التغييرات الجديـدة .. آرائكم و اقتراحاتكم

[The Game]

بسم الله الرحمن الرحيم
السلام عليكم ورحمة الله وبركاتـه

الموضوع ما يحتاج له شرح :)

تم ولله الحمد الانتهاء من تطوير نسخة المنتدى
وتصميم ستايل احترافي خاص في شبكة لاتسيو للعرب

ونشكر الاخوان حمزه و مراد اصحاب شركة المصمم كول
على تعاونهم معنا واخذ افكارنا واخراجه بهذا الشكل المميز

www.cool-designer.com (http://www.cool-designer.com)

الى الآن لم ينتهي التطوير والتصميم بعـد
فـ اللي يواجه مشكلة او اخطاء ياليـت يذكرها هنا
او اللي تظهر له رسائل على شكل فايروسات او رسائل اخطاء يذكرها ايضاً

بالاضافـة الى اننا نود سماع ارائكم واقتراحاتكم بخصوص الستايل الجديد
اكتبوا واذكروا ما تريدونه ان يضاف في الستايل الجديد

فـ المنتدى منتداكم

ودمتم بألف خيـر

[LA210]

ما شاء الله تبارك الله .. رااائع جداً :)

الله يعطيكم العافيه .. والى الامام دائماً

[only lazio]

بسم الله الرحمن الرحيم ....

ما أدري من وين أبدأ بس هذي هي الحقيقة ماهي مجاملة صراحة أول ما دخلت المنتدى حسبت في غلط ولافايروس،

أتفاجأت أشوف يميني مباراة قادمة وأشوف يساري صورة رائعة لزراتي وفوجيا أنا مبسوط كوني أول مشارك لهذا الموضوع..

بس أنا والله من زمان كنت أبغ أشارك في المنتدى ولكن الظروف لم تسمح وها أنا هنا الان لأشارك في أول تغيير للمنتدى،

في مسيرتي.....

مشكور أخواني الأعزاء في المنتدى مثل ماذكرهم أخوي عواد.....

من أوفى مشجعي لاتسيو وتبقى كبير

only lazio

[MeZyoN]

المندى اكثر من رائع
والالوان تشجع الواحد يشارك

[lazio2010]

انا اشكر فرد فرد في هذا البيت اللازيالي الصغير وربي يعطيكم الف عافية ..

مشكورين والى الامام ..

[Foggia_17]

يعطيك ألف عافية يا عواد و لكل من قام بهذا التطوير .

بصراحة المنتدى أصبح أكثر جمالا و أكثر تطوراً بس يحتاج لبعض الإضافات .

مثل أن يتم وضع فلاشات ^_^ أو اضائات على صورة الأسبوع و شعار لاتسيو .

مقال الإسبوع فكرة رائعه أيضا . بس شو دخل أهداف اللقاء الموجود تحت الموضوع مباشرة .

و عساك على القوة يا عواد

[Ole]

مشكـــــــــــــــــــــــــــــورين على التطوير وعلى الشغل الحلو

مبروك علينا جميعا الستايل الجديد

كنت اسمع عن نسخة جديدة للمنتدى في مواضيع سابقة منك ياعواد ومن عمر ورغم ان النسخة السابقة ممتازة وماكنت منتظر التجديد الى ان النسخة الجديدة فاجأتني بتصميمها الفريد وأناقتها

[متيم لازيو]

يعطيك مليون عافية يا عواد وماقصرت

بس اول نقطة عندي الرسالة السابقة طروادة ماختفت وإلى الآن تجينا !!

ثاني شيء الخط صاير صغير وياليت يرجع مثل اول !!

ثالث شيء صور زاراتي وفوجيا متكرره في كل مكان ليه ماخليتوها صور مختلفة !!

[J10]

يعطيك الفين مليون عافيه يا عواد
المنتدى الحين جد جد جد يفتح النفس :)
بالنسبة لسالفة الطرواده الي يقول عنها عمر انا عمرها ماحاشتني
لو تجرب تشبك من جهاز ثاني ياعمر اتوقع ماراح تلقى هل شي

[غسان]

نشــكركم على جهودكـــم وإلى الإمــــــام

[زيـزوم]

ماشاء الله ، كشخة :صح:

[Nasser-alhajri]

ماشاء الله المنتدى طالع روعه .. اشكر الجميع على هذا العمل .. بالفعل ماقصرتوا .. الله يعطيكم العافيه

انا بصراحه مع كلام عمـر في سالفة صورة زاراتي وفوجيا .. اشوفها متكرره كثير ! فما ادري ايش رايكم ؟

بالنسبه للخط .. اشوفه ممتاز جدا ومافيه اي حاجه فا اعتقد من عندك المشكله يا عمر ؟!

عموما .. الله يعطيكم العافيه عـز الله ماقصرتوا وبيض الله وجيهكم

[سيرجيو]

مشكورين على المجهود الكبير و إلى مزيد من التقدم
بس عندي مشكلة الفيروس لازالت موجوده
و شكر لكم جميعاً

[khaled 9]

مشاء الله تبارك الله ...

مجهود خرافي يا عواد .... بصراحة ...

ويعطيكم الف عافية وعساطك على القوة

صحيح انتقدنت على المنتدى ... لكن يالليت انكم تضعون انتقادي انتقاد هادف لاجل التطور والشهره ... ولا تاخذونه من نواحي ثانية

مجهود كبير وجبار منك يا عواد والكل يلاحظة

وبالعكس اشد عليك واشد على كل من قائم على المنتدى وعلى الحرص الشديد لظهورنا بأبهى صورة

والصراحة ماقصرتو


تحياتي ...

[MaTaDoOr]

تغيرات ممتازة .. ومتطورة

قواكم الله على المجهود ..

[بو سلمان]

الله يعطيكم العافيه جميع ..

عمل جبار و بيض الله وجيهكم جميع ..

كان عندي مشكله اني ما اقدر اغير اللون الكتابه اليوم الصبح .. لكن اللحين اشوفه عادي شغال ميه ميه معاي ..

[Grandi-Lazio]

يعطيكم الف الف الف عافية على التصميم الجميل

[Cybru]

:صح: روعة والله الإستايل الجديد :صح:

و بالتوفيق دايما

:مشجع:و ألف شكر لكل مشرفي المنتدى :مشجع:

[Prince of lazio]

شكرا كم على التطوير الدائم لمنتدانا الغالى
ومثل ماقال عمر طروادة مازالت موجودة

[Lazio 4 Ever]

يعطيكم الف عافيه عالجمهود الجبار ,, ستايل المنتدى روووووعه ماشاءالله ويفتح النفس ..

عندي مشكله,, لما اطلع من المنتدى وارد ادش مره ثانيه لازم اسجل دخول مره ثانيه حق نكي مع اني احط حفظ البيانات , مادري هالمشكله عند الكل ولا بس عندي !

[متيم لاتسيو]

شغل متعوب عليه بصراحة


وعمل رائع جدآ ..



ملاحظة /


كأني اشوف المنتدى بطي تصفحه ؟


هل هو عندي فقط ام غيري لاحظ هالشي

[8 zauri]

ماشاءالله تبارك الله ... تصميم رائع جدا وذوووق
ألوان رائعة وتصميمات أروع ... ولكني عندي ملاحظة بسيطة جدا وذكروها بعض الشباب
الخط صغير ... وألف شكر لكل من ساهم في هذا العمل الرائع

[The Game]

السـلام عليـكم

ناخذ ردودكم رداً بـ رد :)

ما شاء الله تبارك الله .. رااائع جداً :)

الله يعطيكم العافيه .. والى الامام دائماً

هلا ومرحبا اخوي سليمان
الحمدلله ان التطوير عجبـك

و رجعنا خاصية المباراة السابقة والقادمـة حسب طلبك في اقتراحات التطوير السابق :-)
وتطبيـق مقال الاسبـوع سـواء عن اللاعبيـن او عن المباريات
وتأكـد ان ادارة الموقـع دايم تسعى لـ إرضاءكم واخذ اقتراحاتكم

صحيح تأخرنا بالتطبيق لـ موسم كامل تقريباً ولكن كل هذا التأخير حتى نطلع بالصورة هاذي ويكون التطوير خالي من اي مشاكل

\
\
\

بسم الله الرحمن الرحيم ....

ما أدري من وين أبدأ بس هذي هي الحقيقة ماهي مجاملة صراحة أول ما دخلت المنتدى حسبت في غلط ولافايروس،

أتفاجأت أشوف يميني مباراة قادمة وأشوف يساري صورة رائعة لزراتي وفوجيا أنا مبسوط كوني أول مشارك لهذا الموضوع..

بس أنا والله من زمان كنت أبغ أشارك في المنتدى ولكن الظروف لم تسمح وها أنا هنا الان لأشارك في أول تغيير للمنتدى،

في مسيرتي.....

مشكور أخواني الأعزاء في المنتدى مثل ماذكرهم أخوي عواد.....

من أوفى مشجعي لاتسيو وتبقى كبير

only lazio

حياك الله اخوي اونلي لاتسيـو والحمدلله ان الشكل العام عجبـك
وان شاء الله الظروف تسمح لك ونشوف مشاركات شخصيـة منك :)

\
\
\

المندى اكثر من رائع
والالوان تشجع الواحد يشارك

هلا ومرحبا اخوي مزيـون
والحمدلله ان الالوان عجبتـك

ان شاء الله عاد نشوف مشاركاتك منك وما ترحمنا من تواصلك

\
\
\

انا اشكر فرد فرد في هذا البيت اللازيالي الصغير وربي يعطيكم الف عافية ..

مشكورين والى الامام ..


هلا بك يا الغالي و الشكر لكم انتم الاعضاء فـ انتم اصحاب المنتدى
ولو لاكم ما شفنا المنتدى وانعدم وجوده

\
\
\

يعطيك ألف عافية يا عواد و لكل من قام بهذا التطوير .

بصراحة المنتدى أصبح أكثر جمالا و أكثر تطوراً بس يحتاج لبعض الإضافات .

مثل أن يتم وضع فلاشات ^_^ أو اضائات على صورة الأسبوع و شعار لاتسيو .

مقال الإسبوع فكرة رائعه أيضا . بس شو دخل أهداف اللقاء الموجود تحت الموضوع مباشرة .

و عساك على القوة يا عواد

اهليـن احمـد ^_^

والله يعطيك العافيـة انت واخواني باقي المشرفين كلها جهودكم
انا مجرد حلقـة وصل بين لاتسيو للعرب و شركة المصمم كول

و الفلاشات والاضائات لا تحاتي بـ نسويها ^_^ ههههههههههههههههههههه

اما مقال الاسبـوع فـ هي فكرة اخونا سليمان وطورناه شوي عشان تشمل بروفايلات اللاعبيـن او اننا نتحدث عن المباراة السابقـة للفريـق

لأن التحديث القادم راح يكون للمجلـة اللي راح تاخذ نفس ستايل المنتدى الحالي
فـ زوار الموقع ممكن يشوفون المواضيع الخاصـة اللي تنكتب بعد كل لقاء والاهداف الخاصة باللقاء
ومع بدايـة الموسم راح توضح للجميـع هاذي الخاصيـة

\
\
\

مشكـــــــــــــــــــــــــــــورين على التطوير وعلى الشغل الحلو

مبروك علينا جميعا الستايل الجديد

كنت اسمع عن نسخة جديدة للمنتدى في مواضيع سابقة منك ياعواد ومن عمر ورغم ان النسخة السابقة ممتازة وماكنت منتظر التجديد الى ان النسخة الجديدة فاجأتني بتصميمها الفريد وأناقتها


هلا ومسهلا كابتن عبدالرحمن

زين انه التطوير والتصميم الجديد عجبك .. اخبرك تقول ان الشكل السابق افضل :)
وبصراحـة التطوير كان من المفروض يتم مع انتهاء الموسم لكن لظروف خارجة عن ارادتنا ولظروف خاصة لشركة المصمم كول تأخرنا .. ولكن الاهم اننا تقريباً انتهينا منـه قبل ما يبدأ الموسم الجديد

والسموحـة منك لأن لك راي سابق عن موضوع الاقتباس يكون بالنص و ان بعدها الرد ( يلبــّق ) يميـن ^_^
للأسـف هاذي برجمة خاصة من برنامج الـ vBulletin اللي هو برنامج المنتديات وما نقدر على تعديله

\
\
\

يعطيك مليون عافية يا عواد وماقصرت

بس اول نقطة عندي الرسالة السابقة طروادة ماختفت وإلى الآن تجينا !!

ثاني شيء الخط صاير صغير وياليت يرجع مثل اول !!

ثالث شيء صور زاراتي وفوجيا متكرره في كل مكان ليه ماخليتوها صور مختلفة !!


هلا ومرحبا عمر
والله يعطيكم العافيـة انتم .. منتم مقصرين عز الله

بالنسبـة للرسالة فـ هي مشكلـة بالجافا سكربت الخاصـة بـ صندوق الردود
والظاهر ان تطوير النسخـة ما فاد فيهـا .. ان شاء الله راح يتم مسح صندوق الردود وتركيب واحد جديد مثل ما انت عارف و داري

وحزتها ان شاء الله راح تروح هالرسالـة


بالنسبـة للخـط سهالات راح يتم تكبيره

اما صور زاراتي وفوجيا فـ هي للأسـف ما نقدر نخليها اذا كنت تقصد اللي بحدود الجداول
للأسف ما نقدر نخليها اتغير فـ هي صورة ثابتـه

\
\
\

يعطيك الفين مليون عافيه يا عواد
المنتدى الحين جد جد جد يفتح النفس
بالنسبة لسالفة الطرواده الي يقول عنها عمر انا عمرها ماحاشتني
لو تجرب تشبك من جهاز ثاني ياعمر اتوقع ماراح تلقى هل شي

اهلين يا جاسر
والله يعطيكم العافيـة انتم واخواني في طاقم الاشراف

بالنسبـة لـ طروادة هاذي مشكلـة تظهر للبعض والبعض الآخر ما تطلع عندهم نهائياً
مثلي ومثلك ومثل بقيـة الاخوان .. وحاولت اني استفسر عن المشكلـة
وبعض الاخوان من خارج المنتدى حاولوا يساعدوني ولكن كلهم طلعوا مثل حالتنا ما تبين عندهم المشكلـة

سوينا سكـان على سيرفر الموقع وتأكدنا مافيه اي فايروسات
فالظاهر ان المشكلـة للي تطلع له المشكلـة في صندوق الرد وسـ يتم ازاله من عرقه بالكامل وتركيب واحد جديد ومختلف

\
\
\

نشــكركم على جهودكـــم وإلى الإمــــــام

هلا والله اخوي غسان
ونشكرك على تفاعلك

\
\
\

ماشاء الله ، كشخة :صح:


هلا ومسهلا اخوي زيزوم
والحمدلله انه عجبـك بـ عكس الشكل السابق

خلنا نشوفك عاد الحين ولا تحرمنا من مشاركاتك

\
\
\

ماشاء الله المنتدى طالع روعه .. اشكر الجميع على هذا العمل .. بالفعل ماقصرتوا .. الله يعطيكم العافيه

انا بصراحه مع كلام عمـر في سالفة صورة زاراتي وفوجيا .. اشوفها متكرره كثير ! فما ادري ايش رايكم ؟

بالنسبه للخط .. اشوفه ممتاز جدا ومافيه اي حاجه فا اعتقد من عندك المشكله يا عمر ؟!

عموما .. الله يعطيكم العافيه عـز الله ماقصرتوا وبيض الله وجيهكم


هلا ناصـــر

بالنسبـة لـ صورة زاراتي وفوجيا هاذي ثابتـه و رديت عليها بـ ردي على عمر
حنا اخترنا زاراتي وفوجيا لأنهم الاضمن بقاءهم بالنادي لأنهم جددوا

اما الباقين خوفك نحط صورهم ويطلعون ^_^

بالنسبـة للخـط هاذي تكون على حسب المتصفح اللي تستعملـه .. من متصفح لـ متصفح يفرق
عموماً راح يتم زيادتـه واحد بكسل عشان يكون اوضـح وما راح يتغير عليـك ان شاء الله

\
\
\

مشكورين على المجهود الكبير و إلى مزيد من التقدم
بس عندي مشكلة الفيروس لازالت موجوده
و شكر لكم جميعاً


هلا وغلا محمـد

بالنسبـة للفايروس تأكد انه ما في فايروس بتاتاً
هاذي مشكلـة تتعارض مع بعض البرامج ومع الجافا سكربت
ورديت عليها فوق وان شاء الله راح يتم حلهـا

\
\
\

مشاء الله تبارك الله ...

مجهود خرافي يا عواد .... بصراحة ...

ويعطيكم الف عافية وعساطك على القوة

صحيح انتقدنت على المنتدى ... لكن يالليت انكم تضعون انتقادي انتقاد هادف لاجل التطور والشهره ... ولا تاخذونه من نواحي ثانية

مجهود كبير وجبار منك يا عواد والكل يلاحظة

وبالعكس اشد عليك واشد على كل من قائم على المنتدى وعلى الحرص الشديد لظهورنا بأبهى صورة

والصراحة ماقصرتو


تحياتي ...


هلا اخوي خالـد

اولاً تأكـد اننا ناخذ جميع الاقتراحات والانتقادات بكل سعـة صدر
وتأكد ان الاقتراحات اللي نشوف فيها فايدة للموقع نقوم بـ تنفيذها على طول

والشهرة الحمدلله ما في اشهـر من موقع لاتسيو للعرب بين المواقع الرياضية الاخرى
وهالكلام ما اقوله لـ تحيــّز او تعصـب للموقـع .. ولكن الدلائل هي اللي تأكـد هالكلام
رسالـة من لوتيتـو اول استلامه لـ ادارة لاتسيـو شكر موقعنا على وقوفه مع الفريق
التغطيات الحصريـة اللي نقوم فيها للفريـق
ظهور موقعنا وصور لأعضاء المنتدى في صحيفة الكوريلا ديلا سبورت
لقائات مع اللاعبيـن
دخول الاعلاميين للموقع لأخذ اخبار الفريـق .. وغيره وغيره


يعني الحمدلله هالاشياء مو كلها نشوفها في موقع واحـد
وغير هذا شبكة لاتسيو للعرب الموقع العربي الوحيد لـ لاتسيـو

اما التطوير وانا اخـوك فـ يـد وحده ما تصفق :)
صعب جداً تشوف مجموعة تقوم بـ كتابة الاخبار و تقديم اللقاءات و تصوير المباريات ورفع الاهداف
انها تكون متفرغـه ايضاً لـ امور التطوير وبرجمة الموقع وتحسينه اكثر واكثر

في الفترة الاخيرة بيـّن هالشي يوم دخلنا الفترة الفعلية للتطوير .. شفنا بعض الاخبار لم تترجم
والتغطيات للمباريات الودية ضعيفة شوي

لأن كل المشرفين كانوا مشغولين في امور التطوير


بعد الانتهاء من اولاً ندخل في ثانيـاً
تأكد ان كل هالجهودات ما هي لـ شخص واحـد بل لطاقم الاشراف كامل
كلهم لهم يد في الموضوع وفي ظهور شبكة لاتسيو للعرب بـ افضل شكل

فـ الشكر لهم كلهم حاضرهم وغايبهم

\
\
\

تغيرات ممتازة .. ومتطورة

قواكم الله على المجهود ..

هلا وغلا ومرحبا بـ الماتادور
الحمدلله ان التطوير عجبـك

عاد عطنا من وقت شوي :)
ادري انكم مشغول ومعذور يا الغلا

\
\
\

الله يعطيكم العافيه جميع ..

عمل جبار و بيض الله وجيهكم جميع ..

كان عندي مشكله اني ما اقدر اغير اللون الكتابه اليوم الصبح .. لكن اللحين اشوفه عادي شغال ميه ميه معاي ..




هلا بو سلمان
والله يعافيك و وجهك ابيض يا الغالي
الحمدلله ان المشكلة انحلــّت من نفسها ^_^

\
\
\

يعطيكم الف الف الف عافية على التصميم الجميل

هلابك اخوي غراندي لاتسيو
والله يعافيك ولا ترحمنا من وجودك

\
\
\

:صح: روعة والله الإستايل الجديد :صح:

و بالتوفيق دايما

:مشجع:و ألف شكر لكل مشرفي المنتدى :مشجع:


هلا ومسهلاً اخوي مصعب
الحمدلله ان الستايل عجبك

خلنا نشوفك يا الغالي تراك غايب عنا كثير

\
\
\

شكرا كم على التطوير الدائم لمنتدانا الغالى
ومثل ماقال عمر طروادة مازالت موجودة


هلا ومرحبا حسام
غايب لك كم يوم عسى ما شر

والحمدلله التصميم عجبك
وطروادة ان شاء الله بـ نجيب له اكيليس يذبحهم ^_^

محلوله بإذن الله

وياليت تجرب تعديل المشاركة وتشوف عساها مظبوطه الحين

\
\
\

يعطيكم الف عافيه عالجمهود الجبار ,, ستايل المنتدى روووووعه ماشاءالله ويفتح النفس ..

عندي مشكله,, لما اطلع من المنتدى وارد ادش مره ثانيه لازم اسجل دخول مره ثانيه حق نكي مع اني احط حفظ البيانات , مادري هالمشكله عند الكل ولا بس عندي !


هلا ومسهلا بالغالي لاتسيو فور ايفير

مشكور على جهدك في الآونة الاخيرة
والحمدلله ان الستايل عجبك وان شاء الله عاد نشوف مشاركات اكثر منك يا الغلا

بالنسبـة للمشكلة الظاهر انها مشكلة في ملفات الكوكيز عندك بالجهـاز
ادخل على ملف الكوكيز وامسح كل الملفات اللي فيه وحزتها بـ يظبط معاك

\
\
\



شغل متعوب عليه بصراحة


وعمل رائع جدآ ..



ملاحظة /


كأني اشوف المنتدى بطي تصفحه ؟


هل هو عندي فقط ام غيري لاحظ هالشي

هلا ومسهلا متيم لاتسيو
يا كثركم يا المتيمين ^_^

بالنسبـة للبطئ ماني شايف شي عندي
رغم اني اتوقع انا اكثر واحد سرعة اتصاله بطيء

<< للحين على واير التلفون ^_^ فورزا واير ولا عزاء للـ إيغو ^_^ هههههههههههه

\
\
\

ماشاءالله تبارك الله ... تصميم رائع جدا وذوووق
ألوان رائعة وتصميمات أروع ... ولكني عندي ملاحظة بسيطة جدا وذكروها بعض الشباب
الخط صغير ... وألف شكر لكل من ساهم في هذا العمل الرائع

اهليـن ابو الزوز

الحمدلله ان التصميم عجبك ولو اني كنت اطالب اخواني الاداريين اننا نحط صورة مانفرديني عشانك بس قوبل هالاقتراح بالرفض :حبتين::حبتين:

بالنسبة للخط .. ابشر على هالخشم بـ نغيره ان شاء الله

\
\
\

رسالتيـن اخيرتين بالرد هذا

الاولى للغالي ناصر Lazio Lover لا يزعل علينا ولا يعتب علينا .. هو غالي ويدري بالشي هذا :)


الرسالة الثانيـة للغالين مشرفين الموقع وادارييه كلهم مشكورين على جهوداتكم :ورده::ورده::ورده:

[الملتاع]

شغل احترافي و تقدم بقوه بالشكل ويعطيكم العافيه .

[khaled 9]

بصراحة شي يشرح النفس اليوم بتغدى في المنتدى شكلي ... :)


تحياتي ...

[Nasser-alhajri]

عــواد وبالنسبة لصفحة الرئيسية .. هل راح تاخذ شكل الستايل الحالي ؟

[امــيــر الــذوقــ]

الستايل روعة
شكل متناسق ومرتب وتحس انك داخل منتدى لاتسيو مو مثل الستايل السابق
الله يعطيكم العافية يا عواد انت وكل من ساهم في تطوير المنتدى
والشكر موصول للادارة والاشخاص الي عملوا معكم من خارج المنتدى

وبصراحة يخجل الواحد يقول ملاحظات على العمل الجبار الي قمتوا به

بس تقبلو ملاحظاتي لـ التطوير وليس للانتقاد او ما شابه

1- اللون الرصاصي الي موجود في خانة الاسم المشاركات النقاط ..الخ
احسه ماله بـ الوان لاتسيو
لو يتبدل لـ الاصفر الفاتح اعتقد بيكون احلى

2-الخط صاير ما ينقرأ !! ياريت يتكبر شوي (طبعا في الرد السريع يعني يرجع مثل اول)

3-سالفة حط رد والثاني مجان مدري هي بعدها موجودة ولا عالجتوها !
اذا لا اتمنى تشوفوا ليها حل

اتمنى اني ما ثقلت عليكم

عساكم على القوة ان شاء الله

[كاسترومان]

صراحه جهد جبار مشكورين عليه لكن عندي بعض الملاحظات

في مقال الأسبوع الخيارات الموجوده أهداف اللقاء !!!!! وقراءة الموضوع أتمنى تعديلها.

وياليت تضيفون جدول ترتيب الفرق في الدوري مصغر وجدول المباريات مصغر مثل المباراتين القادمة والمبارتين السابقة عشان الواحد ما يقعد يلف المواقع يدور على الأشياء هذي.

في خانه المبارة السابقة ياليت تضيفون صور من اللقاء بجانب الأهداف


أتمنى ما أكون ازعجتكم

[MeZyoN]

والله الصراحه المنتدى صاير اكثر من رائع

بس في شغله
انا صايره عندي مشكله مادري اذا تصادف الاعضاء
انا كل ما ادش المنتدى كاسبر ساكي (برنامج الحمايه) يصيد تورجان

ةاتمنى تلقون حل للمشكله

[جيفارا]

مشكور
اخي على
المجهود الرائع بلتوفيق
لكل اعضاء منتدى النسور لاتسيو
وبلخصوص لكل من شارك في هذا التحديث
اما بلنسبة لتحديث هناك فايروسات كثيرة عندما افتح الموقع؟؟؟

[Ben Nasser]

واخيرا انحلت مشكلتي مع التعديل :)

بصرااحه المنتدى صاير يفتح النفس
كل شي فيه حلو ومتناسق
الله يعطيكم العافيه
وقواكم الله
:ورده:

[عاشق البيانكوشلستي]

يعطيكم الف عافيه وتسلم يداكم .............

[امــيــر الــذوقــ]

والله يا شباب تعديلات اليوم ما هي حلوة للاسف

يمكن بس الرد السريع هو الي تحسن للافضل

الالون الي تغيرت شوهت المنتدى من رأيي

يا ريت يرجع مثل قبل

[The Game]

الى الآن ما انتهينا يا محمـد
وابشروا بكل اللي تبـونـه

[khaled 9]

يعطيك العافية يا عواد مجهود تشكر علية وترفع لك القبعة اسف الغترة ( الشماغ )


تحياتي ...

[امــيــر الــذوقــ]

المشكلة يا عواد في التظليل الازرق الي يطلع في الرد !!
وكمان في خانة ادخال الرد !

وغير كذا قائمة المواضيع لون الخط ازرق والستايل (التظليل ازرق) !!!

شكرا على المتابعة

[The Game]

يعني بس هذا هو اللي مو مظبوط ؟؟
في شي غيره ؟

[امــيــر الــذوقــ]

لابس

هذا الي مو مظبوط حاليا

الا اذا استجدت جدايد

[The Game]

دام بس هاذي هينـه ان شاء الله ^_^
وان شاء الله ما من جدايـد بخصوص الستايل

[Dr.Madani]

و اللع المنتدى كان حلو و صار أحلى

[The Game]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

اخبـاركم يا الربـع
تم التعاقـد مع الدعـم الفنـي لـ شبكـة المودة لـ حل جميـع امور البرمجـة
والملفـات المعطوبـة .. وما قصـر ابـو راشـد مديـر موقـع المودة طلبنـا منـه يحاول حل جميع المشاكل قبل مباراة السـوبر وحلهـا قبل يوم السبـت

وتـم تركيـب هـاك المودة المطـور آخـر نسخـة وهو اللي تشوفونـه بـ صندوق الردود
فيـه خاصيـة اليوتيـوب وخاصيـة وضع الصور على اليمين واليسار وخاصيـات اكثـر

عمومـاً اهـم شي عندنـا هـو موضوع الملفـات المعطوبـه والمشبوهـه اللي تعطيكم انذارات عبـر برامـج الحمايـة
عسـاها راحـت عنـكم الحيـن ؟؟

ياليـت اي واحـد كان يعاني من هالمشكلـة يبلغنـا بالوضـع حاليـاً

والف شكر لكم لـ صبركم علينـا
وان شاء الله بالأيـام الجايـة سـ يتم البدء بـ تصميم المجلـة و تظبيـط الامور الباقيـة الخاصـة بالستايل الجديد

[بو سلمان]

يا عواد انا جتني مشكله جديده ..

معاد اقدر ادخل المنتدى مباشر .. ولا حتى الصحيفه ..

دخلت عن طريق جوجل و كتبت لاتسيو للعرب .. بعدين طلع لي صفحه زرقه فيها كتابات غير مفهومه دخلت عليها طلع لي الصحيفه و اخبار الفريق .. بعدين دخلت للمنتدى عن طريق لنك الاخبار ..

اما للسته ماي فيفرتس معاد اقدر ادخل على صفحات المنتدى منها ..

مدري شجى ذا الماخوذ من امس في الليل ..

اما سالفه اللي يعطي فايروس مدرري شنو انا بدلت البرنامج حق الانتي فايروس ولا عاد يطلع لي من زمان ..

[The Game]

هـلا بو سلمـان

السموحـة منك ومن باقـي الاخـوان
مسألة التطوير وحل الاخطاء جـت في وقـت غلـــط حيييييل ^_^

اصبروا علينـا هالـ كم ساعـة وان شاء الله شركـة الدعم الفنـي تباشـر بـ حل الموضوع على طـول

[بو سلمان]

ابشرك يا عواد ..

المنتدى رجع عندي شغال مثل العســـــل

و ان شاءالله باقي الاخوان ..

[The Game]

تمام يا بو سلمـان

بأنتظار باقي الاخوان شلون المنتدى معهم الحيـن

هل في رسايل غريبـه تطلـع او شي آخـر ؟؟

[The Game]

تـم تغييـر لون الروابـط الى اللون الكحلـي
لأن بالسابق البعض اشتكى ان لون الخلفيـة سماوي و لون الروابط سماوي

وتم تغيير نوعية الخطوط من الخط تاهوما الحجم 2 الى الخـط الاريال العادي الحجم 3

[J10]

قواك الله يا عواد
شايل المنتدى شيل
صج انك شنب :)

[Ole]

المنتدى مية مية والله يعطيكم العافية والمشاكل راحت ولله الحمد

[The Game]

^ ^ ^

المشاكل راحـت و التوقيـع راح ^_*

[امــيــر الــذوقــ]

يعطيك العافية عواد

وشكرا لك على الاهتمام بـ ملاحظاتنا

البارحة كان ستايل صفحة القسم حلو مدري ليه كنسلتوه !!

[The Game]

هلا بالاميـر

وين تقصد محمد ؟
اي صفحة قسم ؟

[امــيــر الــذوقــ]

هلا يال العودي

مدري بس كانت فوق الصفحة موجودة الصورة الشخصية والمساحة الي تولع وتطفي كانت كبيرة

[The Game]

ايـــه قصدك هاذي
حاضريـن نرجعها

كم عندنا امير الذوق حنا ^_^

[امــيــر الــذوقــ]

تسلم تسلم

هذا من طيب اصلك :)