بخصـوص الردود المتعصبـه بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين شلونكم يا الربـع وش اخبـاركم يا جعلكم طيبيـن و بخيـر ان شاء الله بإختصـار شديـد جداً جداً الكل ملاحـظ تواجـد بعض الردود المتعصبـه وان فيهـا كلمـات مو حلـوه ابـد وحنا عاذرينـك مستوى الفريـق تعبـان والمنتدى منتداكم ومتنفسكم الوحيـد حول لاتسيـو فـ هذا الإعـلان هـو طلـب صغيـر من إدارة المنتدى لكم انتـم أهل المنتـدى ياليـت تبتعدون عن بعض الكلمات مثل اعزكم الله حيوان بهيمه كلب زباله .. الخ حنا عاذرينكم والله وحنا مثلكم اداريين وتلقوننا نسـب ونشتـم مرات ونطلع عن طورنا مثل ما يقولون فـ هذا طلب صغير وان شاء الله تاخذونه بـ سعة صدر وبيـّض الله وجيهـكم |
رد: بخصـوص الردود المتعصبـه طلب في محله يا ابو عايض .. صحيح النفسيات رايحه فيها هل الايام بسبب النتايج و الميركاتو بس حبذا لو يكون النقد بمستوى افضل و نرتقي باالمنتدى اعلى و اعلى بـ اذن الله .. ابشر ماطلبت شي .. موفق بإذن الله ... لك مني أجمل تحية .. |
رد: بخصـوص الردود المتعصبـه صعبه الواحد يتحمل في مثل هالظروف اللي جالس يمر فيها فريقنا لكن ان شاء الله بنحاول نمسك انفسنا على قد مانقدر :) |
رد: بخصـوص الردود المتعصبـه قواك الله عواد ودائمن صاحب مواقف طيبه وكلام في محله الشباب لازم يتعلمون ان بعض الكلام تقوله بصوت عالى وعلى شاشة الجهاز بس موعلى الكيبورد مثلي انا دائمن امسح الشاشه بع ماقر بعض الاخبار من القهر ,,,,, |
رد: بخصـوص الردود المتعصبـه السلام عليكم ورحمة الله وبركاته: صباح الغلا والذوووق صباح الاحساس والطيبه.. يالبا قلبكـ ونعم لنكن متحضرين في كل احوالنا فنحن قبل ان نكون هنا نحن مسلمين ونمثل البيت والبيئة التي نعيش فيهــــــــــــا ..!! وعموما انا هنا اطلب منكم ان تعذروني لاني سبق وقلت في لحظة غضب ونعت لاعب لاتسيو السابق جوران بانديفـــ.. "بالحشـــــرة" وانا هنـــــــــــــا اعتذر..!! :blushing: |
رد: بخصـوص الردود المتعصبـه الكل معصب بالمنتدى وأولكم أنا ... أنا لازم نتحمل شوي ، فإلي يبي يغلط على الفريق أو لوتيتو خله يغلط بلسانه برى المنتدى ( يعني بينه وبين نفسه :35:) وبعد ما يبرد حرته يكتب كلام طبيعي . شكراً عالتنويه |
رد: بخصـوص الردود المتعصبـه قوآك الله ياعواد !! بالفعل حنا خرجنا عن طورنا في بعض الأحيــآن والكل عارف السبب ؛ ولكن بإذن الله راح نمسك أعصابنآ بقدر مانملك !! |
رد: بخصـوص الردود المتعصبـه موضوع في وقته وبالظروف الحالية الواحد مايقدر يمسك نفسه لكن ما كل مايجول في الخاطر ينكتب في المنتدى والشباب ماشاء الله اغلبهم ماسك اعصابه واذا الواحد فينا كتب كلمة متجاوزة فالمقصد التنفيس والفضفضة ومشاركة مشاعره مع اخوانه مشكور على التذكير الله يذكرك بالشهادة |
رد: بخصـوص الردود المتعصبـه بارك الله فيك ياخوى @ رغم الحب الكبير للاتسو لا السب ولا الشتم راح يغير شى |
رد: بخصـوص الردود المتعصبـه هلا يالعودي قواك الله بصراحة انا ماسك نفسي على الآخر بس وش اسوي ساعات يصير في تهريب من كثر القهر وتطلع مني كلمة وسخة ان شاء الله تعدي هالفترة المخيسة وترجع تهدى اعصابنا بارك الله فيك ابو عايض :) |
الساعة الآن 05:37 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir