المساعد الشخصي الرقمي

مشاهدة النسخة كاملة : أبرز لاعبين الفرق الهابطه للسيريا بي


Stankovic
05-16-2011, 11:13 AM
السلام عليكم ورحمة الله وبركاته


حبيت أفتح موضوع نتناقش فيه عن أهم أبرز اللاعبين بالفرق الي نزلت للدرجه الثانيه وهي سامبدوريا وبيريشيا وباري

في لاعبين بهذي الفرق قادره أنها تفيد لاتسيو بشكل كبير سواء كلاعبين أساسيين أو على دكة الأحتياط .

وأعتقد أن التعامل مع هذي الفرق اسهل من التعامل مع الأندية الأجنبيه والمحليه الأخرى ( الي ضمنت البقاء ) لأن لاعبين الفرق الي هبطوا للسيريا بي أكيد يبون ينتقلون + الإدارة تبي الفلوس للتخلص منهم


نبدأ بسامبدوريا



http://bestsoccertattoos.com/wp-content/uploads/2011/02/Angelo-Palombo-Tattoos1.jpg


بكل تأكيد أحد أهم اللاعبين بهذا النادي هو أنجيلو بالومبو لاعب دولي إيطالي وعمره 28 سنه وعنده خبره ميدانية كبيره .. هذا اللاعب ممكن يفيد لاتسيو من عدة نواحي خصوصاً إذا لعبنا بطريقة الإرتكاز الثلاثي لكن أكيد في أندية كبيره تبي تضم بالومبو مثل الإنتر وميلان واليوفي وروما ولا ننسى الفيولا خصوصاً وأن بالومبو من أبناء مدينة فلورنسا وكان مع فريق بريمافيرا فيورنتنيا ويمكن يرجع لهم مره ثانية .



http://img.uefa.com/imgml/TP/players/14/2011/324x324/98894.jpg


الجناح الأيمن دانييل مانيني .. لاتسيو يحتاج لجناح أيمن خصوصاً وأن ريّا يستخدم مهاجمين بهذا المركز ، مانيني عنده مواصفات هجوميه ممتازه ويقدر يفيد لاتسيو وفوق هذا كله ريّا يعرف لهذا اللاعب لأنه كان أساسي معاه في نابولي وتألق بشكل كبير .


http://news.dipag.com/pictures/lowres/20100826/Stefano-Guberti-0000035774.jpg



بكل تأكيد النجم إستيفانو جوبيرتي ، بصراحه هذا اللاعب مو طبيعي ونجم لا يُعلى عليه ، صحيح أنه لعب بروما لكنه ما طول عندهم فقط ستة أشهر وطلع من فريق الميردا عن طريق الخلافات وهو حالياً مملوك من سامبدوريا ، جوبيرتي يقدر يلعب بالجناحين الأيمن والأيسر ومهاجم ثاني وبصراحه أشوفه اللاعب المثالي الأول الي بإمكانه اللعب مع لاتسيو ويعطينا حلول كثيره في أكثر من مركز وأكيد راح يغطي على أي مهاجم بفريقنا في حال تعرض للإصابه أو الإيقاف .


http://news.dipag.com/pictures/lowres/20100826/Daniele-Gastaldello-0000035772.jpg


بالدفاع دانييلي جاستانديللو .. مدافع دولي إيطالي لغاية هذي اللحظه ، صحيح أن مدافعينا أفضل من عنده لكنه خيار ممتاز لتعزيز دكة الأحتياط وأكيد هالمدافع عنده خبره ميدانية وعمره 28 سنه ووجوده للاتسيو أفضل من أننا نجيب مدافع شاب من فريق أرجنتيني أو غيره .


http://totalfootballmadness.com/wp-content/uploads/2010/05/Reto-Ziegler.jpg


بكل تأكيد ريتو زيغلر الكل يعرفه والكل يعرف أخباره أنه قريب من لاتسيو لكن أخر الأخبار تقول أنه راح يروح لليوفي لأن ماروتا تدخل بالموضوع لكن ننتظر الأخبار بالأيام الجايه تحدد لنا مصير هاللاعب .


http://www.fcinternews.eu/wp-content/uploads/2011/02/Poli.jpg


أندريا بولي .. لاعب وسط إرتكاز ، مميز بمعنى الكلمه ومن أفضل اللاعبين الشباب بالدوري الإيطالي وأسلوبه مشابه لأسلوب لعب لاتسيو لكن هذا اللاعب أتوقع سعره غالي بسبب أداءه المميز وأكيد راح ينحصر أمر إنتقاله لأندية الشمال .

في بعد كم لاعب جيد ممكن يفيد لاتسيو خصوصاً وأنهم شباب مثل الإيطالي دويسنا والمجري كومان ولا ننسى الحارس كورتشي ( الرومانيستا ) الي أستبعد إنتقاله للاتسيو .

-


بيريشيا



http://www4.pictures.zimbio.com/gi/Citazins+Martins+Eder+Brescia+Calcio+v+Genoa+96_ed BWDGXAl.jpg


الكل يعرف هذا المهاجم ويعرف إمكانياته العاليه والمميزه والكل يعرف أنه كان قريب من لاتسيو لكن إدارة إمبولي طلبت مبلغ كبير ولوتيتو تجاهله ، إيدر لاعب مميز ومراوغ ممتاز وفي بعض الأحيان أشوفه أفضل حتى من زاراتي لأنه يلعب بأسلوب جماعي وتهمه مصلحة الفريق فوق المصلحه الشخصيه بالإضافه لهذا فهو هداف جيد وأكيد لاتسيو أيضاً يحتاج لاعبين مثله .


http://www4.pictures.zimbio.com/gi/Alessandro+Diamanti+AC+Chievo+Verona+v+Brescia+9OB oimwhZD0l.jpg


أليساندرو ديامانتي مهاجم بيريشيا من أفضل اللاعبين بالدوري الإيطالي تسديداً للركلات الثابته + لاعب مهاري ومميز وشكل خطوره ضد كل الفرق الي لعب ضدها .. مهاراته العاليه خلته يلعب حتى بمركز صانع الألعاب ، بكل إختصار ديامانتي لاعب غني عن التعريف .


http://news.dipag.com/pictures/lowres/20101019/Andrea-Caracciolo--0000036588.jpg


ينفع يكون مهاجم بديل صحيح أنه مهاجم بيريشيا الأول لكن نوعية كاراتشيلو ما تنجح مع الفرق الكبيره .

-

بــاري



http://www.calciomio.fr/photos/joueurs/635-Jean-Fran%C3%A7oisGillet.jpg


الحارس البلجيكي جان فرانسوا جيليه ، الموسم الماضي تم إختياره من أفضل حراس الكالتشيو أما بهذا الموسم بالرغم من تألقه إلا أن فريقه خذله .. جيليه حارس جيد وينفع يكون بديل ممتاز لموسليرا خصوصاً وأن بيرني أحتمال كبير يروح لنابولي ... شخصياً أتمنى التوقيع مع هذا الحارس بالرغم من أن عمره 31 سنه لأن الحراس قادرين على العطاء بأي عمر وأكبر مثال الجد بالوتا :) .

http://www.calcioline.com/wp-content/uploads/2011/02/romero-bari.jpg


جايمي روميرو لاعب وسط فريق باري ، هذا الجناح مميز وعمره 21 سنه لكنه معار من أودينيزي وتم التعاقد معاه من نادي الباسيتي .. مهاراته الفرديه عاليه لكن أكيد راح يرجع لفريقه الأصلي .


http://profile.ak.fbcdn.net/hprofile-ak-snc4/41607_50065697204_8531_n.jpg


إيمانويل بينتو ريفاس .. جناح جيد وهو أرجنتيني وقادر على صنع الفارق لكن بهذا الموسم تراجع مستواه بشكل كبير وأصبح لاعب أحتياطي لكن يبقى من أهم لاعبين باري

http://www4.pictures.zimbio.com/gi/Bari+v+Cagliari+Calcio+Serie+W2pkHnm9qNsl.jpg


إيدجار ألفاريز .. الكل عارف إمكانياته وهو رومانيستا سابق لكن ما لعب مع روما نظراً لكثرة إعاراته

-



بالنهاية .. المحصله النهائيه لأفضل ميركاتو محتمل للاتسيو من خلال الفرق الهابطه للسيريا بي بكل تأكيد لاعبين نادي سامبدوريا لأنهم الأفضل وفوق هذا لاعبين سامبدوريا كاملين وجاهزين من ناحية المشاركات الأوروبية وعندهم خبره أكثر وأغلبهم لاعبين دوليين ، والي مايميز لاعبين سامبدوريا أكثر أنهم كلهم إيطاليين ولاتسيو يفتقد للاعب الإيطالي .

بالنسبة لي أفضل وجود أسماء .. جوبيرتي وبولي وإيدير أو ديامانتي والحارس جيليه بلاتسيو


تـــشـــاو

The Game
05-16-2011, 02:19 PM
قواك الله يا منيـف
فكرة حلوه و موضوع حلو

كل الاسماء اللي طرحت مميزين بصراحة

روميرو الوحيد اللي ما اعرفـه
و بالنسبة لـ ريفاس بدع موسم واحد و بعدها اختفى

سامبدوريا هو اللي بـ يكون سوق لـ كافة الانديـة
لأنه يمتلك لاعبين ممتازين جداً جداً

انا اتوقع ان مانيني راح يجينا
لأنه اكيد راح يطلب الانتقال و يمكن ريجا يطلبه لأنه دربه قبل في نابولي و كان يعتمد عليه كثير
سواء بالطرف الايمن او الايسـر

\
\
\

عن نفسي اتمنى يجينا ديامانتي .. هاللاعب خراااافي بصراحـة
و يقدر يلعب على الاجنحـه و خلف المهاجميـن و هالمراكز تنقصنا


+
+
+

بالاضافة الى ديامانتي اتمنى خطف ماركو زامبالي

http://www.calciomercato.it/imagenes/original/NEWS_1224240919_zambelli.jpg

هاللاعب اسميـه انا خافيير زانيتي الايطالي
لأنه اسلوب لعبه مشابه لـ زانيتي
بالاضافة الى انه يلعب ظهير يمين و ظهير يسار
ويلعب جناح يمين و جناح يسار بالوسـط
ويلعب ايضاً في مركز المحور الهجومي او الدفاعي

لاعب ممتاز و ياليت نخطفه اداءه الهجومي ممتاز و عرضياته حلوه
هالموسم لعب غالبيتـه في مركز الظهير الايمن
ومباريات قليله لعب كـ محور و كـ ظهير ايسـر

الانتر كان يبيـه في يناير الماضي
وكانت المفاضلة بينه هو او ناغاموتو
لكن آخر شيء اختاروا الياباني

هو من مدرسة بريشيا و من 2004 يلعب في بريشيا و ما انتقل الى اي نادي
و عمره 25


اعتقد ان هالثنائي ديامانتي و زامبالي ممكن نقدر نجيبهم اسهل من البقيـه

امــيــر الــذوقــ
05-16-2011, 03:01 PM
موضوع ممتاز وفكرة حلوة يا منيف

من ناحيتي اتمنى قدوم كل لاعبي السامب الي ذكرتهم :) + ايدير ونقفل الميركاتو :happy:

عموما اكيد السامب بيكون وليمة لوتيتو المفضلة في السوق :11istling:
واتوقع خطف اكثر من لاعب منهم

الكبيتانو روكي
05-16-2011, 04:01 PM
فكرة ممتازة جداً خصوصاً انهم ماراح يكلفوا كثير
ليت بالومبو يلعب لاتسيو لاعب مخلص بمعنى الكلمه
شـكــ وبارك الله فيك ـــرا لك ...... لك مني أجمل تحية .

tsubasa
05-16-2011, 06:32 PM
موضوع جد ممتاز ووجهات نظر صحيحة نأمل أن يستفيد النسور منها:29:

زيـزوم
05-16-2011, 07:46 PM
أرى إنه من الأولى إننا نشوف صرفة للعلل اللي تبي ترجع للفريق ( زاوري ، كاريزو ) ولا أنسى غاريدو اللي ماأدري شلون نبي نصرفه ؟
الله يستر لاينشبون لنا ويضيعون علينا الميركاتو . :angrier:

متيم لازيو
05-16-2011, 11:30 PM
يعطيك الف عافية يا منيف

بالفعل كل اللي ذكرتهم رائعين ماعدا لاعبين باري !

مانبي ولا واحد منهم كلهم فزة كديش !

بخصوص بالمبو ماتوقع يطلع بصراحة من شاف صياحه وإعتذارة للجماهير مايقول بيطلع !

kindman
05-17-2011, 12:19 AM
اللاعبين الممتازين كثر ولكن المهم لاعبين يلبون إحتياجات الفريق

وأكثر اللاعبين اللي يلبون إحتياجات الفريق دياماتي وزامبالي يلعبون بأكثر من مركز

شكراً على الموضوع وأتمنى موضوع عن اللاعبين اللي أنديتهم لا تريدهم أو سهل جلبهم ويفيدون الفريق

8 zauri
05-17-2011, 03:10 AM
تصدقون يا شباب أني حزين لحد هذه اللحظة على هبوط سمبدوريا ...
سمبدوريا نادي كبير و عملاق و أحد أهم أندية الكالتشيو يهبط بالسهولة هذي
أكثر واحد منبسط هو أخوي الروماوي : يقول فكة هبطو و ياليت لو هبط كاتانيا معاه دائما يستقعدون لروما

عالعموم سمبدوريا بيكون و ليمة ضخمة لأندية الشمال قبل كل الأندية .... برأيي
لاتسيو يحتاج لبالمبو ليكون مع لديسما بالوسط .. زيغلر و جوبيرتي و مهاجم قناص من أي فريق

وأمورنا طيبة .. ننتظر الميركاتو و ننتظر آخر الأخبار و نشوف لوتيتو و تاري

امــيــر الــذوقــ
05-17-2011, 11:16 AM
تصدقون يا شباب أني حزين لحد هذه اللحظة على هبوط سمبدوريا ...
سمبدوريا نادي كبير و عملاق و أحد أهم أندية الكالتشيو يهبط بالسهولة هذي



اي والله جد منفتقد السامب تعودنا عليه طول السنين الي راحت انه احد اعمدة الكالشيو

الله لا يبارك في الحكام الي تمادوا في ظلمهم لاكن اكيد بيرجع الموسم بعد القادم وافضل من اول ان شاء الله

قهر يخسر الكالشيو مورينيو الموسم الي فات وهالموسم المركز الرابع و السامب :(

Mr.Adnan
05-17-2011, 07:51 PM
http://sampdoriabr.files.wordpress.com/2010/03/pozzi_nicola_sampdoria1.jpg


هناك لاعب آخر أتمنى حضوره فعندما كان السامب في أوج عطائهم كان كلما دخل هدا لاعب إلا و ترك بصمته لاعب صغير في السن 24 سنة و يسجل من أنصاف الفرص كما أنه يجيد اللعب بالرأس.حقا لاعب رأس حربة متميز أتمنى قدومه للاتسيو

Lazio Lover
05-17-2011, 10:25 PM
موضوع مميز يا منيف ..

اعتقد جميع لاعبين السامب الي انت ذكرتهم هم هدف ومطمع لـــ اغلب فرق الكالتشيو .. وراح تتم منافسه كبيرة عليهم واتمنى فريقنا يتوفق في كم لاعب منهم ..


شـكــ وبارك الله فيك ـــرا لك ... لك مني أجمل تحية .

بو سلمان
05-18-2011, 04:30 PM
اتمنى بالمبو لاعب دنمو و صاحب تسديدات قويه و مخلص للفانيله

و من بعده جوبيرتي لاعب يحرك لك الفريق كـ ورقه رابحه الشوط الثاني لكن مستواه غير ثابت

واخيرا زيجلر نحتاجه لسد الفراغ الكبير اللي سواه كولاروف

الله يعطيك العافيه يا منيف ..

only lazio
05-18-2011, 07:10 PM
يعطيك ألف عاافية يامنيف على هـ الموضوع المميز ..

بـ صراحة مثل ماقالوا الشبــاب كل اللاعبين اللي ذكرتهم أتمنى يوصلوا للاتسيو بــ إستثنــاء غوبيرتي .!!

هذا اللاعب أشوف فقاعة صــابون لا أكثر بغض النظر عن كونه رومانيستــا .. اللي تــابع مباريات السامب هالموسم يعرف بالضبط قصدي من هـ اللاعب .. سباليتي في البداية كـان يبي يتفلسف وبدأ يعتمد عليه هو و تشيرشي في رومــا لكــن شاف الوضع مــايســاعد قام صرفهم الإثنين .. لكن أنــا أشوف تشيرشي أفضل بــ مراحل من غوبيرتي .!!

واحد من الناس
05-19-2011, 12:23 AM
موضوع ممتاز

السلبيه في الموضوع

في تصريف اللاعبين الزائدين عندنا :chair:

والايجابيه

اذا تأهلنا لأبطال اوربا راح يكون محفز لأستقطاب نجوم الفرق لاخرى :biker: