أنصار الفريق تطلب من زاراتي تسجيل 20 هدف !!

[Stankovic]

<<زاراتي41>>

طالبت أنصار نادي لاتسيو من مهاجم الفريق الأرجنتيني ماورو زاراتي تسجيل 20 هدفاً الموسم القادم ، زاراتي يوم أمس سجل أول أهدافه بعد فوز لاتسيو في مباراة وديه أنتهت نتيجتها بخمسة أهداف نظيفه .

زاراتي يعمل الأن لإرضاء الجميع بعد موسم مخيب حيث أن روحه العاليه بالتدريبات واضحه كما أن طريقة لعبه تغيرت بعض الشيء وأصبح يتجه للعمق وكان أكثر واقعيه ومدرب الفريق إدواردو ريّا يريد الأستمراريه في هذا الشيء .

مازال من المبكر قول مثل هذه الأقاويل لكن قد يعوض زاراتي أخفاقه الموسم الماضي .


والله هذا الكلام هو الي يضيع زاراتي والكل يذكر الموسم الماضي لما الجمهور ضغط على اللاعب وأعتقد أنه هو الي راح ينقذ الفريق لكن الأخير كان أسوء لاعب بالفريق

[متيم لازيو]

يعطيك العافةي منيف

ماقول الا يارب سترك بس !

لاتيضغطون عليه من أولها 20 هدف خلوه في حاله وإن شاء الله بيبدع !!

[بو سلمان]

انا اقول يا زراتي معليك منهم .. انت تسجل ولا غيرك ولا ان شاءالله تاري يسوي تبديل و يدخل يسجل ..

المهم ان لاتسيو يفوز ..

معليك منهم .. واذا بيسمع كلامهم ماوريتو بضيع و بصيده نفس الضغط اللي صار العام الماضي ..

[The Game]

ولله هالكلام هو اللي يعفس لاعبين فريقنا

العام نفس هالموال مع زاراتي و كان اداءه جداً ضعيف
وبعد ما راح عند الجماهير بالكورفا نورد و طالبوه بانقاذ الفريق

اعتفس زود و صار مستواه باهت و قعد على الدكـة

و نفس الموال مع فلوكاري يوم اليوفنتوس يبونه قبل لا يروح لـ معسكر نورتشيا
طمئن الجماهير و قال انا وقعت مع لاتسيـو و طالبوه الجماهير بـ تسجيل هدف بالديربي

و وعدهم بـ هدف .. وجاء الديربي وضيع البلنتي و اعتفس بالمباراة


انا اقول الجماهير تركد و تعين من الله خيـر
وتخلي اللاعبين يلعبون من دون ضغوطات كبيرة عليهـم افضل

يسجل اللي يسجل اهم شي اننا نسجل و بس

[WaseemOvesky]

تسجيل 20 هدفاً الموسم القادم

من حق الجمهور .... و 20 هدف ليس رقم إعجازي ... بس مايتطرف زاراتي ويحاول يرضي الجمهور يوكون أناني لهذا السبب !!

ننتظر إنتفاضة ماوريتو الموسم القادم ...

لكن على لوتيتو مساعدته لتحقيق هذا الهدف ، كيف ؟

بشراء صانع ألعاب على درجة عالية

والشكر لك منيف

[lazio2010]

شـكــ وبارك الله فيك ـــرا لك ... لك مني أجمل تحية .

فعلا هذا ضغط على الاعب لكن احنا عارفين انه لاعب محترف ولازم يتعود على الضغوط .. زراتي قادر على ان

يسجل 20 هدف ليش لا .. الامكانيات موجوده بس السؤال هل زراتي يقدر يعطي 100% في 38 جولة ..

[Lazio Lover]

ياليت بس الجماهير تركد .. وتخلي اللاعبين بحالهم ولاتزيد الضغوطات عليهم ..

بــ التوفيق لــ ماوريتو .. وان شاء الله يبدع الموسم القادم ..

شـكــ وبارك الله فيك ـــرا لك ... لك مني أجمل تحية .

[Palle]

ماله داعي ابد انه يفكر يسجل 20 هدف انا مادري شهالجمهور بهالطريقه راح تزيد انانيته ويفكر انه يسجل بس وماراح يلعب باصات وهذا اكبر خطأ .. المهم انه يلعب عدل وبس

[mauro zarate 10]

المهم زاراتي يساهم بجعل الفريق ضمن الاربع الاوائل

[Foggia_17]

زاراتي ويحاول يرضي الجمهور يوكون أناني لهذا السبب !!


و يعطيك العافية

[كاسترومان]

والله الموضوع هذا بدري الكلام عليه

السوق ما بعد قفل واذا جانا صانع العاب ممتاز ممكن يسجل ٢٠ هدف ليش لا

بالتوفيق للماوريتو وللاتسيو الموسم القادم

[J10]

والله هذا الكلام هو الي يضيع زاراتي والكل يذكر الموسم الماضي لما الجمهور ضغط على اللاعب وأعتقد أنه هو الي راح ينقذ الفريق لكن الأخير كان أسوء لاعب بالفريق


الله يستر بس لايضيع الاعب هل موسم !

[only lazio]

ولله هالكلام هو اللي يعفس لاعبين فريقنا

العام نفس هالموال مع زاراتي و كان اداءه جداً ضعيف
وبعد ما راح عند الجماهير بالكورفا نورد و طالبوه بانقاذ الفريق

اعتفس زود و صار مستواه باهت و قعد على الدكـة

و نفس الموال مع فلوكاري يوم اليوفنتوس يبونه قبل لا يروح لـ معسكر نورتشيا
طمئن الجماهير و قال انا وقعت مع لاتسيـو و طالبوه الجماهير بـ تسجيل هدف بالديربي

و وعدهم بـ هدف .. وجاء الديربي وضيع البلنتي و اعتفس بالمباراة


انا اقول الجماهير تركد و تعين من الله خيـر
وتخلي اللاعبين يلعبون من دون ضغوطات كبيرة عليهـم افضل

يسجل اللي يسجل اهم شي اننا نسجل و بس


شـكــ وبارك الله فيك ـــرا لك ... لك مني أجمل تحية .

[Ben Nasser]

انا اقول يا زراتي معليك منهم .. انت تسجل ولا غيرك ولا ان شاءالله تاري يسوي تبديل و يدخل يسجل ..

المهم ان لاتسيو يفوز ..



و.... الله يعطيك العافيه