من جد انها مهزلة والواحد يستحي يتكلم على الصار فيها
بس شسوي بتكلم على كل شي شفته وللعلم انا قمت بعدما سجل اتلانتا الهدف الثاني بخمس دقائق
والحمد لله اني قمت قبل لا اشوف غباء روسي الي ما له حدود ودخول ماكنوا وامرض زيادة
للعلم اتلانتا لعب اسوء مباراة له هذا الموسم وهم فاز بأقل مجهود ممكن !!
تدرون ليش ؟؟
لان روسي سلم خط الوسط هدية ما وراها جزية لديل نيري
سبق وقلت قبل المباراة ان وجود افشل لاعبين في العالم اجمع (بروكي ومانزفت) في خط الوسط هو انتحار بحد ذاته و زكاها الدلخ زيادة ودخل ماوري صانع العاب !
يعني شنو تتوقعون من لاعبين امكانياتهم يا دوبك تناسب ليفورنو !!
هذا واحد وهو الشي الي اعتبره قسم ظهر البعير (روسي)
الشي الثاني روكي وزراتي
انا لو اجيب اخوي الصغيرابو 9 سنين واقوله خذ هذول مهاجمين وظفهم صح
بيحط روكي راس حربة وزراتي مهاجم مساند بدون تردد
ولكن روسي له عبط آخر عامل فيها جايب شي جديد حاط روكي مهاجم مساند وزراتي راس حربة
يا جماعة روكي الي اصله راس الحربة يرجع يغطي مكان التيس بروكي ويدافع شفتوا اعظم من هالغباء !!
ثالث شي رادو ولشنستاينر الفشلة
الاثنين مو عارفين يتقدموا ويحطوا عرضية زي الاوادم مجرد تمريرات بينهم وبين خط الوسط الى ان تقطع الكورة
وين كولاروف ودي سلفستري بس وربي حرام الي قاعد يصير ليهم
(على فكرة في لقطة مضحكة جدا زراتي قام بتسقيط الكرة من فوق مدافع اتلانتا باتجاه مانفرديني قام مانفرديني قفز واخرجها رمية تماس برأسه كأنه مدافع من اتلانتا المهم زراتي جته الضحكة بس حاول يخفيها خخخخ)
الشي الرابع في الغبي ليديسما ياخي انت تشوف الاعبين الي حواليك بقر ليش تمرر ليهم ياخي ارجع لعادتك القديمة
مرر كرات طولية باتجاه روكي وزراتي والله ابرك من المهانة الي جالسين نشوفها من مانزفتيني وماوري ورادو ولشستاينر (ما راح اقول بروكي لانه اصلا جالس يقضي مباراة سياحة داخل الملعب)
تغيير فوجيا تغيير غبي جدا جدا جدا الحين يوم اتلانتا قفل مناطقه تروح تدخله !!!
وقبل الهدف شوارع اتلانتا مفتوحة ما حسيت على دمك وادخلته !!
دخول دابو ارتكاز دفاعي لا ادري ماهو سببه !! زين كان ادخلته من الاول بدل الغنمة بروكي
والا صار بروكي احسن من دابو !! عشنا وشفنا
دخول ماكنوا لا تعليق غير ان روسي جاي يسيح الاعبين الخمام الي يحبهم في بيرغامو
يا جماعة 90 دقيقة الفريق مو عارف يبني هجمة صح ،جملة تكتيكية تحسسك انك تشاهد كرة قدم مافي
الشوط الاول والله لو فيق ثاني اقل شي بيطلع بهدف وديل نيري يقول لروسي يالله هاجم ووسجل لك هدف
وروسي يرد عليه لا مشكور متقهوي الله يحفظك
يا ريت ان الخطة مثل الموسم الماضي (طقها والحقها) لا هالمرة اخس مثل مدرسين الابتدائي يرمي الكورة وكل واحد يلعب بكيفه والسلام
يا جماعة الي يصير ترى شي ماهو طبيعي
كاتانيا يا شباب الي هو كاتانيا وصل لينا !!
جنوى يا شباب الي كنا نخسر منه يتعادل على ارضه امام بولونيا لاحظو اني اقول بولونيا مش الانتر
ليتشي الي كنا ننسحق منه على ارضنا يخسر من الضباع بثلاثية على ارضه مع الرأفة !!
ويش اقول اكثر من جملة القهرهاردلك الخسارة
وانا ميلاني يوم الاربعاء
فورزا ميلان
ولا عزاء
الا اذا تمت اقالة الدلخ روسي الي لوتيتو غصب طيب متمسك فيه علباله اذا تمسك فيه بيصبح مثل فيرجسون ههههه