السلام عليكم ,.
إخواني *: أحمد التتان , The Game & masimo.
أنا ما أمجد بروكي , ما هو بالمعنى ياللي تقصدوه ,
يعني بالأمس كنتو تصارخو ليه سيريني يتجمد و ينباع لفريق ثاني بالأخير و هذا مش احترام للاعب و مش تقدير , و نفس الحال على انزاجي و دي كانيو للي يحبون تواجدهم ,
طيب يا سيدي نجي نضرب مثال
ديفيد فيا >> من متى و اهو صايم عن التهديف من متى , أول موسم له مع فالنسيا كان منافس قوي لأخر دقيقة على الهداف , الموسم ياللي بعده لين أحين و اهو أهدافه عدد أهداف توماسو و السنة قول لي من متى صايم تكفى !! عيل يطالبون برحيله ؟؟
بس اذا تبي تعرف السبب ليه اهو كان منافس على الهداف و أحين صايم , أقول لك ليش , لأن كان معاه أيمار في ذيك الفترة
هذا نفس ياللي حاصل مع توماسو خط نص ماكو >> إمداد ماكو , ماوري زيرو عالشمال الموسم هذا و مغني مصاب و دل نيرو مادري ليه شارينه اذا نبي نخليه مركون عالدكة ,
و زي ما قال أخوي هاني العمر خداع , يعني اللي يشوف روكي و اهو يلعب و تقول له عمره 30 يستغرب , لاعب نشيط متوازن و خفيف.
و بعدين نجي نشوف الانتر وشلون وصلت فيه المواصيل إنه ما ينهزم و لا مباراة لا من كبير و لا من صغير
بدا في الهجوم على أدريانو و زاد عليه كريسبو و عليهم ابراهيموه و عليهم كروز و عليهم سوازو
إهو قال لك أدريانو مستواه نازل و بيعه
زين شوف النص > زانيتي و ستانكو و فيجو و سولاري و داكورت و كمبياسو و فييرا و سيزار و خيمينيز و بيليه , عيل قال إن أحد فيهم نازل مستواه و خلنا نبيع ؟؟!!
شوف الدفاع > ماكسويل و تشيفو و مايكون ماتيراتزي و كوردوبا و بورديسو و صامويل و عد و اغلط , عيل تقول لي إن أحدهم نازل مستواه و خلنا نبيع !؟!!؟؟!
وين تبون يوفون لينا ؟!؟
يا أخي لازم يكون عندك تقدير للاعبين و هذا يحفظ سمعة النادي من التشويه , يعني كل لاعب يلعب معاي 3 4 سنين و اصفق له و من يجيني ذاك اليوم ياللي اطلب فيه لاعب > هبي بادل و زيد افلوس , منو بيجيك بعدها ياللي تطالب بنجوم و بأسامي رنانة بعد هالسياسة ؟!.!.
يا أخي حنا قلنا برزالي على العين و الراس , و لكن بهيـــchــي طريقة ما نبي ,
مع إني شاريه , و لكن يقولون غلطة الشاطر بألف ما أجيب برزالي و أطلب لاعب كبير و يحب يجيني >> و لا أجيب برزالي و بكرة من أنادي لاعب عرف إن ما له استقرار في هالنادي و كلها سنتين و أنا قابض الباب ,
فـــي حـلول كثيرة تلبس برزالي اللون السماوي, يعني عاقت على روكي
يبون فلوس نعطي يبون لاعب نعطي يبون 2 نعطي يبون 3 نعطي يبون 4 لعيبه نعطي و فوقهم فلوس و حبة خشم بعد , أما لاعب من ركائز الفريق و يطلع هالطلعة كبيرة في حق النادي
دمتم بود ,.
و هالمرة انت الله يعينك علي أخوي The Game
