فريقنـا امـس كالعادة قوي دفاعيـاً داج هجوميـاً
وللأسف اللعب بـ مهاجم واحد ما يفيد نهائيـاً
هذا مع جنـوى لعبنـا بـ مهاجميـن وفريقنا كان ممتـاز وخطر
نقاط على اللاعبيـن
موسليرا
ما جتـه خطورة كثيرة وكبيـرة لأن الانتـر ما كان يقدر يهاجم
الهدف اللي دخل عليـه ما قصر شالها ولكن ارتدت
رادو
وحش الدفاع والمدافع رقم 1 بالفريـق ممتـاز لأبعـد حد
وكل مباراة يكون ممتـاز اكثر من المباراة اللي قبلهـا
ستينداردو
ممتـاز وثابـت المستـوى وكونـه آخر مدافع لايق عليـه
لأن هالشي ما يتطلب منـه سرعـه او الخوف من المرتدات عليـه
سيفيليـا
دجـه كانت الخطورة كلهـا من صوبـه و مطفوق كالعادة
هاللاعـب ينكـب اللي وياه مثل السلام عليـكم مدري ليه سبب استبعاد دياكيتـه بعد عودته من الاصابـة
غير هالشي استغـرب الكرات الطوليـه اللي يلعبهـا حضرة جنابـه
كلها كرات طوليـه فاشله وفوق هالشي روكي قزم لحاله بين مصارعيـن الانتـر شلون يطقها بـ راسه
ديل نيرو
مستـوى طيـب قدمـه سيميونـي ولكن افتقدنا لـ خطورة انطلاقات كولاروف بصراحـة
ليشتستاينر
مستـواه ثابـت لكن لازم يركز اكثـر على عرضيـاتـه
كولاروف
المركز الجديد فايدتـه ان يعطي مساحـة حلوة لـ الكسندر يشـوت على راحته
لكن للأسف امـس كل شوتـات كولاروف داجــه !! مدري ليـه
بارونيـو
خطأه الوحيـد بالمبـاراة التباطئ الغريـب بـ تغطيـة رفعـه ستانكوفتش اللي جاء منهـا الهـدف
وغلطـة الشاطر بـ الف .. واللا بقيـة المباراة كان ممتـاز في قطـع الكور و التمريـر
مغنـي
كان زيـن وكل ما تجيـه الكرة يحرك اللعـب بشكل اسـرع
استغرب استبـدالـه كان المفروض يبقـى ويطلع الدجـه ماوري
مـاوري
مريـــــض لاعـب بطيء ويأخر اللعـب بشكل مو طبيعـي
وما غير يطيـح ويسنـدح يدور فاولات .. ورغـم طوله وانه ممتاز بالكرات الهوائيـة
اللا انـه امـس ما قدر يناطـح اي لاعب من لاعبي الانتـر
روكـي
ما عليـه لـوم ابــد واستغـرب اللي يلومونـه .. حاول التحـرك لكن مو قادر ابـد قدام دفاع الانتـر
مهاجم وحيـد وما توصلـه اي كرة سنعـه وش تبونـه يسـوي !
لما دخـل كروز ولعبنـا بـ مهاجميـن شفنـا في تحرك هجومي
كروز صار معاه لوشيو و روكي صار معاه كوردوبـا .. ودفاع الانتـر انفتـح
لكن غلطـة بالارديني انه طلع مغني كان المفروض يطلع ماوري
ويخلي مغني لـ صناعـة اللعـب يحرك اللعـب اسـرع من السلحفاه رقـم خمسـه
كـروز
قدم مستـوى طيـب وشات تقريباً شوتيـن لكن بعيدات عن المرمى
لكن شوتاتـه قويـة جداً واستغربت هالشـي .. الظاهر من حقده على الانتـر
ومثل ما قلت فوق بعد دخول كروز تحرك الهجوم شوي لأن دفاع الانتـر انشغل بـ مهاجميـن
فيرمانـي
دخولـه كان لابـد منـه لـ عودة كولاروف لـ مركزه الطبيعي وتبديل كان حلو
وفيرماني كالعادة كان متفرغ للضغط على حامل الكـرة
ماكينـوا
دخولـه زي عدمـه ! .. استغرب من بالارديني ما طلـع ماوري ولعـب ماكينوا مع روكي و كروز
لـ محاولـة البحـث عن هدف التعادل .. انت خسران خسـران لعـّب ثلاث مهاجميـن
بالاردينـي استغرب من هالمدرب هل هو مستسلم نهائيـاً ويفكـر بالميركاتـو و التدعيمـات !!
امس الانتـر كان ضايـع وما يقدر يهاجم بسبب التكتيك الدفاعي المميز اللي الكل يشهد لـ بالارديني فيـه
لكن انت انقرصـت من 14 مبـاراة .. تلعب بـ مهاجم واحـد والعادة يكون زاراتي وخلفـه ماتوزاليم وفوجيـا
هالشي ما جاب لك الاهـداف ابـد !!
في مباراة جنـوا لعب بالارديني روكي و زاراتي وشفنـا كيـف الخطورة كانـت والهجوم كان ممـتـاز
نقاط عامـة
امس اللاعبيـن كل واحـد تجيـه الكورة يلعبها باس على طول ؟ كأنهم خايفيـن من الكورة !!
والمشكلـة الباس اللي يلعبـه يوهق فيـه خويــّه !
الكرات الطوليـه اللي يلعبهـا سيفيليـا و ديل نيرو و بارونيـو و كولاروف !!
مدري شنو الفايـدة منهـا لعبتوها مرة مرتيـن خمس عشر ولا كرة فادت !!
روكي لحالـه بين مدافعيـن الانتـر وش يسوي بينهـم
خلاص المفروض يصير اللعـب على الارض !
وسيفيليـا طبعاً صاير ليفراني اكثر واحـد مصخهـا
من تجيـه الكورة على طول كرة من الدفاع للهجوم
نقطـة اخيـرة حول زاراتـي
انا من اللي ينتقدون زاراتـي ( الاناني ) اما زاراتي ( الجماعي ) اللي شفناه مثل جنوا هذا ما انتقـده ابـداً
بالنسبـة لـ أخواني اللي يقولون فقدنا زاراتي
انا ما ادري هل انا الوحيـد اللي اتابـع لاتسيـو واللي ملل المباراة اللي امس وبروده هي خلتكم تقولون هالكلام
زاراتي بالدوري له هدفيـن ترى واحد من ركلة جزاء قدام بارما وهدف ثاني قدام باليرمو طقت بـ لاعبهم ودشت 
واذا هي قدام الانتـر اعتقـد تعليقات اكثر اخواني في مباراة السوبـر كانت واضحـه حول مستـوى زاراتي وانه ما قدر يسوي شي قدام خشونـه لوشيو و مونتاري و موتـا و مايكون
انا لا ألوم مهاجميننـا سواء هدافنا الحالي كروز او نجمنا زاراتي او الكابتن روكـي
لأن مشكلتنـا اننا ما عندنا صانـع العـاب فعلي من طراز رفيـع يدلع مهاجميننا
ماتوزاليم و فوجيا و ماوري و مغني محد فيهـم يصلـح
واصلح واحد فيهـم مغني كل شوي مصاب واجهادات عضليـه تبعده عن اللعـب
فريقنـا ناقصـه صانـع لـعـب ممتـاز وحزتهـا يكون لنـا كلام عن هجومنـا