تحديث : لاتسيو يفوز في المباراة الثلاثيه

[لازيو و بس]

من المقرر اليوم 30 يوليو في أورونزو
مباراة ثلاثية من 45 دقيقة بين لاتسيو ،
بورتوجوارو و نادي اولمبياكوس اليوناني.

المباراة مقررة في الساعة الثالثة بتوقيت جرنتش

[MaTaDoOr]

يعني بعد شوي يلعبون .. غريبه ماسمعنها عنها .. امس لاعبين ضد النصر 90 دقيقه ..

مو ناقصين اصابات واجهاد

[lazio2010]

شـكــ وبارك الله فيك ـــرا لك ... لك مني أجمل تحية .

فعلا ما سمعنا

[متيم لازيو]

يعطيك العافية اخوي

بس حتى مواقع لاتسيو الاخبارية ماعلنت !!

[The Game]

حسب التحضيرات اللي ذكرت و كتبت موضوع فيها بالكورفا نورد
ان المباراة المفروض بين لاتسيـو و الفريق الثاني مدري وش اسمه

اما اولومبياكوس طلع عرض !!

في خبر على الطايـر

ان لاتسيـو بعد يفكر يلعب مباراة وديـه في تاريخ 21\8 خارج ايطاليا
ممكن بـ اسبانيا او انجلترا مع احد الاندية المعروفـه

[WaseemOvesky]

ممكن بـ اسبانيا او انجلترا مع احد الاندية المعروفـه

والله ياريت ياعواد يكون مع فريق قوي ... حتى يكون إختبار وتحدي للاعبين أنفسهم وللمدرب


تحياتي للجميع

[Lazio Lover]

ماسمعنا شي ..

شـكــ وبارك الله فيك ـــرا لك ... لك مني أجمل تحية .

[Stankovic]

<<فريق39>>

فاز لاتسيو في المباراة الثلاثيه التى جمعته مع بورتوجروارو وأولمبياكوس اليوناني .

في المباراة الأولى تغلب أولمبياكوس على بورتوجروارو 2-1 ، وبعد ذلك لعب الخاسر مع لاتسيو وتغلب عليه بهدف دون رد عن طريق روكي .

وفي المباراة الأخيره تعادل لاتسيو مع أولمبياكوس من دون أهداف ، وأنتقلت المباراة مباشره للضربات الترجيحيه التى صبت لمصلحة لاتسيو 3-4 .

كالعاده هجومنا يحبط الواحد .. والله متخوف من هالشي

[WaseemOvesky]

شكراً على التحديث

وأضيف على كلامك أنه كان أول ظهور لـ فلوكاري بعد عودته من الإصابة.

وننتظر مباريات إستعدادية أقوى منقولة تلفيزيونياً ، وبصفوف مكتملة ... لنحكم بشكل أفضل

وملاحظة مهمة :

نادي أولمبياكوس الذي نعرفه ليس هو الذي لعب هذه المباراة الثلاثية ، بل الذي لعب هو أولمبياكوس فولوس ، وهو صاعد حديثاً للدوري الممتاز اليوناني ، واسمه الكامل ( إيثينكوس أولمبياكوس فولوس إف سي ) ، ويعض المواقع تخلط بين هذين الناديين ، رغم أن الفرق بينهما كالفرق بين لازيـو و كروتوني مثلأً !


شـكــ وبارك الله فيك ـــرا لك ... لك مني أجمل تحية .

[Stankovic]

^^^

عدل كلامك وسيم .. لأني أعرف اغلب لاعبين أولمبياكوس ومافي ولا أسم من الأسماء الي أعرفاها كانت موجوده بالتشكيله :) وهذا الشي خلاني أشك بالموضوع وأعتقد أن فريقهم ( رديف وليس الفريق الأول )

[mauro zarate 10]

الدعوه واضحه من بدايتها الفريق يحبط

[The Game]

عشت يا منيف على التحديـث

هي مباراة وديـه و ريجا يجرب عل و عسى يفلح
ما تابعت المباراة لكن هدف واحد و المباراة الثانية ركلات جزاء

واضح ان الشق الهجومي في لاتسيـو فيه مشكلـة
و اتوقع الحل والله اعلم قدوم صانع الالعاب

[lazio2010]

شـكــ وبارك الله فيك ـــرا لك ... لك مني أجمل تحية .

[Ben Nasser]

ايه هذا اللي فالحين يفوزون عليهم بس

الله يستر من الموسم الجاي

حاس انه بيكون اسوء من اللي راح لو خلص هالميركاتو وحنا ماجلبنا لاعبين مثل العالم


وبالتوفيق لـ النسور :(

والله يعطيك العافيه

[J10]

يالربع مباراة ودية شفيكم تتكلمون جذي
مادري ليش تحسسوني انها مباراة بالدوري ولا نهائي دوري الابطال
كلها وديه
ماعرفنالكم
لمه الفريق يفوز بالوديات بأهداف كثيره قلتوا هذي وديه وماهو مستوى
ولمه يخسرون ولا يتعادلون قلتوا مستوى الفريق يخوف !!

[Stankovic]

^^^^

جاسر كلامك عين العقل .. لكن الشي الي يخوف هو أن الهجوم مايسجل .. وأغلب الأهداف الي سجلها اللاعبين هي من لاعبين الوسط والدفاع بإستثناء أهداف كوزاك وهدفين لزاراتي وأربع لروكي

أتوقع المهاجمين خايفين من الإصابات أكثر من حرصهم على تقديم مستوى جيد أمام المدرب

[طائر لازيو]

يالربع مباراة ودية شفيكم تتكلمون جذي
مادري ليش تحسسوني انها مباراة بالدوري ولا نهائي دوري الابطال
كلها وديه
ماعرفنالكم
لمه الفريق يفوز بالوديات بأهداف كثيره قلتوا هذي وديه وماهو مستوى
ولمه يخسرون ولا يتعادلون قلتوا مستوى الفريق يخوف !!



والله كلامك صح

وهذي كلها تجارب بس

[متيم لازيو]

يعطيك ربي الف عافية يا منيف قواك الله

مباراة للتجربة لا اقل ولا أكثر !

وبعدين ياجماعة وراكم شابين ع الهجوم ماهو هذا روكي مسجل ولا روكي طباخ الفريق !

ولا لين يسجل زاراتي تحسون أن الهجوم سجل :bleh:

[بو سلمان]

باالتوفيق ان شاءالله ..

و على قوله عواد هذا ريجا يجرب و لعل و عسى تفلح تجاربه ..

[M.zrate10]

شـكــ وبارك الله فيك ـــرا لك ... لك مني أجمل تحية .