ليديسما : لماذا يلقى اللوم علينـا بسبب تهديدات بانديف !

[The Game]

http://www.corrieredellosport.it/images/99/C_3_Media_799899_immagine_det.jpg

العلاقـة بين الارجنتيني كريستيان ليديسمـا و رئيس نادي لاتسيـو كلاوديو لوتيتـو يبـدو انهـا وصلـت لـ نقطـة اللا عـودة .. اللاعـب الذي لم يستدعـى لـ مباراة السوبـر ابدى استياءه من عدم المشاركـة في هذه المباراة المهمـة .

يقول وكيل اعمالـه : [ قرار لوتيتـو جعل العلاقـة بها صـدع .. لم يكـن هناك اي داعي لـ مثل هذا الصراع .. اللاعـب سعيـد بالفريـق وكان يريـد تحسيـن عقـده .. لوتيتـو اخبرنـا انه اذا لم يأتي اي عـرض قبل مباراة السوبـر فـ سـ يتم التجديـد و وافقنـا على ذلك ولكـن قبل الرحيـل الى بكيـن فضلنـا الانتظـار لـ عدة أيـام بسبب حالـة السـوق واحتمال انتقـال ليديسمـا لأحـد الانديـة الاخـرى .. ليديسمـا كان هادئاً جـداً خصوصاً ان المدرب يعتبـره القائـد ]

ويكمل الوكيـل : [ السوق لن ينتهي قبـل 31 اغسطس و أتتني اخبـار ان الانتـر يحاولـون بيـع مونتـاري ويريدون ليديسمـا بديلاً لـه .. وبسبب بقاء بيرلـو في الميـلان سـ ننظر الى السوق الخارجيـه ومن الممكن رحيـل ليديسمـا الى انجلترا للعـب مع تشيلسي برفقـة المدرب انيشلوتي ]

اما ليديسمـا الذي يجـوب شوارع رومـا كان لـه تصريـح قال فيـه : [ لقـد استغلوا حالتـي لـ تجنـب تهديدات بانديـف ! والقـرار اما يطبـق على الجميـع او لا ! لا اريـد الحديـث عن ذلك ]

[Laz!o]

آخر الأخبار :

البلوز تشلسي بقيادة أبو خدود (أنشيلوتي) يفكرون بضم ليديسما بعد تمسك الميلان بـ بيرلو

[The Game]

اللي فهمتـه وانا اترجـم

ان ليديسما زعلان من القرار لأنه هو كان يبي يجـدد
مو مثل تهديدات بانديف يا تبيعوني يا اطلع السنـة الجايـة مجاناً

تعليقي على هالخبـر .. اسأل وكيل اعمالـك عن التهديدات :) :) :) !

/
/
/

والله يا بو احمـد ليـت انشيلوتي ياخذه ويكسب فيني أجـر :) !
لاعـب مـزاجـي لأبعـد حـد ( ومتى ما كان بالفورمـه يبدع )

والفورمـه هاذي ما تطلع اللا بالسنـة حسنـه :) !

[سيرجيو]

اللاعبين هذول مايدرون عن تصريحات وكلاء أعملاهم ولا أي



قرار لوتيتـو جعل العلاقـة بها صـدع


وش دخل لوتيتو في قرار أستبعاده


خصوصاً ان المدرب يعتبـره القائـد :bleh:


كيف يعتبرو قائد لفريق ويقوم بستبعاده تناقض في أقول وكيل أعماله :aa_walen:

رغم أني أشوفه للاعب مهم في الفريق ولاكن نتمنى أن يروح تشلسي ونكسب من وراه كل يورو

[J10]

والله ناس ما تستحي
معقوله يصرح مثل هل تصريح!!
شنو معتبر لاتسيو فندق ولا استراحه؟
رووح الله لا يبارك فيك وانتقل لأي فريق تبيه منت احسن من فيرون !

[only lazio]

ليدسما ثعلب !!!!

يعني يوم قالوا يروحو بكين قال لا ؟ أنا بتكي شوي ويوم لوتيتو إسبعدوا يجي ويتمسكن ..............

والله شغله .

[mauro zarate 10]

ياليت تشيلسي يتعاقد معه .. على الاقل بيدفعون المبلغ اللي نبغاه وبالراحه :)

[Ben Nasser]

قرار الاستبعاد تدخل فيه لوتيتو

مستحيل بالارديني يستبعده وهو ماعنده بديل له

بانديف هو اللي هدد صح يستبعدونه وغير كذا له بدائل يقدر يخلي فوجيا يقوم بأدواره او روكي او زاراتي

اما ليديسما مكانه شبه فاضي

على الأقل يلعب هالمباراه بعدين يسوون فيه اللي يبون

وكان المفروض نفس الشي مع روزينهال بعد المباراه يبيعونه

مشكوور

[سالاس العرب]

ينلقع باللي مايحفظة

لو اني مع كلام الاخ اللي قبلي انو تستفيد منهم بهالمباراه ولارجع الفريق من الصين ينقلعون بلا رده
والله ماهم احسن من اللي قبلهم ايام عز لازيو

[متيم لازيو]

كيف يعتبرو قائد لفريق ويقوم بستبعاده تناقض في أقول وكيل أعماله :aa_walen:



ههههههههههه محمد بالله مافهمتها !!

لأن القرار جاي من فوق من لوتيتو ماهو من بالارديني !!

وين اللي شخصيته قويه أجل يتبره القائد ويستبعده ماتركب في المخ !!

أنا مع كلام ليديسما اللاعب قال اذا مافي عروض بجدد وهذا إتفاق م لوتيتو !!

طيب ليه الإبعاد عن السوبر مادري خاصه أنه باقي في عقده سنتين يعني علشان بانديف نعامل الكل مثله !!

نقطة سوداء في القضية تحسب ضد لوتيتو !!!!!!؟؟؟؟

[امــيــر الــذوقــ]

ما فعله لوتيتو شئ مخجل وتصرف ارعن وغير محسوب
وطبعا يشاركه الفاشل بالارديني الله لا يعطيه عافية

وبالتأكيد ستكون العواقب وخيمة والخاسر الاكبر هو لاتسيو


شكرا عواد

[Stankovic]

شوف الحراميه شيقولون .

هذا وكيل أعماله لو أهو قدامي كان دعمته بالسياره ، ياكثر ما يكذب لكن زين ما سوى فيهم بالارديني .

شكراً على الموضوع

[khaled 9]

فوتزااااااااا لوتيتو


تحياتي ...

[Maglazio]

غباء من الطرفين

[lazio2010]

اللحين يا لديسما يوم طارت لطيور بارزاقها اللحين ..

لكن المفرض تلوم وكيل اعمالك وليس لوتيتو لان لوتيتو طبق الاحتراف 100% ..

[بو سلمان]

الكلام اللحين ما يفيد ..

ماعتقد لديسما بيبقى او حتى لتيتو راح يجدد عقب اللي صار ..

ياريت لو يجيبون دي غوستينو بدال لديسما .. حزتها نقول قول و فعل يا لتيتو بعت لاعب و جبت اللي اطلق منه ..

اخ بس لو يشترون شيلسي لديسما و النادي يشتري دي غوستينو .. اخ بس كـ الحلم باالنسبه لي ..

[جيفارا]

يعني
انت تكول
بانديف عم على
الاعبين المستبعدين
انت قبل ما بانديف كان يريد
الخروج انت كنت تهدد في الموسم
الماضي وما عاجبك وضعيت النادي محد
عم على نفسة وعلى بانديف هو انت ووكيلك

[lazio1900]

أذا أراد التجديد فالوتيتو لن يبخل واذا أراد الخروج فالاتسيو لن يقف على لديسما

[Lazio Lover]

ما فعله لوتيتو شئ مخجل وتصرف ارعن وغير محسوب
وطبعا يشاركه الفاشل بالارديني الله لا يعطيه عافية

وبالتأكيد ستكون العواقب وخيمة والخاسر الاكبر هو لاتسيو


شكرا عواد

100%

[The Game]

أنا مع كلام ليديسما اللاعب قال اذا مافي عروض بجدد وهذا إتفاق م لوتيتو !!

طيب ليه الإبعاد عن السوبر مادري خاصه أنه باقي في عقده سنتين يعني علشان بانديف نعامل الكل مثله !!

نقطة سوداء في القضية تحسب ضد لوتيتو !!!!!!؟؟؟؟<!-- / message -->



عمـر يا الغالي

ليديسمـا و وكيل اعمالـه و لوتيتـو اتفقـوا اذا ما جتهم عروض لين تاريخ 30\7
يجدد مع الفريـق و يطيـر لـ بكيـن ويكون الموضوع رسمي انه راح يبقى ومن ضمن خطط المدرب والفريق

يوم جاء 30\7 وكيل اعمال ليديسما طلب تمديـد 15 يـوم لأن السوق فيـه حركـة ويمكن ليديسما ينتقل بدال لاعب مهـم
والخبر موجود بـ لالاتسيوسيانومي مدري وش اسم الموقع للحين مو قادر احفظ اسمـه ^_^
وما ترجم هنا بالمنتدى حاله من حال خبر مغني ورحيله للجزائر و خبر لـ كريباري عن السوبر هو انزاغي

ما علينـا

اللاعـب من حقـه يطلع ويروح لـ نادي ينافس على دوري الابطال و يروح وين ما يبـي
ولكن لاتسيـو ( ما هو لوتيتـو ) لاتسيـو لـه حق بعـد انه يعرف منو اللي يبي يقعـد بالفريق ومنو من ضمن خطط الفريـق

ليديسمـا مخلي لاتسيـو ( سبيـر ) يعني ان ما جاني عـرض من نادي قوي اقعـد بـ لاتسيـو ابـرك

طيـب .. نبي نقـول ما عليـه ونبي نبلعهـا

عطيناه مهلـه 15 يوم وجاه عرض وراح فحـص و وقع وتوكل على اللـه

الحيـن يجي دور لوتيتـو انه يبحـث عن بديل لـ ليديسمـا خلال الـ 15 يوم الباقيـة من الميركاتـو

ما قدر لوتيتـو يجيـب لاعـب سنـع ولا لقـى بديل لـ ليديسمـا خلال هالـ 15 يـوم ؟؟

نرجـع ونقـط اللوم على لوتيتـو :) !!

الموضوع واضـح ليديسمـا ما يبي لاتسيـو و وكيل اعمالـه يهـدد موسـم كامـل بـ قانون 17 حق الفيفـا
ولكن هالقانون لقوا فيه ثغرة قانونيـة واستغلهـا شاختار بموضوعهم مع ماتوزاليم و سرقسطـة و رجعوا فلوسهم
فـ الكل صار خايف من هالقانون .. وبعدها طلع وكيل اعمال ليديسما اننا حلينا الموضوع بشكل ودي وهو طول السنة يهايـط

الموضوع صار مكشـوف الحيـن ليديسمـا دامـك مخلي لاتسيـو سبيـر .. لاتسيـو بـ يخليـك سبيـر انت بعـد
وندور على لاعـب وسـط ممتـاز و يجينـا و خلـك يا ليديسمـا انت طلعـت ما تشوف شر وان بقيـت وما جاك عرض تبقـى سبيــر مثل ما تخلي لاتسيـو سبيـر :) !

اما موضوع اني آخذه مباراة السوبـر .. ما يستـاهل اللاعـب اللي يتعامل بالطريقـة هاذي مع ناديـه انه النادي ياخذه وياه للمباراة .

\
\
\

وفي موضوع مشابهـة لموضوع هذا وهو كاكا مع الميلان السنـة اللي طافت يوم عطوه راتب خيالي مانشسر سيتي
و كاكا قعـد يسوي سوالف ويبي يزيـد راتبـه واجتمعوا وياه غالياني وبيرلسكوني وكاكا مسوي حزين وزعلان

آخرتهـا بطهـا في وجـهه وقالـه كاكا اذا بـ يروح مانشستر يروح .. هذا وهو كاكا :) !

كاكا كل سنـة كانوا يجددون له موسم واحد ويزيدون راتبـه .. حتى اخوه جابوه يلعب بالنادي :)
ولكن يوم قعـد يسوي سوالف قالوا له النادي فوق اي اعتبار واي لاعـب