مـنـتـدى لاتـسـيـو لـلـعـرب - ريا : "الفريق قد نما أكثر"

مـنـتـدى لاتـسـيـو لـلـعـرب (http://www.lazio4arab.net/montada/index.php)

- نــسـور لاتـسـيـو (http://www.lazio4arab.net/montada/forumdisplay.php?f=2)

- - ريا : "الفريق قد نما أكثر" (http://www.lazio4arab.net/montada/showthread.php?t=34184)

رد: ريا : "الفريق قد نما أكثر"

اقتباس:

المشاركة الأصلية كتبت بواسطة don jwan (المشاركة 356393)

صحيح أنه النقطه مكسب من جحيم الساوباولو في ظل ظروف الفريق من غيابات

بس اللي ضايقنا هو شكل لاتسيو إجمالا في المباراه....!!!

يعني أنا ما أحب اشوف فريقي يلعب بهالطريقه المقيته والممله وكأننا نلعب ضد برشلونه...!!

يعني في كم كوره كان الفريق ينقل الكوره بسرعه ويوصل قريب الثمنتعش لنابولي و يكون من ثلاثه إلى اربعه لاعبين من لاتسيو قريب منطقتهم ويقدرون يهجمون على حارسهم وممكن تصيب ونجيب قول بس تشوف اللاعبين بكل برود يا يرجعوها للمحور والا يتناقلوها بطريقه عرضيه تفضح أننا ما نريد نجيب قول بس جايين ناخذ النقطه ونرجع....!!! وهذي تكررت اكثر من مره في الشوط الثاني

الصراحه في لحظات من الشوط الثاني تمنيت نابولي يجيب قول عشان اشوف رد الفعل منا كيف بيكون وهل نقدر نلعب كورة حقيقية والا بنكون من طخة نوافارا و نرضى باقل الخساير...!!

يا ريجا لعبت للنقطة ونلتها بس قدام اليوفي غير الثلاث نقاط ما نبي

http://www3.pictures.zimbio.com/gi/s...0ub35kzhsl.jpg

هذا هو قبل المباراة يقول للاعبين ما اريد ثلاث نقاط بس يكفيني نقطه هههههههه

صح لسانك أخوي جوان

أتفق معاك 100% !

رد: ريا : "الفريق قد نما أكثر"

يعطيك العافية يا عدنان

صحيح لعب على النقطة والمرتدة بسبب الغيابات

لكن كان بإمكانه اللعب أفضل مما كان

بالنسبة للفريق فقد نما فعلاً بشكل رائع على الصعيد الخلفي والدفاعي

باقي الفريق يتعلم كيف ومتى يجيب قول

شـكــ وبارك الله فيك ـــرا لك ... لك مني أجمل تحية .

رد: ريا : "الفريق قد نما أكثر"

ياعمي استريح .. يعني علشام دافعنا 90 دقيقه نمى الفريق !!

يبا والله امس استحيت اقول اني اشجع لاتسيو بسبة المستوى الفاشل .. حسسني اننا نلعب قدام برشلونه

والله نابولي ما عنده شي لكن ابو الشباب كان خايف

رد: ريا : "الفريق قد نما أكثر"

اقتباس:

المشاركة الأصلية كتبت بواسطة stankovic (المشاركة 356461)

كيف ما عندهم شي؟ الفريق في السان باولو قوي جداً...

سكولي .. صراحة لاعب ما يفهمه إلا ريا .. لاعب ينتقل من الجناح الى الهجوم الى الوسط .. الى رأس حربة .. ما أشوف انه لاعب سيئ كما يقول البعض ولكن صراحة "جيد" وسجل وصنع أهداف في اكثر من مباراة

البارحة صراحة ما فهمت ليه يغير مركزه كل فترة..من جناح الى رأس حربة الى الوسط الى مركز هرنانز.. تعبني ريا بتحرك سكولي ..:8:

ولكن الهدف الاول لريا ايقاف ماجيو + هامسيك ولافيتزي على اليسار بسكولي ولوليتش ورادو

حتى اضطر لافيتزي يغير مركزه الى اليمين مع انه بدأ في اليسار .. تحول سكولي الى الوسط والهجوم مع أنه بدأ جناح يسار ..!!

رد: ريا : "الفريق قد نما أكثر"

الجود من الماجود اللاعبين مصابين ومهمين بالفريق نقطه حلوه