هـلا بالغـالي .. انت يمكـن ما قريت عدل اللي انا اقصـده .. اللي اقصده انـه لو رئيس نادي باليرمو أصـر على لوي ذراع لوتيتـو .. وطلب اما بانديـف أو روكـي بديلاً لـ بارزاغلي .. انا أفضـل روكــي .. هذا مو معناتـه ان روكـي فاشـل .. صحيح هالموسـم مدري شـ جاه .. ولكـن يبقى روكـي هداف الفريق ونحبـه .. ولو قريـت ردود لي بقسم الكورفا نورد .. اني ذكرت هالنقطـة قبل انت تذكرها .. ليديسما و قدامـه ماوري .. ما ينلام روكي لا طاح مستـواه .. انا أعتـب على روكـي تدري ليـه .. لأني بكل امـانـه صرت أشـوف تاري أفضل منـه .. تاري لا دخل يضغط على اللاعبيـن يتحرك يميـن يسـار .. روكـي للأسـف واقف مكانـه .. يبي أي كرة تجيـه عشان يفتـح سبرنـت ويشـوتـها .. تاري رأس حربـه و روكـي رأس حربـه .. وانا ما اتكلم عن بانديـف اللي يعتبر مهاجم ثاني او مهاجم ساعـد .. لأن بانديف يقوم بواجبه على اكمل وجـه يتحرك يمين ويسار ويلعب باسات .. لكن القصـد أن روكـي واقف بالهـجـوم فقـط ينتظر وصول الكرة له .. ليـه صاير تاري أفضل من روكـي ! .. هنا مربط الفـرس .. روكـي يشبهني بـ حال باتيستـوتا .. باتيستـوتا يوم هبـط مستـواه اصبحت هذه حالتـه .. ينتظر وصول الكرة فقط له عشان يركـض ويشـوت .. نهائياً ما كان يتحرك .. راح اعارة للأنتـر والناس قالوا راح يرجع الباتي قول لـ مستواه .. نفـس الحالـة يا باتيستـوتا ما سويـت شي .. هذا انا كل اللي اقصـده .. انا مع بقاء روكـي .. ولكن زامبريني خبيـث .. اذا يبي يفرط في بارازغلي .. ما راح يطلب فوجيا و ديل نيرو و مدري منو .. راح يطلب ركـن اساسـي من اركان الفريق .. فأنا افضـل روكـي .. والميكروفون لك ..