لاتسيو 0 ليفسكي 1 [ خسارة جديدة ] تعليقاتكم

[متيم لازيو]

السلام عليكم ورحمة الله وبركاته

إنتهت قبل قليل مباراة لاتسيو ولفيسكي صوفيا البلغاري

في بطولة الدوري الأوربي وخسر لاتسيو هذه المباراة بهدف دون مقابل !!

تعليقاتكم يا شباب !!

[امــيــر الــذوقــ]

ما عندي تعليق

بس اتمنى صورة العاهة اليسيو الي فراس الموقع تتغير وتنحط بداله صورة مانفردينهو واجد احلى :52:

يا زينك يا مانفرديني بس :air_kiss:

[lazio2010]

الصراحة الفريق كانه يلعب مبارراة ودية وللاسف فريق الشباب خيب ظني .. لكني ما عتب عليهم

العتب على خط الهجوم اللي ما ابي اقول اساميهم لان حرام هاللاعبين محترفين !!!!!

ليش مانشستر لما يلعب بلاعبين الصف الثاني او لاعبين الشباب يفوزون بالراحة لكن فريقنا ما يصير هالكلام ؟ ابي اسمع رايكم ..

[Laz!o]

هاردلك شباب
ما شفت المباراة لكن الخسارة ماراح راح تغير شي
يمكن كانت فرصة لكذا لاعب شاب حتى يزيد عندهم الحافز

[mauro zarate 10]

ههههههههههههههههههه
يعني زعلانين على مباراة هامشية ؟
اذا الفريق ينهزم وهو بالاساسي وش تتوقعون لما يلعب بالصف الثاني + بريمافيرا ؟
هزيمة متوقعه وخلونا نفكر بالانتر بس :blushing:

[Ben Nasser]

مباراه لاتقدم ولا تأخر

لكن ماتوقعنا الفريق يخسرها

:)

اليسيو سريع ويتحرك في كل مكان

لكن مايصلح هاللاعب جناح ولا خلف مهاجمين

من جد اثبت انه لاعب ماعنده سالفه في هالمراكز

لكن يصلح ظهير

و كريباري هذا لازم يشوتونه :icon28:

نكبه هاللاعب :52:

و المدافع مادري وش اسمه كان جيد اللي لعب في مركز رادو

وبالتوفيق لنسورنا

[Lazio Lover]

خسارة متوقعه .. فريقنا يتهزأ وهو يلعب بالاساسي فـــ كيف الوصع بالرديف او فريق الشباب..

عموما مباراة لا تقدم ولا تأخر للاسف .. والا لكانت مباراة التأهل للدور الثاني ولكن الله يجازي الي كان السبب .. اخطاء متكررة بالميركاتو عند كل بطولة اوروبية .. والنتيجة خروج مبكر ..

[Stankovic]

ست مباريات ... 18 نقطة ... نصيب لاتسيو 6 نقاط = خسارة 12 نقطة ( ضياع في ضياع )

صج المباراة مالها أي أهميه لكن لاتسيو مو كفو يشارك في البطولات الأوروبي لأنه يفشل وهذا الشي من أيام كرانيوتي .

[only lazio]

شيء متوقع الهزيمة ولو أن الفرق مو ذاكـ الشيء عشان يفوز على لاتسيو ...

بالتوفيق للنسور أمام الإنتر !!

[The Game]

والله بالنسبـة لي مباراة عاديـه لا تقـدم ولا تأخـر
ونريـّح لاعبيننا المهميـن لـ مباراة الانتــر الاخيـرة في هذه السنـة

تعليقاتي على لاعبيـن الشبـاب

لوتشياني مدافع ممتـاز ... رغم انه ماهو طويل حيل اللا انـه بالجمـب و الرأسيات ممتاز جـداً
والله انـه ابرك من كريبـاري اللي خلاص انتهـى كرويـاً من زمــان

كافانـدا كان افضل لاعبيـن الشبـاب لياقـة عاليـه ويلعـب بـ ثقـة كبيـرة
اعتقـد انـه بـ يكون بديل مميـز لـ ليشتستاينـر

بيربيوتوني كلنـا عارفينـه لكن امـس ما كان في يومـه
ممكن الاصابـة لهـا اثـر

سيفيـري صانـع لعـب مميـز ومخـه نظيـف وما يفتـي يشبـه جيوفينكـو في تحركـاتـه
لكن يعيبـه جسمـه وكونـه بدنيـاً ضعيف جداً جداً اي التحـام خفيـف راح فيهـا

تشنكـوي المهـاجم الجديـد ما ظهـر كثيـر بس مدري ليـه احسـه فيليبو انزاغي جديـد
يشبـه ركضتـه ^_^

\
\

اما بقيـة اللاعبيـن الكبـار

موسليرا متألق كـ عادتـه

كريباري داج كـ عادتـه

دياكيتـه امس كانت اسوأ مباراة اشوفهـا لـه
احسـه يلعب ومو مهتـم للمباراة ابـد

سكالوني قدم مباراة حلوة بخط الوسـط
دايم يضغط على حامل الكرة وتدخلاتـه كانت اغلبها ناجحـه

الكابتـن بارونيـو موسيقار خـط الوسـط
دلـع ماكينـوا و اليسيـو بالكرات الطوليـه وخصوصاً ماكينـوا
لكن الاثنيـن كانوا رايحيـن فيهـا

ماكينـوا بالشوط الاول كان زيـن تحركاتـه حلوه وشكل خطورة اكثر من مرة
بالشـوط الثاني كان دااااااج ع الآخـر ما يعرف يراوغ اي لاعـب
حتى ان الجمهـور مرة من المرات جاء بـ يراوغ وانقطعت منه بسهولـه قعدوا يصفرون ضـده

اما اليسيـو سريـع وبـس والباقي خررررطـــي
بيـع واللا اعـارة ونفتـك منــه

[mohammedvid]

يعني الانديه الكبيرة تعرف متى تنزل لاعبيها الشباب تحطهم بالتدريج مع لاعبين كبار لكن في الإدارات عندنا كانها تحاول تقتل الاعب وتدمره يعني حرام تنزل لاعبين الصف الثاني مع لاعبين شباب في مبارة ميته \موسليرا أول أو ثاني مباره له مع الميلان اللي تدمر فيها بخماسيه وتركن في الاحتياط ثم عاد بعد فترة وأثبت أنه ممتاز حتى كوزاك التشيكي أول مباره كامله له مع الجوفنتس على الرغم من أنه المهاجم الوحيد في الصندوق وخارجه ولعب لوحده في الهجوم قدم مباره رائعه والنتيجه واحد من لاعبين الشباب انتهي واعتبر أسؤ لاعب في المبارة بيرباتوني

[خالد الرفاعي]

السلام عليكم.. ماعليه ياشباب انشاء الله نعوضها في مباراتنا القادمة ضد الانتر و الله كريم.

[بو سلمان]

السلام عليكم و رحمه الله ..

مباره للذكرى افضل ما فيها لاعبينا الشباب ..

كافندا .. ظهير متحرك بشكل جيد و اعتقد ان ميوله الهجوميه افضل من الدفاعيه .

لوشياني .. مدافع جيد وله مستقبل و بيكون خير بديل للروماني رادو

سيفيري .. عاجبني هذا الاعب من زمان و و اعتقد مع الوقت بقدم لمحات ممتازه و على بلارديني اعطاءه الفرصه من فتره الى اخرى .

بيربتويني .. الاعب الانيق عارفين مستواه من قبل بس في هذي المباره كان ادائه عادي و السبب معروف لدى الكل و هو الاصابه الاخيره و الاهم من ذالك ان الاعب يلعب في مركز جديد غير مركزه و اتمنى من بلارديني التركيز على الاعب في مركزه الاصلي ( وسط ارتكاز ) لان هذا الاعب مع سلليني يعتبرون نواه لاتسيو لفريق المستقبل ..

شنكوي .. ما بين كثير لكن مع الوقت راح يبين اذا كان مهاجم ممتاز او مجرد مهاجم عادي ..

لاعبينا الباقين .. انا اكثر واحد متفاجاء من اداء الليسيو .. يا اخي و كانه لاعب ثاني ليس اللي في ملقا !!!

كوره انت و القوه بس نغزه شلون ضيعها مادري .. صحيح الاعب ما لعب في مركزه بس بصراحه ضايع في كل المراااااكز !!!

وانا ضد اعارته خارج الكالشيو .. اذا اعاره لازم تكون في السيريا ايه فقط .. اما اذا بيع يبيعونه لاي نادي عادي المهم يجيب سعر افضل من تكلفته المليون !!!!

ماكينوا ؟؟ هههههههههههههه و الله ان هذا الاعب غريب عجيب امس واحد من العيال يقولي اول مره اشوف مهاجم يتقدم من النص و اول ما يوصل منطقه الجزاء يعطي الكره مدافعين الخصم !!

عموما ً كنت اتمنى الفوز لسبب واحد رئيسي كون المباره على ارضنا و فيها لاعبين شباب كنت اتمنى ترسيخ ثقافه الفوز في عقولهم و ان لا تنتقل لهم عدوه الفريق الاول المريض كرويا ً .. :=

باالتوفيق قدام الانتر ..

شـكــ وبارك الله فيك ـــرا لك ... لك مني أجمل تحية ..