يعطيـك العافيـة بو احمـد على الأخبـار الحلـوة
امبامي سبق ان تكلمنا عنـه في اللي افضـل منـه
اما ماثيـو هذا تحطيــــــــــــــــــــم هاللاعــــــب
ياليتـه يجـي لاتسيــو .. بيصيـر عندنا ( 2 نفـر من كولاروف ^_^ )
ماثيـو و كولاروف نسخـة مستنسخـة من بعض .. نفس الاسلوب نفس المركز نفس الطول نفس القوة .. حتى ان ماثيـو ممتاز بعـد بالركلات الثابتـة .. طبعاً كلهم يشوتون يسار
لكن اللي يفـرق بين الاثنيـن ان ماثيـو لعـب في خمـس مراكز وكلها تألق فيها
لعب كـ ظهير وهو مركزه الاساسي ولعـب في قلـب الدفاع ولعب كـ محور ايسـر ولعـب كـ ارتكاز دفاعي ( ليبرو بالوسط مثل ليديسما ) ولعب كـ جناح
ماثيـو كثير من الانديـة تبيـه كل موسـم وما ادري وش السبب اللي ما خلاه يطلع الى الآن من تولوز
العام الماضي رومـا ( فحط ) ميـّت يبي ماثيـو لكن الصفقة كانت اكبر من ان يدفعها رومـا وقرروا شراء رايسـه بدالـه .
صفقـة من العيار القـوي لو يجينـا ماثيـو
يوهان بيلي حارس روعــــه .. وسبق ان كتبت موضوع عنـه بعد اعتزال بيروتزي وقبل التوقيع مع كاريزو
كنت اتمنى بيلي او تيم وايز حارس فيردر بريمين يجي لاتسيـو
حالياً مركز الحراسـة فيه اثنين ممتازيـن كاريزو و موسليرا وعندنا حراس شباب ممتازين بعد
يعني فكرة شراءه مالها داعي بصراحـة .. ولكن للأمـانـه هو حارس ممتاز جـداً وشايل نادي لومانز على ظهـره
المهاجم ألاساني هذا ما اعرفـه بصراحـة .. ولكـن مبيـن من وجـهـه وجسمـه ان ستايله من ستايل زاراتي و روكي و بانديف ! يعني ما في تغيير في نوعية المهاجميـن .. يستريـح في ديرتـه افضل له وافضل لنـا .
اما بيدرتـي كابتـن نادي اوكسيـر روعـه هاللاعـب محـور وصانـع لعـب مميـز
هو مثـل ليديسمـا تقريبـاً ولكن خصائصـه الهجوميـة اكبر .. تمريراتـه مميـزه
ولكـن دفاعيـاً اشـوفـه ضعيـف خصوصاً ان جسمـه ضعيـف لكن هالشي ما يمنـع انه محور ممتاز
حالـه من حـال جوا موتينهـو كابتـن سبورتيغ لشبونـه البرتغالي .. نفس الزول ونفس اسلوب اللعب
بيدرتـي اذا ماني غلطان راح ينتهي عقده بنهايـة الموسـم وفرصـة حلوه اننا نجيبـه
هاللاعـب هو مع ديودكا البولندي و كالفنبرغ الدنماركي عظـم وعصـب فريق اوكسيـر
اللي يلفت بالموضوع هذا ان ديودكا و كالفنبرغ ارتبطوا بـ لاتسيو من قبل والدور جاء على بيدرتي
ياليـت يجينا احـد هالأثنيـن ماثيـو او بيدرتـي و ابصـم بالعشـرة انها بـ تكون صفقـة رابحــة