فياريال vs لاتسيو .. تعليقك بعد المباراة

[8 zauri]

انتهت قبل قليل مباراة لاتسيو ضد فياريال
وانتهت المبراة بخسارة لاتسيو 3 - 1 ... الفريق بشكل عام قدم أداء سيء و باهت لم يكن بحجم الأسماء المتواجدة
تعليقاتكم يا شباب ... و كل عام وأنتم بخير

[dmc]

الشوط الثاني كان مكمل للشوط أول بدون نزعة هجومية واضحة وشكله ريا لما ادخل ديل نيرو وكافندا وفولكاري قتل المبارة لدرجة نسبة امتلاك الكرة للاتسيو قل واصبح فياريال يتحرك بحرية لكن تتناسون نقطة ان لاتسيو يلعب بنصف قوته باختصار بدون لوليتش وكانا وعبدالله كونغو وستانكي اكيد دفاعيا نكون مهزوزيا لما يكون عندنا كافندا لكن رادو اداءه علامة تعجب كبيرة وريا واضح لم يفعل النزعة الهجومية وظل يدافع امام فريق يحب الهجوم رغم دفاعه القابل للكسر لكن ريا لم يغتنم الفرصة باختصار مبارة ودية وخسارة ثانية من نادي اسباني اخر الي يتقنون تمريرات البينية السريعة والتأكيد في مبارة ريال سويسداد وقتها نقيم بكامل لاعبين هل بالفعل ريا تعلم من اخطاءه اما ان المسيرة مستمرة ولاتسيو سوف يعاني بظل وجود كوكبة قوية خلنا نشوف ونحكم
للعلم فقط ماركيتي ماعليه لوم بما حصل كونه كان سنة كاملة بعيدة عن حرارة مباريات اكيد الهفوات الساذجة تظهر ومن ينظر لموسليرا لبداياته لهانت عليه الي يحصل لماركيتي وحارس واعد عجبني في بعض تصدياته وحسه العالي بس يريد الصبر وراح ينفجر فروزا لاتسيو

[ناصر بدر]

انتهت مباراة الفياريال بالخسارة 3-1 سجل هدف لاتسيو سيسي !

الحين بشنو استفاد الباش مهندس ريا من تقسيم الفريق الى فريقين؟
فريق يبقى عشان يلعب مع ريجينا اللي ينافس عالسيريا b
وبنفس اليوم فريق ثاني يسافر ويلعب مع فياريال اللي ينافس عالتشامبيونز وعلى ارضه!!

كان من الاجدر ان يأجل او يكنسل لعبة ريجينا !!
الحين حسافة خسرنا زاراتي وروكي واللاعبين الثلاثه الجدد عشان ريجينا !!!!

على العموم مباراة اليوم
الاداء كان جداً عادي وباين ان الفريق للحين مو مستعد ..
صح ان الفريق كان ناقص بس هذا ما يبرر هالاداء والمستوى اللي قدموه اللاعبين !!!
وبالاخص النص والدفاع

ماركيتي يفتقد لحساسية المباريات كونه مالعب ولا مباراة الموسم اللي طاف
ولازم يكثف من المبارايات عشان يسترجع ثقته بنفسه

الدفاع كان جيد جدا من دياز وبيافا
واقل من جيد لـ رداو
سكالوني انا مو مقتنع ان لاعب اصلاً

ليدزما ضااايع !!
هيرنانيز افضل السيئين وكان جدا بطيء

كلوزه وسيسي الافضل
تمركزوا صح وضيعوا كم هجمة محققه لكن وين اللي بيوصلهم الكرات؟!

لاتسيو محتاج صانع العاب من طقة بيانيتش وبسسسسس

[بو فهد]

ارجوكم فريق في ليديسما اغسل ايدك منه بصابون ومعقم بعد هذا لاعب انا مستغرب كيف كل هتدريب وفي النهايه (باس) نفس العالم مايعرف يسويه اخ

[mohammedvid]

ريا مدرب محنك عندما يضع خطة أو يعمل تبديلات لايجازف أو يخاطر أو يضع مجال لوضع الخطأ عليه لانه لعب بالتشكيلة الأساسية التي لعب فيها لاتسيو الموسم الماضي ماعدا سكالوني وثنائي الهجوم الجديد والحارس
لكن طبعاً خطأ تقسيم الفريق إلى فريقين خطأ إداري بحت في الموافقة وتداخل مواعيد المبارتين وليس خطأه
لكن اللي قاهرني ........... محاولة قهر زاراتي وعملية الترويض من النادي للاعب حتى يذهب ولن نستطيع فتح فمنا لان النادي حاول تدميريه أكثر من محاولة إنتشاله ومن إعداده كرمز للنادي إلى رف التخفيضات الموسمية للأندية الراغبة بالشراء

[only lazio]

وانت بخيــر حبيبي ..

والله مدري وش أقول .. لـكن بصراحة من يوم شفت التشكيلة توقعت ان الفريق بيــاكلها على رااسه ..

ياجمااعة فريقنــا إلا الآن مستــــهتر في الملعب .. لاحظت هالشيء في مباراة اوساسونـا وتــأكدت في هالمباراة .!!

لاعبين فياريال يحرثوا الملعب حرث لــ درجة ان يوم تجي الكورة عند لاعبينا ماتعدي اكثر من 10 ثوااني الا وهي مقطووعة بريسنج عااالي عند لعيبة فياريال .. والآخ رادو والغبي سكــالوني مدري وش يحسوا فيه يوم يتمشوا و يلعبوا بااصات مالها اي تعليل .. !!

واتفق مع الشبااب بـ صراحة بيافا والوحش ديااس كانوا جدا ضاايعين ومرتبكين اليوم .. يا خوفي بس بيافا يصير زي كريباري .. أول ســنة تبارك الله وثاني سنــة يعلم الله ..

ماركيتي مستواه كان جيد وقلت جيد لأن عندي تحفظ عليه بسبب المدة إلا مالمس فيها الكوره وإلا كان استحق مقبووول ..

وبعدين امووت واعرف ريجــا الحمــار ما قال أنــا جبت كــانا عشان يلعب مع ليديسمـا ..

سؤال بـ يطــرح نفســه .. فين الألبااااني في هالمبــاراة .. ؟؟


لا والشيء الغريب والعجيــب لما غير التشكيل في الشوط الثاني ولعب بكـلوزه مهاجم وحيد ووراه هيرنانيس وع الأطراف ماوري و "سيــــــــــــــيسيه " ؟؟

يعني إلا تمشي التشكيــلة اللي تبغااها .. مو كفااية هدمت زراتي في هالمكــان تبي تدمـر سيسيه فوق ماهو مدمووور ..

كـلوزه صحيح ماسوى شيء لـكن ماينلام لما نشوف من قااعد يلعب وراه .. نفس حركة فلوكااري العاااام .!


سيسيه انــا من زمــان غااسل ايدي منه وسبق وقلت لو يروح يكمل فيلم التاكسي ابرك ..باااصاته تعبااانة كــأني اشوف دياكتيه قااعد ينااول .. ماافي تفااهم ابدا مع هيرنايس وكلوزه .. بس فالح لي بالصرااخ في الملعب هيييييييييي وهووووووو .. صوته سوى لي إزعااج في البيت ..

الفريق احتاااج زرااتي في هالمباارة خصوصـا أن الفريق قااعد يلعب بدوون صاانع لعب ..

اتمتى ريجــا يرااجع حساااباته جيدا ويضبط التكتيك والتشكيل قبل بداية الموسم وإلا فـ عليــه السلام ..


بياااااااااااااااااااانيتش .. الفريق محتاجك ياا وحشش !!!

[DON JWAN]

بعد اللي شفته اليوم اقول الحمدلله انا ما صعدنا الشامبيونج ليج..!
إذا فريق مثل فياريال يلعب في دوري توم جيري على قولة الشباب هنا ومسخرنا اليوم مع الرأفه
شو بنسوي إذا قابلنا توم أو جيري اللي هالفريق اللي لعب فينا لعب ما يوطوط عندهم..!!
خلونا نكون واقعيين فريقنا يريدله شغل كبير و فيه لاعبين عندنا عمري ما اقتنعت فيهم حتى عندما تألقوا
وعلى راسهم هالماوري اللي اشوفه نقطة ضعف كبيره في وسطنا وحتى بديل اشوفه ما يستحق..!
و محاورنا المرض ليدزما اللي ما يرفع راسه و ماتوزيلم اللي خلاص اشوفه ما عنده غير العصبيه و التكسير..!
تخلص من هالثلاثي المرض وجيب لعيبه مكانهم على مستوى و سريعين و راكدين
والدفاع يحتاج قلب دفاع يكون خبره وقيادي و شوف الفريق كيف بيكون
منشتاقين للاتسيو اللعب السريع و اخر فريق للاتسيو كان يلعب بسرعه كان لاتسيو 2004 لاتسيو مانشيني
فريقنا بحالته هذي ممكن يمشينا في الكالتشيو بحكم انه ستايل اللعب فيه اصلا بطيء بس في اوروبا ما يوكل عيش..!

[miro]

بسم الله

اول شئ هاردلك يا لاتسيو و المستوى الحقيقى راح يبان فى الرسميات باذن الله.

ثانية انا لست لاتسيالى لكن ساقول وجهة نظرى عن المباراة.


اريد ان افهم شئ يا سيد ريا هل هناك فريق يلعب مباراتين فى وقت واحد يعنى انت لن تلعب فى الكالشيو بفريقين واحد يلعب مباراة و الاخر يلعب مباراة اخرى يجب عليك ان تلعب بالفريق باكمله فى المباراة الواحدة حتى يفهم اللاعبون بعض اكثر و يعتادوا على بعضهم البعض فى المباريات التى تكون تحت ضغط جماهيرى يعنى اليوم كلوزه و سيسيه لعب ما لاعبين جدد بالنسبة لهم و نقول ان اللاعبين استطاعوا فهم زملائهم الجدد بعد نهاية المباراة فتاتى بلاعبين اخرين يلعبون معهم بعد ما فهموا اللاعبين الاخرين ....فما الذى فعلناه؟؟ يعنى مباراة اليوم كانت مضيعه للوقت.و يبدو من هالفكر اللى تتبعه انك تريد ان ترى مهارات اللاعبين الفردية ما يهمك ان تلعب بالفريق كله انت يهمك اداء اللاعب ما يهمك اداء الفريق فكيف يكون هذا تفكير مدرب.


بالنسبة لمباراة فياريال ...الفريق دافاعيا و خط الوسط اسوا منه ما رايت و اكثر مظلومين كانوا سيسه و كلوزه لعدم وصول الكرات لهم.

الدفاع الاساسى و خط النص الاساسى كانو امام رجينا طبعا.

ساتكلم فقط عن سيسيه و كلوزه فقط على اساس هم الافضل فى الفريق اليوم و هم من عملوا شئ اليوم.

سيسه كان سريع جدا و مهارى و عنده اصرار اشياء جميلة جدا لكن ينقصه شيئان ليصبح المهاجم الذى يرعب الجميع التمركز الصحيح و انو يكون ثقيل ع الكرة و بالتوفيق له.

كلوزه كان ممتاز جدا رغم انه لم تصل له الكرات و لم يهدد المرمى كثيرا لكنه كان ممتاز لانه استطاع ان يعطى الاضافة الى خط الوسط عندما راه لا يستطيع توصيل الكرة للامام و كانت تمريراته دقيقة و جيدة و مراوغته كانت رائعه جدا جدا لكن لم يكن هناك احد يتحرك لكلوزه و صنع فرص كثير و لم يتم استغلالها هو فقط يحتاج لصانع العاب خلفه و اعتقد ان بيانيتش هو الاقرب هذا هو ما يحتاجه فقط غير هذا فهو الحمدلله جيد.

و هاردلك مرة اخرى و القادم افضل انشاء الله.

[Stankovic]

هههههههههههههه

عزالله تمسخرنا أخر مسخره :biggrin23: .... عزالله شر البليه ما يُضحك

فريق كامل مليان أسماء لكن مستواهم مستوى فريق درجه رابعه

أنا مادري ليش كان هالمستوى من اللاعبين ... هل هم يعتقدون أنهم جايين يتمشون في شوارع اسبانيا وملاعبها ولا يستفيدون من الأحتكاكات

يعني هل يكون العذر أن اللاعبين لعبوا المباراة بنفس اليوم الي وصلوا فيه إسبانيا من غير ما يريحون ؟؟ هذا مو عذر ومحد ضربهم على أيدهم يلعبون بنفس اليوم ويسوي ريّا طريقته الفاشله بتقسيم اللاعبين

وما أبي أحد يتعذر أن ريّا ما اخذ اللاعب الفلاني والعلاني والتشكيلة كانت ناقصه .. لأن هذي التشكيلة الي لعب فيها ريّا راح تكرر لأكثر من مباراة بالدوري لأنها هي التشكيلة الأساسيه للفريق في حال حدثت الإيقافات والإصابات

كل لاعب يلعب بروحه ومافي تفاهم بين اللاعبين بالرغم أنهم يلعبون مع بعض من سنين + العبقري ريّا لعب بخطة مادري شلون صايره !! يعني أول مره أشوف راس حربه مثل كلوزه وهو الأفضل بالعالم يلعب مهاجم ثاني خلف سيسيه !!

دفاعنا أنكشف على حقيقته بعدما لعبنا بخطة 4-4-2 .. وأثاري خطة الوسط الخماسي والإرتكاز الثلاثي ساتره على دفاعنا الموسم الي طاف ..

أنا أول مره بحياتي أشوف فريق ما يعرف يعطي باصات صح طول المباراة .. وأول مره أشوف فريق لاعبينه يركضون ورى بعض ومخلين الفريق الخصم يسرح ويمرح

لكن صدقوني يا شباب .. بالرغم من هذي النتيجه إلا أني مستانس

على الأقل عرفنا شنو أخطاءنا .. وهذي الأخطاء طلعت فضايح ولو لم نلعب قدام فياريال كان أنفضحنا بالدوري لأننا مو عارفين شنو أخطاءنا قبل بداية الموسم

الحين ريّا لازم يشتغل عدل بالفريق لأن مابقى شي على المرحله الحاسمه .. ولازم يعيد النظر بجهة الأطراف لأن أظهرتنا ما أستفدنا منهم بالمره وولا حتى الأجنحه والمسكين كلوزه ما جته ولا رفعه

المباريات الوديه تعلم الأخطاء وما تعتمد على النتيجه .. كل الفرق الإيطاليه خسرت بفترة الإعداد وكان مستواهم جداً متواضع وأخص بكلامي ناديي الإنتر وروما وبدرجه أقل اليوفي وميلان

يعني شنو فايدة الفوز بمباراة وديه وإذا جاء الدوري ما أعرف أخطائي وأخسر بنتايج كارثيه ؟؟

جايتنا فترة صعبه .. وأول سبع جولات من جدولنا حييل قوية ولازم نعدل أخطاءنا عدل للمرحله القادمه ولا نقول حق أنفسنا حتى المركز العاشر ما نحصله

[Laz!o]

احسن اني ما كملت المباراة
بعد الهدف الثاني نمت نومة حلوة

[لازيو و بس]

ماركيتي مش ولا بد

[سيرجيو]

ريا ليس بمستوى لاتسيو مدرب فرق درجة ثانيه
فقد خسرنا مع نادي فياريال بالثلاثة و مستوى فريقنا لا خطة ولا لعب ولا احتكاك ولا هجوم وكذلك توظيف اللاعبين كان سيء جداً
دام ريا موجود مافي أي جديد راح يحصل في الفريق
ولاعبي الدفاع والوسط عندهم ضعف التفكيير و كذلك مافي سرعة البديهه شاهدوووا الهدف كيف حصل واحكموووا الحارس اعطاه رادو في هذه الحظه محاط من اكثر من لاعب
ولا الهدف الاول روسي كيف أنطلق هو بين دياز وبيافا

المشكلة الكبرى أن الاعب الوحيد ألا يقدر يصنع الفارق في الفريق هو هيرنايس .

[The Game]

مباراة عاديـه بصراحة و اشوف الخسارة فيها افضل من الفوز
الفريق لعب بـ تشكيلة جديدة و ثنائي هجومي جديد مع تواجد سكالوني ايضاً

الامر بالنسبة لي جداً طبيعي لأنها ( مباراة وديـه )

العام خسرنا من نادي النصر السعودي ^_^ و كنا قريبين جداً من الابطال
و ايام روسي خسرنا من ريميني بالدرجة الثالثة 4-2 و فزنا بالكأس الايطاليـه

المباريات الوديه للتجربة و الفلسفة

اللي نفع فالاريال انهم فريق متفاهم و عارفين بعضهم البعض و عندهم لياقة عاليـه
اللهم زاباتا يمكن هو الوجـه الجديد عليهـم

[Ben Nasser]

قلتها من اول اني حاس ان ريا بيعيّد فينا

لأنه الى الحين مو عارف يستغل اللاعبين بشكل جيد

وبعدين الظريقه اللي لعب فيها ماتنفع مع لاعبينا

هيرنانيس مايصلح يلعب على الاطراف

كلوزى مايصلح تخليه يرجع الى نصف الملعب عشان يقطع الكوره

مافي لعب على الاطراف مافي استغلال لوجود كلوزى

لازم ريا يراجع حساباته قبل لايضيعنا

[بو سلمان]

نعيد و نكرر ما تهمنا النتيجه في الوديات بالعكس افضل علشان المسيو ريجا يتدراك الاخطاء بسرعه

لكن تعجبي من اداء الاعبين في المباره و الخطه و التكتيك اللي لعب فيه ريجا قتل مستويات الاعبين و خلا تفاهمهم معدوم

اتعجب و اتسائل المسيو ريجا طول معسكر ارونزو + فيوجي شكان يدربهم بالظبط !! :boxed:

يخرب بيتك باقي اسبوعين و انت للحين تلعب سكالوني و ديل نيرو على اساس تجربهم و تلعب بمليون تشكيله و تكتيك :124:

[only lazio]

بعد اللي شفته اليوم اقول الحمدلله انا ما صعدنا الشامبيونج ليج..!
إذا فريق مثل فياريال يلعب في دوري توم جيري على قولة الشباب هنا ومسخرنا اليوم مع الرأفه
شو بنسوي إذا قابلنا توم أو جيري اللي هالفريق اللي لعب فينا لعب ما يوطوط عندهم..!!
خلونا نكون واقعيين فريقنا يريدله شغل كبير


هذا اللي كنت اقوله أنـا قبل شهرين ونص .!! ..

في نااس هنا تبغى حلم التشامبيونز يتحقق دون أن ترى الوااقع المــر ..

هذا فياريال وشوفوا كيف مسخـر فينــا ..

أجل كيف لو قاابلنـا البرشا والريـال والمان يوناايتيد ؟؟ ..

واللبيــب بــالإشاارة يفهم ..

[متيم لازيو]

٨-----٨

يالبيب انت وياه تراها وديه

روما تمسخر من سان جيرمان ٣ وتعالوا شوفوا مركزه

الانتر تمسخر من السيتي وتعالوا شوفوا مركزه

القضية مو خسرت من هذا ومن هذا
بعض الشباب هنامسوي فاهم كورة

وتجي تناقشه مكبر السالفة ع وديه نص لاعبين مو فيه

وتكتيك ولاعبين جدد صح تمسخرنا لكن تعال وشف

الاسباب موتتهجم وبس

في اشخاص هنا انصحهم مايردون الا بعد مايهدأ

وبعد مايقرا ردود الشباب لان في اشياء تفوته ويتهجم

ويسفل بالاولي والتالي من الفريق

راح تشوفون الفريق في الرسميات كيف

وصدقوني هالمباراة راح نستفيد منها كثير

[only lazio]

بعض الشباب هنامسوي فاهم كورة

وتجي تناقشه مكبر السالفة ع وديه نص لاعبين مو فيه




خخخ .. من جدك ؟؟


أجل لاتسيو امس لعب بــ لاعبين احتيااط ؟ .. ونص اللاعبين مو موجودين .!!

الفريق هذا هو الفريق الأســاسي اللي قااعد يعتمد عليه ريجـا في التدريبات والوديات ..

حتى رادو من التمــارين بااين ان ريجــا راح يعتمـد عليه الموسم الجااي ..

فقط سكـالوني هو الإحتياطي .!! وريجــا مااعتمد على كونكو لأنه يعااني من شد بسيط ..

إذا انت مو متاابع التدريبات وريجـا كيف بيلعب في الوديــات هذا الشيء مايخصـني ..


وكــلمة اللبيب اقصـدها لـواحد عاارف نفســه عدل ..

[dmc]

^
ترى عمر يقصد لاعبين مثل زراتي وروكي و بروكي وغونزاليس و كانا و لوليتش وستانكي و عبدالله كونغو ماكانو موجدين باختصار نصف قوة لاتسيو مب حاضرة واذا كان موجودين لربما القصة لاختلفت قليلاً

[lazio2010]

هاردلكم ..

الاهم ان الفريق ظهرت اخطاءه وريا لازم يشوف اخطاء الفريق .. الحمدلله ان فيه مجال للتعديل الامور

قبل الدوري واليورو

[الكبيتانو روكي]

المدرب شاطر في تكديس المهاجمين والا لاعب مثل كلوزه وش حاجة تجيب بعده مهاجم ثاني مع احترامي لسيسيه لاتسيو يحتاج نجوم في خط الوسط أمثال هيرنانيس اللي صنع الفارق لوحده الموسم الماضي

[Lazio Lover]

رمضان كريم يا اخوان ..

بعض الردود انتقلت من مرحلة تحليل المباراة الى تهجم شخصي وتصفية حسابات .. وهي بالنهاية مباراة وديه لا اقل ولا اكثر :zr85: :zr85:

[متيم لازيو]

شادي الله يهديه معصب ياناصر

ههههه حتى التدريبات صار بس هو اللي متابعها

طيب مو انت تقول متابع سوال

هل ريا لعب بخطة ٤-٤-٢

طيب مو انت تقول متابع ؟

هل تتوقع كانا وزاراتي وكونكو وستانكي ولوليتش

وبروكي وروكي كلهم احتياط

طيب امنا بالله طيب مو مفروض لو خربط هالفريق

هذولي يدخلون يغيرن اللعب ويساعدون !!!!

[only lazio]

هلا عمـر ..

لو ترجـع لـ كلامي وتقرأه جيدا أنــا ماذكرت كلمة تشكيــلة !! ..


أنــا اتكلم عن العناصر الموجودة في الفريق .. هم بالضبط اللي ريــجا بيـعتمد عليهم بــإستثناء سكـالوني ..

وبعدين التشـكيلة كل مالهـا بــ تتغير خصوصـا مع الأستــاذ ريجــا .. لو تلاحظ مع فياريال كـانت في البداية 4-4-2 .. وفي الشوط الثاني صـارت 4-3-1-2 .. وبعد الهــدف الثالث ريجــا خبصهـا ولعب 4-2-3-1 .. وحط سيسيه جناح أيـسر .!!


أنـت تقول تراها مبارة ودية لا أكثـر ولا أقـل .. أنــا فااهم !

بس في أخطـاء كثيـــرة كانت في هاللقاء ولازم تتعدل وما نتغاافل عنهــا عشان كذا طلعت شوي من طوري ..

مباراة اوسـاسونـا انهـزمنــا 1-0 .. بالله شفتني اتكلمت أو انتقدت الفريق ؟؟ ..


واللاعبين اللي ذكـرتم ستــانكي والطـقة هما بالفعـل احتيـاط .. ولو ما كــانت فيه مباراة ريجينــا اكيد ريجــا كان بـ يستدعيهم وبيكونوا في الدكــة .!! ..


أنــا دائمـا انقهـر لما لاتسيو يــ نهزم من فرق تكــون مقاربة لـ مستوواه .. ودائمـا اقول مع ريجــا ماراح نجـمل مع الفرق الكبيــرة واللي تلعب بالطريقة العصــرية خصوصـــا في اليوربــا ليج ..


عمومــا أتمــنى ريجــا يكون استــوعب هــذا الدرس جيدا وفهمه ..

وستـر الله أنـها قبل الدوري بــ شهر .. يعني في آمل الوضع يتــعدل !!

وأول مباراة رســمية راح تكون في 18 اغسـطس .. وبعدهـا لنـا نقاش آخر ..


كــل الود ..