زراتي .. الاعتذار او الخروج في يونيو..

[Lazio Lover]

<<زاراتي4>>


منزل لاتسيو يسير من سيء الى اسواء.. زراتي سوف يخرج من لاتسيو مالم يقدم "بالارديني" اعتذاراه عما قالة يوم الاربعاء الماضي..

سيرجو زراتي " اخ المهاجم الاكبر ووكيل اعماله" اوضح انه توالت ردود فعل غاضبة بعدما انتقد "بالارديني" الاعب رقم 10 صراحة اما الاعلام بعد الفوز 4 -1 على ليفورنو..

(( بالارديني لا يفهم رموز كرة القدم داخل غرفة الاعلام.. كلماتة كانت لا تصدق وانا مازلت لا افهم ماهي الاسباب وراء ذالك ))

(( لقد قام بــ خطئ كبير. ماورو غاضب لكنه مازال يريد ان يرد داخل ارضية اللملعب. لكن المدرب أظهر قدر كبير من عدم الاحترام. لقد كنت وطوال 30 عاما في اجواء كرة القدم ولم ارى اي مدرب يتحدث لــ لاعبية داخل غرفة الاعلام وليس خارجها ))

(( كيف استطاع الحديث عن ماورو بهذا الشكل عبر الاعلام؟ لقد رأيت المباراة وماورو لم يكن بهذا السواء ))

الحلول محدودة لتصفية الاجواء بين المدرب والاعب " سيرجيو " يعتقد ان لوتيتو يجب ان يتدخل من اجل فريقة..

(( امل ان هذا الموقف يحل بأسرع وقت.. اعتقد ان "بالارديني" لاتوجد لدية الا وسيلة واحدة وهي الاعتذار لــ ماورو .. لانه اخطاء بحقة )) واضاف سيرجيو .. (( اذا استمر الوضع كما هو الى نهاية الموسم احدهما يجب ان يترك لاتسيو.. اما "بالارديني" او "زراتي".. لوتيتو هو من ســ يختار ويقرر ))

[J10]

هذي اهي اخرتها شفتوا شلون
الحين ينط لنا واحد يقول بالي مايحفظ او الباب ياسع جمل !!
يا جماعة الاعب بشنو اخطء في المباراة !!
تدرون ان زاراتي اقل تقييم يابه كان 6 !!!
تدرون ان زاراتي هل موسم تقييمه دايما يكون 6 ونص او 7 واهو بأسوء احواله !!
يعني يا بطل يا بالارديني ليش تحط حرتك فالاعب جدام الصحافه !! ليش تخلي الكل يتشمت بالفريق
ماتعرف تاخذ الاعب على جنب وتقوله انت اخطأت والمفروض تسوي الطريقه الفلانيه !!
مع اني اشوفه وللأمانه ما اخطأ وكان مميز في المباراة
عموما هذا بطل الفريق وشكله بيطلع والسبب تفاهات من المدرب

[معتز التميمي]

والله اثنينهم غلطانين .... بس انا اتوقع انه بالارديني كلهم اكثر من مرة وزاراتي ما سمع كلامه ... قل اجل خليني اتكلم قدام الصحافة

بعدين المفروض من اول زاراتي يعرف انه مصخها بالانانية الزايدة عن حدها ولا ينتظر المدرب يتكلم عنه

[Lazio Lover]

قلناها من الاول .. بالارديني كان تصريحة "غبي" مع احترامي للجميع..

مافيه مدرب يعرف ابجديات التدريب ينتقد لاعبينه امام الاعلام ويطلع فضائح النادي لــ الملاء .. ماهي الفائدة من تصريحك يابالارديني ؟؟

ليش تدخل الاعلام بمشاكل النادي.. وش يستفيد لاتسيو ان الاعلام والجماهير واعداء النادي يعرفوا ان زراتي راح بدون اذن من الادارة ؟؟ وان زراتي هو المفروض يشوت البلنتي ؟؟ وانك تتمسخر على دياكيتية وتشبهه بــ بيكنباور ؟؟ وزراتي وروكي بينهم خلاف ؟؟ وش الفايدة.. زيادة مشاكل ..

الفريق مو ناقص مشاكل وكان اداء الفريق جميل اما ليفورنو .. لكن العبقري "بالارديني " لازم يعيش بمشاكل وموعاجبة الوضع ..

زراتي اهم منك يابالارديني .. ولو خيروني بين زراتي ومليون زيك اختار الملك ..

[only lazio]

يعطيك العافية ع الخبر ..

دام أن بالارديني بدأ الكلام فخليه يتحمل نتيجة كلامه على حساب الجماهير اللاتسيآلية !!

[متيم لازيو]

يعطيك الف عافية اخوي ولو ان المصدر اللي ارسلته لي ماعترف فيه

موقع قول أبو الإشاعات ويجلس يألف كلام أنا متأكد أن سيرجيو زاراتي بيطلع وبيقول ماقلت ولنفترض أنه صحيح !!

يا جماعة الخير بالارديني مانتقد مستوى زاراتي أبداً إنتقد الأخلاق ومو بس هو حتى دياكيتي وكولاروف !!

وعلى فكرة بالارديني قال أن زاراتي هو اللي ينفذ البلنتيات يعني ماقامت الدنيا ولا قعدت !!

الصحافة تحب تكبر الأمور بالارديني إنتقد أخلاق اللاعبين وقال يجب أن تتحسن سلوكياتهم قبل مردودهم الفني !!

كل هالدوشه مالها إعتبار وأنا اشك أن بالارديني أو زاراتي يطلع كلهم بيبقون وبتتسكر السالفة بس الإعلام

وما أدراك مالإعلام ماعنده سالفه إلا تكبر القضايا خاصه موقع قول المريض هذا !!

[J10]

عمر الحين شنو الي سواه زاراتي يدل على اخلاقه !!
كان يبي يشوت البنلتي وياله كولاروف وامتنع عن تسليمه الكرة بس !!!
وين الاخلاق بالموضوع !!

[Lazio Lover]

8 _ 8

هلا اخوي عمر الخبر موجود بكل المواقع تقريبا .. موجود بــ لازيو نت و كالتشيو ميركاتو وغيرها..

لكن اخترت قول لانه انجليزي بس ..

[أحمد التتان]

كل المواقع اخذت الخبر من قول،
يعني نقل عن موقع التلفيق !
على العموم الموضوع راح يستمر حتى يتم قطع هذي المشاكل !
بالارديني بعد ما جلس نصف موسم يضبط غرفة تبديل الملابس،، مع اول فوز صريح،،، خرب الدنيا !

وأعتقد أن الموضوع مفبرك !
بالارديني ما قال ابدا ان زراتي كان سيئ !
والتصريح يقول ان سيرجو يقول ان أخوه ما كان بهذا السوء !
فالظاهر ان في شي !
بس الغريب تصريح لوتيتو،، ولو اني اعتقد ان هذا التصريح بعد مقتطف من شي مايخصه بالموضوع لانه كلام عام !
بس الله يستر :)
الظاهر بيرجع الجو يصفى إلى روكي ولاعبي الطموح الشحيح

[بو سلمان]

وجدي عليك يا لاتسيو ..

مسخره و دلع و بياخها في طول تشجيعي لهذا الفريق ما شفت نفسه ..

حتى في 2002 و 2004 ..

والله لو عندنا اداره و وفريق سنع فيه لاعبين الله عادلهم ينافسون على الصداره و البطولات .. كان ما شفنا هذي المشاكل و الحساسيات و الدلــــــــــــع و السماذجه من هل البايخين ..

صحيح بلارديني اخطىء في تصريحه لوسائل الاعلام .. بس ما ندري شنو صاير خلف الكواليس ..

اعتقادي الشخصي ان بلارديني بنفسه زهق و طفش من حال الفريق .. والاداره و الجماهير و الاعلام و الجميع يوجهه له اصابع الاتهام و كـ انه هو المتهم الاول في حال الفريق المزري ..

و يوم شاف مافي فايده و الكل يركل الكره في معلبه قال خلني اقول اللي ابيه و اللي فيها فيها ..

قسم بالله طفشنا من هل الدلع و البياخه من لاعبينا ..

بعدين بلارديني انتقاده كان واضح في تصريحه و قال انه مستاء من تصرف زراتي يوم سافر بدون اذن المدرب ولا الاداره وان الاعب يفقد الكوره كثير و هذا صحيح وين المشكله ؟؟؟؟

ارد و اقول من العام الماضي كنا نطالب لتيتو بكم صفقه نفس صفقه زراتي علشان لا احد يقعد يهايط علينا و على فريقنا لكن مااااااااااااااااااااااااااااااااااااااااش

حرقتوا قلوبنا على فريقنا الله يحرق قلوبكم من لاعبين و اداره

[الملتاع]

بالا ما قال شي و سيرجو مفروض ما يطلع و يتكلم كذا قعد يهدد يحسب لاتسيو و اقف على زاراتي صح ان زاراتي لاعب كبير ولاعب مؤثر بس مهو يستغل الدلع هذا بنفس هالكلام و مفروض يتعلم من كلام بالا ويرد عليه بالملعب .

[متيم لازيو]

عمر الحين شنو الي سواه زاراتي يدل على اخلاقه !!
كان يبي يشوت البنلتي وياله كولاروف وامتنع عن تسليمه الكرة بس !!!
وين الاخلاق بالموضوع !!

هلا جاسر الموضوع مو بس بلنتي !!


عدين بلارديني انتقاده كان واضح في تصريحه و قال انه مستاء من تصرف زراتي يوم سافر بدون اذن المدرب ولا الاداره وان الاعب يفقد الكوره كثير و هذا صحيح وين المشكله ؟؟؟؟


هذا الاخلاق اللي تكلم عليه بالارديني وانتقدها !!

[Stankovic]

إذا المدرب ما عطى لعيبته العين الحمره راح يتمردون .

زاراتي مو ميسي ولا كريستيانو حتى ويسوي جذي ، أنا أصلاً ما أتوقع هذا الشيء من زاراتي وأخوه هو إلي يقول هذا الكلام .

[عاصم دراز]

و زاراتى قال هذا الكلام يبقى يستحق عقوبة وايقاف!
وانا مستغرب ازاى خارج تحتفل بافوز واخوك يقول الكلام الغثيث ده!

[Ben Nasser]

تصريح بالارديني كان المفروض جاي من بدري
بصراحه قرفنا زاراتي بطريقة لعبه
كنه محد يعرف يلعب غيره
بالقوه يبي يصير ميسي
المشكله انه كل اللي يسويه على حساب الفريق مو لصالحه
مع ان بالارديني مو عاجبني لكن يطلع زاراتي ولا يطلع بالا
لأنه لو صار هالشي بيتمرد أكثر
واذا كان في أحد لازم يعتذر فهو زاراتي صاحب التصرفات الصبيانيه

[The Game]

زاراتي مخطئ وكلنا نقول انانيته 80% منها سيئة على الفريق
هذا بالنسبة طريقة اللعب وفقده الكورة لتصبح علينا هجمة مرتدة

اما بالنسبة للسفر من دون اذن فـ هاذي معاه كل حق فيها !
بالارديني قالها بصريح العبارة اغلب اللاعبين مستائين من هالحركة

يعني زاراتي يعطل مثلاً 25 يوم و حنا نعطل 15 يوم ؟؟


بعدين في نقطة مهمة .. اتوقع ان الاغلبية هنا كانوا يقولون بالارديني بس ساكت ومع لوتيتو ولا يسولف
والحين يوم سولف صار سيء ؟ :) انا اجزم وابصم بالالف ان لولا انتقاده لـ زاراتي كان الكل قال معاه حق

عموماً زاراتي لاعب ممتاز بس للحينه ورع و يحتاج انه ينضج اكثر