وكيل إيجورين :" السوق البرازيليه والروسيه مفتوحه "

[Stankovic]

http://www.lazio4arab.com/montada/attachment.php?attachmentid=584&stc=1&d=1265452709


تحدث وكيل أعمال لاعب الوسط الأرغوياني سيباستيان إيجورين بخصوص وضع موكله ، إيجورين وقع على عقد إنتقال للاتسيو على سبيل الإعاره مع خيار الشراء لكنه لم ينضم حتى الأن بسبب مشاكل في ضغط الدم ، اللاعب متواجد في فياريال لكنه موقع على عقد مع لاتسيو ووضعه صعب جداً .

وكيل أعمال اللاعب السيد مونيز قال حول هذا الموضوع :" أمل أن لا نذهب للفيفا ، إرتفاع ضغط الدم كان بسبب بعض الإضطرابات وهذا الأمر يحصل في كل مكان في العالم ويجب أن يتم الإطلاع على موضوع إيجورين من جديد ، إذا كان كلاً من فياريال ولاتسيو لا يريدان اللاعب فيمكنهم وضعه في سوق الإنتقالات خصوصاً وأن السوق البرازيليه والروسيه لم تغلق حتى الأن ".

يذكر أن أخر الأخبار تشير إلى أن إدارة لاتسيو وفياريال ستجتمع لمناقشة وضع اللاعب في الأيام القادمه لتحديد مصيره .

[بو سلمان]

شدعوه هل الاعب سيء علشان الناديين يصرفونه بهل الطريقه ؟؟ ولا الفياريال ما يقدر يلعبه اللحين بعد ما وقع على عقد مع لاتسيو ؟؟ بعدين اصلا ً شلون ادارتنا الموقره توقع على عقد لاعب ما جتاز الفحوصات الطبيه !! :aa_walen:

صفقه غريبه عجيبه بصراحه ..

بس والله هل الاعب وضعه يكسر الخاطر خصوصا ً انه دولي و منتخبه متاهل لكاس العــــــــالم واكيد يبي يلعب معاهم في بطوله مثل ذي ..

انا اتوقع ان لاتسيو يبي يصرفه بسبب توفير مركز لاعب خارج الاتحاد الاروبي للغورلا الصهيونيه غاسولا !!

بس قريت خبر امس ان فياريال ينتظر فلوس الاعاره من لاتسيو .. و اذا كان الخبر صحيح انا اشوف يرجع ابرك دام الفلوس بتندفع غصب !!

مشكور اخوي منيف على الخبر ..

[Ben Nasser]

جيبوه وعالجوه لوفيه شي

يعني جات عليه

نص لاعبينا بالعياده :)

[ابو نايف]

تووووهم راااديين فريق فياريال وقولون مابه شي وش سالفة هالاااعب الى سمعت عنه انه فكاك فى خط الوسط ممتاز

والله عاد اشفق على حال هالمسكين مايمداه فرح :)

[only lazio]

أتمنى ما يرووح من يد لاتسيو .. لأنه سيكون دعامة قوية لخط الوسط مع هاتسي وبارونيو!!

شـكــ وبارك الله فيك ـــرا لك ... لك مني أجمل تحية .

[أبو رباع]

أتمنى ما يرووح من يد لاتسيو .. لأنه سيكون دعامة قوية لخط الوسط مع هاتسي وبارونيو!!

شـكــ وبارك الله فيك ـــرا لك ... لك مني أجمل تحية .


أحلى كلام




دمتم بود
:مشجع:

[فتى لاتسيو]

ستانكوفتش
"تسلم الأيادي"
على هذه الأخبار



سلامي وحبي
فتى لاتسيو

[UlTrAs LaZiO]

ان شاء الله يصلح وضعه وينتقل للفريق
ادارة لاتسيو غبية جدا !! يعني معقولة تشري لاعب مازال ماجتازش الفحوصات الطبية!!
يعني اغلب ادارات الاندية الاوروبية ماتوقع على عقد لاعب الى ان يجتاز الفحص الطبي
امر عجيب والله !!
مشكوووور منيف على الخبر

[The Game]

يا جماعـه حنا ما وقعنـا معاه ولا شي
هو فشل بالفحوصات وسحبنـا عليـه

فالاريال هو اللي متوهـق
والسبب ان الاتحاد الاسباني عندهم شروط ان عدد اللاعبين ما يتعدون 25 لاعـب
و يسمحون لـ 6 لاعبين شباب بالفريـق

وهالشي لو تلاحظون بالفرق الاسبانيـة ان مافي ولا لاعـب رقمـه يكون 26 و فـوق
واي لاعـب يكون رقمـه فوق 26 دائماً ما يكون من فريق شباب النادي

فـ فالاريال اعاروا ايغورين لنا وهم دارين ان ما فيه بـلا و صاحي وما عنده اصابة
و يوم رجعلهم ايغورين توهقوا لأنهم سكروا العدد المسموح لهـم

فـ لذلك ايغورين ماله مكان عندهم وهم متوهقين فيه ويحاولون يقطونه علينـا

عموماً انا اتفق مع اخوي عبدالله
خله يجينا وشدعوه اللي عندنا صاحين كلهم مكسريـن

اذا هي على ضغط الدم سهالات
ياكله ثوم قبل المباراة و يقزرها :bleh:

[lazioblood]

إغورين يملك جواز سفر سويدي

يعني يعتبر لاعب أوروبي..

ليش ما يضمه لوتيتو

أكيد رح يكون أفضل من دابو و فيرماني و بروكي

[Lazio Lover]

لاتسيو بـــ حاجة الى "ايجورين".. اتمنى مشاركتة مع الفريق بأسرع وقت ..

شـكــ وبارك الله فيك ـــرا لك ... لك مني أجمل تحية .

[متيم لازيو]

يعطيك الف عافية يا منيف

أنا أشك صراحة في قضية ايجورين وأحس أن الخربطة من لاتسيو !!

الواضح الآن إن لاتسيو مايبي ايجورين وتوهق فيه وجالس يصرف بس والله ماهي إحترافية الحركة هذه !!

يعني ضغط الدم مشكلة سهله وأطباء فياريال يقولون عدل اللاعب !!

رجعه يالوتيتو تراك مادفعت فيه شيء كل صفقته ماتوصل 4 مليون ومستخسر فيه !!

[J10]

هههههههههههههههههههههههههه
مسكين هل ايغورين يكسر الخاطر
احسه مقرود
ان شاء الله نستفيد منه