تسجيل الدخول

مشاهدة النسخة كاملة : في مباراة ودية >> لاتسيو يفوز بــ السبعة استعدادا لـ كاتانيا

Laz!o
10-20-2006, 12:45 AM
http://www.sportal.it/sportal/immagini/imagelib/94077.jpg
في مباراة ودية تحضيرية لما قبل لقاء الفريق مع كاتانيا في يوم الأحد القادم

تغلب لاتسيو على فريق يدعى بالوكو و بسبعة أهداف مقابل لا شيء .

وقد تناوب على تسجيل الأهداف كل من :

الشوط الأول >>

بارونيو (هدفين)

فوجيا

مانفريديني

روكي

الشوط الثاني >>

ماوري

انزاجي

المصدر (http://www.sportal.it/sportal/immagini/news/news963049.html)
سيرجيو
10-20-2006, 01:21 AM
مشكور أخوي
المهم عودة فوجيا
THE BEST
10-20-2006, 02:16 AM
ان شاء الله تتحسن صورة الفريق الباهتة
ونفوز ونبدأ الدوري مع الاندية بدون خصم
واذا خففت لنا العقوبة يكون شي اكثر من ممتاز
سلام
متيم لازيو
10-20-2006, 03:24 AM
الف شكر على الخبر

كل اللي ما يلعبون يردون على روسي !!

مادري ليه ما يلعبهم بارونيو وانزاجي وفوجيا !!
Laziale Prince
10-20-2006, 04:03 AM
المهم عودة فوجيا
حمدالله على السلامة
مادري ليه ما يلعبهم بارونيو وانزاجي وفوجيا !!
ان شاء الله المبارة الجاية الثلاثة موجودين باروينو وفوجيا بدل ليديسما ومانفراديني
اما انزاغي على الاقل يكون هو البديل لبانديف
MXM910
10-20-2006, 02:48 PM
والله مشكلة هالفريق في العاهات اللي فيـــــــــــــــه ..!!

يعني لاعبين تحس متخصصين بس في إحراز أهداف في المباريات الوديـــــــــــة فقط ..!!

يالله إهي لعبة وخلاص .." بالمصري .. هههههه ..!! "

مانفرديني و إنزاجي وش سالفتهم كل مباراة ودية لازم يجيبون فيها أهداف ..!!
طيب وينهم في المباريات الرسمية, والله أنا مستعد أمشيها وأصبر على نجم الورق إنزاجي
" ودائماً وأبداً ألقبة بهذا اللقب وكثير عليه ومنذ بدايته وحتى الآن ..!! "

وأما بالنسبة لمنفرديني شكلي بأحط راتبي الشهر هذا + بدل السكن+ 10.000 = وأستأجر لي قاتل مأجور وأهم شيء يكون إيطالي ورجل مافيا سابق وأعطية الفلوس عشان يذبح الأسمر المعتوهـ منفرديني ..!!
.................................................. ........................

مبروك الفوز واللي نتمنى أن يكون له مردود نفسي كبير للفريق حتى يدخل مباراة كاتانيـــــــا ويظفر بنقاطهــــــــــــا الثلاث ..!!
بس المهم هو التجانس والثبات على تشكيلة واحده يا روسي ...!!!
سلاس_11
10-21-2006, 06:09 AM
مشكور على الخبر اخوي
lazio2010
10-21-2006, 04:23 PM
الف الف شكر اخوي ..

ننتظر الكثير من الفريق في المباراة القادمة امام كاتانيا ..
sas
10-21-2006, 04:35 PM
عودة فوجيا ممتازة لانه مطلوب ليساعد بليري على الجناح الايمن لان بليري ليس بمستوى اودو هجوميا بالتوفيق للفريق
متيم لاتسيو
10-21-2006, 04:46 PM
مشكورين على الخبر ..

منفرديني كما قال المثل : لامع العير ولا مع النفير :aa_mobi:
ALEX 10
10-21-2006, 10:52 PM
مشكور على الخبر

و مبروك الفوز المعنوي و المنطقي و الفوز المشجع للاتسيو

اللي ان شاء الله يكون سبب في الفوز في مباراة كاتانيا يا رب

بس في واحد من الاخوان يقول عن مانفريدين عاهة هو و إنزاغي

بصراحة هذا كلام غير منطقي و انا احترم وجهة نظرك مهما كان

لكن مانفريديني لاعب جيد و ممتاز و فنان و سريع و صاحب قدم قوية

و إنزاغي اكيد الكل عارف مين هو انزاغي لاعب فنان و ما اقدر اقول عنه الا كل شئ حلو و كل شئ ايجابي للاعب هذا ... و اليوفنتوس كان يبغى يجيبه في الصيف لكن انتهت الفترة و لم يلقى اليوقي اي تجاوب

انزاغي لم يلعب اي مباراة في الكالشيو و ما ادري و ش اللي عاجب ديليو روسي في تاري هذا والله ما يستحق يلعب بدل لاعب مثل انزاغي و مفروض الاوليوية تكون لإنزاغي اولا و اخراً

و مشكور على الخبر
MXM910
10-22-2006, 11:44 AM
بس في واحد من الاخوان يقول عن مانفريدين عاهة هو و إنزاغي

بصراحة هذا كلام غير منطقي و انا احترم وجهة نظرك مهما كان

لكن مانفريديني لاعب جيد و ممتاز و فنان و سريع و صاحب قدم قوية

و إنزاغي اكيد الكل عارف مين هو انزاغي لاعب فنان و ما اقدر اقول عنه الا كل شئ حلو و كل شئ ايجابي للاعب هذا ... و اليوفنتوس كان يبغى يجيبه في الصيف لكن انتهت الفترة و لم يلقى اليوقي اي تجاوب




الله يحفظك ويرحم شيبانك بس عاد قول غير هالكلام ..!!

هل تعتقد بأن العاهه مانفرديني لاعب كرة قدم , والله وشوف وأنا صايم أقولها ..!!

أوقات كثيرة أحس اللاعب هذا يسمع بكرة القدم بس مايدري وشلون يلعبونها,

لا وأبشرك أتوقع هذا اللاعب ساكن جنب الملعب وإذا شاف الأنوار شغاله راح بدل ودخل الملعب عشان يلعب, ولا أحد يوقولي طيب .. ليش المدرب يلعبه دايماً.. وطبعاً السبب واضح ومعروف وهو أحد إثنين :

1- أما أن الملعب حق أبو هالعاهه مانفرديني ,,وعشان كذا لازم يلعبونه أو بيروح يقول لأبوه وطبعاً أبـــوه بيقوله روح طفي الأنوار عليهم ..!!

2- أن الكورة اللي يلعبون فيها حقة منفرديني ,, يعني تلعبوني أو آخذ كورتي وأمشي ..!!

والثانية دايم تصير عند كل الناس, ..!!

على العموم ..!!

وزي ما أغلبنا إذا ماكان كلنا يعرف ..!!

اللاعب الجيد تعرفه من لمسته للكورة, وأخي الغالي Alex10 منفرديني لوتلاحظ إذا إستلم الكورة تحس أنه مايعرف وين يروح ولا وش يسوي بالكورة قسم بالله تحس اللي يلعب رجل آللي مش
" لكن مانفريديني لاعب جيد و ممتاز و فنان و سريع و صاحب قدم قوية " مثل ماقلت ..!!
...............

وأما بالنسبة للسيد إنزاجي فهو وللأسف يستفيد من إسم أخوه الهداف والرئع والذي قال عنه كرويف قبل فترة " إنزاجي أفضل لاعب في العالم يتمركز داخل منطقة الجزاء .. " والتمركز الجيد هو أهم صفات المهجم الهداف يالغالي .. وأنا أتحدث عن فيلبو إنزاجي لاعب اليوفي السابق والميلان الحالي ..!!

وأما بالنسبة لسيموني إنزاجي الطفل المدلل ولاعب لاتسيو ونجمه الورقي, فهو أبعد مايكون عن أخوه ومستواه العجيب ..!!

وهو ومنذ فترة طوييييييييييييييييييلة جداً يحاول العودة لمستواه الذي لم يكن موجود بالأساس,
يعني إنزاجي ليس بالإمكان أكثر مما كــــــــــــــــــــــــــــان ..!!

وعزيزي تاري أفضل من إنزاجي نجمكم الورق بكثير ..!!

وعزيزي وكما قال الرمز الله يرحمه عبدالرحمن بن سعود
" الإختلاف في وجهات النظر لايفسد للود قظية "
كل عام وأنتم بخير ومن العايدين ..!!