الله يعطيك العافيـة يا عبدالرحمـن على التقديـم
نادي ليتشي ماهو نادي سهل .. ولا هو نادي صعـب
لكن الأكيـد انه ناوي يقعد بالسيري اي هالموسم هذا
وهالشي يخليـه فريـق عنيـــد و عنيــــد جداً
أخطر اسميـن بالفريق هم Giacomazzi و Tiribocchi
وضيف عليهم ستينداردو اللي راح يعطي فوق طاقتـه بالمباراة هاذي
حتى يثبت لديليو روسي انه مخطئ بالتخلي عنـه
طبعاً غير السوالف الشخصية اللي صارت بينهم
بالنسبـة للنقاش السمـاوي
[1] ديلو روسي يحافظ على نفس التشكيلة اللتي تحقق الفوز ويغيرها عند الهزيمة... هل انت مع هذا الأسلوب ام تفضل المداورة بين اللاعبين والتغيير حسب قوة الفريق المقابل بغض النظر عن من يحقق النتائج الايجابية؟؟
ديليو روسي الموسم اللي طاف ذبحنا بالخطة وبالتكتيك خسرنا لين قلنا بس ولا غير ولا شي 
!
ما اعتقد انه يتبـع هالاسلوب بصراحـة .. هو شاف بعض الثغرات في مباراة الميلان وعدلها ولكن للأسف الثغرات هاذي كانت ( فقط ) في مباراة الميـلان مو معناته في كل مباراة !
وعلى سبيل المثال ابداع كولاروف في اولى المباريات ولكن في مباراة الميلان كان تقدم كولاروف يسبب مشاكل فـ روسي نظر الى المشكلة هاذي على انها مشكلـة عااامــه في لاتسيو وما فكر انها مشكلة خاصه في مباراة الميلان .. وهذا الشي اللي يخليني شخصياً اطالب بـ مدرب تكتيكي ومدرب له وزنـه حتى مع تألق روسي وحتى لو جاب الاسكوديتو
ومثال بسيط على التكتيـك .. خواندي راموس يوم ما كان مع اشبيليـه كان يلعب بويرتا ( اللي مات ) وبويرتا كان يشبـه كولاروف هجومي اكثر من انـه دفاعي .. ولكن في مباريات اخرى مثل احد مباريات برشلونـه لعب دراجوفتش الصربي كـ ظهير يسار لأن دراجو دفاعي اكثر من انه هجومي وهالشي راح يخليه يضيق المساحات على ميسي لأنه ما يترك مركزه اللا نادراً
وهذا اللي نحتاجـه ونطالب روسي فيـه .. رادو و كولاروف كل واحد فيهم يقول الزيـن عندي
فـ ياليت يتم توظيفهم حسب الفريق الخصـم
والحال ينطبق على بقية اللاعبين ليشتستاينر و لورينزو .. قلوب الدفاع .. محاور الفريق
فريقنا حالياً يمتلك لاعبين اساسيين واحتياطيين ممتازين ولو تم توظيفهم حسب الفريق الخصم ما راح نحاتي شي
[2]اذا ماكان توماسو روكي جاهزا لخوض المباراة هل تفضل اقحامه من البداية ام الاحتفاظ به على مقاعد البدلاء؟؟
هو لازم يلعب ! والسبب ان زاراتي و بانديف لعبوا بالكاس ولعبوا بالدوري قدام تورينو .. يعني محد ماخذ راحه فيهم كل يومين مباراة .. الحين قدام ليتيشي راح يلعبون راح يعانون من ارهاق او اجهاد عضلي اتمنى يلعب روكي من البدايـة لهذا السبب .. وفي حال الفريق سجــّل وبـدّع وفاز ماله داعي يدخل بانديف او زاراتي .. يلعـب ماكينوا او انزاغي اذا كان الفريق يعاني من الهجوم .. هنا نقول ما باليد حيله يلعب بانديف او زاراتي [3]بعد تصريح مورينهو الشهير بأن لاتسيو مجرد ضيف في الصدارة ... هل أثر التصريح ايجابي ام سلبي على لاعبي الفريق؟؟
هذا المدرب يثبت ان الكالتشيو هو افضل واقوى دوري بالعالم و يثبت ان الدوري الانجليزي دوري مفتـوح واللعب فيه والتدريب بعد سهل جداً مورينهو الى الآن ضعيييييييييييييييييييييييييييييف ضعيف جداً مع الأنتـر حتى المباريات اللي يفوز فيها الانتر .. يفوز فيها بصعوبـه او بالحظ مثل مباراة كاتانيا بالنسبـة لـ تصريحـه .. بالعكـس انا اشـوف انـه ايجابـي لنـا لأن لاعبينا راح يحاولون وان شاء الله يقدرون يثبتون لـ مورينهو خطأ كلامـه [4]كم هدف يسجله زاراتي في هذه المباراة؟؟
الله العالم ^_^
بالنسبـة لي قلت رايي بخصوص مشاركـة زاراتي بالجواب على سؤال روكي
\
\
\
والله يعطيك العافيـة يا عبدالرحمـن
وما قصرت يا الغالي