لاتسيو 1-3 راسينغ

[Stankovic]

السلام عليكم ورحمة الله وبركاته


الشباب خسروا بالثلاثيه أما فريق من الفرق المتواضعه بالليجا

لغاية الحين لاتسيو مايفوز إلا على نفسه .. يعني في التقسيمات الي يسويها ريّا بين اللاعبين فقط

لعبنا مع أفشل الفرق وحققنا إنتصارات فاشله بهدف يتيم فقط أو لعبنا مع فرق أقل منا مستوى وفازوا علينا بالأثنين والثلاث ..

أعيد وأكرر .. مو معقوله اللاعبين مو منسجمين .. ومومعقوله ريّا لغاية الحين يفكر بالخطط خصوصاً بعد قرب الدوري ومو معقوله أن الفريق كله متوقف علشان هيرنانيس الي أكيد يبيله فتره على ما يتأقلم ومو معقوله هجومنا ضعيف لهذي الدرجه الي حتى بالوديات مايسجل

إذا بالفعل هذا مستوى الفريق فأنا أقولها وكلي فخر .. مشكور يالوتيتو سويت الي عليك لكن العيب طلع من اللاعبين المرض مو منك .

أنا أدري أن الكل بيقول هذي وديات وأنا معاه في هذا الشي .. لكن الي مو معقول أن الفريق ما حقق ولا فوز أمام فرق متواضعه أو حتى تعادل !! وفوق هذا كله أبي تفسير من المدرب هل اللاعبين خايفين من الإصابات ولا شنو !!

فرق العالم كلها قاعدين يلعبون وديات ويفوزون بنتايج كبيره فليش ما يخافون على لاعبينهم إذا لاعبينا يخافون على نفسهم من الإصابات

وكثرة اللاعبين بالفريق ماهو عذر لأن ريّا يعرف من اللاعبين الي راح يستمرون معانا الموسم الجاي

للأسف أقولها أن الفترة التحضيريه لهذا الموسم أسوء من الفترة التحضيريه لبالارديني والسبب واضح وهو أن لاتسيو قاعد يلعب مع فرق هواة وهذا الشي يخليهم يهبط مستواهم لأن فرق الهواة هي الي تستفيد من لاعبينا

والخسارة بالأولمبيكو في مباراة لتقديم بعض اللاعبين تحبط الجمهور أنه يحظر يتابع المباريات بالرغم أن الإشتراكات زادات أسعارها وهذا الشي راح يضيع الجماهير ويضيع الفريق


كلمه أخيره ... الله يستر من الجاااااي

[Laz!o]

للأسف مافي ولا قناة نقلت المباراة حتى السكاي
ما نقدر نعلق على مستوى الفريق لكن من خلال النتيجة ومع فريق يعتبر متواضع فهذا يخلف الكثير من الشكوك
حول مستوى الفريق

ومثل ما قال أخوي منيف :

الله يستر من الجاي

[الكبيتانو روكي]

صراحه النتيجه تخوف خصوصاً زي ماذكرت أنها من فريق متواضع الله يستر على الفريق بس وياقلبي لاتحزن
شـكــ وبارك الله فيك ـــرا لك ... لك مني أجمل تحية .

[mauro zarate 10]

والقادم أتعس

[Dr.Madani]

اتعس و اتعس

اتمنى انه المشكلة تكون بسبب التشكيلة

[الجنرال فيرون]

صحيح والله الله يستر من الجاي

[lazioblood]

شباب طولو بالكم

هي بس مباراة ودية
و لا تستحق كل هذا التخوف و التشاؤم

بعدين الفريق لا يفتقد فقط لهيرنانيس ...
الفريق يفتقد للختشتاينر و رادو و موسليرا و هيرنانيس
و أنا متأكد لو رادو و الليخت و موسليرا موجودين كان في غولين ما دخلوا...

بالإضافة أن رياجرب ٢٣ لاعب
و الخطة اللي بدأ فيها بالدفاع كانت تقريبا دفاع الدكة
و ليس الأساسي لسبب لا أفهمه إلى الآن....


صحيح النتيجة غير مرضية للجماهير
لكن تبقى مباراة تجريبية ... يعني المان سيتي مبارياته التجريبية زفت
مع أن إدارة السيتي أكتر إدارة صرفت نقود بكل العالم ....
لكن نتائج الإستعدادات سيئة....


المهم من النتيجة و من المباراة أن يكتمل الميركاتو الآن
و يتم تصريف اللاعبين الزائدين
كريباري و بعد صيحات الإستهجان من الكورفا نورد فإن بقاءه مسألة وقت
لكن يجب علينا بيع لاعبين أكثر سكالوني و فيرماني و كوريا و الشلة اللي نعيد أسماءها كل يوم....
بالإضافة لتأقلم اللاعبين الجدد مع المجموعة القديمة
بريشيانو و غونزاليز و غاريدو و هيرنانيس و أي لاعب سيصل فيما بعد بما تبقى من الميركاتو
خصوصا أن الصفقات الجديدة كلها بأماكن حساسة
و بأدوار أولية و مهمة كصناعة اللعب و خلافة كولاروف على الجهة اليسرى..

بعدين لازم ريا يثبت على بر
يا ٣ مدافعين
يا أربعة
أنا أشوف خلينا على ٣ مدافعين أفضل
الللاعبين أخدوا عليها بالذات رادو و دياس
و حتى ليخت بالظهير الأيمن أبدع بها....

و إذا كان ريا يريد تواجد صانع ألعاب خلف مهاجمين
فيلعب ٣-٤-١-٢
بهذه الحالة يحافظ على توازن المنطقة الخلفية
و يزج بهيرنانيس خلف فلوكاري و زاراتي...

لأن طقم الدفاع لعب لأكثر من ٦ شهور بطريقة الثلاثي
أرى من المخاطرة أن نحول الآن إلى ٤ مدافعين
قبل بداية الدوري بأسبوعيين..

[MaTaDoOr]

ياجماعه بالاخير مباراة وديه .. الخساره فيها افضل من الفوز قبل بدء الدوري عشان يعرف ريا اين الخطأ ومايكرر الخطـأ .. شنو الفايده اذا نفوز نفوز حتى لو على فرق عاديه او ضعيفه ولما يبدا الجد والمباريات القويه نخسر ؟

اسبانيا بطل كاس العالم قبل المونديال لعبت امام السعوديه وفازت باخر دقيقه ..

ومثل ماقلت " هذي اسوء تحضير حتى اسوء من ايام بالارديني " .. بالاخير لما يفوز بالارديني بالوديات شنو استفدنا وقت الجد ومع بدايه الدوري والدوري الاوروبي والكاس ؟ كلهم نتائج مخيبه ..



الفريق كله متوقف علشان هيرنانيس الي أكيد يبيله فتره على ما يتأقلم ومو معقوله هجومنا ضعيف لهذي الدرجه الي حتى بالوديات مايسجل


ليلحين ماندري منو اللي شارك ومنو لا .. عشان نقدر نقيم .. اللي اعرفه من صاحبي ان كريباري كان اساسي .. يعني ريجا قاعد يجرب .. وهذي فرصه له لان المباراة تعتبر الاقوى .. فيجرب الاعبين قبل البدء بالدوري وعنده مباراة اخيره بعد امام ليفانتي .. وحتى هيرنانيس راح يكون اضافه قويه للفريق .. وبالنسبه للهجوم .. فـ ريجا طلب بمهاجم وليلحين لم يأتي .. ! يعني حتى ريجا يدري انه فيه خلل بالهجوم ..

لاتعميكم صفقه هيرنانيز ان لوتيتو سوى اللي عليه وخلاص.. ريجا ايضا يطالب بمهاجم .. وحل مشكله لديسما .. ولوتيتو ليلحين ماشترى مهاجم ولا حل مشكله لديسما ..


مشكور يالوتيتو سويت الي عليك لكن العيب طلع من اللاعبين المرض مو منك .



والاعبين منو اللي جايبهم مو لوتيتو ؟؟ يمكن الحين فقط اللي ريجا حدد الاعبين اللي يبيهم بكل مركز ..


فرق العالم كلها قاعدين يلعبون وديات ويفوزون بنتايج كبيره فليش ما يخافون على لاعبينهم إذا لاعبينا يخافون على نفسهم من الإصابات

منو يقول ؟؟ تشلسي بطل الدوري الانجليزي قاعد يخسر بالوديات .. وخسر من فريق درجه ثالثه 5-0 ..

الانتر بطل الثلاثيه .. خسر بامريكا من باناثينايكوس 3-2 .. تعادل مع دالاس 2-2 .. ولازال بينيتز يجرب بالاعبين ويشرك اغلب الاعبين الاحتياط ..

مان سيتي رغم التعزيزات الكبيره يخسر بالوديات امام الانتر 3 .. وخسر من فريق درجه ثالثه 2-1 .. وفريق اخر تعادل معاه ..


يعني مو مقياس الوديات .. اهم شي الاستفاده منها .. ريجا لما يخسر يتعلم من الاخطاء ويجرب الاعبين ويعرف وين الخلل .. افضل من الفوز بالسته او السبعه .. ووقت الجد نخسر !

[sas]

ريا اصلا انا مو مقتنع فيه ان شاء الله يتحسن المستوى مع اكتمال الميركاتو وبالتوفيق للفريق

[The Game]

اتفق مع اخواني ماتادور و وائل

المباراة تعتبر وديـه .. و ريجا قاعد يواصل تجاربـه
مع اني اتوقع بـ نهاية الامر راج يرجع على 3\5\2 و بـ نفس الاسماء المعروفه للتشكيل الاساسي

يعني التشكيلة اللي لعبت بالشوط الاول

بيتزاري

ديل نيرو .. كريباري .. دياس .. زاوري

بريشيانو .. ليديسما .. بروكي

ماوري

زاراتي .. فلوكاري



الخط الخلفي كلـه الله بالخير ما عدا دياس

خط الوسط ريجا قاعد يجرب بريشيانو كـ محور و مخلي ماوري كـ صانع لعب و المفروض يصير العكس

خط الهجوم ريجا قاعد يحاول يجرب زاراتي و فلوكاري مع بعض و من جديد


الى الآن ما بيـّن شي و الخسارة بالوديات امر طبيعي و عادي

و حنا ما عندنا غير الدوري و الكاس يعني اندية الكالتشيو عارفينها عدل و عارفين قوتها ونقاط ضعفها


واذا ماني غلطان باقي 3 وديات بعد قدام ليفانتي و ممكن ديبورتيفو لا كارونيو و ممكن اسكولي

[Foggia_17]

شـكــ وبارك الله فيك ـــرا لك ... لك مني أجمل تحية .


كلمه أخيره ... الله يستر من الجاااااي


و كفى

[متيم لازيو]

والله كلام منيف فيه من الصحة وله حق يتخوف وكلام الشباب للرد عليه فيه من الصحة الكثير !

صحيح لساتنا في الوديات ونخسر بالوديات أفضل ونشوف الأخطاء وماهو مقياس وتجريب وكل شيء !

كل هذا أنا مؤمن فيه إلا شيء واحد !

من شاف صورة ريا وخيبة الأمل اللي تكلم عنها الإعلاميين يعرف أن لاتسيو في مأزق !

ريا فقد الثقة في التشكيلة اللي عنده بالأخص الإحتياطية !

يعني بالعربي ريا بيعول على التشكيل الاساسي وإن ماكان في يومه وخربط تراه مايملك حلول !

هذا اللي حسيته من صورته بعد المباراة ومن كلام الإعلام والتصاريح !

[Stankovic]

ياجماعه بالاخير مباراة وديه .. الخساره فيها افضل من الفوز قبل بدء الدوري عشان يعرف ريا اين الخطأ ومايكرر الخطـأ .. شنو الفايده اذا نفوز نفوز حتى لو على فرق عاديه او ضعيفه ولما يبدا الجد والمباريات القويه نخسر ؟

اسبانيا بطل كاس العالم قبل المونديال لعبت امام السعوديه وفازت باخر دقيقه ..

ومثل ماقلت " هذي اسوء تحضير حتى اسوء من ايام بالارديني " .. بالاخير لما يفوز بالارديني بالوديات شنو استفدنا وقت الجد ومع بدايه الدوري والدوري الاوروبي والكاس ؟ كلهم نتائج مخيبه ..




ليلحين ماندري منو اللي شارك ومنو لا .. عشان نقدر نقيم .. اللي اعرفه من صاحبي ان كريباري كان اساسي .. يعني ريجا قاعد يجرب .. وهذي فرصه له لان المباراة تعتبر الاقوى .. فيجرب الاعبين قبل البدء بالدوري وعنده مباراة اخيره بعد امام ليفانتي .. وحتى هيرنانيس راح يكون اضافه قويه للفريق .. وبالنسبه للهجوم .. فـ ريجا طلب بمهاجم وليلحين لم يأتي .. ! يعني حتى ريجا يدري انه فيه خلل بالهجوم ..

لاتعميكم صفقه هيرنانيز ان لوتيتو سوى اللي عليه وخلاص.. ريجا ايضا يطالب بمهاجم .. وحل مشكله لديسما .. ولوتيتو ليلحين ماشترى مهاجم ولا حل مشكله لديسما ..



والاعبين منو اللي جايبهم مو لوتيتو ؟؟ يمكن الحين فقط اللي ريجا حدد الاعبين اللي يبيهم بكل مركز ..




منو يقول ؟؟ تشلسي بطل الدوري الانجليزي قاعد يخسر بالوديات .. وخسر من فريق درجه ثالثه 5-0 ..

الانتر بطل الثلاثيه .. خسر بامريكا من باناثينايكوس 3-2 .. تعادل مع دالاس 2-2 .. ولازال بينيتز يجرب بالاعبين ويشرك اغلب الاعبين الاحتياط ..

مان سيتي رغم التعزيزات الكبيره يخسر بالوديات امام الانتر 3 .. وخسر من فريق درجه ثالثه 2-1 .. وفريق اخر تعادل معاه ..


يعني مو مقياس الوديات .. اهم شي الاستفاده منها .. ريجا لما يخسر يتعلم من الاخطاء ويجرب الاعبين ويعرف وين الخلل .. افضل من الفوز بالسته او السبعه .. ووقت الجد نخسر !



أنا معاك في كل كلمه قلتها .. لكن خلنا نحسبها مع بعض

تشلسي ومانشستر سيتي على الأقل لعبوا مع فرق محترفين مو هواة

ثانياً تشيلسي ومانشستر سيتي في أغلب مبارياتهم مدربينهم قاعدين يجربون لاعبين شباب وأنت شفت بعينك هالشي لان أنشيلوتي ومانشيني قاعدين يستكشفون لاعبين مميزين بشباب الفريق

أما ريّا ما أستخدم ولا شاب بإستثناء كوزاك وبيربيتيوني الي أثنينهم ممكن ينتقلون .. وكافاندا وباريتو رجعوا لفريق البيريمافيرا

قصدي من هالكلام ان لاتسيو لعب مع فرق أضغف منه مستوى بكثير ( هووووااااااة ) أغلبهم شياب وكروشهم واصله للأرض فشلون تبي تقيم لاعبينك إذا كان هذا خصمك ؟

وبالنسبة لكلامك عن لوتيتو فريّا قاله من أول الموسم شنو أهدافه وأغلب صقفات لوتيتو كانت بخط الوسط بإستثناء غاريدو وشراء فلوكاري + حالياً قاعد يجري مفاوضات التعاقد مع مهاجم ولاعب وسط أخر يعني تقريباً لوتيتو وفى بوعده بنسبة 85 %

أشكر مرورك الرائع

[Lazio Lover]

للأسف مافي ولا قناة نقلت المباراة حتى السكاي
ما نقدر نعلق على مستوى الفريق لكن من خلال النتيجة ومع فريق يعتبر متواضع فهذا يخلف الكثير من الشكوك
حول مستوى الفريق

ومثل ما قال أخوي منيف :

الله يستر من الجاي

شـكــ وبارك الله فيك ـــرا لك ... لك مني أجمل تحية .

[lazio2010]

مباريات الودية ما هي مقياس ..

لكن اقول لريا ان الجمهور ما راح ترحمك في حال عدم تحقيق نتايج مميزة للفريق ..

[بو سلمان]

صحيح مباره وديه و ريجا جرب الاغلبيه من الاحتياط

بس انا خوفي من تكتيك ريجا بصراحه .. هو مدرب حماسي اكثر من كونه تكتيكي على عكس بلارديني باالظبط

بارد لكنه صارم باالتكتيك .. و حنا بصراحه ابتلشنا فيهم الاثنين ..

كنا من الصيف الماضي مدرب قدير ضمن الامكانيات .. يعني ما يجيب لك دوري بس يخليك تنافس ..

مثل رانيري , سباليتي , او اقلها ميها ..

عموما ً الاغلاط اللحين اهون من بدايه الموسم .. ان شاءالله ريجا يجد الحل المناسب قبل بدايه الموسم ..

[امــيــر الــذوقــ]

خلوه يجرب ويلخبط على كيفه لين يرسى على الخطة والتشكيلة المثالية

تذكرون الدلخ بالرديني كان يجرب خطط ولاعبين في مباريات الدوري وهذا الي خلى الفريق ينهار

[amerashka]

يا حليل ديليو روسي

[M.zrate10]

والله حقيقه مستوى فاشل في كل المبارياة الوديه الي لعبنعا استعداد ما يبشر بحير حقيقه:chair: