لاتسيو vs ساسولو : تعادل بطعم الخسارة

[Mr.Adnan]

خوف المدرب وجبنه أفقدنا نقاط المباراة
تعليقاتكم يا شباب

[Shomi]

انا مابتكلم عن الحمار لوتيتو لكن بقول شي واحد ؟؟ على اي أساس هذا مدرب لاتسيو ؟؟
شنو انجازاته ؟؟؟

[STEFANO]

ياخي متى اشوف لاتسيو يفوز على أخير الدوري
ياراجل كانو عم الأقرب للفوز طيب متقدمين بهدفين ليش ماعدا اللعب
بيتكو جبان أجل تسحب اندرسون المتحرك وتخلي الميت هيرنانيس

بديت أشك ببيتكو

دوم إذا يكون خسران مايعرف يعود للمباراة وإذا متقدم مايعرف يحافظ عالنتيجه:11mmer3:

أجل سوسولو تنزل قدامهم ارتكازين ومدافع أمام اليوفي ماسويتها

[lazio2010]

كلمة بس اخ لو كان بورك يلماز موجود في الفريق ..والفريق لن يصل بعيد هذا الموسم

[الأمير السابع]

ما شفت المباراة ولكن الدفاع ما يطمن مع الاسف ...تغيير التشكيلة في وسط المباراة أكبر دليل

الخلل كا موجود في الوسط الموسم السابق و هذا الموسم في الدفاع و الهجوم و سنعزز الدفاع الموسم المقبل

سياسة غريبة ما أحد يفهمها

كم تمنيت مدافع عوض عن يلماز ... لاعبين الوسط يقدروا يسجلوا الاهداف لكن من يدافع؟

هاردلك...ربما لا اللاعبين عندهم رغبة ولا الجماهير عندهم رغبة في المنافسة

الامل اليوربا ليج و فقط بالنسبة لي

[8 zauri]

السبب الأول و الرئيسي و الأساسي لفقد المباراة بعد مشيئة الله هو المدرب
أنا أول مباراة الموسم هذا أشوف اللاعبين ينزلون الملعب هادئين وواثقين ومركزين من بداية المباراة
و حتى مع ضغط ساسولو من البداية إمكانيات لاتسيو كانت أفضل و سجلو هدفين بكل هدوء
ثم بعد ذلك ,,,,,, أتت تأليفات المدرب
خروج إيديرسون اللي ماله أي مبرر , دخول التاتا مكان أونازي و ينقل كاندريفا جهة اليسار
ثم التبديل الغريب و العجيب اللي أعتبره ثاني أغرب تبديل بحياتي بعد تبديلات طيب الذكر ديليو روسي إذا دخل منفرديني الدقيقة 72 سواء الفريق متقدم و إلا متأخر , كان دخول سانا
ثلاث مدافعين بثلاث لاعبين إرتكاز و مهاجم وحيد , أتوقع هذي حتى ضد بايرن ميونخ المفروض ما تلعب بالخوف هذا
بكل بساطه يا بيتكو , إسحب إيديرسون أو هيرنانديز الغائب و دخل واحد من المهاجمين الصغار الحلوين اللي بالدكة لمساندة فلوكاري , و إلعب و هاتك يا تسجيل

للأسف بيتكو هو الضايع اليوم , لا لوتيتو و لا اللاعبين و لا حتى الجمهور اللي اليوم كان جميل , و ياقلب لاتحزن و إن شاءالله القادم أحلى

[الكبيتانو روكي]

بيتكو بالغ في الدفاع وتغيير ايديرسون المتحرك عطل هجمات ﻻتسيو وسمح للخصم بالضغط اكثر
كان من المفترض ادخال مهاجم مكانه فخير وسيلة للدفاع الهجوم
وحتى دخول كانا مكان كفاندا كان ﻻ فائدة منه
بيتكو عليه ان يكون اكثر جرئه في التغييرات
أو يترك الفريق بدون تبديﻻت أفضل

[MXM910]

لن اذكر وجهة نظري إحترام لغضب البعض ولكن علينا أن نتحكم في أعصابنا ولا نجعلها تفقدنا شئ من رجاحة عقلنا ..

الأهم وهو ان تحقق نقطة على الأقل من ملعب هالفريق الصعب وجميعنا يتذكر مافعلوه امام المتصدر نابولي..

بالتوفيق للفريق وسلامتكم..

[DON JWAN]

والله فريق ساسولو يسمعون بالكورة

فريق ماعنده شي !! بس شوية حماس و جمهور مايسكت وقابلوا فريق دايخ...!!

فريقنا دايخ دااااااايخ و حرام أنه يحملون شعار لاتسيو

قسم بالله بعدالتعادل أني تمنيت يفوزون ساسولو ويجيبون الثالث والرابع بعد...!!

تعرفون ليش..؟؟ بسبب ردة فعل فريقنا بعد التعادل..!! يعني متراجعين وأنتوا متقدمين 2 مشيناها وقلنا تدخرون الجهد عشان قدامكم مباراة أوروبية .. بس بعد ما حطوا التعادل و بعدكم متراجعين...!!!

يعني مقتنعين وتبون تحافظون على النقطة يا وجيه الفلس...!!

ترى تلعبون بشعار النسور العريق وتلعبون مع متذيل الترتيب اللي أول مرة يلعب في السيريا a !!!

يعني أنا كمشجع حسسوني أنكم مقهورين على التعادل و اضغطوا عليهم و أهجموا وحاولوا تحسسوني أنكم فريق كبير أنجرح في كبريائه و عنده ردة فعل ...!!!

بعد اللي شفته اليوم أعترف أني إقتنعت أنه لاتسيو خلاص مايعتبر نادي كبير أبدا" حاليا" و حالنا حاليا" كبولونيا و كييفو وهالطقه بدون مكابره

والله وصمة عااااار اللي شفته اليوم قسم بالله اني تكدرت عالاخر و اللي قهرني أكثر الفوز السادس للميردا و بالخمسة و تصدرهم للترتيب

كافندا و فلوكاري هذيل الاثنين مابي اشوفهم ابدا" في النادي ولا حتى في السيريا a و اللي قاهرني انه كافندا هذا كان متمرد ويطالب يزيدون راتبه !! على شو بالله عليكم ..!!
وفلوكاري هذا اللي يسحب رجوله تحسه يلعب غصب عنه ..!! لا تمركز صح ..!! لا حد يقولي الوسط ما كان يمده بالكرات لانه أكثر من هجمه تجي جهته والحبيب الله بالخير مفهي وسرحان..!!

اخر كلامي اقول تبا" للوتيتو اللي خلانا نوصل لهالمواصيل و اتمنى من اللي يدافعون عنه يسكتون لاني لا متحمل سيرته ولا طاريه و شوفوا روما ونابولي وفيورنتينا كيف صاروا و نحنا كيف اصبحنا وياقلبي لا تحزن ...!!1

[سيرجيو]

أكتفي بوضع ردودي السابق من أول مواجهة للفريق هذا الموسم

http://im39.gulfup.com/TPfiK.jpg

http://im39.gulfup.com/TJwk2.jpg

http://im39.gulfup.com/ksWLz.jpg

http://im39.gulfup.com/T6ubk.jpg

الفريق أصبح كتاب مفتوح لبقية الفرق وسيعاني أكثر إذا لم يتدخل لوتيتو ويقيل المدرب بيتكوفيتش

[عاشق البيانكوشلستي]

من العام وانا اقول لما الحمار بيتكو يلعب بخطة ٣ مدافعين ينتكب عفش الفريق انا اللى حرقني يعني فريقنا منضغط ومحشورين مثل الكلاب يابتكو يامتخلف كان وقتها تجرأت وطلعت العاها فلوكاري ودخلت بيريا اقل شي سريع وبيرجع معاه كم لاعب من ساسولو الدفاع اليوم قفل على فلوكاري ٢ماسكين فلوكاري والفريق الباقي كله هجوم يعني انحشرنا حشره جامده وفلوكاري حرام عليه يصير مهاجمنا ثانيآ هيرنانيس مغرور وضامن نفسه اساسي جالس يحرق اعصابنا بلعبه انا ابغا فليبي اندريسون يرجع عشان الحمار هيرنانيس ينطق مثل الآهبل في الاحتياط ويعرف انه مو هو كل شي واما تبديل اونازي مدري ليش طلع!! وتبديلات بيتكو حق واحد خايف مثل الدجاجه الله يحرقه.. والله حراااام كلوزا وماركيتي جالسين معانا لو انا مكانهم كان سحبت سيفون ع هذا النادي ع العموم لاميركاتو كويس وجدول النادي في البدايه حريقه وفوق هذا الاصابات يعني في نهاية الموسم بنكون السادس وبعدها كلوزه بيسحب وهيرنانيس مابيجدد وكاندي شكله بيفقع من النادي وانتهى كل شي انا عتبي ع جمهورنا في ايطاليا اللى ماعندهم دم اشلون ساكتين وصابرين.. والكورفانورد اللى مايعرفون الا يهايطون بالعنصريه اذا كان فيكم خير ودم بردوا حرتنا وتصرفوا تصرف سليم للمهزله اللى تصير ع العموم لوتيتو يلعب بالجمهور مثل الدمى لأنه يدري ماعنده احد وهارد لكم شباب ولنفسي وعفوآ

[Ole]

هاردلك على النتيجة

اللي مصدقين ان لاتسيو متعاقد مع 6 لاعبين او 8 ويحسبهم على الفريق هذا الموسم مثل مايقول اللي ابتلينا فيه فما اقدر اقول لهم اكثر من احلام سعيدة

الاخوان اللي قالوا عن المدرب جبان ويجامل لاعبين او اخطأ بتغيير هذا الرد موجه لهم اكثر من غيرهم

كل واحد فينا يتمنى ان اللاعبين الشباب اللي مالين الدكة يطلع منهم واحد مثل ميسي او نصه او حتى ربعه

يمكن لهالسبب غاضبين على المدرب ... انا مثلكم اتمنى اشوف فليبي اندرسون وكيتا وبيريا واتمنى ان مستوياتهم ترقى للدعاية اللي وصلتنا عنهم

لكن ان جينا للواقع وقبلنا قرار المدرب فالتغييرات اللي اجراها هي الوحيدة الممكنة وانه يشارك بحسب الامكانات المتاحة له

هل هو عناد مع الادارة وتوجهها هذا الموسم بالاعتماد على اللاعبين الشباب ام هي قناعة بتواضع مستوياتهم او ماهم جاهزين للمشاركة مع الفريق الاول او هل هي طريقة عمل المدرب مع اللاعبين الشباب؟؟

هذا مايغير من الواقع بأن عدد اللاعبين المتاح للمدرب قليل والخيارات محدودة بسبب الاصابات وبالمناسبة بيرينها اصيب (كالعادة) بآخر عشر دقايق ورفض بيتكو خروجه ونقله للامام وطلب منه المشي على الاقل بالملعب

جونزاليز وبيليا وسانا ولولتش الوحيدين اللي اعمارهم متجاوزة الـ 20 سنة ومتواجدين على الدكة وشارك ثلاثة منهم بالمباراة ومبروك رجعة الاضافة الوحيدة هذا الموسم بيليا للمشاركة

ثمن الخيارات المحدودة تغيير طريقة اللعب مع كل تغيير واخيرا التعادل مع صاحب المركز الاخير

هل الوم المدرب على نتيجة المباراة نعم يتحمل جزء من اللوم وللأسباب العامة مثل الاستعداد للموسم وعدم ضغطه على الادارة للتعاقد مع لاعبين يثق فيهم ولكثرة الاصابات اللي قد تكون نتيجة لتمارينه ... اما التفاصيل المتعلقة في المباراة من طريقة لعب واختيارات لاعبين وتعامله مع مجريات المباراة فهذا امر ثانوي ولو كان مورينهو ماسك لاتسيو في مباراة اليوم فما راح يختلف المستوى كثير من وجهة نظري

والسبب اعيده مرة ثانية ... خيارات محدودة للمدرب اذا استبعدنا اللاعبين الشباب ... المدرب مااشركهم لاسبابه الخاصة

المستوى والنتيجة اللي انتهت عليها مباراة اليوم ماهي مستغربة ومتوقعين مثلها واسوأ مع انتهاء سوق الانتقالات

على فكرة روتزي اللي انتقل لريال مدريد كاستيلا اللي يلعب بالدرجة الثانية في اسبانيا قاعد يقدم مستويات كبيرة (هذا اذا شارك) وجايب معهم نقطة من 7 مبارايات والنتيجة ترتيبه الاخير ... نتكلم عن درجة ثانية في بلد تصنع وتصقل المواهب

من جديد هاردلك واتمنى تخوفي من نتايج الموسم ماتكون في محلها ويطلع لنا اكثر من ميسي من الدكة

[Ben Nasser]

هاردلك

تعادل بطعم الخساره والاسباب معروفه ..

ومادام بيتكو ولوتيتو موجودين ف مايحتاج نتعب انفسنا بذكر الاخطاء لأنه هي نفسها في كل مره تتكرر

والله يعينا عليهم

[fiki]

الوحيد الذي يتحمل المسؤوليه .. هيرنانيس

اما البقيه فلا يستحقون كل هذا الهجوم

لا اقول الا هاردلك

[جيفارا]

:11y11:

[a.perozi]

والله انا تابعت المباراة قلت أعطي الفريق فرصة ثانية ولكن انصدمت بفريق بابادوبلو يعود من جديد .. بيتكو أعتقد خلاص قدم كل مالديه وقد خسر جميع أوراقه الرابحة ولوتيتو سيخسر رهانه هذا الموسم ومن غير المعقول أن تصبر جماهير على فريق رئيسه لا يمتلك أبسط مفاهيم كرة القدم.

هاردلك للجميع على خسارة الموسم قبل انتهائه.

[بو سلمان]

هاردلك التعادل ،، تتقدم بهدفين و يجي التعادل بعدها من اخير الدوري صعب !! حتى لو كان على ارضه ،،

للامانه ما اشوف الا حماس لاعبين ساسولو مقابل برود من لاعبينا بعد تسجيل الهدفين ! يعني بكل صراحه ساسولو لعب بحماس لكن كـ مستوى او امكانيات عادي جدا ً جدا ً جدا ً ،،

بصراحه وضع فريقنا يخوف و هناك تراجع مخيييييف في مستويات اغلب النجوم مثل فلوكاري و هرنانيس و حتى لوليش و كلوسه رغم انهم ما لعبوا المباراه ،، !

الوسط مفكك و مبعثر عكس الموسمين الماضيين ،، الدفاع سهل يضرب بالكرات العرضيه او البينيات و هذا ملاحظينها من بداية هذا الموسم

عموما ً ان شاءالله نشوف مستوى مغاير في المباريات القادمه ،، لكن لازلت اقول ان بيتكو عليه تغيير تكتيكه لآنه اصبح سلبي جدا ً جدا ً في الكالشيو هذا غير ان التغييرات سلمت المباراه لـ ساسولو للامانه !

بالتوفيق في قادم المباريات

[popan75]

انا اشوف الخسارة عدم تركيز ماركيتى فى الهدف الثانى
اما الهدف الاول تكرر كثيرا مع لازيو كل مبارات يتسجل فينا هدف بنفس الطريقه والسبب عدم
التزام الاعبين فى مراقبه الاعبين الاخرين

انا انصح بيتكوفيتش كافاندا و لوليتش لايصلحون لمراقبه لاعبين الفريق الخصم فى الضربات الركنيه او الثابته

اما عن بيتكوفيتش
انا اشوفه مدرب جيد جدا وليس ممتاز
عيبه الوحيد انه مايثق بالشباب ولا يفكر ان افضل وسيله للدفاع هى الهجوم الى امام الفرق الكبيره
لكن امام الفرق الصغيره يدافع ومانى فاهم ليش يدفاع امام الفرق الصغيره