مرة أخرى .... أين الخطأ ؟؟

[8 zauri]

السلام عليكم ورحمة الله وبركاته
استمتعنا قبل قليل بمباراة رائعة وسط الأجواء الأروع بين النصر ولاتسيو
خسارة لاتسيو اليوم مرة أخرى نقول الحمدلله أنها أتت قبل بداية الموسم وفرصة لتدارك الأخطاء


خسارة يعني أخطاء موجودة
أخطاء موجودة لابد تصحيحها
تصحيحها يتم بعلاج الأخطاء ... كيف يتم علاج الأخطاء ؟؟؟



نقطة أخرى ... لديسما
لديسما لم يكن موجود اليوم وقام بتغطية مكانه ماتوزاليم وأمامه روكي
س _ هل هذا يعني الطلاق الأخير بين لاتسيو ولديسما ؟؟؟

رأي شخصي .. زاراتي وروكي وفلوكاري وكوزاك لم يتغيرو
ولازالو بنفس مستواهم الرائع .. لكن يحتاجون لصانع لعب
س2 _ هل التعاقد مع صانع لعب يكفي لحل مشاكل الفريق

رأيي الشخصي : نعم


حرية التعبير لكم أعزائي الأعضاء والله يعيننا على ازعاج النصراوية داخل المنتدى و خارجه

[عاشق روما R]

شوف يا اخي الكريم لاتسيو يبغاله دعم المشكله مهي في الاعبين ولا في المدرب
لاتسيو يبغاله لاعبين على الاقل من النوع المتوسط زي على سبيل المثال تادي وبيزارو
وبريغي لو لاتسيو عنده على الاقل مثل هذي النوعيه من الاعبين انا اظمن لك الوصول
الى المراكز الاربعه الاولى لاتسيو له ثلاثه سنوات واغلب الاعبين تقريباا نفسهم ماتغيرو
وايظن التعاقدات الى فاتت كلها تعاقدات عايديه جداا بغض النظر عن زاراتي

انا لما قلت يحتاج لاعبين من نوعية بيزارو والى ذكرتهم لان اسعارهم منخفضه ويعطون في الملعب
لاني اعرف ظروف لاتسيو الماديه لاتسيو يبغاله دعم واذا استمر بهؤلاء الاعبين فلن يتغير شي ابداا وراح يعاني كفريق


مشكور على الموضوع

[8 zauri]

^^^^^^^^^
ممكن رايي مايعجبك لكن هو مجرد رأي
تادي لاعب مضحك و غبي هو أبدع موسمين واختفى
الموسم الماضي كان عاله على روما حاله من حال ماوري حقنا

بيتزارو لاعب مايختلف عليه اثنين رائع ومقاتل ومستوى ممتاز و ثابت
لكن عندنا ماتوزاليم بنفس خصائص بيتزارو اللهم او تبتعد عنه الاصابات

المشكلة في لاتسيو ليست في نوع اللاعبين ... صحيح عندنا عاهات لكن أيضا عندنا لاعبين رائعين

المشكلة في صانع لعب حقيقي يستطيع ايصال الكرة للمهاجمين ... هذي هي المشكلة
لاتسيو من موسمين وهو يعاني من المشكلة هذي
لذلك دائما تشوف ماوري موجود ...

الف شكر على مشاركتك معنا ... بس تادي خخخخخخخ والله شكلك تستهبل
تادي مرة واحدة .. قلنا لاتسيو وروما أعداء وديربي ومايحبون بعض
لكن مو للدرجة هذي أجل تنصحنا بتادي خخخخخخخخ

[lazio2010]

عاشق روما R (http://www.lazio4arab.com/montada/member.php?u=4962)

ما شهدت الا ام العروس :icon28:

[عاشق روما R]

^^^^^^^^^
ممكن رايي مايعجبك لكن هو مجرد رأي
تادي لاعب مضحك و غبي هو أبدع موسمين واختفى
الموسم الماضي كان عاله على روما حاله من حال ماوري حقنا

بيتزارو لاعب مايختلف عليه اثنين رائع ومقاتل ومستوى ممتاز و ثابت
لكن عندنا ماتوزاليم بنفس خصائص بيتزارو اللهم او تبتعد عنه الاصابات

المشكلة في لاتسيو ليست في نوع اللاعبين ... صحيح عندنا عاهات لكن أيضا عندنا لاعبين رائعين

المشكلة في صانع لعب حقيقي يستطيع ايصال الكرة للمهاجمين ... هذي هي المشكلة
لاتسيو من موسمين وهو يعاني من المشكلة هذي
لذلك دائما تشوف ماوري موجود ...

الف شكر على مشاركتك معنا ... بس تادي خخخخخخخ والله شكلك تستهبل
تادي مرة واحدة .. قلنا لاتسيو وروما أعداء وديربي ومايحبون بعض
لكن مو للدرجة هذي أجل تنصحنا بتادي خخخخخخخخ


عايدي وجهة نظر ماراح ازعل منك بس انا لما قلت تادي
لان تادي كان تقريباا 70% من جمهور روما كان راضي على
مستواه وعشان كذا انا حطيته في القائمه المذكوره

اي نعم مايدزليم مدري ايش اسمه :biker: هو لاعب جيد
ما اقولك لا بس لما يصاب هنا المشكله لابد من بديل له على الاقل
زي بريغي او بيروتا انا ما اقولك هؤلاء الاعبين عشنهم في روما وبس
لا عشان انا اعرف لعبهم اكثر من البقيه الى في اوروبا وانا قصدي من الحكايه
يعني يشابه طريقة لعبهم طيب اذا كان لاتسيو عنده الاعب الجيد في اكثر من منظقه
فماهو السبب في تدني مستوى الفريق هل هي اداريه مثلااا ؟؟؟؟

[8 zauri]

فماهو السبب في تدني مستوى الفريق هل هي اداريه مثلااا ؟؟؟؟


الان ياعاشق روما ... اذا أي فريق بالعالم
كل اللاعبين رائعين باستثناء لاعب واحد في الدفاع سيء
الفريق 100% سيتأثر ... وكذلك باقي الخطوط

لوكان كل الفريق رائع وقوي وعالمي لكنه يفتقد لمهاجم رائع
الفريق سيعاني في التسجيل

وكذلك بالنسبة لصانع اللعب ... لاتسيو يفتقد لاعب يوصل الكرة بشكل رائع للمهاجمين
لذلك تجد الفريق يعاني بالتسجيل

أتمنى الفكرة وضحت ..

وبعدين وشفيها ادارة الفريق
تاري اداري كفو و محنك وقايم بشغله على أكمل وجه ... عطني أبو اثنين

[عاشق روما R]

^^

كلامك فيله من الصحه بشكل كبير
بس عن الاداره وش فيها ياما سمعنا من
اخبار الصحف ان في مشاكل مع الاعبين وعدم صرف الرواتب لفتره طويله
هذي من عوامل الذي تاثر على مستوى الفريق بشكل كبير

كان نقاش لزيز معاك :bleh:

[The Game]

خسارة يعني أخطاء موجودة
أخطاء موجودة لابد تصحيحها
تصحيحها يتم بعلاج الأخطاء ... كيف يتم علاج الأخطاء ؟؟؟


الله يعطيك العافيـة يا عمـر .. اسمح لي بـ تكلم بـ حرية و ما اتقيد بـ النقاشات اللي ذكرتهـا

اقتبست منك الجملة اللي فوق لأنها مهمـه جداً
هي مباراة وديـه لعبنا بـ لاعبيـن شبـه احتياطيين للوقوف على مستواهم و مستوى الفريق بالكامـل

ابي اذكر الايجابيـات قبل السلبيـات

الايجابيـات

بداية ً طبعاً مع المتألق ليبور كوزاك
هاللاعـب لازم يبقى مع النادي

مفيـد جداً جداً جداً .. كل كرة عاليـه 90 % من نصيبـه
وكـ عادة اغلب اللاعبين طوال القامـة .. كوزاك كـ حالهـم يحجز على كرتـه بشكل ممتـاز




الشيء الثاني المبشر بـخيـر هو مستـوى ديل نيـرو
اعجبني كثيـر بالمبـاراة .. يمكن اكثر لاعب عجبني ديل نيـرو

هو لاعب موهوب لكن الاصابات رثعـت فيـه

قدم مباراة ممتـازة دفاعياً و هجوميـاً
عرضياتـه كانت ممتازة جداً جداً جداً
يمكن بداية المباراة بس لعب عرضيتين ما كانوا مظبوطات

لو يلعب بالمستوى هذا و يواصل دون اصابـة
راح اعتبـره لاعـب جديـد يضاف لنـا





ماتوزاليم لاعـب راااقـي لمستـه للكـرة بس تكفي و توضح انه لاعـب ممتـاز
قاد خط الوسـط بشكل فوق الممتـاز و لو ان الادوار الدفاعيـه ذبحتـه شوي

كافة الكرات اللي طلعت من رجلـه كانت صحيحـه ما عدا كم كـرة
نظم خط الوسـط بشكل مغايـر عن الطريقـة اللي يعتمدها ليديسمـا
( التشويت على المهاجمين :bleh: )

يمكن البعض يشوف ان التمريرات القصيـرة لـ لاعبي الوسط و الاجنحـه عاديـه
للأسف الشديد مو عاديـــه ابـد في لاتسيـو لأن هالشي ما نشوف ليديسما يسويه اللا نادراً
كأن الارجنتيني حالـف فريقنا ما يحتفظ بالكورة اكثر من خمس دقايق





بريشيانو ما استغربت ابد من مستواه .. لأنه لاعـب ممتـاز مثل ما عرفتـه عنـه
الشي الحلو فيـه تنفيـذه الممتاز لـ الركلات الركنيــة .. ما اذكر انه كان يلعب الركنيات مع باليرمو



الايجابيات العامـة ان فريقنا امتلك 3 لاعبين ممتازين بالكرات الرأسية
كوزاك و دياز و بيافا .. و لو تواجد ستينداردو و ممكن ماوري اتوقع اي ركنيـة ( ينفذها بريشيانو طبعاً )
بـ تشكل خطووووووورة كبيـــرة



السلبيـات


اولى السلبيـات هي اللاعـب الأسوأ بالمباراة للأسـف زاراتي :(
لازال ثقيل حيل و مو قادر يدافع حتى مدافعي النصـر ( مع احترامي للنصراويـه و النصر و مدافعيـه )

اسلوب و طريقـة لعبـه لازالـت متواصلــه .. يميل على الجناح و يحاول يراوغ و يدخل العمق و يشوت
حتى لما يراوغ بعض الاحيان شوتاتـه ما تشكل اي خطورة تذكر على المرمى

اذا استمـر زاراتي بالطريقـة هاذي انا اشوف نرجع و نلعب بالثنائي اللي اثبت نفسـه روكي و فلوكاري
ولكن هالشي راح يخلي زاراتي يتضايق و يبلشنا اخوه سيرجيو لأن زاراتي قعد بالاحتياط فـ ممكن نشهد رحيل زاراتي

ماوريتو شاب موهوب لكن يحتاج لـ تعديل اسلوب و طريقة لعبـه .. و انا اشوف عشان ما نخسره الافضل اللعب بـ 4\3\3 و الاستعانة بـ فلوكاري و روكي كـ مهاجمين و زاراتي يروح على الجنـاح






ثاني السلبيـات هي طريقـة المدافعين بـ تطبيق مصيـده التسلل !!
الهدف الاول جاء منهـا .. و اعتقد حتى هدف منتخب ايران و بعض الفرص في مباراة ايران بعد حسب الملخص

هالطريقة فشلت و جاء علينا هدف و بالمباراة طبقوها اكثر من مرة و فشلـت !!
اتمنى ما نطبقها ابـد لأنها ممكن بـ اي لحظة تصير عكسيـه على روسنـا مثل ما صار بهدف السهلاوي الاول

ان شاء الله ريجا يشيل هالطريقة البايخـه لأنها ما تصلـح لنـا ابـد




ثالث السلبيـات الرواق الايمـن للفريق << ترى متعوب على الرواق الايمـن :bleh:
ليشتستاينـر لعب قوي دفاعي و هجومي و خطورة لكن على غيـر سنـع

كلمـة خطورة هاذي مهمـه لأن تقدمـه خطر و يخلي الجهة اليسرى للفريق الخصم يتراجـع
لكن كلمـة على غيـر سنـع لأنها فعلاً على غيـر سنـع

لا عرضيات لا تسديدات لا اي شي :( .. و المشكلـة حركتـه البايخـه محفوظـه
يحط ظهره بـ جسم اللاعـب و يطيـح يدور فاولات





للأسـف ريجـا ما عمل تبديلات كثيرة مثل المباريات السابقة و جرب عشان نحكم على بقيـة اللاعبيـن

لكن الخسارة بـ وديه شيء عادي .. الوديه للتجارب و تدارك الاخطـاء
و اذكر في آخر موسم لـ ديليو روسي معنا خسرنا من ريميني الصاعد حديثاً بذاك الوقت للسيري بي
خسرنا قدامهم 4-2 و جبنا كأس ايطاليا بـ نفس الموسـم

ان شاء الله عاد ريجـا يتدارك هالاخطـاء و يشوف لهـا حل
و ممكن مع قدوم هيرنانيس يتسنـع لعـب زاراتي شوي

[mauro zarate 10]

الفريق يبغاله صانع العاب ولازم ريجا يتخلى عن 3-5-2 الفاشلة

[بو سلمان]

تسلم اخوي عمر على الموضوع ..

الصراحه المباره اليوم كانت جيده نسبيا ً .. الفريق هدد مرمى النصر على مدار الشوطين و الابرز كان العملاق الشاب الشيكي ليبور كوشاك .. لكن في اخطاء كثيره بدايه من الخط الخلفي و انت رايح

بس الملاحظ في خط الدفاع السنه مع بدايه الاعداد انه مفتوووووح عـ البحرررررري عكس ما كنا نشوفه سابقا ً و ما ندري هل السبب ان الاظهره تساند الهجوم اكثر من الدفاع او ان ريجا يحاول يطبق مصيده التسلل بشكر مستمر لكن للاسف فشل فيها الخط الخلفي و بـ امتياز ..

بخصوص لديسما .. لاعب وسط دفاعي تقليدي .. ما ادري ليش اليوم ما تواجد هو مع جونزاليس اللي المفروض يجربه ريجا اكثر .. اتمنى المسئله تنحل بسرعه بين الاعب و الاداره و ماظن ان هناك نيه لبيعه حاليا ً .. واذا حدث هذا الشي اتمنى يكون بديله الاعب الفرنسي اتيان كابويه لاعب تولوز ..

في نقطه ذكرتها من قبل .. بخصوص موتزاليم ..

هي ان ريجا لازم يشيل من باله موتزاليم .. يشيله نهائيا ً لازم ما يعتمد عليه ..

موتا لاعب ما يختلف عليه اثنين و من وجهه نظري انه افضل لاعب خط وسط عندنا في الفريق .. لكن الكل عارف اصابات موتزاليم لموسمين معنا لازم يغيب لفتره طويله للاصابه ..

المقصد ان ثلاثي الوسط لازم يتكون من هرنانيس + لديسما + لاعب خط وسط يسار جديد ..

بروكي + موتزاليم + برشيانو + ماوري + الفارو جونزاليس 4 لاعبين احتياطين للدكه كـ تبيدل لانعاش الوسط او تبيدل تكتيكي سواء دفاعي او هجومي لان كل واحد منهم عنده خاصيه خاصه ..

مغني ما حسبته من كثر اصاباته .. و تمينت لو لعب كاس العالم و مبدع علشان يجيب سعر لان الاعب مهاراته عاليه لكن للاسف ماهو متوفق معنا و مع الاصابات و الافضل تسويقه للدوري الفرنسي ..

بيرباتويني ( الانيق ) اذا بتم اعارته اتمنى يكون في السيريا ايه قد الامكان .. او اقلها فريق جيد و منظم في السيريا بي .. واذا بقى معنا خير و بركه بس ما توقع ياخذ فرصه لاثبات نفسه خصوصا ً اننا ما عندنا بطوله اروبيه هذا الموسم ..

لتيتو شحص يعتمد على النتايج ترى .. و انا ملاحظ هذا الشي فيه .. يعني اذا خسر الفريق في الوديات يمكن يتحرك بشكل اسرع :bleh:

يعني فاز الفريق خلاص الفريق جيد و ما يحتاج تدعيم .. و هذا حسينا فيه في مركاتو 2007 و يوم فاز الفريق على الفريق الروماني في تصفيات الشامبيونز + ميركاتو 2009 يوم الفريق فاز بـ السوبر ..

انا تقولي مستوى ولا نقص ولا غيره هذي بعيده عنه بعد المشرق عن المغرب .. و هو دايم يصرح ان الفريق عنده لاعبين على مستوى عالي ولا ادري وينهم هذولا الاعبين لان مستونا في الدوري منهاااااااار جدا ً فشلون مستواهم عالي .. ! :aa_walen:

ان شاءالله نشوف تحرك سريع في المركاتو ..

1 - هرنانيس

2 - ظهير يسار

3 - وسط يسار ..

وباالتوفيق ..

[Ben Nasser]

السلام عليكم ورحمة الله وبركاته

لاتسيو اليوم ماشاء الله كان سيء كعادته

و بكل الخطوط

الدفاع افتقد لستينداردو كثير دياز مايصلح يكون قلب الدفاع
‏ ‏
وديل نيرو مادري وش فيه صاير يمشي ويرفس بخلق الله

والوسط كالعاده هو الأسوء.. وافتقد لليديسما وللاعب يوصل كرات للمهاجمين
بريشيانو هو الوحيد اللي كان يتحرك بخط الوسط

و الهجوم كالعاده يفتقد للي يوصله الكوره

الفريق محتاج لصانع لعب وللاعب ارتكاز مكان ليديسما لو ماكان لهم نيه يجددون معه

والله يعين على النصراويه :)

[Stankovic]

يالربع مشكلة لاتسيو باللاعبين ... والله لاتسيو وصل لمرحله أنه عنده أسماء وما عنده لاعبين

خلونا نكون واقعيين شوي .. أغلب لاعبين خط الوسط أعمارهم كبر جدي وينهم ووين اللعب وفوق هذا سكاريب ومافيهم ولا لاعب دولي

خط الدفاع زين لكن اليوم كانت عندهم أخطاء كثيره

بالنسبة للهجوم .. زاراتي اليوم لعب المباراة و الظاهر أن اللبس ماله عاجبه وما يبي يوسخه بأرضية الملعب فعلشان جذي مالعب عدل !!

شباب خلكم بالواقع ولا تعيشون الوهم .. أنا ما أتكلم عن مستوى لاتسيو في مباراة النصر لأنها مباراة إعداديه حالها من حال أي مباراة

لكن أنا أتحدث عن الدوري والكاس وغيره .. يعني بالله عليكم فرق مثل أتالانتا وبولونيا وسيينا وكييفو تفوز على ميلان أو بالميت تتعادل مع ميلان وفوق هذا ميلان يتمصخر لكن لاتسيو مايقدر يفوز على ميلان أو يتجرأ يهجمون عليهم

صدقوني يا شباب فريقنا وصل لمرحلة الروح الأنهزاميه مهما كانت نتائجة جيده لأنه قدام الفريق الكبير دايماً يكون فاشل

بالسابق كنا نقول في فرق ضعيفه بالكالتشيو لكن حالياً كل الفرق تطورت بالكالتشيو بإستثناء لاتسيو طبعاً أكيد السبب لوتيتو لكن في شي لازم تعرفونه وهو أن اللاعبين ما يتطورون بعد نهاية كل موسم ، على سبيل المثال كالياري .. هالفريق هذا صحيح أنه فريق عرد مرات ويقدم مباريات كبيره لكن لو نجي نشوف لاعبينهم يمكن ما تتجاوز قيمتهم كلهم 40 مليون يورو .. شوفوا ماتري شلون يلعب بالرغم أنه مهاجم عادي لكنه صنع نفسه وشوفوا أندريا كوسو الي أثبت نفسه وأستدعاه ليبي للمنتخب وشوفوا بيونديني لاعب وسط كالياري الي طور نفسه ولعب للمنتخب الإيطالي .. شوفوا كاساني لاعب باليرمو شلون طور نفسه وأستدعاه ليبي للمنتخب وشوفوا رانوكيا وبونوتشي شلون أثبتوا نفسهم الموسم الي طاف بالإضافه لألفاريز

كل لاعبين الكالتشيو يتطورون إلا لاعبين لاتسيو لأن روحهم إنهزاميه وفوق هذا مافي شخص يساعد على تطورهم

وراح يجي يوم تتحسرون على المركز الـ 12 بالدوري وتقولون ياليت نكون بهذا المركز

أحنا عيبنا كل شي نقطه على الرئيس .. صحيح أنه أكبر مذنب لكن اللاعبين لهم ذنب أيضاً في تدهور الفريق حتى لو كان صغير

أسف على الإطاله

[STEFANO]

الشباب صراحه ماخلو لنا شي نضيفه كفو ووفو:11rob:

لكن عندي نقطتين فقط . .الاولى بريشيانو مكسب للفريق :11rob:
والثانيه لاتسيو مازال مثل اخطاء الموسم الماضي ونفس المستوى الفاشل :52:

قواك الله أخوي
:mf_cupidhit:

[سيرجيو]

الروح الأنهزاميه


سبب هذه الروح هم المدربين أصحاب الاسماء المتواضعة
من روسي إلى بالارديني والان مع ريجا
نتمنى أن يتغير الحال ولكن يبدو لي انه سابع المستحيلات

[mohammedvid]

الصراحة هي أنه إمكانيات اللاعبين هي التي تحقق البطولات
أنا إذا إمكانياتي محدودة في أقل وضع إنهزامي أو أقل خطأ من زميلي سأحبط

زاراتي وموتزاليم ضائعان في الملعب دل نيرو في حال لعب أمام فرق إيطالية ستأتي كل الهجمات والاهداف من جهته
ليدسما لاعب الوسط الوحيد في لاتسيو الذي يعطي التوازن الدفاعي صحيح أنه ليس الاعب الخارق
أنا لا أعترف بخطة 3 5 2 فهي تعني أنك تلعب بخمسة مدافعين وأمام من أمام النصر

[Dr.Madani]

ما احد جاب طاري المدرب!!!!!

يا شباب زينغا اللي ما تعاقدنا معاه ما صارله شهرين مع النصر و شوف لعبهم كنهم فريق بالدوري الايطالي و مدربنا صار له ٦ شهور مع الفريق و خسر قدامه!!!!!!!

احس انه لوتيتو غلط بس يمكن زنغا ما كان المدرب اللي يقدر يهرب من الهبوط.
نحن محتاجين اكثر من صانع العاب

[M.zrate10]

مشكور اخوي على طرح مثل هالموضوع
موضوع حساس جبته على الجرح والله

ياخي المشكله واضحه والله مافيه احد يوصل الكورهـ للمهاجمين لدزما ما يادي بشكل الطلوب
ولا والله المهاجمين اوكي ما عليهم كلام
بس ان شاء الله يتحركـ لوتيتو وجيب لنا لاعب وسط يكون قد الطمووووحات يااااااااااااااااااااااارب:):):)

[Lazio Lover]

لــ الاسف ماشفت الا اخر 20 دقيقه من المباراة .. لاني كنت مسافر ووقفت في استراحه في الطريق وتابعت هالجزء ..

على العموم لا جديد مستوى سيء .. لا جمل تكتيكيه ولا روح قتاليه ولا شي ..

على العموم هي مباراة وديه لا تقدم ولا تأخر .. لكن مثل مايقولون المكتوب باين من عنوانه .. والله يستر من الموسم القادم بس ..

شـكــ وبارك الله فيك ـــرا لك ... لك مني أجمل تحية .

[متيم لازيو]

^ ـــ ^

ناصر روح قتالية في مباراة ودية وقدام فريق سعودي :35:

هذه يبغالها شوي جلسة الحين في الدوري ويالله تجي الروح تبيها في معسكر من اوله لآخره هلاك وتعب !

[طائر لازيو]

ماشفتها المبارة

[lazio-lover]

نريد بقاء ليديسما:52:
و اللعب بمهاجم صريح واحد و خلفه ممرر كرات جيد
صدقني سيصبح الفريق افضل