نادي قبرصي مهتم بـ مانفرديني .. و فلوكاري يغيب عن المعسكر بـ أكملـه

[The Game]

<<مانفرديني1>>

خبـر جيـد و خبـر سيء .. يبدو ان هذا سـ يكون حال لاتسيـو حتى نهايـة الميركاتو و بدايـة الموسم الجديـد لـ نادي العاصمـة .

الخبر الجيد هو بعد التخلص من ماكينوا الى نادي لاريسا اليوناني .. هناك اهتمامات باللاعب الافريقي الآخر مانفرديني .. نادي ابويل نيقوسيا القبرصي مهتم بالتعاقد مع اللاعب الايفواري و ربما يكون هذا هو الحل الوحيد لـ مغادرة مانفرديني الذي لم يشارك الموسم الماضي بأي مباراة مع النسـور .

الخبر السيء هو للمهاجم الايطالي سيرجيو فلوكاري سـ يغيب عن المعسكر بالكامل ولن يتواجد بالاعداد للموسم المقبل بسبب ( فتق ) اصابـه و سـ يمنعه من التواجد مع لاتسيـو حتى 1 اغسطس القادم .

[DR.WELYA9]

خبر سيء جدا جدا جدا فلوكاري قناص واصابه من بداية الموسم الله يستر لا يكمل باقي الموسم اصابات


زين والله يعني ماكنوا افتكينا منه عقبال ماانفردينهو وباقي الشله

[Lazio 4 Ever]

خبر البومبر ضيق خلقي وايد .. !! :boredom:

[J10]

خبر محزن بالنسبه لأبو الفلوك
ومانفرديني يروح نادي قبرصي نادي هكسوسي المهم يذلف ويفكنا :icon28:

[lazio2010]

شـكــ وبارك الله فيك ـــرا لك ... لك مني أجمل تحية .

للاسف اصابة فلوكاري اتمنى له الشفاء .. اما مانفرديني خله يروح بيبلاش ..

[Ben Nasser]

والله فرحت يوم قريت خبر مانفرديني

بس الخبر الثاني خرب و طير ام الفرحه

ماتشوف شر يافلوكاري :(

[Citta-Celeste]

بالعكس ياشباب
ممكن خبر الاصابة يجعل لوتيتو يجيب بديل سوبر لفلوكارى :=

[lazioblood]

والله خبر إصابة فلوكاري مقلق
يعني نحن متفائلين و آمالنا هالموسم عالبومبير
يروح يبدأ الموسم بفتق :mf_cupidhit:
انشالله ما يكون خطير و يرجع بسرعة

بعدين مانفريديني لسه موجود !!! :bleh:

[طائر لازيو]

لاحول ولا قوة الا بالله

[متيم لازيو]

يعطيك ربي الف عافية يا عواد

ان شاء الله عاد هالمشعوذ يوافق أنه ينتقل !!

خبر فلوكاري والله شين شين وبعدين وشو فتق يعني فتاق اللي بالبطن ؟!

هذا يبيله عمليه أخبر انا !!

يلا يا لوتيتو شد حيلك وجب لنا مهاجم صندوق دام لسى بالمريكاتو !!

نجلس طو الموسم على زاراتي وروكي مستحيل !!

[سيرجيو]

بيعه حتى لو بخساره :icon28:
شـكــ وبارك الله فيك ـــرا لك ... لك مني أجمل تحية .

[امــيــر الــذوقــ]

والله الفتق شي مو سهل لازم عملية جراحية !!

ان شاء الله يعدي الموضوع على خير ونشوف فولاكاري من بداية الموسم مع الفريق

بالنسبة لحبيب الملايين مانفردينهو للحين مستغرب كيف ربح القضية على لوتيتو وكان الحكم ارجاعه للفريق !!!!!
المهم حاليا يذلف بأي شكل من الاشكال عساها توصل لاغتياله اهم شي نفتك من وجهه

[$العراب$]

وش ذا القصه فلوكاري مصاب لحوووووول ماتشوف شر ياقناص ومرعب الحراس وانشاءالله اتقوم بالسلامه
ومنفرديني اسطورة لاتسيو متى ينتقل ويفكنه وش ذا اللزقه قصب تلعب مانبيك ياخي
شـكــ وبارك الله فيك ـــرا لك ... لك مني أجمل تحية .

[Stankovic]

والله خبر فلوكاري يضيق الخلق

يعني حتى إذا رجع من الإصابه يبيله فترة طويله حتى ترجع لياقته ويندمج من أسلوب الجديد للتدريب

مانفرديني ينتقل .. يافرحتني إذا صار هالشي.

قواك الله

[WaseemOvesky]

إن شاء الله ما تأثر الإصابة على فلوكاري

أما مانفرديني فحدو جهنم وين ماراح يروح

شـكــ وبارك الله فيك ـــرا لك ... لك مني أجمل تحية .