نداء الي اهل الرياض ... ( عشاق النسور )

[الجنرال]

السلام عليكم و رحمة الله و بركاته ...

حبيت اقولكم انه فيه مقهى اسمه ( الدوري الايطالي ) ( CALCIO ) ....
في حي السليمانية ( الرياض ) .. شاشة كبيرة , تقول كنك في الملعب .. :D

اتمنى من كل عشاق اللاتسيو الي ساكنين في الرياض يحضروا و يشوفوا مباراة ( لاتسيو # روما ) ..
منها يمتلي المقهى بعشاق النسور و منها نتقابل نحن اعضاء المنتدى ...

اتمنى كل من يرغب بالحضور ( تأكيد ذلك بالرد ) لــــ نحجز مقاعد بعدد الحاضرين ..
لاي استفسار انا في الخدمة ..


تحياتي يزيد ( الجنرال ) ...

[الجنرال]

ما احد عطاني وجـــــــــــــه ( اتمنى التفاعل مع الموضوع ) :(:(:(:(

[A.NESTA.13]

وعليكم السلام ورحمة الله وبركاته


هلا أخوي يزيد :) بالنسبة لمقهى الكالتشيـــو فهي فكررة رائعة أتمنى
أن تطبق في جميع المـــدن , ويشكر صاحب الفكرة والمقــــهى ....

انا لو كنت في الرياض كنت ( بالتأكيد ) أحضــر , فـ شيء رائع
أن نشاهد تجمع لعشاق لاتسيو , لذلك أتمنى من جميع عشاق لاتسيو
في الرياض أن يحضروا لمشاهدة المباراة , وحتى لو يأخذوا صــور
ونضعها في المــــنتدى ...

[L A Z I O]

مــشــكــــووووووووور أخـــوي الجنرال :)

الـمـقــهــى جــيـــد , لــكــن الـمـكـان صــغــيـر.. .وانا شــفــت
عــلـــم لاتــســـيـــو هناك وقــلــت لــه بــكــم قال ما نبيع قلت طيب
عندكم اي شيء يخص لاتسيو للبيع قال : لا :rolleyes: قلت له طيب
عطني الـMenu وقــاعــد ادور .. ادور اي شيء بإسم لاتسيو يا ناس عصير ... قهوه اي شيء
مــا في الا عصير (( اليوفي وروما والميلان )) قلت له اجل المفروض يكون اسم المقهى
مـــقــــهــى ابــوظــبــي الـريــاضــيــــــــه :p .... لــكــن هــو ما فـهـمـهـا :D

[Emanuel Lequi]

S.FIORE.14 u are funny man hahahahha very nice jokin
atmana lel jamee3 al tafa3ol..
thanks very good idea



http://media.goal.com/200409/3008_big.jpg

[أبو جوري]

هلا والله الجنرال...

المقهى لاحظته ..(( بشارع ابليس :D ))
لكني للأسف أنا ماأصلح أجي...لأني ما أقدر أشوف المباراة بمكان فيه واحد يشجع الفريق اللي ضدي....... لأني ممكن أقوم أعطي أي واحد بقس:rolleyes::D ==== أخوك عصبي..

لكن تبي تشوفها معنا الله يحييك.. (( أشوفها أنا وواحد لاتسيالي للنخاع... حتى شعره صابغه سماوي :D

[الجنرال]

اشكر كل للي ردوا ...

بالنسبة لــــــــــ S.FIORE.14 بغيت اقولك ان صاحب المقهى ( روماوي ) :D:D:D

بس الحق يقال فهو شخص محترم و اخلاق ...
-------------------------------

اخوي ( A.NESTA.13 ) خذ لك اقرب طيارة و تعال ;););)

وبحاول اصور من الجوال و احطها في المنتدى بس لازم تعلموني شلون احطها :)
-------------------------------


توصيف للمقهى .. :rolleyes:

إذا جيت من طريق الملك فهــد متجه جنوب , امسك الخدمة وخذ يسار مع شارع التحلية
اترك اول اشارة ( تقاطع العليا ) ثاني اشارة يسار ...


اترك اول اشارة , ثاني اشارة ديور معها ( تلــقـى المقهى على يمينك ) و بتلقى علم لاتسيو ( يرفرف )
الاول من اليمين في واجهة المقهى ..

[الجنرال]

كاتب الرسالة الأصلية : سام الملاعب


لكن تبي تشوفها معنا الله يحييك.. (( أشوفها أنا وواحد لاتسيالي للنخاع... حتى شعره صابغه سماوي :D




يسلموا سام الملاعب , انا بشوفها في الكالشيو عشان يكون فيه جمهور لاتسيالي
يا حظك , انا الي معي كلهم ما حددوا وجهتم يا لاتسيو يا روما
( فيه الي يشجع البايرن , والي انتر , و الي برسا والي ارسنال )
المحاولات لازالت جارية لاقناعهم يكونوا مع اللاتسيو بكرة ( ادعووولي ) :D

[بلنتي]

كنك داخل مخي

اتصدق اني من قبل اسبوع وانا مقرر اني اروح للمقهى

وان شالله بكرة بنروح انا واخوي

انا لاتساوي واخوي روماوري

[meedo997]

فكره حلوه


طيب خلينا نشوف اذا فيه احد من الشرقيه
او مشجعي لاتسيو اذا كانوا يحبون يشوفونها فى مكان معين
والله حماس الفكره..............
وسلامتكم

[ابو نوره]

مرحبتين :)
فكره ملعوونة والدين :D


سجلني معكم ... واحجزوا لي مقعد , ولا اقولكم .. خلوها مقعدين .... يمكن اجيب واحد معي :rolleyes: فزعه عشان اذا صار طقاق ولا شي :D

طيب واذا انهزمنا ؟ :(
عاد ترى انا وجهي نحس :D

بس ترى عندي شرط باقوله لكم من الحين :
مابي ولا روماوي يجلس جنبي :rolleyes: .. قولوا لادارة المقهى يحطون بيننا حاجز :D


و اخاف المقهى يكون زحمه وما نلقى أماكن ... ونبلش :rolleyes:

ثاني اشاره ديور
لاعاد توصف تكفى :rolleyes:


وبعدين يا ( الجنرال ) ... وش عرفك ان صاحب المقهى روماوي , وليه المقهى هذا باالذات :rolleyes:
تأخذ نسبه ؟ :D

[أبو جوري]

حمستوني ياهووووه:)

لكن مناب جاي === تكفى تعال:D

والله جد..ان شاء الله المره الثانيه ..يعني غير مباراة روما نجتمع هناك ...بالنسبه لي طبعا

أبو نوره..
كانك راعي طقاق..ناظرها ببيتكم:mad: ..وش رايك فيني وانا معصب

[NEDVED_11]

السلام عليكم:)

لكن تبي تشوفها معنا الله يحييك.. (( أشوفها أنا وواحد لاتسيالي للنخاع... حتى شعره صابغه سماوي
انشالله مايكون اللي في بالي;)

[ابو نوره]

خلاص يا شباب ... :)

ترى مابقي على المباراة الا ساعتين وتبدأ :rolleyes:
والوعد ان شاء الله هناك :) <<< == ماينقال له شي :D


سام الملاعب ..
تعال ناظرها معنا ولا يكثر ... ترى الحب والفصفص والشاهي على ابو جنرال :D << توهق :rolleyes:

[الجنرال]

كاتب الرسالة الأصلية : ابو نوره


و اخاف المقهى يكون زحمه وما نلقى أماكن ... ونبلش :rolleyes:


وبعدين يا ( الجنرال ) ... وش عرفك ان صاحب المقهى روماوي , وليه المقهى هذا باالذات :rolleyes:
تأخذ نسبه ؟ :D


والله شي جايز يمتلي , اتمنى تجون بدري ... الوعد هناك

هاه نسبه وشو , :D:D:D ....

لا تبي الصراحة المقهى متخصص في الدوري الايطالي و هذا الي عاجبني فيه ;)

[عشقي سماوي]

توني اشوف الموضوع لكن خيرها في غيرها المباراة الجايه اكون هناك انشالله مع اني سامع فيه من زمان ..




لكن مع اول قوية للاتسيو راح تلقاني هناك .




مشكور الجنرال