مابعد مباريات اليوم

[8 zauri]

السلام عليكم ورحمة الله وبركاته ..

انتهت قبل قليل مباريات لاتسيو ضد لاتينا و سورا

لن أتكلم عن الدفاع لأنه لم يتلقى أي خطورة تذكر
ممكن لعبة واحدة من خطأ من دياز وبيرني أبعدها في الباراة الأولى

المباراة الأولى :
الوسط بروكي وماتوزاليم وأمامهم ماوري
الهجوم
يمين فوجيا ويسار زاراتي و كوزاك في الصندوق

اعتمد ريا على الأطراف وكان في لعبات من العمق لكن أغلبها مقطوعة لأن صانع اللعب هو ماوري
زاراتي افتقد للمساندة وتحرك بشل جيد فوجيا أيضا تحرك بشكل جيد
وصنعو لكوزاك كم عرضية حلوة شكلت خطورة

الهدف جاء من كرة عرضية من فوجيا لم يصلها كوزاك ووصلت لزاراتي سددها بشكل رائع بالمرمى

الوسط كان ضائع كالعادة والهجوم افتقد للمساندة وخصوصا زاراتي لأن فوجيا كان عنده ليشتاينر
لكن زاراتي ماكان عنده أحد

أفضل لاعب زاراتي ... والأسوأ زاوري اللي كان مختفي

المباراة الثانية
الوسط كان التاتا يمين و لديسما في النص وبريشيانو يسار وكوريا خلف المهاجمين
وروكي وزاراتي بالهجوم

المباراة هذي كان الوسط رائع ... هناك كور كثير وصلت للمهاجمين من العمق
والسبب برأيي ليس تمركز المهاجمين وانما من الوسط

طبعا وكالعادة لديسما كراته بالعمق مثل وجهه ويسمع بصناعة اللعب
لكن التاتا و بريشيانو و كوريا وحتى ودل نيرو عندما يتقدم لعبو كرات بينية رائعة
لروكي و فلوكاري وضيعو كم هجمة ...
أنا شخصيا تمنيت زاراتي يلعب المباراة هذي لأن الوسط كان أكثر من رائع
أفضل لاعب : بريشيانو
والأسوأ : سكالوني

وفي المباراة هذي الكور العرضية لم تشكل أي خطورة بعكس المباراة الأولى اللي كانت أغلب الكرات العرضية خطيرة بوجود كوزاك طبعا ...

الى الان لا التشكيلة ولا التكتيك ولا وضع الفريق واضح بالنسبة لي

لكن عندي سؤال سواء شاهدت المباراة والا لأ :
في المباراة الثانية كانت هناك هجمات من العمق و المهاجمين ضيعو أكثر من انفرادة
ماهو السبب
هل السبب هو أن فلوكاري وروكي يجيدون التمركز داخل المنطقة
أو أن السبب هو صناعة اللعب الرائعة من الوسط في هذي المباراة ..؟؟؟
أنا بصراحة أقول الوسط ...


وأتمنى لو ريا يحاول اشراك زاراتي مع فلوكاري ويجرب ... وننتظر تعليقاتكم

[J10]

وحش يا عمر
كأني شفت المباراة من شرحك
ناطرين ابو الهرانين يسنع وسطنا
انا اصلا ما اعترف بشي اسمه وديات ومايهمني مستوى الفريق بالوديات

[Stankovic]

الله يعطيك العافيه ياعمر وماقصرت
لغاية الحين ماني مقتنع بلاتسيو وخايف من مستواهم لانهم يحققون فوز سخيف على فريق هواة فكيف اذا لعبنا قدام فريق كبير
على العموم الشمس راح تبان على الحرامي ومن الصعب التقييم حاليا

عمر بما انك شفت المباراة .. شلون كان مستوى لاعب الوسط كوريا ؟خصوصا انه صانع العاب واكيد احسن من ماوري وممكن يكون بديل هيرنانيس

[lazio2010]

مشكور عزيزي ويعطيك الف عافية ..

اولا المباريات الودية مثل ما قالوا الاخوان ما هي مقياس ولكن هناك اخطاء في الفريق .. المباراة الاولى

كانت مملة بعكس المباراة الثانية اللي سيطر فيها لاتسيو وضيع اهداف كثيرة ..

سؤالك ليش الفريق يلعب بشكل مميز في المباراة الثانية لان اعتقد الخطة كانت الافضل وهي 4-3-1-2

اما الشوط الاول 4-3-3 والفريق ما يتحرك فيه الا كم لاعب بس والباقي يتفرج ..

عالعموم في المبارتين اللي شدني هو اللاعب كونزاليس بشكل كبير لاعب مميز واتمنى يكون عند المستوى

المامول ..

بالتوفيق للفريق وان شاء الله يكون الفريق جاهز لدوري لانه قرب ..

[8 zauri]

هلا يامنيف ...
شوف هو من ناحية أنه أحسن من ماوري فهو أحسن
تحركه كان حلو ... نشيط و خفيف و كراته الأرضية حلوة
بو سلمان يقول أنه ضيع فرص بالهبل ... أنا أقول ينفع بديل لهيرنانديز
وبوسلمان يقول يبيله وقت
باختصار :
أنا عجبني اللاعب بصراحة لكن ماينفع يكون أساسي يبيله وقت
واللي عجبني أكثر وان شاءالله ينجح معنا
التاتا ... كان رائع

[M.zrate10]

والله حلوه المباره الثانيه خصوصا الوسط لسه وانا اخوووك بقى كم مباراه كم الكالشيو بذن الله يستفيد ريا من اخطاؤه
واخطاء بعض لعيبته المعوقين الله يشفيهم وييطلق عوقهم :bleh: يااارب

ومشكور يا الغلا على مجهودك :air_kiss:

[Lazio Lover]

كفو والله ياعمر .. نقل اكثر من رائع لــ مجريات اللقاء .. يعطيك العافيه يابطل ..

لــ الاسف ماشفت المباريات .. لكن من الصوره الي اخذته من نقلك .. اشوف سبب تألق المهاجمين في المباراة الثانيه هو قوه خط الوسط .. الكل يعرف ماوري وعكه الكروي الجميل فــ بوجهه نظري هو كان سبب ضعف بناء الهجمات على عكس اللقاء الثاني بوجود برشيانو وليدزما ..

شـكــ وبارك الله فيك ـــرا لك ... لك مني أجمل تحية .

[The Game]

يعطيك العافية يا عمر

ولله ما شفت المباراة بس من النقل المباشر و تحليلك هنا حطيتنا بالصورة

بس الامر الغريب اللي التبس علي هو مدحـك لـ كوريا
بينما << حلوه بينما :bleh:

بينما بو سلمان على البلاك بيري يقول كوريا ما اخليه حمالي ماي بالاولومبيكو :bleh:

ما عرفنا الحين هو زين هالارجنتيني واللا شيـن


هي بالنسبـه لي وديـه لا تقدم و لا تأخر .. هي مجرد كشف للاخطاء و كشف لـ مكامن القوة

اعتقد ان القوة وضحـت بشكل كبيـر .. خط الوسط تسنـع بشكل ملحوظ هذا و توه هيرنانيس ما جانا
و القوة الثانيـه مسألة العمق الهجومي بـ تواجد كوزاك و ياليت هالتشيكي يبقى دام انه حل ناجح للكرات العاليـه

الحلو بالوديه هاذي ان زاراتي سجـل .. نبي ولدنا يرتاح شوي نفسياً شكله مضغوووط ع الآخر

و ألتاتا واضح انـه اخذ على الجو و بدء يتأقلم و ان شاء الله يواصل على نفس المستوى و افضل


بس جايني احساس غريب عجيـب .. صرت مرتاح من الفريق هجومياً و في خط الوسـط و صرت اخاف من الدفاع :aa_walen:
مع ان الدفاع كان افضل شي عندنا

مدري ليه احس مدافعيننا بـ ينكبونا هالموسم :(
يمكن هالاحساس اللي جايني بسبب هالكريباري اللي متأكد 100 % ان لعب بـ نخسر

[mauro zarate 10]

يعطيك الف عافية اخوي .. أعتقد ان الوسط في المباراة الثانية مناسب جدا
الهجوم لو يكون زاراتي و فلوكاري , أفضل ..

[حسين سهام]

الله يخليك اخي بالله عليك زراتي افضل لاعب والله ما ادري كيف اختاروه بالعكس فوجيا هو الافضل زراتي كانت الكور مقطوعة منه ولا مرلااوغه مثل الاعبين ولا تسديد مثل الناس وحتى كره الهدف ما ادري كيف دخلت لاعب اكلنا فية مقلب

[Foggia_17]

يعطيك العافية يا عمر

ما قصرت شرح كافي للمباراة

[Laz!o]

بصراحة بديت أتضايق من مباريات لاتسيو التحضيرية
الاندية الثانية تلعب مع فرق قوية و معروفة (حتى بولونيا تحضيره أفضل من ناحية نوعية المباريات) و لاتسيو
يلعب مع فرق هواة :icon28:

[Stankovic]

هلا يامنيف ...
شوف هو من ناحية أنه أحسن من ماوري فهو أحسن
تحركه كان حلو ... نشيط و خفيف و كراته الأرضية حلوة
بو سلمان يقول أنه ضيع فرص بالهبل ... أنا أقول ينفع بديل لهيرنانديز
وبوسلمان يقول يبيله وقت
باختصار :
أنا عجبني اللاعب بصراحة لكن ماينفع يكون أساسي يبيله وقت
واللي عجبني أكثر وان شاءالله ينجح معنا
التاتا ... كان رائع

تسلم حبيبي وماقصرت

والله من كلامك معناتها أن اللاعب يحتاج لفرصه وإن شاء الله ياخذها

قواك الله

[متيم لازيو]

ماني متحمس ابد لتحضير لاتسيو

لازلت عند رأيي أتمنى أن تكون هذه السنة الأخيرة في أرونزو !

نريد معسكر داخلي زينا زي كل الفرق ومن ثم مباريات قوية ضد اندية معروفه وقوية !!

[simone85]

:boredom: اهم شي تشكيلة اللي يلعب بها المدرب مب لازم مع اي فريق يلعبون

[بو سلمان]

يعطيك العافيه يا عمر .. شرح كافي و وافي

عن نفسي شفت المباره الثانيه او باالاحرى الشوط الثاني 45 دقيقه

بخصوص كوريا ..

لو لاحظتو في المباره لاتسيو ماسك الكوره و في مساحات كبيره في الملعب لضعف الخصم

لكن معدن لاعب الوسط راح يبين لين جاك فريق مسكر صح .. و شلون يسوي اسيست يضرب فيه دفاعات الخصم .. و هذا الشي يتميز فيه هيرنانيس كما لاحظنا في الساباولو ..

اذا هذى مستوى كوريا عن نفسي اقول البيع افضل .. لكن مثل ما قلنا 45 دقيقه ما تحكم حنا ما شفناه من قبل ..

بس الاعب وصل الـ 27 سنه لي متى يبي فرصه :aa_walen:

ريجا يبي يخفف الاعبين علشان يركز على مجموعه معينه .. و تقريبا ً باقي 10 لاعبين يبون يصرفونهم و ان شاءالله ينجحون في هذا الشي ..

بخصوص ضعف المعسكر التدريبي .. اتفق مع الاخوه و سولفت انا و عواد عن هذي النقطه ..

معسكر لاتسيو التحضيري للاسف ضعيف .. كان المفروض تلعب مع افرقه عاديه في معسكر ارينزو .. و في معسكر فيوجي المفروض تكون الافرقه اقوى شوي ..

تقريبا ً كل الانديه الكبيره و انديه الوسط في الكالشيو لعبوا مباريات قويه ..