هلا عمر
أسلوب كاريزو يعتبر طبيعي في أمريكا الجنوبية
لكن في أوروبا يعتبر تهوّر كبير من جانب أي حارس يقوم بمثل هذي الحركات
الأخ زياد (Citta-Celeste) ذكر ان كاريزو لاتسيو يختلف عن كاريزو الارجنتين
و عندك الأخ خالد (khaled 9) ذكر ان الحركات هذي ممكن علشان الاعلام و الشهرة
حتى الآن كلام زياد صحيح لأن كاريزو ما أثبت ان مستواه واحد مع الفريق أو المنتخب
و بعد الحركات اللي يعملها ممكن يقصد فيها انه يجذب الاعلام مثل ما تفضل الأخ خالد
وكل هذي النقاط تقودنا لشيء واحد اللي هو ان كاريزو مازال جديد على أوروبا
لذلك أشوف ان الجمهور (وعلى سبيل المثال انت) مو مقتنع لحد الحين فيه كــ حارس ثقة
الواقع يفرض نفسه و يـبيّــن و يوضّح ان كاريزو محتاج وقت أكثر لحد ما يفهم أجواء أوروبا
و يقتنع ان الأمور في الدوري الأرجنتيني و منتخب التانجو تختلف بالكامل عن الكالتشيو الايطالي
و بــ رأيي انها مسألة تعوّد من الحارس نفسه
لكن المفروض و المضمون و الأحسن ان كاريزو يبتعد عن المراوغات و الثقة الزائدة عن اللزوم
لأن ثمنها غالي جدا بكل بساطة وهذا سبب عدم وجود ثقة منك بالحارس الأرجنتيني
و رأيي مشابه لــ رأيك وما عندي أي تأييد لأسلوب كاريزو بالخروج من المرمى و مراوغة اللاعبين
ومع هذا عندي ثقة انه راح يتعلم و يصير حارس ممتاز جدا