انا شخص حالياً معجب بـ روسي ( الحالي )
وماشي صح ويبدل صح ويلعب صح ويختار التشكيلة صح
وامور الفريق ماشيـه تمام التمام
لكن تصاريحـه تغـث !!
وما ادري هل هـ ( الغثـه ) تعجب بعض الاعضاء !!
وتقول انـه منطقي وتكسـر في فريقنـا !!
السؤال المهـم والسؤال الأبـرز
ماهو الاسكوديتـو ؟
قلعـه الاسكوديتـو ما نبي الاسكوديتـو
السؤال هو ؟
اذا هاذي عقليـه روسي
هل هو قادر يفوز على ميلان يوفي انتر ؟؟
هل الخسارة طبيعية قدام الفيولا و باليرمو و اودونيزي ؟؟ والتعادل معاهم يعتبر انجاز ؟؟
الفوز بالدوري او ببطـولـة معينـه ما تجي بـ الهياط ولا تجي بالواقعيـه
تجي بالفـوز !!
ولحد يقولي الاندية لثانية عندها فلان وعلان ومارادونا وبيليه وباجيو ومدري منو ؟؟
تقدر تفوز تاخذ 3 نقاط وكل ما قدرت تجيب 3 نقاط كل ما زادت اسهمك للفوز بـ بطولة معينـه
الارسنال بـ وراعينـه ينافسون ؟
اشبيليـه بـ مجهولينه ينافسون ؟
زبـدة الكـلام من هالكـلام ومن أول تصاريـح روسي
انا فاقـد الأمل نهائياً بالفوز على اندية الشمال ( ميلان وانتر ويوفي )