[لازيوي]

لما تكلمنا من قبل وقلنا لازم ليتوتو يغير سياسة الرواتب في الوقت الحاضر اذا كان يبي يحافظ على النجوم طلعولنا بعض الاخوان يذكرونا بان ليتوتو هو المنقذ و سالفة الديون واحمدوا ربكم ومن هالكلام ...بعد ماشفت الرواتب والله اني ضحكت كأني قاري نكته وبنفس الوقت مومصدق اللي قاعد اشوفه !!

اللي يقول ان مانفرديني ياخذ 500 انا اقول ان مانفرديني حقه اكثر من هالمبلغ لو كان في نادي غير لاتسيو وانا اجزم ان مانفرديني لما كان في كيييفو كان ياخذ اكثر من هالمبلغ بكثير لكن الغلط مو في الرواتب بس الغلط في توزيعها ، تدرون ان الاعبين الاحتياطييين يخاذون اكثر من الاساسيين ! بارونيو احتياطي 750 انزاغي قبل لا يروح اعاره اعتقد 950 او مليون تاري 500 ومانفرديني 500 هذي اعلى الرواتب وكلهم لاعبين احتياط معقوله هالتوزيع !! شي مايدخل العقل

انا اذا ابي اشره على احد ماراح اشره غير على بابا بالوتا ، حارس عمره 43 مادري 45 ما اعتزلت !! شخايف عليه ال 100 ألف اللي تاخذها ولا على كرسي الاحتياط اللي قاعد عليه ، والله حرام عليك يا ليتوتو لاعبين يوصلون 3 الترتيب ويتأهلون لدوري الابطال وانتا اتذلهم حتى بتجديد العقود

في بعض الاعبين لاتسيو اكتشفهم صحيح ماكانوا مشهورين وانشهروا في النادي لكن هذا مو معناته ان الراتب يظل كما هو عليه المغمور صار مشهور ولولا امكانياتهم ما انشهروا وافرضوا نفسهم تجي تكافئهم بان الاعب الاحتياطي ياخذ اكثر منهم

الحين صدقت كلام روسي لما قال كنت اريد فوجيا بالفريق لكن ليتوتو هو من اصر على اعارته واذا عرف السبب بطل العجب مايبي يدفع راتب عالي للاعب قال اعيره واتخلص من صرف مرتبه