الى قتاة الجزيره الرياضيه

[MaTaDoOr]

السلام عليكم

كما تعلمون .. بدايه سيئه من قناة الجزيره الرياضيه .. !

لن تنقل مباراة مهمه كمبارا لاتسيو وسامبدوريا .

لماذا ؟

الصراحه انا شخصيا ماعرف السبب ..

فيه اكثر من 10 قنوات للجزيره ..

وفترة مباراة لاتسيو وسامبدوريا ..

راح ينقلون مباراة للبرسا الساعه 8 بتوقيت مكه المكرمه . ومباراة مدريد الساعه 10 ..

هذي قناتين بالدوري الاسباني ..

باقي 8 قنوات ..

راح ينقلون مباراة الميلان ..ومباراة اليوفنتس .. بنفس توقيت مباراة لاتسيو ..

يعني باقي 6 قنوات ..

ليش ماينقلون مباراة لاتسيو . ؟؟

ليش شارين حقوق الدوري الاسباني والايطالي ودوري الابطال .. دام انكم غير قادرين على نقل اهم واغلب المباريات ؟


الدوري الانجليزي جميع المباريات تنقل .. حتى مباريات المركز الاخير مع قبل الاخير !! مع ابوظبي حاليا .. والشوتايم سابقا ..


انا ارسلت ايميل لقنوات الجزيرة .. وان شاء الله نشوفكم ترسلون لهم ايميلات ..

لكن السؤال الاهم ..

من هو الذي يبيع حقوق الدوري الايطالي لقنوات الجزيرة ؟

ابي اعرف هل سكاي كالتشيو .. والا الاتحاد الايطالي .. والا منو .؟؟

لان برسل لهم ايميل شكوى على هذا الموضوع ..

سكتنا وايييد .. لكن ماراح اسكت اكثر ..

قناة الجزيرة ممكن انها تهمل الايميل وماترد علي .. لكن اذا تم الشكوى للشخص المسؤول ويدرون ان فيه تقصير من الجزيرة .. ممكن يسون شي ..

شكرا

[بو سلمان]

يا شباب تأكدو لنا من مصدر الدوري الايطالي .. اعتقد انه السكاي سبورت الايطاليه ..

خل نسوي لهم رساله يكتبها لنا احد الاخوان بااللغه العربيه + الايطاليه + الانجلينزيه و نسوي لها كوبي بيست و نرسلها على عنوان الشكاوي للسكاي

والله فكره حلوه ترى ..

العرب ما منهم فود من يوم خذوا منهم الاندلس و هم في ذل

يمكن ذا السكاي تطلع اخير من الجزيره و تلعن و الدينهم المروحين

[The Game]

ولله انا معكم بعـد
زهقنا من هالوضع الغثيث

لا و القهر يحطون لك مباراة على بلس3 بالانجليزي و نفس المباراة تلقاها على بلس5 او 6 !!

[Lazio Lover]

يا شباب تأكدو لنا من مصدر الدوري الايطالي .. اعتقد انه السكاي سبورت الايطاليه ..

خل نسوي لهم رساله يكتبها لنا احد الاخوان بااللغه العربيه + الايطاليه + الانجلينزيه و نسوي لها كوبي بيست و نرسلها على عنوان الشكاوي للسكاي

والله فكره حلوه ترى ..

العرب ما منهم فود من يوم خذوا منهم الاندلس و هم في ذل

يمكن ذا السكاي تطلع اخير من الجزيره و تلعن و الدينهم المروحين

يله يا شباب اتفقو على صيغه لــ الرساله بــ الاول .. والترجمه الانجليزيه كافيه ماهو لازم ايطالي .. حتى ما نصعب الامر علينا ..

[بو سلمان]

^ ^ ^

ابو بدر الطليان عندهم اهم شي لغتهم نفس الالمان ترى ..

هي عربي + ايطالي و اذا حبيتوا ايطالي بس مش مشكله

بس المشكله وين نلاقي واحد من الشباب معنا في المنتدى فلته في الايطالي ؟؟

الاخوه من ليبيا يمكن يفيدونا يتكلمون ايطالي بطلاقه ..

[The Game]

^
^

سالـم يعرف ايطالي .. خلنا ندبسـه يكتب لنا الرسالـه

[Stankovic]

قلت لكم في موضوع سابق .. لازم نراسل المسؤول عن الدوري الإيطالي ( الي يبيعه للجزيره )

لأن هذا الشي سواه أخوي مع ربعه ( عشاق بايرن ميونخ ) مع قناة دبي الرياضيه وهذا الشي جاب نتيجه معاهم وجاء وفد من ألمانيا علشان هذا الشي

معاااااكم وبقوه بعد وعلى قولة عواد أدبسوا سالم باللغه الإيطاليه .. :) بس لازم يكون في كتاب إنجليزي بعد

[امــيــر الــذوقــ]

اخوي مع احترامي هناك خطاء في العنوان اتمنى التعديل الى

الى قناة الجعيرة
او
الى قناة الحظيرة

والافضل الى قناة الخنزيرة

[LazialeForever]

Thank you for taking action, I emailed Al Jazeera Sports too and in case you want it in Italian, send it to me, I will translate it.

Hello,

I don't understand the fact that you have 10 channels, and you won't broadcast Lazio-Sampdoria.

I understand there are other matches going on, but you have many Channels such as Al Jazeera +6 and Al Jazeera +5 and +8, +9, +10 who are not showing any live game at that moment !!!

I don't get why Lazio is not rated as important when you choose games to broadcast, the team has a very big fan base in the Arab world and the International world too. Much bigger than Fiorentina and Napoli, a match which you chose to broadcast.

We do hope you give Lazio fans justice and broadcast the games !

Regards,

[LazialeForever]

And to add a note, it is not Sky to blame, because Sky Calcio 3 is broadcasting Lazio sampdoria, it is al jazeera

[لازيو_فيرون]

شباب لازم الموضوع يكون جدى زياده اتمنى الاخوه الاقدم منا والاعرف يتولون هالموضوع ماعليهم امر ويوصل صوتنا لى القناة الرئيسيه لان فعلا الموضوع زاد عن حده ومصختها الجزيره التعبانه كرهت هالقناة كره مو طبيعى واتمنى نتخلص منها حق ابو ظبى او اى قناة ثانيه

[LazialeForever]

Guys a friend told me in Finland that they called their station which was broadcasting Fiorentina Napoli and after some few calls they changed to Lazio Sampdoria.

Let us do some calls to Al Jazeera

http://www.aljazeerasport.net/contactus/

[LazialeForever]

I called the call Center and complained, I urge you all to do the same !

[mauro zarate 10]

عطونا بريد السكاي عشان نرسلهم كلنا ...
ونوضح لهم ان هالرسالة من موقع لاتسيو العربي
واننا متضررين من القناة اللي بعتوا لها الحقوق !!!

[fioreto]

تخيلوا يا شباب انه +6 ناقله مباراة الاتفاق والفيصلي من الدوري السعودي
الفيصلي فريق توه طالع للدوري الممتاز

[lazioblood]

يعطيكم العافية شباب

أنا من الصبح أحاول النحدث مع مكتب الجزبرة
لكن الخط ما يعلق :icon28::icon28::icon28:


فكونا من الجزبرة
وخلونا تبعث الرسالة للسكاي

ما في حل تاني

[LazialeForever]

lazioblood call the call center of Jazeera, they will answer, the number for the office is not working but the call center is working

[بو سلمان]

LazialeForever

حياك الله اخوي ..

الموسم الماضي اتصلنا ولا فوق مليون مره .. و حتى صاروا عارفين رقمي لووووووووووووووول

و حتى مره اتصلوا علي يقولون لي ان مباره لاتسيو معاده في اليوم الفلاني !!! لووول

كل مره نفس الكلام .. شكوتك راح توصل للاداره ولا في فايده ..

ارسلنا و اتصلنا ولا في فايده ابد ..

الحل الوحيد هو الاتصال في مصدر الدوري الايطالي و نقدم شكوه جماعيه لا تقل عن 2000 ايميل تقريبا ً ..

[MaTaDoOr]

مشكورين على التفاعل ..

نبي تطبيق ياجماعه .. مانبي نتكلم وننسى الموضوع بعدين ويروح .. بدون فايده ..


لاتسيو فور يفير ماقصر بالرساله ...


نبي ندزها بعد حق سكاي سبورت ..

اللي عنده ايميلهم يرسله ..

الحين راح ابحث عنه بقوقل

نبي نرسله للجزيره وسكاي سبورت وسكاي كالتشيو

[كاسترومان]

الجزيرة توهقت يوم اخذت حقوق الدوري السعودي

لأن اول شرط للاتحاد السعودي ان تكون جميع المباريات منقوله مباشرة

واليوم فيه ٥ مباريات للدوري السعودي وكلها في نفس وقت مبارة لاتسيو

قلناها من قبل اذا الجزيرة مو قد خمس بطولات اتركوها وريحونا :icon28::icon28::icon28:

[MaTaDoOr]

دخلت موقع السكاي سبورت .. ونزلت تحت contact us وارسلت لهم ايميل طويل .. لكن لا اعلم هل اللي ارسلته له علاقه او لا .. وقلت بالبدايه ارجو ان الرساله تذهب للشخص المسؤول عن شكوتي .. وناطر منهم الرد

واذا ردو علي وفيه شي ايجابي بحطه لكم عشان ترسلون لهم على العنوان الصحيح

[M.zrate10]

والله قهر هالموضوع ماينسكت عليبه :icon28::icon28::icon28:

[واحد من الناس]

شباب اليد الواحده ما تصفق

انا معاكم جهزوا الرساله

واعطونا الايميل

[بو سلمان]

اخونا سالم بعد ارسل رساله

ننتظر منه عنوان الايميل و الرساله بعد علشان نرسلها كلنا مره وحده :222:

وان شاءالله كل جماهير لاتسيو في الوطن العربي يرسلون سواء اللي عندنا في المنتدى او اللي في الصحف او المواقع الثانيه ..

ننتظر الاخوان و ان شاءالله بنشن حرب بسوووووس جديده على الجزيره :aa_yuck: بمساعده الفرنج السكاي لووول :11istling:

[nesta]

حسب ماسمعت ان اللي تبيع الحقوق للسكاي وللجزيرة هي قناةespn

[MaTaDoOr]

دزيت رساله طويله للسكاي .. وردو علي ان مو احنا اللي عندنا حقوق الدوري الايطالي .. وقال ان قناة espn اهيا اللي عندها الحقوق

[متيم لازيو]

يعطيك العافية يا ماتادور

وراهم وراهم دزو مسج حق espn

لا نتنازل اللي يعرف اميل هالقناة يسدحه لنا هنا !

وياليت ترتبون لنا مسج بالإنجليزي ونرسله كلنا !

[mauro zarate 10]

جيبوا ايميل espn وعطونا الرسالة بالانجليزي

[بو سلمان]

ماقصرت اخوي ماتدور

لو تخلون الرساله و العنوان علشان نرسلها كلنا ..

[زيـزوم]

تعبونا معهم ، متوقع ماينقلون المباراة القادمة أمام بولونيا ، يعني سامبدوريا ولاتسيو مانقلوها تبونهم ينقلون لاتسيو وسامبدوريا ؟!
حضروا لنا رسالة مضبوطة وأنا إن شاء الله أبرسلها لهم من كل إيميلاتي .