|
لاتسيـو يتعـادل مـع الانتـر ( تعليقاتكم ) تعادل نادي لاتسيو الايطالي مع نادي الانتـر ميـلانو بـ نتيجـة سلبيـه من دون أهـداف تسيـّد اللقـاء نادي لاتسيـو اللا ان هذا التسيـّد لم يثمر عن اي هـدف سجل ستيفانو ماوري هدفاً لكنه الغـي بداعي التسلل تعليقاتكم |
مشاركة: لاتسيـو يتعـادل مـع الانتـر ( تعليقاتكم ) العروض انهالات على ديليو روسي بعد اللاقاء لانه قدم تكتيك اثبت به انه افضل مدرب في العالم وانه اكبر من نادي لاتسلايو كيف لا وهو في فريق لا يملك الا 3 لاعبين سوبر ستار ( ماوري و مانفردينهو وتاريكو ) شكرا لديليو روسي العبقري الداهية الي المادي تشرف بتدريبه لنا |
مشاركة: لاتسيـو يتعـادل مـع الانتـر ( تعليقاتكم ) شباب قبل ما أعلق على المبارة ... طلب صغير بس .. حد من الشباب الطيبة يقدر يسولي خلفية للحارس ماركو بالوتا ... بصراحه هو نجم نجوم المبارة أنقذ النادي من ثلاث أهداف مأكده ,,, يستاهل .. يعني خير الكلام ما قل ودل ... ( هذا هو لاتسيو إلي أعرفه )هجوم خط وسط ودفاع ... قوة خط الوسط كان بلا منازع عثمان دابو. بس حركة روسي ماعجبتني بإخراجه وإدخال العاهه مانفرديني تعليقي على هجمة المرتده ( بانديف وروكي ) بس لو روكي خفف من سرعته وعدل من توازنه كان أحلا هدف ومبروك التعادل شباب |
مشاركة: لاتسيـو يتعـادل مـع الانتـر ( تعليقاتكم ) السلام عليكم عواد بانديف هو الي سجل الهدف ! شكرا روسي لأنك أثبت انك جبان مع مرتبة الشرف ! الشوط الأول حماس اللاعبين جعل من الإنتر فريق درجة ثانيه ! الكرة ما تطلع من نصف ملعب الإنتر .. ولإن الشوط الثاني هو شوط المدرب ! دخل لازيو خجول جبان يخجل ان يهدد الإنتر ! سبب واحد بس يخليك تبدأ بماوري ! سبب واحد بس وانا بطلع من تشجيع لازيو بشجع ليفورنو ! سبب واحد يخليك تلعب بمانفيرديني ! سبب واحد يخليك تلعب على التعادل ! إنت متعادل صفر صفر ! يعني هدف واحد من الإنتر في لقاء الإياب = هدفين من لازيو ! والإنتر اليوم لعب بالصف الثالث ! متى بتفوز متى !!!!!!!!!!! لازيو دخل الشوط الثاني كأنه فايز في لقاء الذهاب وهذا لقاء الإياب فالتعادل يكفيه !!! الله يالزمن الأ الإنتر بالفريق الثالث مايخشى لازيو ! الإنتر الي يوم فاز من مومسين على لازيو في الأولمبيكو عمل مهرجان !!! حتى أيام كاسو وبابادبلو ما خسرنا من الإنتر !!! إخ بس أخ !!! الله يعينا على الإياب ! المدرب أفلس نهائيا ! |
مشاركة: لاتسيـو يتعـادل مـع الانتـر ( تعليقاتكم ) لا تعليق |
مشاركة: لاتسيـو يتعـادل مـع الانتـر ( تعليقاتكم ) لا تعليق.... دليو روسي مدرب جبااااان.... اعتقد لن تتاح فرصة افضل من هذه من اجل الفوز والتأهل... الانتر بالبدلاء ، ويجرب شبابة .... وحنا مانقدر نفوز.... للاسف فريقنا يرثى لحالة.... ماادري كيف راح يكون وضع الفريق في الاياب عندما يتفرغ الانتر لنا ، ويكون ضمن الدوري ويلعب بالاساسي... وداعا كأس الاتحاد الاوروبي.... والله يصبرنا على روسي.... |
مشاركة: لاتسيـو يتعـادل مـع الانتـر ( تعليقاتكم ) أنا مع من يقول أن ديليو روسي جبان |
مشاركة: لاتسيـو يتعـادل مـع الانتـر ( تعليقاتكم ) قلناها من زمان مع روسي انسوا نفوز على أندية الشمال هاردلك شباب و الله يصبرنا على روسي |
مشاركة: لاتسيـو يتعـادل مـع الانتـر ( تعليقاتكم ) احمـد الهدف الملغـى برأسيـة لـ ماوري اكيـد http://www.lazio4arab.com/montada/ga...ri_offside.jpg بكل صراحـة اخالفك يا احمـد ! ديليو روسي اليـوم تجـرأ على غير العادة وتحسب له هالشي .. طول المباراة وخصوصاً الشوط الاول قاعد يطالب لاعبينـه بالهجـوم وما يبيهم يتراجعـون بعكسـك تماماً .. اليوم عجبني روسـي ولو انـه كالمعتـاد ما يعرف متى يبدّل ومنو يبدّل ! لاتسيو كان الافضل طول المباراة بكل امانـه ما عدا آخر الدقايق كان اللعـب متكافئ رادو ضيـع رأسية هدف محققـه .. حساااافــة والله روكـي ضيـع كرتيـن داخل منطقة الجزاء .. والكرة الثانيـة كان الاستلام ولا أروووع بانديـف ومـاوري بينهم تبـادل أدوار .. لكن بانديف صار يميل للأجنحـة مـاوري ممتـاز .. بكل أمـانـه ممتـاز .. والحمدلله رجـع مستواه لـه لكـن افتقدنا لمساتـه .. واقصـد تمريراتـه الحاسمـة .. اليوم سوا كل شي واعتبره من نجـوم المبـاراة بصـراحـة روكـي جيـد .. ولكـن واضـح عليـه التسـرع .. وغير هذا الكرتين اللي ضيعهم كان المفروض التسديد على طول .. مو تثبيت وتسكين الكرة .. لمسـه وحـده بيهرامـي و دابـو ممتـازيـن .. لكن واضـح انهم يعانون من مشاكل الاول اعتقـد مشاكل بالعضلات والارهاق .. والثانـي اللياقـة والارهاق ! ليديسمـا .. بعـد ما شفت بارونيـو و الفرق بينهم .. صرت اكره ليديسما اكثر من أول ! قدم مباراة عاديـة .. وللحيـن تمريراتـه مدري شلون قايلـه .. اكره كره لا سوا نفسه رونالدينهو اذا التفت يسار ولعب الكرة لجهـة اليميـن بيساره .. من اسوأ لاعبي لاتسيو اليوم هو مع زاوري زاوري ما يفرق عن ليديسما شي .. الفرق الوحيـد ان ليديسما راكـد و زاوري مستعجل مدري متخوف مدري متردد ! اي كرة يشتتها بشكل غبي .. حتى تشتيت ما يعرف يشتت !! .. قمت اشـك بـ مستوى زاوري .. ماهو زاوري اللي خبرناه .. اتمنى ابعاده عن خط الدفاع لأن من مثله نكبـه بصراحـة.. ارجاعـه للمحور افضل خصوصاً انـه سريـع فـ ممكن يكون له فايده على مستوى الهجوم والتغطية الدفاعيـة سيفيليا و كريباري قدموا مباراة حلـوة .. لكـن للأسف هذول الاثنين الى الآن .. ما يعرفون متى يشتتون ومتى يركدون ومتى يلعبون باصات .. يوم المفروض يركـد تلقاه يشتت .. ويوم المفروض يشتت تلقاه راكـد .. ويوم المفروض يمرر تشوفه راكـد .. عموماً اليوم قدموا مباراة حلوة رادو مو بـ يومـه بصراحـة ! .. ما قدم المستويات اللي قدمها من قبل .. رادو يفتقد الى العرضيات ومايعرف يرفع ! افتقدنا لعرضيات كولاروف .. بالعموم رادو قدم مباراة طيبـه ولكـن ماهي عوايـده .. العادة يتألق بالوتـا أحـد نجوم المباراة بصراحـة .. ولو انـه بغى يجيب العيـد يوم رأسية بورديسيو ضربت بالعارضـة .. حسيته فهـى وتنـّح .. لكن طوال المباراة كان ممتـاز ديليـو روسـي .. اليوم على غير العادة يهاجم و واضح انـه يطلب من لاعبيـه الهجـوم .. لكـن للأسف الشوط الاول لاتسيو هو المتسيـد بشكل غير طبيعي .. الانتر ما وصل لمنطقة الجزاء حقت لاتسيو اللا مرة وحده يمكن ! يعني تسيد كامل .. الشـوط الثانـي تغيـر الاداء بصراحـة في شي حصل مدري شنو .. الفريق كلـه اصبـح يلعب ببطء ! تبديلات روسي مو بمحلهـا نهائيـاً .. وهذا شي عارفينه بالمدرب من زمـان .. تمنيـت انه يغامر ويجازف ويلعب تاري بدل دابـو .. ويكون تبديل بيهرامـي مو موتاريللي اللي احسـه ما سوا شي لاهو ولا مانفرديني .. تمنيـت يلعب بارونيو ! بحيث يصبح خط الوسط مثلث هجومي و الهجوم يكون الثلاثي المعتاد ............. بارونيـو ............ ليديسمــا............... ...................... مــاوري ............................ روكــي............. تــاري............. بانديـف تمنيتـه يغامـر اكثر ويلعب بالتشكيل هذا .. الانتر خط وسطهم ضعيف ضعيف .. ودفاعهم ممتاز .. اضغط على خط الوسط و راح تشوف الدفاع يستسلم ويتفكك .. يكون الامداد الهجوم من بارونيو .. وليديسما عليه دور دفاعي اكثر مع بعض الامداد الهجومي .. ماوري يبقى صانع لعب ومهاجم رابـع في الكرات العاليـه روكي وبانديف وتاري يكونون داخل منطقة الجزاء .. والله راح يرتبكون ويتخبطون واما يجي هدف او ركلة جزاء خصوصاً ان دفاعهم قوي ودايم يلعب بخشونـه خصوصاً الماتريكس لكن للاسف ديليو روسي يثبت انـه مو مدرب تكتيكي .. بل مدرب عادي مدرب يقرأ المباراة قبل المباراة فقط اما بين الشوطيـن يضيـع !!!!!!! لكن اليوم على غير العادة قعد يهاجم يهاجم .. اتمنى يلعب بالهجوم هذا بالاولومبيكو وما يخاف من مسألة الهدف بهدفين .. لأن عندي احساس انه راح يدافع ! عموماً هارد لك ع التعادل .. ومبروك على هالاداء الحلو وان شاء الله نشوف لاتسيو بالنهائي حتى نضمن اللعب بكأس الاتحاد وان شاء الله لا وصلنا النهـائـي .. ما يكون الكأس اللا لـ لاتسيو بإذن واحد أحـد |
مشاركة: لاتسيـو يتعـادل مـع الانتـر ( تعليقاتكم ) روكي اليوم مو فيومه للأسف فرصتين تباطئ فيهم وفرصة اسعجل فيها بصراحة اليوم افتقدنا بيانكي الانتر بدأ الشوط الاول بتشكيلة غريبة 3-4-3 والاظهرة زاوري ورادو اخذو راحتهم بالتقدم بسبب هالخطة الي وجدت فراغات على الاطراف لاكن ما في احد يستقبل العرضيات والماتريكس كان صياد فيها !! ماوري تمنيت مو تسلل قوله عجبتني طريقته(على طريقة لوكا توني) ودخول مانفرديني وتاري لا تعليق على العموم الاداء كان جيد بس ما حالفنا الحظ بالتسجيل وتظل نتيجة التعادل ثمينة وفي ملعبنا ما اعتقد النسور بتفرط بغير الفوز والوعد في الاوليمبيكو |
| الساعة الآن 11:53 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir