والله يبتها ييب يالجوكر ..
غريبه هجوم لاتسيو .. !
لوبيز .. ابدا ماهو لوبيز فلنسيا .. غير تماما .. ولا هو لوبيز المنتخب الارجنتيني لما كان من ابرز اللاعبين والي خطورته ما تتوقف ..
كان هداف عجيب بالليجا بس الظاهر ما قدر يتماشى مع الكالتشيو وما قدر يحقق نفس الي حققوه الكتيبه الارجنتينيه بالكالتشيو .. !
كورادي ..
الصراحه هاللاعب بدون زعل انا شخصيا مو مقتنع فيه تماما ..
يسجل على عيني وعلى راسي .. لكن كهداف فـ اعتقد الاغلبيه يوافقوني ما يملك هالمهاره ..
الشي الوحيد الي يعجبني فيه .. الون تش ( اللمسه الواحده ) الي عنده .. ما يبطئ الهجمه يعرف يمشيها بلمسته الوحيده ..
بس كهداف .. فـ يفتقر للسرعه وللمهاره البسيطه وللحس التهديفي ولاشياء وايده ..
موتزي ..
بدون تعليق .. !
انزاغي ..
هاللاعب نفس اخوه بالظبط .. لكن الي يميز اخوه ..
تخليصه للهجمه وبالرغم انه يضيع ويضيع ويضيع لكن بالنهايه يسجل قول ينسي الجمهور كل الكور الي ضاعت ..
لكن سـ انزاجي .. يضيع ويضيع ويضيع ويستمر يضيع .. !
الصراحه مهاجم وجوده من عدمه بالفريق واقواله ممكن اي لاعب يسجلها وبسهوله .. !
هجوم لاتسيو يبيله تغييـر شامل صراحة ..
يعني خلونا نحسب اخر ثلاث مباريات سجلو فيها للاتسيو ..
ضد انكونا امس 4 اهداف لـ كوتو ثنائيه - فيوري - زاوري .
ضد سيينا 5 سيزار ثلاثيه - فيوري - كورادي .
ضد بيروجيا 2 فيوري - جيانكيدا .
11 قول للفريق .. هدف واحد من مهاجم .. !
والباجي من خط النص والدفاع .. !
اذا المهاجمين مو قادرين يسجلون .. شنو دورهم بالمباراه .. ؟!