12 مليون وحارس مو خساره في حق روكي رغم كبر سنه ..الفيولا يقدر امكانات روكي ويعرف انه خير من يخلف رحيل لوكا توني.
روكي لاعب غير عادي مو بالسهوله التفريط فيه .. مهارته جيده و قتالي بالملعب ..ممتاز في الحجز على الكره و الالتحام وهداف ويصنع اهداف ..خبره ...نعرف مستواه ومتأقلم مع الفريق ...شتبون اكثر من هالشي !!
قالها زاوري يعتبر اهم لاعب بعد خروج اودو و بيروتزي... 12 مليون مبلغ مو كبير اذا فكرنا بنتعاقد فيه مع مهاجم سوبر ... حارس مرمى سعره 10 مليون بسوق الانتقالات ومن الدوري الارجنتيني بعد ...فما بالكم بمهاجم !! ..معقوله 12 مليون بتجيب مهاجم من طراز عالي !!!
يا جماهه روكي نجم بالفريق حرام التفريط فيه
اللي يفكر في شيفانتون ! اولا لاعب كبير بالعمر و مزاجي و اللي يتابع الدوري الاسباني شوفوا شيفانتون كم كره يضيع بالمباراة ..مشاكله كثيره حتى في كأس العالم ادارة المنتخب الارجواياني و مدربه طردوه من المعسكر لسوء سلوكه
بيانكي جيد وصغير اتمنى قدومه لكن ليس على حساب روكي .. اعتقد روكي يناسب اسلوب لعب لاتسيو اكثر ولا اعتقد ان السجل التهديفي لبيانكي يفوف معدل روكي بكثير .. بيانكي 18 هدف و روكي 16
لا تتوقعون ان ليتوتو سيصرف هذا المبلغ على مهاجم واحد ..ولا تتوقعون لو حصل ليتوتو مهاجم من طراز عالي سيقبل براتب ليتوتو المتواضع واذا تقسم المبلغ في التعاقد مع اكثر من لاعب يقبلون بسياسة ليتوتو سيكونون متوسطي الاداء يطمحون بالشهره و المشاركه في دوري الابطال