|
ليتوتو يدافع عن ليديسما السلام عليكم:. http://upload.wikimedia.org/wikipedi...esma_lazio.jpg كرستيان لديسما والذي كان مصاب في فترة سابقة من العام الماضي وعاد في شهر اكتوبر الماضي..لم يغب عن اي مباراة ل لازيو هذا الموسم ما عدا 3 مباريات حيث كان موقوف فيها..وبالتالي اللاعب واضح يعاني من ارهاق اللعب وعدم تفعيل خطة ال ( turnover ) لكن بالرغم من هذا رئيس النادي ( ليتوتو ) يدافع عن اللاعب بشدة وقال:. ( ليديسما يفعل كل ما باستطاعته في ارض الملعب..هو يلعب بوفاء وحب للقميص الذي يرتديه...وانا متاكد من انه سوف يعود كما كان الموسم الماضي )... ويضيف ( الفريق عموما كان يعاني من حالة من التراجع في المستوى..والان نحن وضعنا خطة لكي يستعيد الجميع بريقهم في الملعب )... |
مشاركة: ليتوتو يدافع عن ليديسما نتمنى ذلك يالوتيتو . ليديسما لاعب مزاجي مره زين وعشره لا . أخر مباراة شفته يلعب فيها عدل هي الديربي إلا أنتهي 3-2 لروما . شكراًً لك . |
مشاركة: ليتوتو يدافع عن ليديسما الاعب لازم يرجع لمستواه لان مركزه اهم مركز في الفريق هو همزة الوصل بين الدفاع و الهجوم ............ مسواه هجوميا متراجع لاكن دفاعبا جيد مشكور اخوي على الخبر |
مشاركة: ليتوتو يدافع عن ليديسما اوافق AXEL من ناحية انه لديسما يعتبر جيد بالدفاع بس الباصات تعبان مرة وسيئة للغاية وضربات الحرة اما تصيب ولا ماتصيب اتمنى ان يتعدل الوضع واثق بلوتيتو من لاعب لذا اثق بلاعب واذا ماحصل انه مايقدر يقدم اكثر من هذا يفضل احضار لاعب غيره يجيد المنطقة لأرتكاز :biker: |
مشاركة: ليتوتو يدافع عن ليديسما انشالله يرجع لمستواه على الاقل قاعد افضل من ماورى ...وانا اعتقد هدا الدفاع عو لرفع المعنويات |
مشاركة: ليتوتو يدافع عن ليديسما بصراحة كلام لوتيتو صحيح ليديسما حاليا لا يوجد بديل له ولا احد يجي يقولي بارونيو |
مشاركة: ليتوتو يدافع عن ليديسما غـريب دفـاع لوتيـتـو عن ليديسمـا .. ولكـن ممكـن ان وراء هالتصريـح تحفيـز للاعـب .. وتحفيـز للمدرب اللي يموت باللاعـب .. اقتباس:
بارونيـو أفضـل من ليديسمـا هالموسم .. ولو كان في مدرب غيـر ديلو روسي .. راح تشـوف بارونيـو هو الأسـاسـي .. بارونيـو في كل مبـاراة يلعبهـا يقدم مستـوى أفضل من ليديسمـا المزاجي .. وأكبـر دليل على كـلامـي .. مباراة لاتسيـو ضد ريال مـدريـد .. في مدريـد .. لو ترجـع وتشـوف المبـاراة .. راح تتأكـد من كلامي .. والمشكلـة ان ديلو روسي ما لعــّـبـه وهو مقتنـع فيـه .. لعــّبـه لأن اليوم اللي كانت فيـه هالمبـاراة هو يوم ميـلاد بارونيـو .. يعني كأنـه احتفـال بسيـط لـه .. والمشكلـة ان باروينـو أحرج ديلو روسي .. وقدم مستوى ممتـاز و مسـك خـط الوسط بشكل خرافي .. وبعدها روسي حـس بـ رجوع الأمل بعد دخول بارونيـو .. فـ راح ولعـّب ماكينوا واصبـح يصايح على اللاعبين ويبيهم يضغطون .. أرجـع للمبـاراة و تأكـد .. وغيـر هذا ارجـع للمباريات اللي اصاب فيها ليديسمـا .. وشـوف مانفرديني يوم كان لاعب ارتكاز محل ليديسمـا .. وشوف التبديل اللي كان يسويه روسي كان يلعب بـ بارونيـو .. ويتغير رتـم المبـاراة .. وبعدهـا اصبـح يعتمد على باروينـو لين رجع ليديسمـا .. وبدأ بأهمـال بارونيـو .. وعنـدك بعـد مبـاراة جنـوا اللي خسر فيها الفريق 2 - 1 .. شـوف كيـف الفـريـق كان يهاجـم .. وشوف الفريق كان يعتمـد على منـو .. أي لاعـب توصلـه الكـرة كان على طول يلعبـه لـ بارونيـو لـ يبدأ الهجمـات .. وكـان ممتـاز دفاعيـاً وهجـوميـا ً أرجـع للمبـاراة وشوف وتأكـد من كلامـي .. مقـارنـة مع ليديسمـا .. شـوف المهاجميـن كيف يتضايقون وبالأخص روكـي .. اذا بدأت بنـاء الهجمـة من ليديسمـا .. تمريرات غلـط و رفعت غلط و اداءه الهجومي اكـس .. واداءه الدفاعي ماهـو ذاك الـزود .. ولو تشـوف المباريات اللي تواجـد كولاروف فيهـا اساسي .. شوف ليديسمـا شلون يتصـرف .. يلعب كـرة لـ كولاروف ويطلب منـه انـه يشـوت !! .. المجاملـة ما تنفـع وانـا أخـوك .. كلنـا نبي الشيء الأحسـن لـ لاتسيـو .. وللأسـف ليديسمـا هو الحلقـة الأضعف بالفريق .. بالسابق كنـا نـذم تاري و فينارولي و بارونيـو .. لأننـا ندري انـهـم اسمـاء فقـط وما راح يشاركـون .. ولكـن يوم شاركـوا كل واحـد فيهم قـدّم اداء يخلينا نخجل من انفسنا .. اننـا انتقدناهـم وحنـا مـا شفنـا لعبـهـم ومستوياتهـم .. استرسلت بالحـديـث مودتي يا لورينزو |
مشاركة: ليتوتو يدافع عن ليديسما عواد انت شكلك اليوم حاب تختلف معاي في كل شي خل عنك مباراة مدريد ويش سوى بارونيو يوم اصيب ليديسما؟ عواد حتى وان كان ليديسما نازل مستواه لاحظ شكل الفريق به وبدونه وبتعرف الفرق الموسم القادم لازم لوتيتو يتحرك ويجلب بديل لليديسما |
مشاركة: ليتوتو يدافع عن ليديسما الحل الوحيد لاستعادة ليديسما الموسم الماضي هو جلب بديل موهوب يريد اقتناص أصغر فرصة لاثبات نفسه |
مشاركة: ليتوتو يدافع عن ليديسما لا والله يا الغالي .. الاختـلاف فقـط بالآراء .. وما هي أمـور شخصيـة .. ولا تحسب هالشي هذا أبـد .. والله اني احـبـك فالله .. وبالعكـس معجب بـ طريقـة نقاشاتـك .. ولكـن مثل ما قلت لك تبقـى قناعـات و آراء .. والنـاس اذواق .. انت عندك ليديسمـا زيـن وانا أشوفـه شين :) .. ولكـن أنـا بكل صراحـة ما اعرف أجـامـل .. بالسابق كنت واحـد من مجموعـة قليلـة اللي واقفه مع لوتيتـو .. وتشـوف تفكيـره صـح .. والحيـن شوف الكثيـر اقتنع بـ تفكير لوتيتـو .. وانـه فعلاً قبل الديون مرهقتـه وكان عاصر النادي عصــر .. والحيـن خفـت الديـون فـ نشوف بدأت الانتدابات والانتقالات المميزة .. وبدأ كسـر حاجز سقف الرواتب .. وبـدأ التفكير في مشاريـع مهمـة .. وكنـت واحـد من ممكـن خمـس اشخـاص بالدنيـا اتفقـوا على ان تاري أفضل من روكـي ! .. وهذا شيء محـزن .. يوم انتقـدت روكـي وانـه للأسـف الشـديـد أشـوف ان تواجـد تاري كان افضل من تواجـد روكي .. تاري يضغط على الكـرة ويرجـع للمنتصف .. ويسلتم لعب ويسلم لعـب .. وتشـوفـه حـرك الرجال ودّه يسوي شي .. بـ عكس روكي اللي كان ينتظر بس وصول الكرات .. والى الآن انا استغرب من مستووى روكـي .. مع انـه تحسـن شـوي .. واعتقـد السبب الاكبـر انـه بدأ يخاف على مركـزه من بيانكـي .. فـ حبيت ابيـن لك اني ما بيني وبينك أي شي عشان أخالفك لمجرد اني بصير عكس السير أو خالف تعرف .. ولكـن الساكت عن الحق شيطان أخرس .. وانا أشـوف ان الحق اننا ندري ان ليديسما هابط مستواه ولكن ما ننتقده ! بارونيـو لا تعتـب عليـه .. اعتـب على المدرب اللي ما يفكـّر يلعبـه بسبب المشاكل الشخصيـة ! .. هـاذي نقطــة .. النقطـة الثـانيـة .. وهي الأهـم ! .. أنت تسألني ويـن بارونيـو يوم اصاب ليديسمـا .. أنـا بـجـاوب عليـك في سـؤال .. ويـن ليديسمـا آخر خمـس مباريـات ؟ .. واللا أقـولك .. ويـن ليديسمـا آخر عشـر مباريـات :) .. ليديسمـا الحقيقي شفنـاه بس بالديربي .. والباقي بعددهم لك .. صنـع الهـدف في مباراة كاتانيـا .. وللعلم كانت مقشــرة لـ ليديسمـا .. اللي ما كان احـد ضاغـط عليـه .. وهو قشـرها للهجوم اللي سجل واعتقد انه بانديف .. و صنـع الهـدف لـ روكي من ركلـة ثابتـه .. وبس ما اذكـر حسنـات تشفـع لـه !! .. اقتباس:
فـ انا اقولك انـه في بديـل يكـون لـه ..ولكـن المدرب يصر على تجاهلـه .. أمـا اذا قصـدك ان بارونيـو ما يصلح يكـون بديل .. قناعـاتـك الشخصيـة و احترمهـا .. ولكـن .. من في نظـرك انـه يكـون بديل لـ ليديسمـا :) :) :) .. ! ولا تزعل علينـا و انا أخـوك .. ولكـن انا استمتـع بالنقـاشـات .. وخـاصـة لا صارت مع اعضـاء مثلك وشرواك .. |
| الساعة الآن 04:28 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir