دلغادو الى ........

[rasool]

سلام

انتقل لاعب لاتسيو الونزو روبيرتو دلغادو ذو الـ 20 ربيعا الى نادي بوتينزا الذي يلعب في الدرجة C2 , وكانت الصفقة انتقال دائم .

المصدر:
http://tribalfootball.com/january/italnews9260106.html

مسلسل التفريط بالشباب , على فكرة (( بارونيو صنع بالامس هدف اودينيزي حيث مرر كرة عابرة للقارات الى ديناتالي الذي لم يتهاون في وضعها بالمرمى ))
لاتخلوني اكمل لان هذا اللاعب لم يعطى حقة في لاتسيو وحرام بادلنا مع ماوري لانه احسن من ماوري.
وشكرا

[hero_lazio]

بالفعل اخوي امر محزن....
مسلسل التفريط في الشباب مستمر...والعجايز امثال انزاغي باقين وما يروحون للابد...

امام بخصوص بارونيو...فهذا اللاعب لغز كبير...يبدع مع اي فريق يذهب له الى مع لازيو...
فهو لم ينجح في اي موسم لعب فيه مع لازيو...

[The EagLe]

ياعيني ياعيني .. يـ المنقـذ !!
يـا اللي يدور عـ المستقبل وضـم الشباب .. !!
يضـم بالوتا وتاري وخمـه هالشياب .. ويفرط بـ اثنين من مواهب النادي وابنائه !!
العام دي سوزا .. والحيـن كملـها بـ ديلغـادو .. ما اقول الا مالت عليك من رئيس !!

انتـظر .. وبشـده .. رأي اللي يدافعون عنه !! واللي يقولون يبي يبني المستقبـل !!
عااااااااد .. خوفي .. يقولون .. والله راتب ديلغادو ودي سوزا ... عالييييييه وما نقدر عليه :d

[a.perozi]

الحين كل لاعب شاب بينتقل بنحطها على لوتيتو.. ياما نوادي فرطت في لاعبينها الشبااب وبصراحة دلجادو لن يحصل على مكان أساسي وبحاجة إلى الكثير من الوقت وهو موقع عقد مع النادي نتخلص منه افضل.

دي سوزا من ابناء لودجيانو وعاد إلى ناديه وليس معناه أنه سجل هدف يعني أنه موهبة والهدف كان هدية من بانديف ولدينا العديد من المواهب الشابة بالنادي الافضل منهم.

وليش ما نقول مدرب الشباب مو مقتنع فيهم وتخلى عنهم ويعني لازم نحطها على لوتيتو.

[أبو جوري]

اقتباس من المجرم ذا ايجل

ياعيني ياعيني .. يـ المنقـذ !!
يـا اللي يدور عـ المستقبل وضـم الشباب .. !!
يضـم بالوتا وتاري وخمـه هالشياب .. ويفرط بـ اثنين من مواهب النادي وابنائه !!
العام دي سوزا .. والحيـن كملـها بـ ديلغـادو .. ما اقول الا مالت عليك من رئيس !!

انتـظر .. وبشـده .. رأي اللي يدافعون عنه !! واللي يقولون يبي يبني المستقبـل !!
عااااااااد .. خوفي .. يقولون .. والله راتب ديلغادو ودي سوزا ... عالييييييه وما نقدر عليه :d


انتهى الاقتباس

[Shomi]

يعني مافي اختراع اسمه اعاره اشلون يجلب لاعبين كله اعاره ومايقدر يعطي الانديه لاعبين اعاره :mad2:
وليش ما نقول مدرب الشباب مو مقتنع فيهم وتخلى عنهم ويعني لازم نحطها على لوتيتو.

اخوي يعني مدرب شباب لاتسيو احسن من مانشيني واحنه جم مره جفنه دلقادو في تشكيله مانشيني .........

بذكركم بجوفون دي سلفستري في نادي غير لاتسيو

[أبو جوري]

يعني مافي اختراع اسمه اعاره اشلون يجلب لاعبين كله اعاره ومايقدر يعطي الانديه لاعبين اعاره

في الصميم

[a.perozi]

إعارة لو كان لاعب يتنبأ له بمستقبل كبير وواعد. وكل نادي له قناعاته بلاعبينه مو كل لاعب يطلع نجي احنا ونرمي كلشيء على الرئيس. في شيء اسمه مدربين وجهاز إداري وهم اللي يقررون. يعني نغفل عن العمل الذي قام وهو الاحتفاظ بمجموعة من اللاعبين الشباب والذين مثلو المنتخب ونركز على هالشيء؟

لكن دلجادو مع احترامي لا اعتقد بأنه أحد المواهب الكبيرة ولا احد يقول مباراتنا مع الإنتر لانه العرضية اللي جاء منها الهدف الحظ ساعده فيها.

[The EagLe]

الحين كل لاعب شاب بينتقل بنحطها على لوتيتو

مادري ؟ يمكن انا السبب !!
هو رئيس على وشو بالله !!
اذا كان مايدري عن النادي .. هذي مصيبه !!
وان كان يدري وهو اللي باعه هذي العـن !!


ياما نوادي فرطت في لاعبينها الشبااب وبصراحة دلجادو لن يحصل على مكان أساسي وبحاجة إلى الكثير من الوقت وهو موقع عقد مع النادي نتخلص منه افضل.

نتخلص منه افضل !!
ليش ؟ من كثر النجوم والمهاجين اللي عندنا !!
مادري .. تاري وانزاغي ودي كانيو هالكديش تسميهم مهاجمين !!؟

اعطي فرصـه لـ ديلغادو ودي سوزا ولا العب هالخمـه !!

دي سوزا من ابناء لودجيانو وعاد إلى ناديه

والله لو هو من ابناء وداي لبن بنادي الرياض !!
لاعـب .. سنه كامله معنا .. صغير وعنده امكانيات جيـده وما عنده عقـد !!
اخـليه يطـلع .. بهالطريـقه !! .. ياخي وقع معه عقـد واعيره .. ابيع نص عقـده عـلى الاقـل !!
معلومه بس .. هو راح لـ ميسينا موب ناديه الاصـلي !

طيب ؟ وتالمونتي ؟ لاعب عادي وفاشل .. !!
احسـن لاعب بالدرزن اللي جابه العام .. ليش ما وقع معه .. ليش ما اشترى عقـده !!

3 .. لاعبين شباب .. يفرط فيهم ؟ ببلاش !!
ويجـمع بالكديـش .. واللي عقودهم منتهيه ومطرودين من انديتهم !!
ولا هو راضي يجدد مع افضل الموجودين !!

هذا رئيس بالله !!
ذلنا عـ الانقاذ وليته ما انقذنا .. لو هبطنا ابرك !!


إعارة لو كان لاعب يتنبأ له بمستقبل كبير وواعد. وكل نادي له قناعاته بلاعبينه مو كل لاعب يطلع نجي احنا ونرمي كلشيء على الرئيس. في شيء اسمه مدربين وجهاز إداري وهم اللي يقررون. يعني نغفل عن العمل الذي قام وهو الاحتفاظ بمجموعة من اللاعبين الشباب والذين مثلو المنتخب ونركز على هالشيء؟

لكن دلجادو مع احترامي لا اعتقد بأنه أحد المواهب الكبيرة ولا احد يقول مباراتنا مع الإنتر لانه العرضية اللي جاء منها الهدف الحظ ساعده فيها.

مادري لا يكون يتنبأ .. بـ تاري وانزاغي ؟
امححححق قناعه عنده ..
اذا الجهاز الاداري والفني فاشل .. مين يتحمل اللوم بجلبهم ؟
طبـعا منقذ الغفلـه .. !!

والحين اذا احتفـظ فيهم .. صار هو البطـل ؟
اذا فرط .. هو ماله دخـل ؟

خخخخخخخخ .. حلوه بصراحه :D

[a.perozi]

اي لوتيتو رئيس لكن إذا المدرب غير مقتنع باللاعب شبسوي لوتيتو يعني.. لاعبين كثيرين ارتبطو بالنادي لكن روسي غير مقتنع بهم يعني لوتيتو قال أنا الرئيس وأجبره وقاله نجيبهم.

الحين تاري اتشوفه مو زين؟ عجيبه. يتحرك ويسجل وأفضل من العاهات السابقين اللي كانو موجودين.

إنزاغي؟ في أحد طلبه والرئيس قال لا؟ حتى الإنتر بالغصب يبي يوديه.

الحين بالعقل؟ بتعطي فرصة لدي سوزا وديلغادو علشان بالمرة نروح الدرجة الثانية بدل ما نصارع على البقاء. ليش مانشيني ما عطى دلجادو الفرصه؟ والعام الماضي أعتقد أعطيت الفرصة لدي سوزا ولعب بمباراة الانتر ايضا لكنه غير قادر على مصارعة اللاعبين بدوري الدرجة الأولى. هو بحاجة إلى الكثير من السنين وبالأخير يمكن ما يطلع لاعب بالإمكانيات اللي متوقعينها.

تالامونتي؟ عدنا نفس القصة. المدربين مو مقتنعين باللاعب تبيهم غصب يلعبونه. وكل مدرب يقول أنه تالامونتي يصلح لمراقبة رجل لرجل ولكن في التغطية الدفاعية ليس جيدا. يعني احنا احسن من ثلاث مدربين ؟ وإنزاغي بدل ما نشكره على اللي سواه والمستويات اللي قدمها وكنا نطالب بإشراكه أيام مانشيني نسميه عاهه ؟ ووقت اللي بنتخلى عنه للإنتر تطالبون باشياء كبيرة!! عجيبه.

ههههه يعني تبي الرئيس يبقي كل اللعيبه الشباب ويربطهم بعقود وويشتغل لك بيع نصف والابقاء على نصف وإعارات مالها اول ولا آخر وننتظر سنين وبالأخير يمكن ما نجني شي مع العلم انه عندنا لاعبين كثيرين معارين وبنصف ملكية. افهمني لما اقول له مستقبل يكون لاعب شاب مثل ديليو روسي أو دي سلفستري أو أكويلاني وهناك لاعب آخر نسيت اسمه يلعب بميسينا الآن كان لاعبا بروما هؤلاء الذين أقصدهم ويجب التمسك بهم. ليس لاعبين تسمع عنهم او شفتهم يسجلون من مجهود فردي للاعبين آخرين وانت تقولي امكانيات جيدة!! واحنا مو في وضع يسمح لنا بتوقيع العقود مع كلمن هب ودب.

[Shomi]

وكل مدرب يقول أنه تالامونتي يصلح لمراقبة رجل لرجل ولكن في التغطية الدفاعية ليس جيدا

الحييين تالامنتي صار جذي والله حرام عليك اتقول جذي واي مدرب غبي قال تبي اتقول لي روسي ؟ روسي مدرب مو عاجبه اي احد مادام قال ماحب لاعب يلعب في مركزين وكل مدربين الدنيا يبون لاعب يلعبون في اكثر من مركز واخوي لاتنسى مبارا روما ولاتسيو وجوف اشسوه تالامنتي في الدفاع ولاتنسى مبارا الانتر ولاتسيو وجوف تالامنتي اشسوه في الدفاع بس مدربين الفاشلين مثل كاسو وبابادوبولو والآن روسي كلهم مابغو تالامنتي لان مو ايطالي وهالاشكال من المدربين مايعتمدون اله على الايطاليين ...........

ثاني شي انت اتقول ان مو ذنب لوتيتو اذا مو ذنب لوتيتو عيل ذنب من اصلن لوتيتو اهو رئيس النادي اوهو مدير النادي اهوه كلشي يعني مايصير يدخل روحه في كلشي كل نادي لازم يكون فيه مدير حق الانتقالات بس انه ماجوف احد في لاتسيو جذي ...........

الحين تاري اتشوفه مو زين؟ عجيبه. يتحرك ويسجل وأفضل من العاهات السابقين اللي كانو موجودين.

تبي اتقول ان تاري لاعب امسوي شي لنه؟؟؟؟ اي تاري عاهه وستين عاهه بعد ووله هجوم في لاتسيو يصلح يلعب لهالنادي ماعدا بانديف وهاي الصج [/size]

[The EagLe]

اي لوتيتو رئيس لكن إذا المدرب غير مقتنع باللاعب شبسوي لوتيتو يعني.. لاعبين كثيرين ارتبطو بالنادي لكن روسي غير مقتنع بهم يعني لوتيتو قال أنا الرئيس وأجبره وقاله نجيبهم.

يعني ؟ كيلر جا باقتناع من ديلو روسي !!
سؤال ياليت تجاوب عليه !!


الحين تاري اتشوفه مو زين؟ عجيبه. يتحرك ويسجل وأفضل من العاهات السابقين اللي كانو موجودين.

تاري ؟ ليه انت تشوفه مهاجم ؟ او تسميه مهاجم !!
لاعب طويل اهبـل .. وشايب !!

الحين بالعقل؟ بتعطي فرصة لدي سوزا وديلغادو علشان بالمرة نروح الدرجة الثانية

تكفى يالعام .. ؟ اللي ما نافسنا عـ الهبوط !
اللي يسمعك يقول فريقنا بس .. مسنتر من الـ 6 الاوائل !!

انا اقول اعطيـه فرصـه بـ كأس ايطاليا .. فرصـه كـ بديل في الشوط الثاني !

ليش مانشيني ما عطى دلجادو الفرصه؟

ماعرفنا ديلغادو الا مع مانشيني ..!!
شلون ما عطاه فرصـه !!

وبالأخير يمكن ما يطلع لاعب بالإمكانيات اللي متوقعينها

ويمكن يكون نااااااجح ويقدم شي لـ الفريق !!
لوتيتو وش بيخسر اذا اعاره ؟

تالامونتي؟ عدنا نفس القصة. المدربين مو مقتنعين باللاعب تبيهم غصب يلعبونه

مادري انت شفت لاتسيو العام الماضي ؟ ولا !!
تالمونتي كان اساسي في فترات كثيره !!
وما الفتره اللي ترك لاتسيو .. كان لاتسيو بدون مدرب !!
شلون المدربين مو مقتعين فيه ؟ ليش لوتيتو كان يفاوض مديره ؟
ليش لوتيتو كذا مره نسمع انه قريب من شراء عقـده ؟!
تالمونتي تررررررك النادي .. وديلو روسي ما استلم التدريب !
وش دخـل المدربين ؟ يعني اذا الرئيس نجح في التجديد .. له الفضل ؟ واذا ماقدر اللوم عـلى المدربين !

ههههه يعني تبي الرئيس يبقي كل اللعيبه الشباب ويربطهم بعقود وويشتغل لك بيع نصف والابقاء على نصف وإعارات مالها اول ولا آخر وننتظر سنين وبالأخير يمكن ما نجني شي مع العلم انه عندنا لاعبين كثيرين معارين وبنصف ملكية. افهمني لما اقول له مستقبل يكون لاعب شاب مثل ديليو روسي أو دي سلفستري أو أكويلاني وهناك لاعب آخر نسيت اسمه يلعب بميسينا الآن كان لاعبا بروما هؤلاء الذين أقصدهم ويجب التمسك بهم. ليس لاعبين تسمع عنهم او شفتهم يسجلون من مجهود فردي للاعبين آخرين وانت تقولي امكانيات جيدة!! واحنا مو في وضع يسمح لنا بتوقيع العقود مع كلمن هب ودب.

دي سيلفيستري ؟ اسألك بالله .. كم دقيقه شفت اللاعب !!
ولا انت يمكن مـع شله مع الخيـل ياشقرا ؟ سمعنا انه جيـد ؟ معناها له مستقبل !!


خخخخخخخخخخ .. اجـل تاري وكيلر وبالوتا .. مو هب ودب ؟!
حلوه .. اشتري شياب وفاشلين عادي ؟ ارتبط بـعقد مع لاعبين شباب من النادي .. لأ !

[The EagLe]

صح .. ذكرني هشوم !!

انت تسمي كاسو وبابادوبلو مدربين ؟ :d

[a.perozi]

من جديد ..

المشكلة تتكلمون حسب آرائكم وهاملين الاساس..

انا مستعد أجيب لكم تصريح بابادوبلو بانه قال بانه تالامونتي وليكي يصلحون فقط لرجل لرجل ولكن كدفاع لم يصلو للمستوى. مع الإنتر وروما الظاهر ناسيين أن هدف أدريانو وكاسانو كان من سوء تغطية من تالامونتي. ولا في مباراة كالياري حين خسرنا المباراة لسوء التغطية الدفاعية. هم لاعبين جيدين صحيح لكن نجي احنا ونحط روحنا مكان المدربين ونقول لا هذا ما يسمونه مدرب لا عجل احنا المدربين والفاهمين واحسن لوتيتو يجيبنا ونختار اللعيبه بالدفاع. بابادوبلو والله انظلم يوم كنا نمدح فيه والحين مسكين الكل يذمه ، الرجال ما قدم مستوى ممتاز مع سيينا؟ وأنقذهم من الهبوط؟ واذكر لعبو فينا بالثلاثه.

واللي يقول ترى روسي هو اللي اختار اللاعبين بالدفاع واصلا ما كان مقتنع بسيفيليا وكان يريد لاعبين آخرين.

ونرجع مره ثانيه لتاري. لاعب بعمره ويسجل بالإمكانيات هذي تقولي اهبل وشايب !! كفايه الهدف في مرمى اسكولي.

وأرجوك لا تاخذ نص كلامي وتقتبس منه ، أنا قلت أنه احنا بهالمهاجمين قاعدين ننقذ الفريق من الهبوط . وتبي تعطي دلجادو وصاحبنا الفرصه في اوقات حرجه؟ وما عرفنا الحين تبون الكأس واذا لعب فيهم يعني تتوقعون بيلعبون بالانتر لعب ولا بالاودينيزي ولا بسامبادوريا؟

وانا اقصد مانشيني عطاه الفرصه كفايه وما اشوف انه لاعب مقنع.

والحين دخلت بالوتا بعد :p اشوف انك تحكم على اللاعبين من مستواهم . بالوتا قاعد يقدم مستوى مقنع كحارس ثالث من مباراة ريجينا.

وانت بتجود لي كل لاعب وبتقولي باقتناع من المدرب روسي. اللاعبين المنتهية عقودهم ياتون وفي محاولة للزج بهم في صفقات اخرى كتبادل او شيء . احنا نطالع الشكل العام. وليش يعني كرانيوتي كان احسن من لوتيتو؟ يجيب لاعب ويبيعه بعد موسمين ويجيب أسوأ منه وحصدنا بطولات ولكن بالهاوية.

[lazio2010]

مشكور اخوي على الخبر :(
ما عندي اي تعليق ،،،

[متيم لازيو]

بصراحة الموضوع ما يستاهل:.:.

كلام زايد ليه كله علشان دلجادو ودي سوزا!!!!

بصراحة انا مع احمد يعني دلجادو انعطى فرصة وشفناه لم يكن ذاك الاعب:.:.

اللي يستاهل نسوي عليه الرجة هذه كلها وحتى دي سوزا يالله دي سوزا وينه الحين احد يسمع عنه ولا علشان سجل هدف:..:

أنا اقول ان الرئيس ما عندك احد بس مو كل شئ ينحط عليه أنا أتوقع إن غلط لوتيتو فقط إنه باعه لأن المدرب ما يحتاجه المفروض إعاره!!!!

[Shomi]

اخوووووووي ماقول انه احنه في كلشي عدل بس انت فيك عيب لازم اطلع لوتيتو اهوه اللي صح يعني جنك محامي عليه لو شنو يسوي بعد احنه اللي غلطانين واهوه اللي صح مايصير جذي ........... اذا تبي كل مره اتسوي جذي احنه بننطم ونسكت احسن لنه

[J10]

بالنسبه للي يتكلمون على ان لوتيتو يدور اي لاعب منتهي عقده

نسيتوا سياسة موجي ؟؟ نسيتوا موتو وجينيكيا

لحد يقولي ليش ماياب وتو ولا لاعب سوبر

تبون الصج ولا ولد عمه

في لاعبين مايبون يلعبون مع لازيو فهالوقت يعني مو معقوله موتو من تشيلسي ومن فريق متغير مليون درجه على البطولات

ايي ويهده على شان لازيو

[sas]

والله يا اخوان ما اظن ان دلغادو هو اللاعب اللي يستحق كل هالذم في لوتيتو على شانه مع احترامي الكبير لارائكم

[متيم لازيو]

في لاعبين مايبون يلعبون مع لازيو فهالوقت يعني مو معقوله موتو من تشيلسي ومن فريق متغير مليون درجه على البطولات
ايي ويهده على شان لازيو

ياخي ما نبي سياسة موجي ولا سياسته!!!!!

نبي سياسة كل الأندية لاعب ممتاز نشتريه بفلوسنا مو شرط لاعب مشهور وغالي وراتبه عالي نبي أمثال اللي راحو علينا ويا كثرهم:.:.

[Shomi]

نسيتوا سياسة موجي ؟؟ نسيتوا موتو وجينيكيا

اخوووووي لاتقارن موجي ويه احد كلش صج عيب تقارنه ويه احد هالآدمي داهيه جان زين عندنه احد نفسه وثاني شي موجي يايب لاعبين اثنين منتهين عقودهم مو درزن لاعبين وثاني شي جانيكيدا يايبينه تكمله عدد يعني لو بلاسي وفييرا واميرسون مالعبو عقب بدخل كابيلو جانيكيدا وبالنسبه لموتو وايد انديه بغو موتو مو بس يوفنتوس فاخوي لاتقارن موجي ويه لوتيتو وايد في فرق..........

[McManaman]

انتـظر .. وبشـده .. رأي اللي يدافعون عنه !! واللي يقولون يبي يبني المستقبـل !!
عااااااااد .. خوفي .. يقولون .. والله راتب ديلغادو ودي سوزا ... عالييييييه وما نقدر عليه :d


و الله أنا معاك قلبا و قالبا

[Laz!o]

لا تعليق.......

[سلاس_11]

والله شي يموت من القهر الرئيس يقول انا جاي ابني فريق من لاعبين صغار السن وسوف ننافس على البطولات بعدها اي كلام هذا وافعالك لا تقول ابدا انك تعتمد على الصغار بالعكس تعتمد على كبار السن والدليل بيعك لصغار الفريق الى انديه اخرى واستقدام لاعبين من فوق 30 سنه للفريق

[The EagLe]

بااااااااااااااااك .. :l

انا مستعد أجيب لكم تصريح بابادوبلو بانه قال بانه تالامونتي وليكي يصلحون فقط لرجل لرجل ولكن كدفاع لم يصلو للمستوى. مع الإنتر وروما الظاهر ناسيين أن هدف أدريانو وكاسانو كان من سوء تغطية من تالامونتي. ولا في مباراة كالياري حين خسرنا المباراة لسوء التغطية الدفاعية. هم لاعبين جيدين صحيح لكن نجي احنا ونحط روحنا مكان المدربين ونقول لا هذا ما يسمونه مدرب لا عجل احنا المدربين والفاهمين واحسن لوتيتو يجيبنا ونختار اللعيبه بالدفاع. بابادوبلو والله انظلم يوم كنا نمدح فيه والحين مسكين الكل يذمه ، الرجال ما قدم مستوى ممتاز مع سيينا؟ وأنقذهم من الهبوط؟ واذكر لعبو فينا بالثلاثه.

1- اكرر واقول .. المدرب ماهو رسـول كل كلامـه صح !!
فيه اشياء بالعقـل .. يعني موب اي شي يقولـه لازم نأيد الكلام ونقوله لازم هو الصـح !!
تالمونتي مدافـع جيـد جدا بالمقارنه مـع عمره كـلاعب وكـأول تجربه له خارج الارجنتين !
والتفريط فيـه كااااااان غـلطه ويتحمـلها النادي .. والمسؤول عن النادي !!

2- اي مدافع معرض لـ الغلط .. ولا نسيت فضيحـه الـ 5 ؟ من كان بطـلها بالديربي ؟!

3- بابادوبلو مدرب عادي جدا واقـل من العادي !
وموب اي مدرب ينقـذ فريقه من الهبوط يصبح مدرب جيـد !! يعني هو انقذنا من الهبوط ؟ يعني جيـد بالله :D
ومباره سيينـا الـ ثلاثيـه .. كان الفريق وقتها سيء وزاد الطين بله طـرد ستانكوفيش !!





واللي يقول ترى روسي هو اللي اختار اللاعبين بالدفاع واصلا ما كان مقتنع بسيفيليا وكان يريد لاعبين آخرين.

ونرجع مره ثانيه لتاري. لاعب بعمره ويسجل بالإمكانيات هذي تقولي اهبل وشايب !! كفايه الهدف في مرمى اسكولي.

وأرجوك لا تاخذ نص كلامي وتقتبس منه ، أنا قلت أنه احنا بهالمهاجمين قاعدين ننقذ الفريق من الهبوط . وتبي تعطي دلجادو وصاحبنا الفرصه في اوقات حرجه؟ وما عرفنا الحين تبون الكأس واذا لعب فيهم يعني تتوقعون بيلعبون بالانتر لعب ولا بالاودينيزي ولا بسامبادوريا؟

وانا اقصد مانشيني عطاه الفرصه كفايه وما اشوف انه لاعب مقنع.

1- انت تقيـس المهاجمين ؟ على حلاوه الـهدف !
تاري .. لاعب فاااااشل , رأي شخـصي .. مهاجم اقـل من عادي تحقق له شي ما كان يحلم فيه وانه يلعب بلاتسيو !

2- مادري .. ليش الاقتباسات تعجبني :D

3- بالنسبه لـ ديلغادو ودي سوزا .. خلااااص مانبي نعطيـهم فرصه !!
بس نعيرهم .. فلحوا وجا منهم مستوى .. نرجعهم .. ما فلحوا .. نطردهم نبيعهم .. نحرررررج عليهم اللي هو !!
لكـن .. نتركهم .. يطـلعون بهالعمر ؟ لأ لأ لأ !!



والحين دخلت بالوتا بعد اشوف انك تحكم على اللاعبين من مستواهم . بالوتا قاعد يقدم مستوى مقنع كحارس ثالث من مباراة ريجينا.

.. ليش لاتسيـو بس اللي عنده حارس 3 وعمره 41 سنـه !!
كل الانديـه يكون حارسهـا الـ 3 من درجـه الشباب .. ليش حنا نجـمع كديش !!
الرئيس والمدرب يقولون نبي المستقـبل على الشباب .. والحارس الـ 3 المفروض يكون فرصه لـ شباب النادي !!


وانت بتجود لي كل لاعب وبتقولي باقتناع من المدرب روسي. اللاعبين المنتهية عقودهم ياتون وفي محاولة للزج بهم في صفقات اخرى كتبادل او شيء . احنا نطالع الشكل العام. وليش يعني كرانيوتي كان احسن من لوتيتو؟ يجيب لاعب ويبيعه بعد موسمين ويجيب أسوأ منه وحصدنا بطولات ولكن بالهاوية.

لا تقارن .. كرانيوتي .. بـ لوتيتو !!
كرانيوتي .. رمز كبيـر وصـنع لـ لاتسيـو تااااااريخ !!
وش استفاد هو ؟ ضحـى بـ فلوسه وبنفسه وباهله ودخل السـجن !!
صح .. كان سبب في تدهور لاتسيو .. لكن صـنع لنا تارررررررريخ !!

================================================== ===/
بالنسبه للي يتكلمون على ان لوتيتو يدور اي لاعب منتهي عقده

نسيتوا سياسة موجي ؟؟ نسيتوا موتو وجينيكيا

لحد يقولي ليش ماياب وتو ولا لاعب سوبر

تبون الصج ولا ولد عمه

في لاعبين مايبون يلعبون مع لازيو فهالوقت يعني مو معقوله موتو من تشيلسي ومن فريق متغير مليون درجه على البطولات

ايي ويهده على شان لازيو

هـلا جاسر .. قل احمد ياخي تعال ورد علي :l

.. قالك هشام !! مافيه مقارنه ولو 1% بين سياسه جوفنتوس وسياسه لاتسيو !!
انا ما اعترض على اللاعبين المنتهيه عقـودهم .. لكـن اعترض على اللاعبين اللي جونا !!
كنا نقدر نجيب فوجيـل ببلاش .. كان بيكون مكسب كبير لـنا !!

النقـطه الثانيه ..
ومن قال ان حنا نبي لاعبين نجوم او مستوى متوسط !!

1- خيمنيز .. يلعب بدرجه ثانيه وقع لـ فيورنتينا نص ملكيه بـ 2 مليون بس !!
- سميولي .. اللاعب قريب من باليرمو وبسعر 2 مليون ايضا !!
- دي ميكلي .. وقـع لـ باليرمو بـ 2 مليون
- وغيرهم الكثير اللي يلعبون بانديه اقـل من لاتسيو .. وفرصه اللعب مع لاتسيو يعتبر حـلم بالنسبه لهم !
وباسعار قليله ؟ يعني انت تتوقع .. لاعبين بـ كييفو ولا بارمـا وليتشي او بالدرجه الثانيه .. ياخذون رواتب اعلى من رواتب فريقـنا ؟!!



================================================== ====/

والله يا اخوان ما اظن ان دلغادو هو اللاعب اللي يستحق كل هالذم في لوتيتو على شانه مع احترامي الكبير لارائكم

هـلا ساس ..
المشكله ماهي ديلغادو راح .. او بقـى !!
المشكـله سياسه الرئيس المتناقضـه !!

تفريط .. بـ تالمونتي ودي سوزا وديلغادو .. واعمارهم ما تتعدى الـ 20 سنه !
وهو ينادي ويقول سياستنا الشباب ؟



ولي رجـعه .. :l