يعطيك العافيـة بو أحمـد على التقديم
وان شاء الله يكون الفوز من نصيب لاتسيـو
بدايـة ابي اتكلم عن نادي كييفو
نادي كييفو نادي ماهو قوي واللي تابع مباراتهم مع كالياري
يدري عن هالشي ويبصم بالعشرة !
اقوى خطوط نادي كييفو هو خط الدفاع ! ولحد يستغرب هالشي !
بوجود الكولومبي الرائع يـيـبـس و المتألق نيكولاس فري
خط دفاع كييفو متميز لكن للأسف ما يمتلكون حارس مرمى قوي !
وغير هالشي مساندة خط الوسط ضعيفه للخط الخلفي
وكييفو يلعبون بـ خطة روسي العقيمة خطة المحاور ( 4 \ 3 \ 1 \ 2 )
وللأسف خط الوسط متشتت بين لوتشيانو وبينزي و ايطاليانو !
اما خط الهجوم بوجود بيليسير و بوغداني خط ضعيف !
القائد بيليسير يحاول دايم ومتحرك ومزعج .. لكن بوغداني دايم ثابت عند نقطة الجزاء !
في حال لعب كييفو بنفس التشكيلة اللي يلعبها
فكل المعطيات تصب في مصلحة لاتسيـو
ســ 1 : هل تعتقد أن مباراة كييفو سهلة ؟ وهل ستكون المحطة لتدارك الأوضاع ؟ المباراة ما راح تكون سهله ابداً .. لـ سببين الأول على ارض كييفو اللي يبي يصالح جماهيره السبب الثاني ان المدرب ممكن يقال في حال الخسـارة وهالسببين هذول خلوا بولونيا يلعبون فينا لعب .. يعني لازم ينتبـه روسي للشي هذا بالنسبـة لـ تدارك الاوضاع !! صعب التوقع ! لاتسيو لازم يفوز عشان يدخل بـ معنويات مرتفعه ضد كاتانيا ومدربهم المتألق زينغا ســ 2 : بـ رأيك ما هي الطريقة المناسبة لـ اللعب بها ليصبح هجوم لاتسيو فعّال ؟ بسبب الغيابات اتمنى روسي يستدعي مينتدشكو و كوزاك .. لازم لازم يكون عندنا مهاجم صاحب قامه ستين الف عرضية ولا عرضيه استفاد منها الفريق الوحيد الذكي بـ فريقنا بالعرضيات الصربي كولاروف .. عارف لـ ربعه عدل ودايم عرضياته تكون ارضيه وهالشي استفدنا منه اكثر من مرة اما ليشتستاينر دايم عرضياته عاليه و مهاجميننا اقزام وما يعرفون يستخدمون راسهم عدل !! لذلك اتمنى الفريق يدخل اللقاء بـ تشكيلة وخطه جديـده وياليت يدخل بالخطة اللي لعب فيها بالوديات 3 \ 4 \ 2 \ 1 ( أو ) 3 \ 5 \ 2 هالخطـة بـ تساعد الفريق في انهم يكونون قريبين من بعض لأن خط النص راح يكون مليان باللاعبيـن والتشكيلة اللي اشوفها ممكن تكون فعاله كاريزو كريباري ..... روزينـال ..... دياكيتـه كـولاروف ...... لـيـديسـمـا ..... بـروكــي ...... لورينـزو بانديـــف ....... زاراتــي انـزاغــي ( ميندتشكو )
اللي اتمناه يكون ميندتشكو او كوزاك اساسي .. و الشوط الثاني يدخل انزاغي في حال لم يتأقلموا الشباب .. لأني احس ان انزاغي اذا دخل كـ بديل يبـدع اكثـر ويلعب من روح روحـه ! ســ 3 : إذا كان هناك لاعب بالفريق ترى أن مركزه يجب أن يتغير فـ أذكره و أذكر المركز المناسب له ؟ اربع لاعبيـن اول واحـد كولاروف يكون مكانـه بالوسـط ثاني واحـد ليديسمـا 
يكون مكانه خلف المهاجمين ثالث واحـد ماوري و يكون مكانـه رأس حربــه صريــــــح رابـع واحـد هو روزينال اتمنى يكون مركـزه مكان ليديسمـا ( وهو سبق له اللعب بهذا المركز ايام باريس سان جيرمان ) ســ 4 : لماذا انخفض أداء الفريق بالفترة الاخيرة بـ رأيك إذا استثنينا المدرب روسي ؟ انانيـة المهاجميـن ! الكل فيهم يبي يسجل وما قاموا يلعبون بشكل جماعي اضافة الى رجوع ميزاجيـه ليديسما وافتائاتـه وصعب نستثني روسي
