مشكور أخوي Laz!o
أنا بقول وجهة نظري و تراها تبقى وجهة نظر...!!!
أنا ما يهمني نوصل أبطال أوروبا أو كاس الإتحاد أو نأخذ كأس إيطاليا بقدر ما يهمني نرجع نصنف
مع كبار إيطاليا كما كنا وكان الجميع يهابنا...!!!
مثل منتوا شايفين الإعلام الإيطالي و يتبعه الإعلام العربي لما يتكلمون عن كبار إيطاليا يصنفونهم أربعة أندية
اللي هي ميلان و أنتر و اليوفي و روما ...!!!
وفي بعض وسائل الإعلام لما يوسعون الدائرة شوي تخيلوا من يضيفون..؟؟ يضيفون فيورنتينا...!!!!
ولاتسيو يعتبرونه من طقة اودينيزي وباليرموا و نابولي و اللي حولهم يعني من اندية الوسط....!!!!
لحد يقولي هذا الواقع ولازم نقتنع فيه ...!! وصدقوني أي واحد عاصر لاتسيو نهاية التسعينات وبداية
الألفية مستحيل يقتنع انه لاتسيو يصنف من أندية الوسط اللي كل همها عدم التهديد بالهبوط و البقاء في
المنطقة الباردة بعيد عن الأضواء و تعويد اللاعبين من خارج إيطاليا على الكالشيو تمهيدا" لبيعهم لأحد
الأندية الكبيرة و كسب المبالغ لجلب لاعبين اكثر و هكذا...!!!
والله اليوم قريت مقال مترجم في إحدى صحفنا المحلية يتكلم عن تأثيرات الأزمة المالية في الدوريات
الأوروبية و يتطرق الكاتب لكل دوري بالتفصيل و يعطي أمثلة عن تأثيرات الأزمة على الاندية الكبيرة
و الاندية المتوسطة و الأندية الصغيرة ..
تخيلوا لما تكلم عن الأندية الصغيرة حط مثال عليها وكان مثاله ناديين أحدهما لاتسيو...!!!!!!!!!!!!!!!
نعم لاتسيو عند بعض الإعلاميين صار يصنف من الأندية الصغيره و روما صار من الاندية الكبيرة...!!!!
روما إنهزم سبعه وبفضيحه بس صار عضو ثابت في أبطال اوروبا كل سنة و تقريبا" منافس أو لنقل
احد المنافسين في الكالشيو الإيطالي و يقارع أندية الشمال يفوز و ينهزم بس لما يلعبون معاه تكون
الترشيحات في المباراة 50 في الميه له مش مثل ما نحنا نباري أندية الشمال تكون الخسارة مضمونه
و إذا تعادلنا تكون مفاجأه...!!!!
والله الحديث ذو شجون و تراه هذا شوي من اللي في قلبي بس ترى حب لاتسيو والله مشكله...!!!
ما عمري تخيلت اني بحب نادي كرة قدم مثل ما حبيت لاتسيو والمشكله انه حبه معذبني حيل والله...!!!
والله اني لما نفوز او نقدم لمحه من الزمن الجميل انه عيوني تدمع لا إراديا" و استغرب من هالشي...!!!
حاولت مرات اني انقطع عن أخباره و اقتنع انه لاتسيو خلاص ماهو الاولي ومستحيل يعود بس ما قدرت..!!!
ياخي مرات اقول اني احب لاتسيو اكثر من اللاعبين اللي يلعبون فيه ويمكن حتى من جماهيره في إيطاليا..!!
خلاصة كلامي و اسمحولي غثيتكم بالكلام الفاضي و كثرة علامات التعجب بس
عندي امل لاتسيو في يوم من الايام بيرجع كبير عاد متى ما يندرى بس إن شاء الله إذا الله احيانا
لهذاك اليوم بيكون فرحته أكثر من يوم عرسي و تراني ما ابالغ والله
تحياتي