرق بين اصابـة يقدر يمشي عليهـا :) !

عموماً ما هو موضوعنا عشان ما نطلع برى الموضوع

بقول شغلـه بسيطـة يا بو عتب

انت اكثر واحد منت مقتنـع في مودينغاي .. دايم ردودك وش نستفيد من لاعب يقطع الكرة ويرجعها لهم

طيب حتى ليديسما يقطع الكرة ويرجعها لهم .. بس الفرق مودينغاي يرجعها للاعب اللي قطعها منه و ليديسما يرجعها الى حارسهـم :)

كنــّك تقول 2 + 3 كم يساوي .. وكنــّك تقول 1 + 4 كم يساوي
الناتـج كلـه خمسـه .. يعني ما طحت اللا انبطحـت

ولو كان لي سلطـة كان بعت ليديسما حق بولونيا وخليت مودينغاي عندنا .. اللي ضحك على شوارب ليديسما في مباراتنا معاهم .. آخر شي حقد الارجنتيني وطقـه وآخذ كرت اصفـر :)

\
/
\

تحياتي للجميـع

[Ole]

تسلم على هالذاكرة والله يحفظها لك

مودينجاي يعتبر اكبر صفقة تكلفة لبولونيا وطبيعي يكون لاعب الوسط رقم واحد في فريقه

لكن وينه ووين الارقام اللي مسجلها ليدسما في التمرير السليم وقطع الكرات

احكم على اللاعب في سنة كاملة ولا تحكم عليه في مباراة وحدة

يعني عيب في ليدسما انه مايصاب وايقافاته قليلة والمدرب يعتمد عليه؟؟

وانا مثلك اتمنى ليدسما يجدد لأننا تعبنا من دوران ضعف المراكز مع لوتيتو