|
رد: منصب لوتيتو في خطر اقتباس:
لوتيتو وبالتصريح الاخير اللي انت مترجمه قال دفعت 75 مليون وهذا اكبر مبلغ قدر يكذب ويذل فيه جمهور لاتسيو انا عندي قناعة بأنه كذاب ولادفع حتى 75 مليون واللي دفعه كله لو اجمعه على مر السنين القاه دفعه في الاسهم اللي اشتراها بس ... ومقتنع انه يختلس ويسحب سنويا من لاتسيو بدون حسيب ولا رقيب ولا استبعد ان اللي يسرقه ويختلسه من لاتسيو يزيد فيه اسهمه بشكل سنوي ... واستدل بعدد الاسهم القليلة اللي اشتراها في البداية واستفزع بنسيبه يحجر على نسبه ثانية حتى يتوفر له المبلغ الكافي لشرائها منه الديون اللي على لاتسيو دفعها لاتسيو ببيع لاعبينه سابقا وبالتقسيط اللي حصل لاحقا ومحد له منه على لاتسيو |
رد: منصب لوتيتو في خطر عبدالرحمن المسأله ما هي مسألة اقتناع .. هذا واقع و حقيقه في اوراق و اثباتات كل سنه تخرج من وزارة الماليه و مصلحة الضرائب .. كل فلس يدخل و يطلع من اي نادي مسجل و مكتوب صفقة خوليو كروز على سبيل المثال صفقة مجانية على الورق بـ بلاش .. لكن الاوراق الرسمية نهاية الموسم اكدت ان صفقة كروز كلفت مليون و نص اخذها كروز و وكيله كـ دفعه اوليـه و قبولهم بـ الراتب القليل المقارن بـ راتبه اللي كان يستلمه مع الانتر في اوراق تخرج من الحكومه ما هي من النادي .. ما ادري سبب تكذيب لوتيتـو بـ هذا الموضوع و مسألة الـ 75 مليون يورو اللي دفعها اول ما استلم لاتسيـو كانت ضمانه فقط لـ التأكيد فقط انه ناوي فعلاً يشتري النادي و يدفع الديون اللي عليـه الاتحاد الايطالي و البنك طلبوا من لوتيتـو يدفع 75 مليون عشان يتم تسجيل لاتسيـو للموسم المقبـل و بقية الديون تتفاهم فيها مع الدائنيـن .. و في حال فشلك فـ النادي سـ يفلس و يمسح بالكامل الموسم اللي وراه يعني لو لوتيتـو ما قدر يفاوض كل الدائنين و اولهم مصلحة الضرائب لأنها جهة حكوميـه كان الـ 75 مليون اللي دفعها بعدها بـ موسم تروح هباءاً منثورا لأن كيناليا ما قدر على هذا الطلب و قال ان الشركة المجريه ما اتفقت على هذا الامر .. و حتى رئيس سيسكو روما كان يفكر بهالشيء انه بياخذ لاتسيو موسم و يحاول ينتشله و اذا ما قدر خلاص يتم اعلان افلاسه نفس الوضع اللي كان فيه لونغو تحديداً لكن لوتيتـو غامر و دفع 75 مليون و كانت خطته ناجحه بـ تفاوضه مع مصلحة الضرائب اللي تمتلك اكبر دين .. و قدر بعدها يسدد الديون الثانيه بشكل اقسـاط هاذي القصه معروفه و الكل يعرفها في وسائل الإعلام الايطاليه لذلك محد يقدر يتجرأ و يقول لـ لوتيتـو انت كذاب و انت ما دفعت لانهم يدرون انه فعلاً دفع في اوراق و في مستندات تطلع كل نهاية سنـه بكل الاندية الايطاليه مو بس لاتسيـو كرهنا و اختلافنا مع لوتيتـو ما ينكر انه سدد ديون النادي البالغه اكثر من 500 مليون يورو و اذا حسبناها حسبـه بسيطه على كلام كرانيوتي يوم قال ( تركت ) لاتسيو و عليه 550 مليون يورو كورادي + فيوري = 16 مليون ( دين لاتسيو لـ فالنسيا بـ صفقة مانديتا ) ستام الى الميلان = 9 مليون لوبيز + كاسترومان + مانديتا + ميهايلوفتش + البرتيني + فافالي = انتهاء عقد ( بلاش ) و اذا حسبنا موسم لونغو ستانكوفيتش بـ 4 مدري 5 مليون للانتر كونسيساو + ماركجياني + سيميوني = انتهاء عقد كلها على بعضها 30 مليون !! |
رد: منصب لوتيتو في خطر عواد انت حاط في منطلقك 550 مليون يورو ديون على لاتسيو بتصريح من كرانيوتي كرانيوتي كان عنده شركة تملك عدد كبير من اسهم لاتسيو ... اذا الشركة عليها ديون 550 مليون مايعني ابد ان لاتسيو عليه ديون بهذا المبلغ عملية انقاذ لاتسيو بدأت بشكل مبكر ... لوتيتو وصل في مرحلة البنك يريد بيع الاسهم اللي يملكها وبالتالي يفتك من الديون (اهمها ديون الضرايب) ... ولاتسيو كان طارح اسهم جديده يزيد فيها من راس ماله وبالتالي يأمن تسجيله لوتيتو دفع المبلغ الناقص لتسجيل لاتسيو واخذ مقابله اسهم جديده ... وبنفس الوقت دفع للبنك مقابل حصوله على الاسهم اللي يمتلكها البنك ... يعني مادفع شي بدون مقابل الدين الاعظم كان دين مصلحة الضرائب ... طيب ليه البنك مايقدر يدفعها بالتقسيط؟؟ لأن التقسيط متاح للشركات اللي يمتلكها افراد ولا تمتلكها شركة ثانية مثل ماكان البنك يملك غالبية اسهم لاتسيو لو لوتيتو دفع اكثر من 75 مليون كان ذكر المبلغ ... سمعت عن لوتيتو انه مخادع وكذوب وبخيل لكن عمري ماسمعت انه شهم حتى يخفي مبالغ اكبر يدفعها الحقيقة ان لاتسيو يلعب بالالوان السماوية والبيضاء والسوداء الواقع ان لاتسيو تأسس سنة 1900 القناعات هي اللي تخلينا نختلف بخصوص كذب لوتيتو واستغلاله للاتسيو تبي تقنعني ان لوتيتو كان ابراهيموفتش في سنة وصار لوتيتو في 10 سنوات هذي مالها مكان عندي |
رد: منصب لوتيتو في خطر عبدالرحمن كرانيوتي يقول 500 مليون لوتيتو يقول 500 مليون الدائنين يقولون 500 مليون الاعلام يقول 500 مليون طبيعي انا اقول 500 مليون ^_^ و المديونيات دفعت على مدار 7 الى 8 سنوات بشكل اقساط لوتيتو ما كيّش الديـن بـ سنة وحده في لاعبين كثر صرحوا انهم يستلمون رواتبهم المتأخرة من لوتيتـو ماندييتا استلم حقه و بعدها رفع قضيه يبي تعويض و بونس و مدري ايش قبل سنتين مدري ثلاث و التصريح موجود هنا بالمنتدى في لاعبين وافقوا على تقسيط الرواتب و من امثلتهم ماركجياني و انزاغي و بارونيو و دابو هذا حسب ما كشف بالاعلام يمكن في غيرهم و يمكن لا الله العالم و في لاعبين رفضوا التقسيط و اخذوا رواتبهم كاش مثل كورادي و فيوري و مانديتا اللي رفعوا قضايا و ما تم الاتفاق معاهم بالتقسيط انا ما قلت ان لوتيتـو كيشها بـ سنة وحده و جعص 10 سنين لوتيتـو نفسه قبل سنتين اعلن ان النادي انتهى من كل الدائنين و المديونيات و باقي بس دين الضرائب اللي يدفع كل سنـه 6 مليون و كانت في فكرة انه يرفع القسط الى 11 مليون للتخلص منه بشكل اسرع لكن ما تمت هالفكرة السؤال المهم حتى نصل لـ نقطة اتفاق في هالموضوع كم هي ديون لاتسيـو ؟ و من وجهة نظرك لوتيتـو كم دفع لـ انقاذ لاتسيـو ؟ و على سبيل الافتراض عطني افتراضيـه حسابيـه لـ كيفيه دفع المديونيات انا بالغت في الافتراضيـه و طلعت معي ان لوتيتـو دفع 164 مليون من جيبه الخاص |
رد: منصب لوتيتو في خطر مره ثانية وثالثة ورابعة لوتيتو مادفع شي من جيبه بدون مقابل خطة الادارة السابقة هي طرح اسهم جديدة وبثمنها يتم انقاذ النادي دخل لوتيتو واشترط الآتي: 1- يدفع المبلغ الناقص وياخذ مقابله اسهم مطروحة وتتقفل زيادة راس المال 2- يشتري من البنك الاسهم اللي يملكها البنك حتى يكون صاحب اعلى نسبة اسهم ويصير رئيس 3- مايدخل معه اي شريك 4- اشترط ان بقية الاسهم اللي مايقدر يشتريها (ابراهيموفتش عواد :)) واللي مملوكة من البنك ماتباع لأي شخص غيره ولمدة محددة التاريخ (هذي الاسهم اللي شراها نسيبه لاحقا بعد سنة او سنتين انتهى الديون تم دفعها عن طريق لاتسيو ... لاتسيو صار مثل بيروجيا وسيينا بمصروفاته وبقى لاتسيو بعائداته ... سهلة تدفع الديون في هالحالة هذا لوتيتو اللي اعرفه اما لوتيتو يدفع من جيبه الخاص لانقاذ لاتسيو وبدون مقابل :) |
رد: منصب لوتيتو في خطر لو قلنا ان لوتيتو هامور مثل ابراهيموفيتش تشيلسي او بيريز الريال. فطبيعي انهم يرمون فلوسهم علي النادي وطبيعي جدا انهم يسترجعون كثير منها أرباح وإنجاز للنادي من بطولات وبرضوا إنجازات شخصية. لكن الواقع لوتيتو اتي لـ لاتسيو طامعا بـ لاتسيو الجريح ويعامله علي انه كـ شركة (خاصة وتورث). هو الذي يفاوض الاعبين والمدربين وهو الذي يعاقب الاعبين ويجمدهم ويبيعهم دون النظر الي مصلحة الفريق. هو الكل بالكل في النادي. رجال اعمال مثل طينة لوتيتو من غير المنطقي ان تدفع من جيبها بدافع حب للفريق. هو اتي كرجل اعمال ورأي انها فرصة استثمار له. حتي يعلم الجميع ان منصب رئاسة نادي إيطالي ليست فقط بجمع الأرباح نهاية الموسم. بل بوابة علاقات عامة واهداف اخري كثيرة في المجالات الرياضية وغيرها. السؤال هو كم حجم ديون لاتسيو الان؟ إشاعة قرأتها قبل فترة ان خطة تسديد ديون لاتسيو تصل لـ 40 سنة ( الظاهر لوتيتو ناشرها حتي يعشش بالنادي ويعشش عائلته حوله). |
رد: منصب لوتيتو في خطر عواد تقدر تقولي ليش مافي شركة آعلانية ترعى لاتسيو !؟ لا تقولي لوتيتو ماله دخل بهالموضوع بعد .. يعني أكيد في شركات كبرى كانت أو صغرى حبت ترعى الفريق .. بس هالمعتوه لوتيتو مكشوف أمرره ، قلنا النادي عليه ديون ، وقلنا ماتقدر تجيب لعيبه عليهم القيمة .. بس تقولي مافي شركات تبي ترعى قمصان الفريق ، لا هني حنا نطلع أغبياء ومانفهم .. دمررر الكيان اللاتسيالي هالرجل ، خله يرحل وشوف حال الفريق بعده .. |
| الساعة الآن 04:11 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir