اقتباس:
| المشاركة الأصلية كتبت بواسطة axel
بالنسبه لبيانكي انا من البدايه توقعت عدم نجاحه مع ستي لان الطليان شعب لايتأقلم خارج
ايطاليا بسهوله ....وانا ما اقدر اقول اصلا انه فشل مع ستي لانه سجل 5 اهداف في 19 مباراه
نسبيا رقم غير سيئ ابدا كنسبه لو لعب اكثر اكيد النسبه بتزيد .........
المهم بصفقة بيانكي هو ان الاعب جاهز وخالص ما يحتاج يعرف اجواء الدوري و لا وقت للاتاقلم
وهو من نوعية المهاجمين الي كنا نحتاجهم (طويل يجيد العاب الهواء )وسوف يعطي اكيد حلول
لروسي في الهجوم ...
دابو فهو في راي وقد اكون غلطان ضالة الفريق التي كنا ندور عليها في النصف ......
فنيا هو عباراه عن خليط بين موتاريلي و مودينجاي ممكن يلعب بشكل دفاعب بحت او ان
يكون له دور في صناعة اللعب .دابو طويل القامه وهذا ما يجعله افضل من مودي وموتاريلي
في العاب الهواء .......
يتميز بالكرات الطويله وياما اعتمدنا عليه ايام زمان في هذا المجال وكراته القصير هم ممتازه ...
تسديداته قويه وهذه ميزه اخرى سوف تضاف لخط الوسط يعني ليدسما ودابو في نفس الوقت
الاثنين يسددون بشكل قوي وممكن هالشي ممكن يزيد من نسبة اهداف الفريق ........
اما انو دابو ايام عزه ماكان ممتاز مع الفريق فاسمحلي اقولك غلطان !!!!
دابو كان مقعد مودينجاي على الخط وكان روسي يطالب بقوه بالتجديد معاه وكان احد اهم الاعبين
ومع ستي لعب جدا ممتاز الى ان اتى اريكسون وقعده احتياط بسبب مشكله معينه .....
مشكور اخي لاتسيو 15 ................
لا تعزعل هذا مجلرد راي لااكثر  |
افا عليك بس .. الله لا يجيب الزعل
حنا كلنا لاتزيالين يالذيب و نمون على بعض 
وجهة نظر تختلف عن وجهة نظر يالغالي .. ،،
و هذا احلى ما في الموضوع
و لكن دابو الصراحة ما اقنعني لما كان موجود اول .. و ما اعتقد انه راح يقنعني بوجوده اللحين
.
.
تدري بالذيب وش حنا محتاجين .. ،،
حنا محتاجين مدير و مدرب اذكياء
انا ما ابغاك تشتري لعيبه مثل رونالدينو و ميسي و نيستلرووي
و تدفع 80 و 50 و 60 مليون على لاعب واحد
بالعكي انا ما ابغى كذا
انا ابغى مدير فني ذكي يعرف من وين يجيب اللاعب و يدري ان هاللاعب هذا راح يفيد الفريق
و راح ينجم
مثلاً عندك فينجر مدرب الارسنال
صفقات الارسنال كلها صفقات عادية لما تسمع فيها و كلهم لاعبين صغار و شباب
بس شوو شلون صاروا لان الارسنال عندهم ادارة فنيه ذكية و مدرب ذكي
مثلاً فابريجاس .. شوفه قبل الارسنال محد ملتفت له و اللحين الكل يبغاه
مثلاً راموس بريال مدريد .. جاء من اشبيليه و محد يدري من هو
و اللحين يعتبر افضل ظهير بالعالم بعد دانيل الفيس
شوف مثلاً بيرلو مع الميلان شوف من وين جاي وشوف وشلون صار
شوف مثلاً كاكا .. جاء بقيمه 8 ميلون يورو من البرازيل و اللحين يعتبر اغلى اللاعبين بالعالم
شوف مثلاً خافي الونسو مع الليفر
يعني انا ابغى صفقاتنا تكون ذكيــة ابغى الصفقة قبل نسويها نعرف وش قيمتها بعدين
مثل لما جبنا نيدفيد
مثل لما جبنا كونسيساوا
مثل لما جبنا كاسترومان اللي للاسف ما اخذ فرصته الكاملة مع فريقنـا
مثل لما جبنا فيوري
مثل لما جبنا بيروزي و كودتشيني
مثل لما جبنا فييري على ايام عزه
ابغى المدرب و الفريق يلتف لفريق البريمافيرا و يعطي اللاعبية المبدعين فرصه و يجيبهم
مثل لما طلعنا نيستا
ياخوي لازم نسوي كذا
فريقنا فيه لعيبه شباب من اعلى طراز ليه ما نستغلهم
بدال ما يجون اندية من برا و ياخذونهم على الجاهز
عشان كذا اقولك روزنهال و دابو لعيبه كويسين انا معاك بس ما راح يخدمون الفريق بالنظرة
اللي انت متخيلها و متوقعها
لوتيتو هدفه ان النادي يبقى في السريا A
هدفه يوصل و يلعب في دويات اوربية و بس و خلاص
و يمكن يطمح للكأس الايطالية من سنة لاخرى
مافيه تطوير للنادي مافيه شئ
انا كمشجع ما ابغى النادي يجلس بالسيريا A بس
انا ابغى الاسكوديتو
ابغى التشامبيوونز
اللي خلى بورتو ياخذ التشامبيوز بلاعبين ما كان احد يعرفهم
اللهم كان عندهم مورينهو مدرب ذكي عرف يجيب لعيبه صغار كويسين متحمسين و افادووه
و طلع اقوى الاندية بالعالم و فازوا
وش الفرق بس لانهم كانوا عندهم قراءة فنية عالية و متميزة
انا هذا اللي ابغى اوصل له
ان صفقتنـا تكون صفقات ذكية و مستقبلية بنفس الوقت و هفها الارتقاء بالنادي للحصول على بطولات